小曼谷泰國美食 (南角道)

營業中

休息中

來到九龍城，梗係要食泰國菜，和朋友逛了一圈，最後選擇了位於南角道的「小曼谷泰國美食」。 餐廳有兩間店舖，坐位蠻多，牆身以灰色為主調。 食物選擇款式亦很多，包括：廚師精選推介、海鮮、飯類、炒菜…等等。餐廳正推出日日至筍優惠，每日指定菜式，夜市堂食只需38元。😋餐廳使用QR code點餐，是日選擇：1️⃣泰國熱爆火山骨 🍽肉質偏瘦，酸酸辣辣的湯頭，刺激您的味蕾。 2️⃣風味燒豬頸肉 🍽豬頸肉香口，再沾上秘製醬汁，夠惹味！ 3️⃣泰式馬拉盞炒通菜 🍽鮮嫩清爽的通菜，配上馬拉盞，味道夠濃味。 4️⃣泰式干炒豬肉片河 🍽豬肉片肥瘦適中，河粉很大片，還有其他配料，鑊氣與香氣十足。

因事行經九龍城，心思思想食泰菜，正好見到一間相連舖位的泰國菜館。睇過餐牌，見款式多，價錢合理，又未食過，今日就入去試下😀。泰式燒原隻魷魚 $165.-魷魚好新鮮肉厚😍，燒至表面乾身香口，口感彈牙軟滑，點埋泰式酸辣汁一齊食，更加好味又醒胃。黃咖哩牛腩 $108.- 及 薄餅 $48.-牛腩及薯仔都炆得軟腍入味，咖哩味道濃郁，濃稠度適中。簿餅熱辣辣非常鬆脆😍，點埋咖喱汁，味道更香。鮮芒蟹肉炒飯 $118.-飯底炒至粒粒分明又軟熟，混入芒果粒香甜多汁及鮮味的蟹肉絲，香香甜甜，口感豐富😋。泰式鮮蝦炒金邊粉 $108.-金邊粉炒得乾身，口感柔韌軟滑，鮮蝦口感爽彈味甜😍。小曼谷原隻芒果糯米飯 $88.-芒果香甜多汁🥰，果肉厚身細緻，糯米飯軟熟，加埋香甜的椰醬，簡直係絕配。菠蘿沙冰 及 椰皇沙冰 每杯$42.-兩款沙冰味道各具特色，味道香甜，口感幼滑，搭配泰式餸菜，簡直一流。

今晚老公想食串燒加餸，佢指名話要去呢度買串燒食，佢話呢間泰式串燒好正！串燒拼盤$120豬、牛、雞同串燒都有好多款！啲肉燒到好香，再加埋佢哋嘅沙嗲醬非常之惹味，我最欣賞過牛同個沙嗲醬好夾。老公就最鍾意豬夠腍又有燒香！雞腎，惹味又煙靭！泰式臘腸，呢個幾特別喎！冇諗過泰國有臘腸，有啲似香港嘅臘腸，不過佢再大片啲！雞全翼，串燒必食雞全翼特別入味中間又嫩滑，正！香葉肉碎炸蝦膠皮蛋$140今次叫咗呢個有啲驚喜，估唔到咁好食，佢係一個皮蛋外面再包咗蝦膠，口感非常之煙靭同有層次！外面仲有超多肉碎，拌飯一流 ，肉碎亦都有香葉同少少辣味非常香口！小曼谷原隻芒果糯米飯$90原隻大芒果非常之甜，配上椰汁伴糯米飯，好有泰國嘅風味而且份量仲比泰國買到嘅大，非常抵食！泰式千層糕$60這個千層糕必要佢唔會太韌，好軟腍腍嘅感覺，口感好好！餐廳正推出每日指定菜式夜市堂食$38, 勁抵！下次試下先😃😃🍱小曼谷泰國美食 (南角道) (九龍城)📌📍九龍城南角道9-11號地舖

平時我就最鍾意去睇九龍城度食泰國菜，泰國菜嘅選擇真係好豐富！今次我去呢一間小曼谷泰國美食，仲多咗曼谷夜市火山骨添，佢哋火山骨辣辣地，而且超級大份，兩個人食都食唔晒😂我哋另外仲叫咗一份泰式飛天炒通菜，呢個通菜非常之惹味，超級適合配飯。搞到我哋忍唔住買多咗一碗白飯🤣🤣🤣如果要去依間餐廳嘅話一定要叫一份通菜！然後我哋仲嗌咗一份泰式原味烤餅，佢嘅烤餅有少少奶香味，好正。如果夾埋咖喱嘅話會更加好食。飲品方面，我哋就叫咗西瓜沙冰同珍多冰，有得選擇少甜，所以飲落都好舒服😍

