小河內

This street is conspicuous and I’m pretty sure that I seldom walked into here. This little Vietnamese restaurant is genuinely a gem. The Vietnamese rice rolls with crispy soft shell crab and lettuce salads were diamonds, 10/10 delicious and made to order. I love everything deep fried and these butter wings were absolutely a must-try. Seasoned just right, marinated with heartiness, and very juicy inside. The pho noodles were tasty, and the vinaigrette dressing was made in house, it made you want to add more while not making you thirsty. Lady boss was very friendly, chatty, good looking and kind. She served us hot soothing glasses of lemony drinks, with some fresh passion fruit seeds within! …查看更多

午餐時段到上環永吉街的【小河內】試了他們的午市套餐，以 $92 就可以享用牛油雞翼、河內綜合河粉及熱越南檸檬茶，性價比相當不錯。上菜速度明顯快，對忙碌的上班族來說是一大優點。牛油雞翼香氣撲鼻，炸得外脆內嫩，油香與醬味交織得恰到好處——可說是整頓飯的亮點。主角河內綜合河粉份量十足，湯底清而不淡，配料豐富，吃畢相當有飽足感。熱越南檸檬茶酸香開胃，完美收尾這頓暖心午餐。整體而言，小河內的午市套餐以快速、飽足、入味取勝，是上環想吃越南風味時的一個可靠選擇。…查看更多

最近會路過上環，之前經過一次冇幫襯但店員都好友善打招呼，所以今次決定黎幫襯 。🔼 叫左個烤雞扒撈檬夏天天氣熱好鍾意食檬粉好清爽開胃 。雞扒皮脆又薄，食落脆冇肥膏但唔乾柴口感好，加上醃製咗所以好夠味，蔬菜配料切到幼絲又新鮮，檬粉條條清爽分明，配上檬粉汁，整體平衡、恰到好處 🤤食完覺得好讚所以都想再試埋小食🔽 越南春卷（仲會配幾塊生菜🥬比你）春卷好鬆脆新鮮，配埋生菜好fresh 解膩店員話點汁會更好味，仲好友善咁教我要搖勻檬粉汁再幫我倒 。💭越南餐廳、檬粉食過好多間，大多數都有一定水準 ，但呢間難得令我好味到想讚佢想推介😍👏🏻整體感覺好好： 食物好味、店員友善親切、環境簡單舒適、價錢合宜！好棒！好好味😋！想再食！…查看更多

昨天，堂食試吓，覺得老闆娘好親切，我同朋友叫咗兩件午餐，兩份主食都一樣的，首先講下個前菜，我就要咗個牛油雞中翼（有兩隻）剛炸好的，朋友叫咗青木瓜沙律，味道都唔錯，跟住嚟個香茅豬扒湯檬粉，豬扒都係即叫即做，所以都幾好味，飲品大家都係叫越南檸檬茶，茶底同茶餐廳都有啲不一樣，幾好飲，最後食完就問老闆娘，因為有另一個朋友係素食姐，睇下有無啲咩啱佢食，老闆娘都介紹咗小食，飯，麵，包類都有素食，所以下次一定帶朋友過嚟試，最後我食完都無話平時去食越南咁口渴，應該無咩味精同糖，唔錯唔錯，一定會再來。…查看更多

上次又揾同事食lunch，呢次就揀咗食越南野佢有個lunch set $78有小食，主食同飲品，咁小女子就揀咗牛油蒜香雞翼，河內綜合湯河(要加$10)同凍檸檬茶對雞翼炸到表面卜卜脆，個皮又薄，肉質多汁嫩滑，好香牛油蒜香味，食個時仲熱辣辣架估唔到個小食咁有驚喜今次就揀咗湯河，材料就有生牛肉，兩片扎肉，一粒肉丸同雞絲，份量唔算太多，不過生牛肉都唔韌，河粉質感順滑，唔會一舊舊，至於個湯又幾清甜，令到成個湯河都幾清爽凍檸檬茶就正常發揮呢間係lunchtime期間都唔洗等好耐，而且佢有兩層，上面坐位又靜d，想傾計耐d都得…查看更多

