小曼谷海鮮燒烤屋

營業中

休息中

呢幾日真係好熱，熱到好似去左泰國咁，令人好掛住泰國菜既味道🌍🌍今日去左九龍城呢間小曼谷海鮮燒烤屋🍢🍡呢間餐廳出名除左一般泰國菜之外，仲有大量串燒同燒海鮮比大家揀🦀🦞🦐而且串燒仲好抵食。我地叫左香葉辣肉碎煎蛋飯🍛海鮮炒公仔麵🍜馬拉盞炒椰菜苗🥬同埋幾串串燒🍢我最鍾意個辣肉碎煎蛋飯，因為啲肉碎真係炒得好香口，而且個煎蛋仲係燶邊流心既。海鮮炒公仔麵辣得黎好惹味。估唔到係個炒椰菜苗都夠晒鑊氣，而且份量十足。值得一讚係員工好有禮貌，食都食得開心啲。

嚟到九龍城，食泰國菜係首選，而呢間就對住大街，又多顧客已經在店內，所以好有信心揀呢間。餐牌上嘅食物價錢都算合理，見到其他枱食物份量都好足，已經開心咗。首先就叫咗海鮮孖寶，牛油蒜蓉燒大蟶子3隻+鹽燒鮑魚2隻，共$228，味道同表面睇兩款都係鹹魚仔蒜蓉蔥花先蒸後燒海鮮，所以有啲啲失望，味道都ok嘅，感覺偏貴咗少少。冬蔭公鮮蝦雲吞（5粒）湯，辣味大眾化，用熱窩上，唔會變涼，所以好好味。串燒牛肉已經係趁熱即食，都偏硬，沙爹醬合格，冇驚喜。最後，泰式鐵板蠔餅真係將一餐原本普普通通嘅泰國餐提升咗幾級。首先由服務員離遠行嚟送上枱已經聽到鐵板嘅喳喳聲，跟著慢慢聞到香味，放上枱就見到係炸到好鬆化係蠔餅，而且唔係平時食嘅好多粉嘅旦漿，我個人認為佢可能冇加粉，入口鬆化，旦味濃，蠔仔份量又多，最有驚喜係用芽菜墊底非常出色，原本上枱時仲係生嘅芽菜，一路食一唔被鐵板加熱，芽菜水份開始熱，令到蠔餅保持熱嘅溫度，又唔會俾鐵板煎燶，到芽菜開始軟身，吸收咗蠔餅嘅味道，食埋芽菜令口腔變得清新同冇咁熱氣，真係完美。

一去到九龍城，就會諗到食泰菜，泰國菜在九龍城到到都可以見到，但係都係想食番小曼谷的，因為曾經食過銅鑼灣店，但九龍城店，又真係未曾試過。今日星期1晚，都已經8點30，仍然係座無虛席呢!等了一陣，總於有位。 食物方面，這間小曼谷係海鮮燒烤屋，所以呢，第一樣已經好想食佢地既燒海鮮。第一樣叫的就是鹽燒鮑魚鮑魚超新鮮，其實佢配料唔多，就係鹽再加上蒜，已經食得出燒烤風味，仲有就係鮑魚鮮味，根據你既個人喜好，再沾辣醬的，正!其實睇到鮑魚都好厚肉，而且火喉掌握得好好，食曬飽魚肉既嫩滑。 另外，亦叫了燒雞肶菇，仲有雞肉串，每串$16，其實燒得好好，燒烤風味濃，亦有提供沙哆醬，十分香口惹味。 另叫了一份鐵板豬頸肉馬拉盞通菜，其實本身友人係想叫馬拉盞通菜，但加多10幾蚊，原個鐵板上，再加豬頸肉，咁一於就叫佢。鐵板上菜時係全熱既，就好似食牛排咁，一陣既香味已迎面而來，再加上鐵板將豬頸肉再煎一煎，香口十足。鐵板令食物曖度保存，所以食到最尾仲係好熱，超好味，而且好大份。 飯就叫了香芒海鮮炒飯，啖啖鮮芒果肉，係飯裡面，令成個飯感到清新，而且之前叫的都係咸食，所以有芒果肉就正好帶來另一番既味覺享受。 飲品，叫了一個椰

