小曼谷

平價泰菜晚餐 環境舒服 適合聚會約咗朋友喺九龍城搵泰國菜，俾門口個fing手公仔吸引咗入黎😂地方乾淨，坐得舒服酸辣燒牛肉$38 晚市有優惠菜式，$38三揀一，因為特價嘢會好細，點知嚟到一啲都唔求其，牛肉半生熟，質感好好，醬汁少少酸辣，開胃好食.明爐香檸汁蒸烏頭 $228 烏頭大條，魚肉新鮮無泥味，香檸汁酸香開胃，魚肉滑溜菠蘿雞肉炒飯 $92 炒飯粒粒分明，有雞肉同蔬菜，炒得香口。分量足，好有泰國風味椰汁西米糕最後仲送咗兩件西米糕，呢個勁好食喎，結果想再加單嘅時候發現已經賣晒，下次一定要食！🥲椰青 $49 椰青夠冰凍，飲落清甜，解渴又解膩。樣嘢埋單$407，味道唔錯，價錢合理，份量足夠，可以encore!…查看更多

近地鐵站~外邊仲有打卡位牛肉沙嗲串燒肉質夠晒嫩，咬落仲有肉汁爆出嚟！沙嗲醬香到暈，椰香同花生味好平衡，配埋熱辣辣嘅炭燒香，一口一串根本停唔到口風味燒豬頸肉配泰式海鮮炒飯豬頸肉燒得外皮微脆，入面軟腍多汁，蘸埋甜酸汁超開胃！炒飯粒粒分明，蝦同蜆肉夠新鮮，蛋香同泰式香料好夾，食落好有镬氣，兩樣搭埋一齊，飽肚又過癮。 泰式豬手飯，豬手炆得夠腍，皮咬落QQ地，肉一吮就脫骨！醬汁鹹甜得宜，仲滲住少少南姜同香茅味，撈埋白飯簡直絕配。底層仲有吸滿醬汁嘅蘿蔔，解膩又入味，一碗落肚超满足。 泰北木瓜椿鳳爪，木瓜夠爽脆，鳳爪鹵得夠味又唔會太腍，咬落有嚼勁！酸辣度啱啱好，香茅、蒜粒同魚露嘅香味好突出，食完口腔仲有陣清香，開胃又醒神，餐前食一碟最正。 …查看更多