自從宋皇臺站通車後🚇，去九龍城食嘢真係方便咗好多🥰，去得九龍城，梗係要食泰國菜啦🇹🇭，今次去咗有泰國菜館🇹🇭集中地之稱嘅南角道。我就揀咗間長期人氣嘅小曼谷泰國美食😍。泰式鮮蝦炒金邊粉 $108大蝦🦐爽口彈牙，金邊粉就🍛炒得香口乾身，甜甜酸酸，調味剛剛好😋。香芒蟹肉炒飯 $118蟹肉🦀份量唔少，布滿整個炒飯，香芒鮮甜，啖啖蟹肉十分滋味。泰式燒原隻鮮魷 $165鱿魚🦑新鮮味香，肉質軟熟有彈性，燒得剛剛好👍，外面乾身內裡軟腍，惹味又香口😋。黄咖喱牛腩 $108咖哩汁濃度適中🥰，唔會蓋過牛腩嘅油香味，牛腩🐂煮得夠淋，一咬即散開😋。泰式原味烤酥餅(2塊) $48餅質酥脆鬆化又唔油膩，正😍。菠蘿沙冰 $42菠蘿味重🍍，唔太甜，沙冰夠綿滑，好飲🥰。椰皇沙冰 $42飲落有好多椰肉碎🥥，口感豐富。小曼谷原隻芒果糯米飯 $88原隻芒果🥭配上熱辣辣嘅糯米飯🍚，而且椰汁落得非常之多，非常好食😋。

今晚外賣加餸😌放工順路去咗一間我地最愛海南雞泰國菜😚食過番尋味呀簡直係！！而且佢地pack得好細心好用心，無試過倒瀉㗎👍🏼👍🏼👍🏼招牌海南雞 $194/一隻有雞髀仔，隻雞都好肥美！就算係雞胸位都係好嫩㗎😍入面係好juicy!而且啲皮都算黃，好吸晴👍🏼最正係佢個醬，一定要點呀！！有啲蒜味又酸酸甜甜地，配雞食，一流❤️❤️黃咖里牛腩 $110好正個咖里，送飯啱哂🤭好濃好香，夠哂味道👍🏼牛腩份量唔算好多，每人都有3舊嘅！有其他配菜，感覺食得都多樣化健康！！香辣豬肉碎燴飯(荷包蛋) $100里個飯好好食！一開頭擔心好辣，結果又唔會咼👍🏼佢個肉碎炒得好香，送飯又係一流🥺個荷包蛋係流心㗎，返到屋企開就爆咗黃，落咗飯😆唯一美中不足係佢轉咗紙盒裝，啲飯黐住哂好難but，而且佢pack得好實，要好小心食，如果唔係好易跌！！

🇹🇭地道泰菜館🇹🇭九龍城等於半個泰國嘅美食廣場 喺呢區買外賣 泰菜係不二之選😚-🍖泰式燒牛仔骨 $80泰式燒烤之中 我最鍾意牛仔骨 個外賣攞到返屋企 依然有炭香 肉質腍身有油脂甘香 蘸秘製燒汁 惹味少辣 可惜得三件 唔抵食亦唔夠喉呀⋯⋯-🥣泰式煲仔翅 $110湯底用金華火腿熬 有一定鹹度 加爽口芽菜仔就剛剛好啦 芡汁唔濃稠 花膠花菇用料足 足足有兩碗-🍛青咖喱雞 $110🥖蒜蓉包 $50切件雞食得麻煩 改用雞柳啖啖肉更好 其實我更鍾意食泰國茄子同青豆 青咖喱夠流質度 辣度唔低 食完一餐 剩返半碗咖喱 留嚟聽日做撈麵汁😋 -🥤泰式冰奶茶 $35一邊食咖喱燒物 一邊啜冰凍香甜滑溜奶茶 真係very good😝-📍小曼谷泰國美食九龍城南角道9-11號地下#九龍城美食 #香港美食 #香港必食 #香港探店 #香港打卡 #香港旅遊 #香港必喝 #九龍城探店 #香港泰國菜 #香港好去處 #九龍城推薦食品

