小曼谷海鮮燒烤屋

營業中

休息中

👌🏻趁著晏晝5點幾，仲有下午茶，黎左呢間泰國燒烤屋食個晚餐～因為門口有個小廚師喺度揮手，好得意！👅 串燒拼盤B（$122）好大碟，一共有6串，分別係雞全翼、烤臘腸、豬、牛、雞、雞腎，配搭特別多花生粒粒嘅沙爹醬，好過癮！👅泰式酸辣鳳爪（$29）下午茶先有！超抵！可以選少辣，爽脆滋味，份量都好多～👅泰式豬頸肉炒飯（$49）好彩只係叫左一碟主食兩個人分，太大碟了，一個人食唔曬啊～好有穫氣！👅芒果沙冰-少甜少奶（$21）冰沙底細緻，食完都未融，口感柔軟，剛好在口中融化👅燒帶子三粒（$55）嫩滑、彈牙、鮮甜，配搭了酸甜酸甜嘅番茄仔👅 泰式馬拉盞炒通菜-少鹹（$108）泰國代表性嘅馬拉盞醬配搭港人熱愛嘅通菜，超級好食！送飯一流！

久不久就會想起這裡嘅美食，今晚剛好約了朋友在九龍城這邊搵食，平時都要等位，今晚見到有位不用等，先點了杯冰凍嘅芒果沙冰，芒果味道香濃，甜度適中串燒就點了幾串，但個人都係比較喜歡燒牛串，燒得香嫩軟熟，十分入味之餘加埋個沙嗲醬，正鮮蝦泰國金柚沙律，基本上都係必食推介，泰國金柚多次香甜，入口清新，加埋上面彈牙鮮蝦，作為開飯前菜絕對推介。泰式蟹肉煲仔翅，用材料十足應該都沒有描述錯誤，以煲仔即煮，上枱熱燙燙，裡面魚翅、竹笙、冬菇、蟹肉，份量足料，加埋醋汁入口味道更醒神！雖然每次到來都離不開這些，但每次都係保持住這個口味同水準，所以有時想食泰式口味這裡絕對係首選之餐廳😘

話說好耐冇去過九龍城食泰國嘢，呢一間係九龍城好多分店，當中最出名梗係佢哋門口有隻好可愛既大公仔，都係地標之一黎架！坐低梗係叫咗個前菜先啦！最鐘意就係食佢地既沙律，鮮蝦泰國金柚沙律🥗又甜又多蝦，d蝦仲要大大隻！又爽😋我朋友最鍾意就係食佢哋嘅生蝦，因為佢好鍾意點佢哋嘅生蝦醬汁，酸酸辣辣咁好開胃，生蝦係好新鮮！配埋個汁一齊食！好開胃我自己就好鍾意食佢哋嘅咖喱，呢一個咖喱軟殼蟹配法包🥖超抵食，大大份又多咖喱汁，而且食佢嘅法包都夠飽，唔使再另外叫薄餅食得泰國嘢，梗係要食最出名嘅生菜包！呢一款豬肉碎生菜包夠辣又夠多份量！酸酸辣辣咁再食埋生菜夠晒滿足😋飲品方便我就揀咗龍眼冰，夠晒滋潤😙

「小曼谷海鮮燒烤屋」每次去親九龍城都會必食的泰國菜館。呢度交通方便，食物味道也不錯，所以今日收工，就再次和同事相約嚟呢度用餐😋！冬蔭公湯酸酸辣辣，有菇菌、海鮮大蝦和香料，湯汁香芧味濃，熱辣辣，非常好味！泰式干炒豬肉片河港式乾炒豬肉片河通常較為肥膩，而泰式干炒豬肉片河，食上去口感會比較滑溜，又不油膩感，不錯！泰式炸蝦餅蝦餅黃金脆面，香脆又彈牙，配上酸酸甜甜的泰式醬汁，吃完一件又一件，停不了口😋！泰式生蝦刺身生蝦肉質夠厚，入口非常有口感，而且爽口鮮味，配合泰式醬酸酸甜甜，非常好味，亦是天氣炎熱的餐前必點，開胃！泰式龍眼冰一杯透心涼的飲品，味道有點似斑蘭味和龍眼香味，不會太甜，好飲👍！