九龍城最多當然係泰國菜餐廳，而係咁多餐廳裏面呢間小曼谷係其中一間必食嘅餐廳，相信就算冇食過，好多人平時搭車都經過見到同埋好香嘅燒烤味。咁今日就同屋企人黎食餐好嘅泰式豬頸肉泰式豬頸肉嘅份量好多，燒得香脆之餘仲保留左豬頸肉嘅油脂味燒虎蝦大大隻嘅虎蝦，肉質彈牙芒果海鮮炒飯呢個炒飯炒得飯粒分明，芒果好甜配埋炒飯食好開胃軟殼蟹咖喱包軟殼蟹炸到好香口，食落去好滿足，唯一不足就係調味太鹹，而個咖喱包實在太大最後都食唔晒

串燒我哋點左好幾款，雞翼就係必點燒得都好香口！牛脷係比想像之中嫩口，食落好有牛味，另外都點左平時少見嘅墨魚咀，十分之有咬口，而魷魚鬚更加係必試！配埋個沙嗲醬汁，越食越開胃！除左串燒我哋都係好中意食牛嘅，於是都不忘叫左份燒牛仔骨，呢三件牛仔骨有用心去烤，啲汁仲留到係肉上面，食落一啲都唔柴，口感十分之好，牛味更加唔洗講啦，十分推介一試！另外都叫左個鐵板豬頸肉炒芥蘭，份量十分之多，豬頸肉都好多，呢份一上菜係鐵板上仲聽到啫啫聲，食落好夠味！豬頸肉都有烤過先再加落去炒，一啲肥肉都無，好香口！最後我哋都叫左個香辣肉碎炒飯，個飯睇落平平無奇，食落後啲香料香氣慢慢散發出嚟，辣度都幾岩，越食越香口，仲有隻蛋配埋，起碼都有兩碗飯嘅份量，十分之抵食

上次食完小曼谷，食過番尋味，今日經過九龍城，發現原來呢到都有分店，忍唔住再食多次😋🦐泰式鮮蝦炒金邊粉 $88 9/10🦐金邊粉炒得好香，食落唔會太甜，再配上新鮮青檸既酸味，真係好夾啊😋而且啲蝦好大隻，食落仲好爽口彈牙🤩🥘泰皇咖喱炒蜆 $148 8.5/10🥘個咖喱炒蜆一上枱果陣真係比佢個size震撼到，超級大碟🤣蜆肉都幾多下，又夠新鮮👍🏻啲咖喱拎黎送飯真係一流，甜甜地又有啲蛋香味，食落都唔會有油膩感☺️🐮泰式燒牛仔骨 $68 8.5/10🐮牛仔骨真係好抵食，$68有3塊咁多，食落好香口，有炭燒味嘅同時黑椒味都好重，又唔會話烤得過熟，肉汁鎖得好好，食落好嫩好多汁🍑🥭芒果沙冰 $36 9/10🥭一飲落去就飲得出係天然嘅味道🙆🏼‍♀️有新鮮芒果嘅香味，酸酸地又有啲甜，但係唔會好似平時加糖漿嗰種過甜，岩曬夏天飲☺️整體食落味道質素都好好，價錢同我哋上次食銅鑼灣嗰間分店比價錢仲平咗少少，如果平時經過九龍城呢邊都真係幾好嘅選擇啊💁🏼‍♀️💁🏼‍♀️☺️———————————😋味道：9/10🤵🏻服務：8.5/10💰抵食：8.5/10⏳排隊時間：0分鐘

好耐冇食泰國菜 今次食 咖哩軟殼蟹 佢嘅咖哩真系好好味 軟殼蟹都好脆 點埋個咖哩汁 真系好jeng 啲staff 嘅服務態度都算唔錯 不過上菜就有啲耐 碟軟殼蟹等左成45 分鐘先黎到