今日帶咗一個法國朋友嚟食 原本之前都係食開小曼谷海鮮燒烤嗰間 今次book錯咗嚟咗呢度 咁既然坐低咗就算啦由佢安排咗我哋坐喺一間有玻璃間房嘅「房仔」後面有道門就係對住馬路，所以好嘈我哋想閂門 但嗰度係上菜位 所以如果我哋閂埋就會一路開嚟開佢好嘈 最後就逼住要長期開住道門 但啲冷氣走晒就會好熱 而且佢係玻璃間房 就好似動物園咁俾人望住…服務態度正常 菜式一般冇乜特別 味道還好叫咗一個軟殼蟹法包 🥖 6/10分… 個法包唔好食 個咖哩都一般 個軟殼蟹就正正常常 嗌咗一條鱸魚 都只係不過不失 湯底一半 魚偏多骨生灘正常發揮 唔錯 串燒幾好食 法國朋友幾鍾意飲珍多冰仲飲咗兩杯 我嗌咗杯椰汁冰 感覺還好 芒果糯米飯好食 五個人食咗一千二百幾蚊

😋Promising Delicious Thai Food🇹🇭 - Each Dish presents a few layers of flavors- Spicy, Crunchy, Fresh, Springly, BBQ-Style Crispy Outside & Tender Inside- That's Thai- In the weekdays, it's the one of the few restaurants that have quite a lot of people queue up. Even we have reserved a table for 2, still need to wait for over 20 mins

放工去九龍城都會想起佢，泰式口味夠地道，絕對有在泰國🇹🇭旅行時食到個種口感！今晚小食就點了珍寶腸沙嗲串燒，雖然串燒有好多選擇，但個人喜歡💕珍寶腸燒香脆嘅外皮，每一口都能感受肉汁在口中爆發嘅感覺！再加埋香濃沙嗲醬，正！見到出菜時渣渣聲嘅鐵板豬頸肉者芥蘭，於是都點了一個，鐵板上板熱辣辣，陣陣香氣撲鼻，芥蘭配上馬拉盞炒真係好惹味，每條芥蘭都食到香濃蔥蒜🧄味道，豬頸肉口感豐富、嫩滑，且肉質緊實。菠蘿雞肉炒飯，每一口飯粒都包裹著新鮮雞粒，搭配了酸甜可口的菠蘿口感豐富且多層次的味覺享受，還有伴碟肉鬆攪勻入口味道更佳，真係好味又醒胃！飲品就點了椰皇沙冰，椰肉和椰水一起打成奶白色的椰皇沙冰，入口種軟綿綿質感，每一啖都可以飲到香濃椰香的味道。

屯馬綫通車後進入九龍城區比以前方便了很多～這家名餐廳位於有小泰國之稱的九龍城🐉提供正宗的泰國美食體驗🇹🇭推薦菜式：泰式馬拉盞炒通菜 🌶️🥬將泰國特色的馬拉盞醬炒煮搭配上新鮮的通菜，營造出辣味與清爽的絕妙組合。馬拉盞醬是一種具有濃郁香料風味的泰國特色醬料，能夠為菜餚增添獨特的辣味和香氣。搭配上炒熟的通菜，帶給您一份香辣鮮嫩的美味享受。香芒蟹肉炒飯 🦀🍚以新鮮的蟹肉和香甜的芒果炒製而成，搭配上香氣四溢的炒飯。蟹肉的鮮美與芒果的甜蜜完美結合，每一口都能品味到豐富的口感和美味。黃咖喱牛腩 🌶️🍛嫩滑的牛腩搭配上濃郁的黃咖喱醬汁，加入多種香料和蔬菜，味道豐富而香濃。每一口都能品味到咖喱的辣味和牛腩的鮮嫩🤍椰汁冰 🥥🍧如果您想要品嚐一份清涼的甜點，椰汁冰是一個不錯的選擇。這道冰品以椰子汁為基底，搭配上冰涼的口感，帶來一份清爽又美味的甜點享受。

小曼谷間唔時都會嚟食，今次就食南角道分店呢一間，佢同隔籬嗰間BTS站美食其實同一間，嘢食種類一樣有好多泰式醃豬頸肉沙律次次嚟都必嗌嘅豬頸肉沙律，因為份量好多又有菜又有肉好抵食，仲可以自選辣度泰式叉燒乾麵第一次食呢一個叉燒乾麵，麵底係鹼水麵，叉燒偏紅，賣相好吸引，個叉燒汁撈麵幾好食甜甜地滷水豬手煲大件夾抵食，仲要係無骨嘅豬手，滷水好入味，煲底仲係菜底，真係嗌一煲都夠餸飯，豬手炆得好淋泰式拼盤叫咗一個細size嘅拼盤就有齊蝦餅/魚餅/春卷/雞棗，每樣嘢都有四件，四個人食就啱啱好可以每樣都試啲，最正係個蝦餅又厚肉又彈牙椰皇沙冰椰汁沙冰同埋椰奶就飲得多，椰皇沙冰真係比較少見，原來你買啲椰皇肉一齊打落啲碎冰到，飲落去好有口感又好濃郁，好好飲真係要試吓

