小津居酒屋

營業中

休息中

話說嗰日放工想食餐好少少，見門面幾靚，就入去試下啦。應該都唔差得去邊啦。由於有咗嘅關係，主要都係熟食為主。首先食咗個燒牛舌，正正常常冇咩驚喜丫呢個炸三文魚芝士餃子，喺佢個快板度見到，諗住入面有芝士都應該唔差得去邊，點知完全唔覺有芝士。呢個烏冬，個湯清到…..比平時喺屋企烚完雞柳嘅湯濃少少咋不過唔係難食，都食得晒炸雞皮都正常，不過要趁熱食豬頸肉味道正正常常，又冇咩驚喜，最驚喜係冇諗過佢加酒同點火。壓軸真係要講下呢個138蚊嘅赤海老汁海鮮沾麵我覺得值50蚊真心俾得呢個價，諗住個汁會好濃蝦味，點知蝦味有少少，最奇怪係我食到泰式辣醬味，完全冇諗過個汁係辣辣地仲有嘅係原隻蝦頭都冇同埋係沾麵，冇諗過你炸咗個麵餅完全沾唔到麵，簡直顛覆咗我對沾麵嘅認識。以熟食嚟計，要努力改進一下。茶又冇茶味

梭椏道多了很多特色小店既有日式裝橫按摩店，又有特色咖啡店估唔到仲有返家鄉感覺的日本小津居酒屋！小店開了幾個月！裝修很有日本feel，而且仲有駐店專業唎酒師酒匠特別介紹清酒同美食配搭！今晚點左佢哋推介的串燒，炸物！果然好有驚喜！1. 水母-比較特別並不是平時可以食到！2.廣島燒生蠔-燒到啱啱好！3. 山椒燒B B鴿- 必食推介！4. 燒味噌豬腸-如果你係豬腸fans ！必定要食！我哋食完再加追！好味！5. 慢煮青檸雞胸肉沙律- 非常清新，估唔到個沙律菜係冰菜！好爽口！6. 唐楊池魚-一口池魚非常脆卜卜7. 雞皮餃子-第一次食，非常邪惡之餃子8. 青花椒炸三文魚頭-必食推介！我係唔好三文魚但係㕑師用青花椒調味再加脆皮三文魚！超級好味😋至大驚喜的一度菜式下次會再去試試佢地海膽和牛煲仔飯同味噌牛腸鍋！

三文魚吞拿魚油甘魚帶子刺身🍣推薦指數⭐️⭐️⭐️⭐️⭐️人生未食過咁厚嘅刺身，應該有成寸厚，而且勁新鮮，個帶子又鮮甜，大家真係一定要試吓生蠔推薦指數⭐️⭐️⭐️⭐️原本我以前唔食生蠔，試過呢度嘅生蠔之後令我改哂觀，完全唔腥，肥美鮮甜唔記得咗係咩名嘅鯛魚(好似係金目鯛）推薦指數⭐️⭐️⭐️⭐️肉質爽口，味道鮮甜，食嘅時候可以唔點豉油，試吓佢原本嘅鮮味鮮味深海池魚(好似係)推薦指數⭐️⭐️⭐️⭐️肉質比較冧，塊皮煙煙韌韌，冇喺其他地方食過呢種魚，都幾特別燒雞翼推薦指數⭐️⭐️⭐️⭐️⭐️個皮燒得啱啱好，勁脆，但入面啲肉仲好滑好嫩雞腎推薦指數⭐️⭐️⭐️同平時嘅燒雞腎差唔多，都幾爽口清酒平時冇飲開清酒，但係呢隻果味幾足，算易入口，同埋冰鎮住好飲啲裝修好有特色，喺度食晚餐勁有feel，好適合同朋友嚟食個晚餐聚吓舊🫶🏻同埋服務態度好好，其中有個人係以前教人點飲清酒嘅老師，仲專登出嚟介紹嗰支酒有咩特色🔥

被這店舖外面門口吸引入 於是同honey 入去試吓，店員招呼不錯，她特意介紹幾款日本食物 包括水母刺身 海膽杯 另外三文魚壽司 油甘魚壽司鮮帶子壽司 雞皮餃子 關東煮 還有燒辣椒仔 及串燒雞肝及雞腎最後來多一碗豚肉烏冬 直得下次再來幫襯 。