好耐無黎九龍城! 既然黎左，就一定要幫襯下小曼谷海鮮燒烤屋😊夜晚七點去到，已經好多人，店員安排左我地去內街果間分舖坐。我同朋友兩個人總共叫左六樣野，包括泰式生蝦刺身、鐵板豬頸肉椰茶苗、泰皇咖哩炒蜆、冬蔭公湯（小）、蒜蓉包、白飯 （朋友話一定要用咖哩汁撈白飯食）。每樣野食既份量勁多，由其係菜同蜆，上菜果刻個份量多到我同朋友都嚇左一嚇，絕對係大件夾抵食！不得不讚下個冬蔭公湯，真係好足料，由其係佢隻虎蝦（敗筆係唔記得影低佢）真係好大隻，肉質爽口彈牙，裡面有兩隻，同朋友一人一隻岩岩好！遲啲九龍城地鐵站開通，一定會多啲黎食😊

泰菜是中菜之外最愛的菜式，小曼谷算是其中一間久不久就會光顧的泰國菜館，是夜特別叫了之前未試過的菜式。芒果沙冰 芒果沙冰未算太濃杰，味道甜美，解辣效果不錯。泰式醃粉絲海鮮沙律 醃粉絲沙律的味道與青木瓜沙律很相似，同樣酸辣度十足，開胃惹味。此菜醃粉絲是主角，海鮮有魷魚及鮮蝦，份量不多，但亦爽口彈牙。泰式飛天炒通菜炒通菜上枱時熱得出煙，與前菜相比，同樣辣度十足，新鮮爽脆。小曼谷五星燒雞(半隻) 燒雞有足半隻份量，皮脆肉嫩，就算是雞胸位亦不嚡口。雞肉有燒過的香氣。

九龍城實在太多富特色嘅泰菜餐廳啦, 今晚黎左li間門口好eye catching(有個fing fing吹氣公仔)嘅小曼谷食飯, 7點幾已經等枱lu超人氣🤩.🇹🇭冬蔭鮮蝦雲吞湯(HKD128)🦐原本嗌冬蔭公湯, 但見到有埋雲吞真係why not both?🤪li度雲呑比坊間好多雲呑麵店更大粒多蝦肉, 雖然無一大隻虎蝦但一樣非常重鮮味😋, 每啖除左辣湯之外係啖啖好大舊嘅菇.🇹🇭泰式鐵板蠔餅 (HKD128)Li個超正!!! 我未食過咁Airy/ fluffy/ 厚身/ 多蠔仔嘅蠔餅ga, 最perfect用鐵羹操作因為旁邊個d粒粒脆脆係唔可以miss嘅, 以煎蠔餅計, d蠔size算大, 而且口感新鮮無霉, 同埋真係好大份.🇹🇭泰式醃豬頸肉沙律 (HKD108)我會稱li碟做泰式醃豬頸肉, 因為d生菜原來只係配菜, 成碟都係豬頸肉!!!正!!! 一啲都唔多脂肪, 但食落好有層次感而唔肥, 有燒過+厚切好好味.🇹🇭泰式奶茶 (HKD28)色水無cha tra mue咁橙, 但味道係Thai Tea味道👍🏻, 食辣辣地嘅泰菜除左飲沙冰其實Thai Tea都啱味架.🇹🇭我地坐正廚房個出入口,

突然好想食泰式串燒去九龍城行個圈俾門口熱情嘅「吉祥物」呼喚我就揀左呢間啦呢度啲串燒好抵食豬牛雞呢啲必食嘅都係十幾蚊一串仲係逐串計 唔洗好似出面有啲餐廳咁一定要焗你叫半打每種肉類嘅醃料都唔一樣 唔會食極都一樣味我最鍾意係雞肉 燒完依然非常嫩滑加埋秘製沙嗲醬 好香花生醬味牛舌超正 勁厚切個皮燒到少少焦香 入面好軟好嫩墨魚好有咬口好鮮味再叫左兩款泰式小食炸雞棗份量超多 如果可以有細份叫就好喇泰式炸蝦餅（細）細都有三大件好似donut咁嘅造型入面食到粒粒蝦肉 好爽口彈牙珍多冰椰汁沙冰食呢啲串燒炸嘢 最適合就係叫番啲透心涼嘅泰式特飲喇爽呀！