作為九龍城人 由細到大會去南角道附近嘅泰國街個頭食下泰國野 🥰 依幾年搬左去新界之後 好少會再返九龍城食野了😅 但前幾日突然好發夢夢到九龍城同埋好想食泰國野 所以就約左也同事放工後一齊去小曼谷海鮮燒烤屋進食晚餐😗餐廳入面好闊落 裝潢亦好正😎擺左幾幅佛教嘅玩味卡通畫係牆上面 玩味十足🤗落單方面 客人只需要安坐係位 再掃個二維碼 即可嗌野食😗 超方便的 👍 個網頁好user-friendly~ 有埋圖 而且總價錢仲寫到明😙最緊要，連牛排既生熟程度度都可以係app上面揀！超級貼心 ✅ 等左無耐，香噴噴既食物終於上菜了～⭐️ 泰式鮮蝦炒金邊粉（$108）金邊粉炒得香氣撲鼻🥳 主要材料有有芽菜 豆乾 同埋蛋碎 🙂 落埋青檸汁 再撈花生碎 成客pad thai嘅香氣完全令人嘆為觀止 👏🏻 食完一啖就一啖 停唔到手🤪⭐️燒安格斯西冷牛排($268)我地要左五成熟(medium, 50%) 西令牛排好鮮嫩 有入口即溶嘅感覺🥰 仲要係比安格斯牛肉啊大佬！🤤🤤 烤得非常好 再點上靈魂醬汁 好味嘅程度係非筆墨所形容😳😳 超級無敵咁好食！除左有正宗既泰國菜式之外 餐廳更會於八時開始 安排現場駐唱歌手 🎤 好讓客人

九龍城小曼谷海鮮燒烤屋 正宗泰國菜+live band食物份量十足又抵食😀🌮豬肉碎生菜包 $118 肉碎炒得香口，配菜亦非常足料，十分惹味，包菜/餸飯一流🤤🥬鐵板豬頸肉椰菜苗（馬拉盞）$118 豬頸肉厚身夠Juicy,微辣惹味有泰國feel.🍢珍寶腸沙嗲串燒 $24 鮮味唔乾身，加埋沙嗲醬更顯惹味🦐泰式生蝦刺身 $128 每隻蝦都好厚身，肉質鮮嫩脆口🥘冬蔭公鮮蝦雲吞湯（五粒）$148 微辣足料冬蔭公湯，鮮蝦雲吞勁足料，勁大隻鮮蝦做餡.🍲蝦膏肉片炒河 $98 份量十足，肉片唔乾身，河粉好入味有口感🍻象啤（大支裝） $45 🍹芒果椰汁沙冰 $42

🥟冬陰鮮蝦雲吞湯 $148一直都好想試呢到嘅冬陰功湯🍲 比我見到竟然咁特別有得跟蝦雲吞😳 岩晒本身勁鍾意食雲吞嘅我，個冬陰功湯有得自己揀大中少辣🌶 最鍾意佢好夠酸同好夠濃唔會太甜，雲吞粒粒都勁大粒，咬開入面最少有兩原隻蝦🍤，同個湯好夾好鮮味👍🏻🥙豬肉碎生菜包 $118一樣可以自己揀大中少辣，一碟好多肉好大份，個肉碎唔會濕笠笠炒得夠乾身，包住生菜食唔會滴汁滴到好哩hea🙈🦐泰式生蝦刺身 $128一碟有6隻，但每一隻都勁肥勁厚肉好大隻🫢 一啖係咬唔晒，仲要係夠凍夠新鮮，咬落肉質爽脆🥬馬拉盞鐵板豬頸肉炒椰菜苗 $118叫一碟好似一次過食兩個餸咁好抵🤭 分唔清到底啲豬頸肉係主菜定係個椰菜苗先係，因為兩個份量都好多😂 夠鑊氣好惹味😋🍝蝦膏肉片炒河 $98肉片個量好多，仲有好多大塊嘅粉蛋，餸好多，蝦膏味啖香濃，唔會好油🥭芒果椰沙冰 $42呢杯比想像中杰身，可能係椰奶好足🤣 如果加多啲冰🧊會好啲，因為唔夠解渴，但真係好夠濃飲到好飽🍺象啤（大支裝）$45一大支先$45, 好抵，呢到仲有live band,🎸岩晒食完飯坐喺到飲酒傾計