下午茶時段行經永吉街想醫肚，放棄常吃的雲吞麵，改而試試對面的越南小店“Little Hanoi". 店舖不大但也整潔，第一次光顧所以點了下午茶餐牌$62 的「綜合湯粉」，問了侍應綜合是有齊生牛肉、牛丸、雞絲、扎肉等等，方便我一次試晒各種食物質素。飲品要了越南凍咖啡要加$12，所以整個下午茶餐便要$74。綜合湯粉送到，碗是很大的，湯也很多，但河粉和以上所述配料強差人意。牛丸只有一粒（size 很細）還要切開兩半，咬下去完全沒有肉味👎 雞絲和扎肉味道和食物份量正常。只有生牛肉質素不錯但只有幾片。湯底也是大路貨並沒有濃濃的牛骨味。反而要加$12的越南咖啡（凍）很可口👍總括而言，在上環小巷中的越南小店，下午茶要收到70多元吃這品質和份量，我不會再回頭了。…查看更多

原本係諗住試吓佢附近一間fusion菜嘅餐廳-Daap, 但係去到先知原來只可以預訂冇得walk in, 於是朋友仔就話不如試吓呢間越南餐廳 - Little Hanoi。見佢$76一個lunch set, 而且見到一個疑似係越南🇻🇳人嘅老闆娘，覺得應該幾正宗，一於試吓佢，點知真係幾唔錯，我哋兩個人叫着生牛肉河粉，燒雞撈檬，配兩份小食 - 牛油蒜香雞翼同埋越式炸春卷，連凍檸茶。生牛肉正常發揮啦，出色嘅係燒雞同兩份小食，燒雞調味恰到好處唔會太厚，燒完入邊仲好Juicy，牛油雞翼大大隻，春卷好新鮮，冇乜油益味。原本仲怕唔夠食，最後食完飽到捧住個肚走😅。果然大病初遇，戰鬥力係爭啲。期待下次試吓其他嘢😊…查看更多

嚟到這間店隨即就俾那股家鄉味道迷倒了🍜。今次點咗個中生牛肉河粉，湯底味道就好似屋企煲嘅雞湯咁暖胃，一啖清甜，好滋潤。河粉滑溜溜，中生牛肉薄片潤潤哋，浸吓湯出嚟啖啖都嫩滑過癮。開胃菜揀咗個青木瓜沙律，微辣微酸，啖啖開胃，真係食完仲想再食。擅自夾咗啖朋友啲牛油雞翼，外皮吱吱作響，宜家滿腦子都係嗰啖香噴噴嘅味道，抵贊！下回光顧，絕對係首選。啲河內魚餅，外脆內嫩，魚肉彈牙嘅口感夾雜咗越南香草嘅清香味，一啖咬落去，一股股香味喺口腔裏四散開來，正！呢間店嘅食物真係有陣陣屋企味，抵食得返，希望下次再嚟可以食到其他嘅好野！👍🍗🥗…查看更多

打去叫外賣，員工掛住應餐廳其他人，我講左一句cut我線。再打又係咁，咪等佢講完我先再講，個員工又唔出聲叫我講得仲要話返我轉頭，唔想人打來不如吾好接電話啦咁巴閉．．…查看更多

是日經過上環，見到間店面細細既食越南菜餐廳，內裏裝潢簡約 燈光昏黃ꨄ 環境唔錯～不過座位唔算多，午市就大排長龍。。揀左款𝐥𝐮𝐧𝐜𝐡 𝐬𝐞𝐭價錢𝐇𝐊𝐃 𝟕𝟒 : 主食，小食，飲品🔸河內生牛肉湯河賣相吸引，生牛肉份量唔多 但頗有牛味🥳湯頭鮮甜，配埋洋蔥香味 感覺幾醒胃～河粉唔會一夾就斷 唔錯✨.🔸牛油蒜香雞翼套餐包兩隻雞翼 牛油味幾香 食落外皮好脆口～醃製得幾入味 同行嘅朋友全部都叫雞翼 🤪(唔啱仲可以揀沙律或者牛肉丸湯) ✨.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌕🌕🌗自私評論：午市嚟食要預早少少，如果12:30打後就有心理準備要排隊，因為間鋪都算幾有人氣，感覺都唔錯🤤🤤會𝐞𝐧𝐜𝐨𝐫𝐞 ✌︎︎➖➖ ➖➖ ➖➖ ➖➖ ➖➖ ➖➖ ➖➖ ➖…查看更多