放假約埋屋企人去九龍城小曼谷泰國菜館食正宗泰菜，喜歡這裏多選擇價錢又合理。泰式生蝦一碟有六隻，每次都是必點的菜式，蝦肉夠新鮮又厚肉，包住蒜頭再沾上泰式辣醬食，好美味。泰式乾炒肉片炒河河粉炒得好有鑊氣，一片片的河粉食落好有口感，豬肉亦都好鮮嫩，蔬菜夠新鮮，配搭得好好。泰式冬陰功熱辣辣香噴噴的冬陰功，酸酸辣辣好開胃，蝦肉有兩至三隻，大大隻好爽口。泰式煲仔翅材料十足，湯底都好鮮甜，加入芽菜一齊食，口感豐富。串燒我們點了全翼、雞腎和牛肉，火候控制得十足，配搭埋泰式沙嗲醬一齊食，好香口。鐵板煎蠔餅蠔餅煎至金黃色，每一啖都好爽脆，雞蛋好香蠔肉大大粒好新鮮，再加入少少辣醬調味，食唔停口。

九龍城最出名有各式各樣泰國菜館，當中我最喜歡小曼谷泰國美食，今天和朋友來到南角道店，我哋點咗泰式飲料、串燒、咖喱、沙律，慢慢品嚐傾吓偈。泰式燒西班牙黑毛豬扒配粟米沙律前菜有泰式燒西班牙黑毛豬扒配粟米沙律，個人最愛西班牙黑毛豬扒，肉質比一般餐廳為佳，有西班牙黑毛豬扒香甜的味道，軟滑的感覺，鬆化之餘散發鹹香。泰式燒西班牙黑毛豬扒入口油脂順滑甘香，燒得外層微暖焦香，七成熟輕輕一切，勁量肉汁。配搭上粟米沙律同吃更可口。泰皇咖喱法包軟殼蟹除咗泰式沙律之外，泰皇咖喱一樣不能錯過，加埋咖喱汁輕輕依附在法包上，濃郁香味更突出。軟殼蟹味道好香濃，充滿鹹香，炸得酥脆，質感彈滑，新鮮即炸。鮮甜味道，啖啖肉整體很好食，食到呢度已經好飽啊！珍多冰而我今次就飲左正宗泰式珍多冰，唔會太甜， 好香椰汁味。餐廳主打泰菜，傳統裝修，以鮮色為主調，時尚有精神，怪不得長期充滿人氣，下次會再過黎試吓其他菜式。

🍝泰式叉燒乾麵 $63泰式嘅叉燒薄切偏瘦但份量好足，個汁甜甜地撈埋啲麵好開胃，麵質夠乾身撈起上嚟唔會一pat pat, 仲有啲泰國蠟腸比起港式嘅偏甜🍢牛肉/雞腎沙嗲串燒 $22.00燒得香口，沙嗲汁花生味濃郁帶甜🥙泰式醃豬頸肉沙律 $128.00沙律有少少辣，亦都可以揀唔辣，呢個係沙律好抵食，豬頸肉份量係好多，有十幾嚿而且係大大塊，肉質都好嫩，熱到鹹鹹地連埋啲生菜一齊食啱啱好🐷滷水豬手煲 $158冇諗過呢個價錢可以咁大煲🙈 起埋骨嘅豬手肉炆到勁腍勁滑，入口即溶又好入味，個底仲鋪滿咗芥蘭苗同埋一啲酸菜，你煲嘢送飯一流😋🍱泰式拼盤 (S) $178有齊晒蝦餅，魚餅，春卷同雞棗，雖然係細size, 每樣嘢都有四件，蝦餅好大嚿，炸得外脆內軟，魚餅嘅香茅味好重，春卷係咖喱雜菜餡🥥椰皇沙冰 $42食泰國嘢一定要飲椰皇，你杯沙冰勁清甜，仲會有啲椰皇肉打埋一齊，有口感得嚟令到成杯嘅椰和味都好突出👍🏻🍹青檸樂 $42你杯嘢口渴飲一定鍾意，超fresh, 青檸夠多，味好出