呢間餐廳嘅環境非常特別，門口竟然有一個超大嘅吹氣公仔向你招手邀請你入去！而且夜晚時分，餐廳會有歌手註唱。我叫左咗泰式鮮蝦炒金邊粉同泰式酸辣鳳爪。泰式鮮蝦炒金邊粉炒得恰到好處，金邊粉彈牙有嚼勁，配上鮮蝦同香辣的泰式醬汁，味道鮮美。而泰式酸辣鳳爪就更加刺激，鳳爪入味又帶有微辣酸辣嘅風味，真係令人回味無窮。我仲叫咗餐廳嘅招牌椰皇沙冰同西瓜沙冰，真係好清涼解渴。椰皇沙冰上面滿滿嘅新鮮椰肉同椰汁，一食落去，滋味爽口。而西瓜沙冰就更加清爽，冰涼嘅西瓜味道帶出水果嘅天然甜味，非常開胃。最後，我試咗小曼谷原隻芒果糯米，味道真係一級棒！芒果鮮甜多汁多汁，糯米熱熱地，所以軟糯Q彈，配合香濃椰奶，味道甜美香濃，絕對係甜品愛好者嘅最愛！

放工就黎了呢間朋友介紹的泰國餐廳拼盤串燒$122🔥包含雞翼，牛，雞，豬，雞腎臘腸正正常常冇炭燒香味，單靠沙嗲醬調味😑泰式拼盤$218，炸蝦餅，魚餅，春卷，雞卷蝦餅🦐非常脆及彈牙，好食泰式醃粉絲海鮮沙律$118叫了小辣都好辣🥵。粉絲是暖的不是凍的🙄泰式炒雜菜$98 超好食，炒得剛剛好唔會太淋或太咸芒果椰汁沙冰🧊$42味道唔錯，清爽解渴，可惜椰汁味未夠重環境夠闊，還有Live band

今日去咗九龍城一間泰式餐館叫小曼谷海鮮燒烤屋食飯， 先點了幾串沙爹豬、牛、雞肉串燒，每串都燒得很香，沙嗲很入味，再來黃咖哩海鮮自配泰式原味燒烤餅， 咖哩唔太辣 一般人都可以接受， 燒烤餅點黃咖哩 係一種絕配， 再來一份泰式拼盤， 有四種食物分量十足， 剛炒好上枱的咸魚炒芥蘭 鑊氣十足， 鹹魚份量很多如果鍾意食鹹魚嘅人一定好滿足， 香葉辣椒海鮮炒米粉， 辣椒份量適中不會太辣， 最後一杯泰式冰奶茶， 味道恰到好處，總括來說下次都會再訪!😜😜😜

見openrice 評價唔錯所以特登book 黎食Total 叫左四樣野食 埋單都差唔多5舊水1. 燒肉拼盤2. 烤餅3. 咖哩海鮮4. 馬拉盞抄通菜首先講個燒肉，個燒肉似係急凍肉加左好重調味野 一食覺得好咸 除左咸食唔到有咩味道 仲衰過街邊果啲串燒 中個仲有一款係燒臘腸 九唔搭八第二係個烤餅 個味好普通 但係一路食一路變碎第三係個咖哩海觀 黃咖哩個味同你去街市自己買包現成咖哩包一樣味 入邊啲海鮮又係急凍海鮮無鮮味第四個係個通菜 蝦醬味太重 又無辣味 剩係覺得好咸總結係 啲野唔好食 價錢對唔上個質素 唔會有下一次

今次再次黎到九龍城人氣泰菜店～ 就算之前已經食過幾次，但都有好多菜式未試過呀～ 頭先食咗小曼谷嘅熱賣菜式 ，小曼谷五星燒雞，2個人就叫左半隻。 今次嘅燒雞唔算大隻，不過兩個人食都分量都足夠， 燒雞皮薄香脆， 雞肉入味， 不過今次乾咗少少。 味道依然係小曼谷獨有😋 今次叫咗兩樣新嘢，一個係酸辣牛小排沙律， 之前食過燒嘅牛小排覺得好好食，今次試下另一種風味。 牛小排嘅份量係出奇地多，同沙律菜嘅比例差唔多有1:1🤣CP值好高！試完發覺原來牛小排配酸辣汁喺咁夾架。每啖牛小排嘅肥瘦都剛剛好，牛味濃但不油膩。 另一樣新嘅挑戰係泰式風情薄餅。 餅底係平時用黎點咖哩嘅酥餅（薄餅）質地， 餅面芝士份量多，食落有外脆內軟嘅感覺，都喺一個唔錯嘅小食。