今天做物理治療，經過永吉街，小小的街道己有好多食店，看到有兩間越南食店左鄰右里，我就入了一間名叫小河內的。適逢剛開店無太多人，我就叫了一碗越式綜合湯河。湯味清甜，地道越南湯河味。湯夠熱，只是綜合的牛丸有根，好痴牙；而扎肉就中規中矩。應該是來貨，但我鍾意食扎肉，無問題。那個附送的小食牛油雞翼，香口脆漿炸得不錯，好味。唯一是那張座椅細到好難坐，冷氣太凍。但食物不錯，補回缺點。如果論食物味道，就無大驚喜，但就好地道越南粉的口感。…查看更多

星期六在中環畫班放學，路經永吉街，會心思思去食越南嘢，試過附近好幾間，小河內係首選。店內走簡潔chic 路線，窗明儿淨，老闆娘十分好客有人緣，總给人賓至如歸嘅感覺，此亦為小店一大賣點。必食生牛河，燒雞湯河，豬排魚餅亦不錯，凍飲青檸梳打好refreshing，必試。下次有機會，會試吓menu其他款色。個chef 好風趣，會出來同人傾兩句，閒談間，得知原來每日晨早返店淆個湯底，吾怪之得湯頭清甜。 所以我會回頭幫眕呢間小店，見吓老闆娘，食吓好嘢。大家不防一試…查看更多

友人介紹到下，就走到小巷內的越南小店。看到OpenRice上的comments好壞參半，確實有點擔心。不過一踏進鋪內，已給熱情地招待，即時送上水杯和餐牌。選擇還多的，由Pho到咖哩飯都有。不過身為越南河粉的死忠，都沒有多想就點了廚介推介—集錦越南河粉。等了大概5分鐘，我周圍望下裝修。侍應發現我的舉動，立即貼心地解釋，因為時間尚早，廚師要準備熱湯，要用上多點時間，讓我耐心等候。不消十分鐘就湯麵到了。湯底輕柔，不過太過濃厚。不論手絲雞到生牛肉都不錯，沒有太大的味覺衝擊，就是一碗家常小麵。…查看更多

lunch time 見好多人排，又想食越南野，就加入排隊隊伍。等緊既期間見Open rice 食評都唔錯就幾放心。點知。。。叫左個雞絲湯粉同牛油雞翼set. 個牛油雞翼真係又熱又脆幾好食，個湯河就唔得啦。。。睇相就知撕得好求，再者，雪藏味濃，真係好難食。。。成餐就只食個河粉呢到lunch time 好亂，不斷上錯野，又或者上到檯d野係凍既。。。侍應之間溝通好差，我地每次都要講番邊樣到左邊樣未到。。。朋友叫左個香矛豬扒飯，d豬扒係凍既。。。 最攪笑佢會有d 整好左既野飲係樓上，你叫中就即時比你，但你完全唔知係到放左幾耐。。 感覺衛生麻麻。 …查看更多

聽朋友說起這家小店的故事，特意找個晚上前來試試。一進店門，老闆娘和店員即熱情招待我們坐下。牙車快沙律和蝦餅味道很不錯，份量亦頗大，我相信會再來試試其他小食。可惜湯粉卻不及小食出色，生牛肉湯檬湯底較淡，檬粉亦有些黏在一起，可能配河粉會較好。而順化牛肉湯檬湯底夠濃郁，配料有牛肉、豬手、扎肉，愛吃肉的朋友會很滿足。一如其他朋友形容，這家店有不少熟客。整晚都聽見老闆娘和進店的客人閒談，想必是一直用心打理的成果！…查看更多