本來到附近一帶行一下寵物店，之後響附近行下行下見到有一間門面好特別既日式餐廳，之後就擔粗粗跟屋企人入去試下，當然門口大門裝飾雖然吸引到我眼球，但當然食物質素都係最重要，我地點了如唐揚魷魚圈，雞皮串燒，燒雞腎串燒（my favorite），味淋魚乾，青花魚定食，牛小排定食，特上刺身丼，而我就覺得呢間日式小津居酒屋食材唔錯，主要係夠新鮮，餐廳內後生員工亦好細心及禮貌向我地上菜，呢點係值得再加分，更估唔到餐廳幾位老闆更會跟我地食客作交流，交流中想聽下我地食客意見，今次飯局整體感覺確實唔錯，我會比92分，唯美中不足呢間店較為早收，收10:30及暫時未有酒牌，待有酒牌時必會再來光顧👍

沿住窩打老道嘅橫街有好多食肆可以選擇。雖則係咁，呢頭有新餐廳都會充滿期待咁去試吓，所以就去咗呢間新開冇耐嘅日本居酒屋試一試。今次去食lunch叫咗角切魚生飯定食，定食連湯、沙律小食同一個茶碗蒸，食物質素都唔錯，食得出用料都係新鮮同落足本。不過最令人意外都係服務態度。當我哋啱啱食完打算飲埋杯茶嘅時候，個侍應突然直接遞張單埋嚟叫我哋埋單先，目測當時餐廳外只係有人等緊外賣，而冇人等緊堂食，我哋亦未叫埋單。食物質素做得好，但咁嘅服務態度都好難有下次。

街坊朋友介紹何文田新開居酒屋，主打串燒及燒物，暫時未有酒牌好彩朋友醒目帶咗兩枝心水清酒嚟暢飲，唔係就真係有啲到喉唔到肺！🤣講返嘢食，我地聽大廚介紹食咗條佢地自己「曬月光」嘅一夜干，魚🐟皮燒得甘香脆口，內裡軟熟多油。飲多幾杯再試埋朋友間嘅大好物燒雞皮，脆口夠香，食得出係慢火燒，唯一挑剔係調味淡咗啲，唔飲酒嘅客人可能會覺得ok, 印象比較深刻係雞皮餃子🥟，依度做得幾有日本嘅味道，脆口易咬而且雞油滲哂入餃子，飲多啖酒望住歌舞伎町嘅背景即刻咩回憶都返晒嚟！朋友幾個食得飽飽之際見隔籬枱上咗個和牛海膽煲仔飯，睇色水和牛medium rare ,能夠將西餐扒房fusion 巧思融入居酒屋, 你好嘢！下次我會再嚟試試啲新菜色！入面裝修唔錯，好有日本地方居酒屋情懷，想返鄉下嘅朋友仔可以嚟止吓痕。地點勝利道後面，兩條街都有咪錶位，見到勝利道有幾棟新樓落食，睇嚟依區越來越好似小津咁俾到驚奇街坊嘅小店！

舖頭細細間，環境很不錯，唔會太嘈👍🏻食物質素非常高👍🏻 每款食物都沒有令人失望燒雞肝非常有驚喜😍燒得好香口👍🏻外脆內軟，真係好好食~ 另外燒豬腸都唔錯，完全唔會有油膩嘅感覺👍🏻👍🏻👍🏻 因為新開，未有酒牌，所以要自己帶酒 🍶🍶🍶 整體嚟講都很好，會再encore. 見到隔離枱叫咗”海膽和牛煲仔飯“，好吸引😍 下次要試~

仿如致身日本小店深淺原木色很日式小店風情！由老店六本木大厨主理很有水準！先來了海胆杯牡丹蝦三文魚腩腩剌身食材新鮮足料！再試了牛舌串燒和燒青魚燒乳鸽有清新香料味！燒得出色！至爱鷄皮餃子！有特式！必食！小店只十張枱很有日式小酒舘感覺試了半黑白日本生啤配串燒一流推介！位置有遍但近勝利道！可以再試其他菜色二人中等價位約共$600比六本木抵食！