想食泰國菜一定會諗起去九龍城，今次去左位於九龍城嘅小曼谷海鮮燒烤屋，就係門口有個人形公仔熱情揮手嗰一間🤣今餐最滿意嘅莫過於鹹魚炒芥蘭，芥蘭薄切，爽口之餘，鹹魚香味十足，熱辣辣好有鑊氣🫶🏻泰式小食拼盤份量十足，可以試到唔同嘅小食，例如蝦餅、魚餅、春卷等等，每一款沾上醬汁都好食我哋仲點左黃咖喱海鮮，有咖喱就一定要點泰式烤餅，呢兩款絕對係Perfect match，黃咖喱海鮮非常足料，有帶子、青口等等有驚喜嘅係香辣海鮮炒米粉，炒得非常香，而且唔會油膩，仲有好多海鮮配料🥰串燒一如既往非常惹味👍🏻.📍 小曼谷海鮮燒烤屋 (九龍城)九龍城太子道西398號御太子地下1-3號舖

朋友生日同佢過黎食生日飯，鐘意佢食物唔止好食，仲要好有氣氛！因為佢呢到日日都有駐唱歌手唱歌，我偷偷點左生日歌比佢，現場食客又好熱情，一齊唱歌，開心死！呢到樣樣野都好大份，最鐘意係食佢個Pad Thai!唔止有2－3人份量，金邊粉好乾身。擠埋檸檬撈埋一齊食將個味道提升，大大隻蝦，酸酸甜甜好開胃。另外，豬肉碎生菜包又係必點！豬肉碎份量又係超多，如果生菜可以加多幾塊就好喇！豬肉碎有少少濕，但唔影響味道～泰式拼盤 雖然叫左個細Size，但都夠4個人食！各有2件：炸蝦餅、魚餅、春卷及雞棗，而且每件都大大份。炸得好香脆，而且好爽口，唔錯！黃咖哩牛楠牛楠爽口，黃咖哩調味岩岩好，超香。忍唔住係咁連埋蒜蓉包點黎食！

而家機票仲係好貴，唔使飛去泰國，九龍城都可以食到地道正宗嘅泰國菜，CP值高！講緊嘅係 小曼谷海鮮燒烤屋，侍應一般都係泰國姐姐，好似去旅行咁好有親切感。餐廳仲要有室內同埋 很 chill的戶外座位。我想聽Live Band 所以揀咗冷氣室內位置。食客興致勃勃仲可以點唱添。泰式燒豬肋骨泰式ribs 配搭下片，惹味可口，飲啤酒一流！泰式燒豬肋骨燒至金黃香脆，肉質鮮嫩多汁，新鮮熱辣出爐，咬落口感爽彈，大大條，結實清爽，配上甜辣醬汁更能增加風味。還有我最喜歡的泰式蝦片，人氣地道小吃，特色香脆可口。椰汁冰椰子香味濃郁，清爽冰涼，飲落令人有爽朗清新的夏天感覺。泰式風情薄餅(泰國臘腸芝士蕃茄仔）泰式風情薄餅充滿芝士香味，泰國臘腸、芝士、蕃茄仔味濃，薄餅爽脆，外層香脆增添不少惹味。泰式干炒海鮮米粉泰式干炒海鮮米粉加入大量海鮮配料，綿密又有口感，輕點泰式醬汁，鹹甜濃郁，海鮮味濃厚，入口惹味，突出香濃。椰汁西米糕拼泰式千層糕椰汁西米糕內裡煙靭，泰式千層糕口感有點像年糕，味道微甜，用上椰汁作調味，再加上顏色清新，樣式靚靚，打卡又得，下一次我都會再黎食啊！今次同朋友食咗2個鐘，服務幾好，主動換碟，又唔會趕客人走