又去九龍城吃泰菜這次去了算是這區最有名的小曼谷未到7點 門口已經有等位的人還好大概等了20分鐘就可以入座黃咖喱牛腩 加 泰式原味烤薄餅泰國咖哩中 獨愛黃咖哩比較不辣 而且椰香味比較重會讓人不自覺地一口接一口牛腩非常入味 配著泰式烤薄餅完美配搭鐵板豬頸肉馬拉盞通菜非常夠鑊氣 味道不會過咸用上燒過的鐵板上菜更有風味去泰國餐廳必點的pad thai炒得乾身 一份有3隻大蝦 口感爽口味道酸甜鮮都有 非常有泰國風味飯後甜品本來想點千層糕 但剛好賣完就點了芒果糯米飯有點可惜的是芒果偏酸 幸好椰漿給得夠多中和了酸味 吃起來反而剛剛好珍多冰

一想起正宗泰國菜就會想到九龍城，這次來到頗有名氣的小曼谷海鮮燒烤屋，店裡客人都蠻多，食物種類繁多，推薦燒海鮮類，食材都很新鮮和肥美燒脆皮白鱔 $112魚皮燒得很香脆，魚肉嫩滑鮮甜，亦保留了肉汁，無骨吃得很方便，沾上泰式醬汁酸酸辣辣更惹味牛油蒜蓉燒扇貝 $108扇貝很大隻，份量十足，蒜蓉上放滿脆魚乾，咬落脆卜卜，扇貝肥美彈牙又鮮甜，充滿牛油和蒜蓉的香，很滿足冬蔭鮮蝦雲吞湯 $128一鍋奉上，份量都不少，香氣十足，湯很濃郁，酸度剛剛好不算太辣，香料味出，十分正宗，令人喝不停口雲吞有五粒而且大大粒，雲吞裡充滿彈牙的蝦肉，很足料，湯裡還有很多菇，下面有火爐座熱，令湯能夠保持溫度小曼谷炒飯 $98蛋煎到金黃色包住炒飯，用料有蟹柳、札肉、豬頸肉和蝦，很豐富，炒得很香口惹味

間餐廳應該好多年，記得中學時期已經見到有呢間餐廳喺度，多年冇嚟過緬懷一番。同朋友兩個人食點左四個菜食到飽飽，如下圖。🔸$168 泰式燒盲曹呢款燒盲曹魚主要係用鹽喺上面乾燒，所以上邊魚皮會比較多鹽同埋比較鹹一啲如果唔鍾意食太鹹嘅朋友可以去皮食，但佢另外會有一個酸酸甜甜好開胃晏蝦嘅醬汁俾你點買咁就唔覺得咁鹹，仲帶出魚肉嘅鮮味～🔹$128 冬陰功湯冬陰功湯不過不失，大大碗。🔸$78 泰式雞絲海蜇沙律泰式海蜇沙律係我同朋友最喜歡食嘅，因為酸酸甜甜好開胃唔算多，滿意！🔹$78 菠蘿雞肉炒飯菠蘿雞肉炒飯每一粒都炒得好均勻好入味，酸酸甜甜咁我鍾意❤️

朋友約我喺九龍城食飯，話要帶我去食美味嘅泰國菜🇹🇭，見朋友咁有誠意😆，咁我就一於奉陪啦😋叫咗$228嘅「海鮮孖寶A➕B套餐」，揀咗「牛油蒜蓉燒大蟶子（三隻）」➕「鹽燒鮑魚（兩隻）」，$72嘅「泰式炒雜菜」，同埋 $78嘅「小曼谷炒米粉」😋- 「牛油蒜蓉燒大蟶子」：蟶子新鮮，肉質爽脆，有濃郁嘅牛油同蒜頭香味，仲加咗炸到脆卜卜嘅魚乾仔喺上邊，食落非常香口惹味😋-「鹽燒鮑魚」：鮑魚大大隻脹卜卜😆，肉質結實得嚟幾軟熟，好味😋-「泰式炒雜菜」：主要有椰菜、西蘭花🥦、芥蘭、紅蘿蔔🥕，全部都新鮮，呢個菜簡單味美😋-「小曼谷🇹🇭炒米粉」：呢個似係唔辣嘅「星洲炒米」😆，不過材料就比一般「星米」多好多，食到有：蝦仁🍤、魚片、鹹肉、蟹柳、雞蛋🥚、生菜🥬等，材料算係幾豐富😋