小曼谷泰國美食 (已搬遷) 新店位置

真係好鐘意食泰菜，食幾次都唔會厭🥰今次就黎試呢間，間間分店都係九龍城。見個名椰子波波咁得意就叫黎試下😆原來係椰青😆 仲要剝左殼，超方便。飲落都好甜。可能本身都唔好生野，味道普普，不過每只蝦都好大只。朋友就叫咗榴連沙冰，好好飲。我最愛，軟殼蟹，炸得超好，一啲都唔油。啲咖哩汁幾特別😂 但好食個種。唔好睇好少野，食埋個包都有9成飽架啦。又係另一最愛，但提醒真係好辣，建議一開始就叫少辣/筆走啲辣椒。 條魚酸酸辣辣好惹味🤤

去親九龍城，都會俾呢個公仔吸引住😂一直都好想搵機會去試下呢間泰國菜。終於，上星期黎左食了🥰天氣咁熱，梗係要叫杯凍飲啦☺️ 朋友叫左青檸菠蘿沙冰😍青檸味同菠蘿味都幾夾，好清新👍我就叫左杯泰式青檸梳打🥰個人喜愛青檸梳打，去親泰國餐廳都會叫😌😌叫左個鮮芒海鮮炒飯。呢個炒飯真係幾好食，個飯岩岩炒起，熱辣辣😍仲估佢唔到咁足料！有蝦，魷魚同帶子🥰🥰🥰再叫多個極上燒安格斯西冷牛小扒呢個牛真係不得了，肉質鮮嫩，今完一舊又一舊😩配上特製醬汁，又另一番風味😍最後叫埋明爐香檸汁蒸烏頭👍👍本身都好鍾意食魚，再加上辣辣地，真係好開胃👍👍👍食完呢餐真係好滿足😍😍😍😍

食泰國菜又點會諗唔到去九龍城呀，位於南角道嘅「小曼谷泰國美食」係正「宋皇臺站」出口，沙中線開通後就非常方便啦。餐廳門口設計非常特別，除左有架泰國tuk tuk之外，仲有個卡通廚師公仔，好得意架。泰皇咖喱法包軟殼蟹：呢個脆包盅有D似農夫包，麵包烘得非常鬆脆，包裡面淋上了大量既黃咖喱汁，汁既濃度好適中，旁邊放左好多嘅外脆內軟嘅炸軟殼蟹，食嘅時候先將農夫包用刀叉切開，再點上咖喱汁，連裡面嘅配料一齊食，好好味，口感一流。泰式黃金蝦：黃金蝦加左鹹蛋炸過後，食落唔單至香脆，仲好惹味。配埋旁邊嘅蝦片食，味道非常夾，值得一讚。冬陰公：食泰國嘢又點少得飲冬陰公湯呢？鍾意食辣野既我，冬陰公係我去到泰式餐廳必叫既菜式之一。冬陰公其實係泰式酸辣湯，係由南薑、酸子、香茅、青蔥、酸檸檬、辣椒同魚露調製而成。呢度既冬陰公湯選用原隻澳洲蝦，有分大同細兩個size，一客大嘅約有六碗左右，以明爐送上，有明火保持溫度，只係賣相已經非常震撼。呈橙紅色嘅冬蔭公湯，上菜時熱辣辣，香料十足，仲散發出陣陣香味，配料方面亦都好足，有菇、蕃茄同蝦等等，入口又酸又辣，好開胃。泰式青檸梳打＋椰青：飲品我哋叫咗椰青同青檸梳打，青檸梳打甜度亦都

菠蘿炒飯沒有菠蘿殼，蠔餠沒有蠔味，青木瓜沙律像青木瓜糖水...🤔菠蘿炒飯沒有菠蘿殼，蠔餠沒有蠔味，青木瓜沙律像青木瓜糖水...🤔菠蘿炒飯沒有菠蘿殼，蠔餠沒有蠔味，青木瓜沙律像青木瓜糖水...🤔

好耐都冇食THAI FOOD, 今晚黎到九龍城, 梗係要黎到小曼谷啦.今晚同老友2個人，先一人叫左一杯野飲，熱龍眼茶，泰式青檸梳打～之後叫左幾個主菜，有黃咖哩炒大蝦、蒜蓉蟶子、海南雞半隻。黃咖哩炒大蝦，咖哩甜甜的，有椰香味又杰身，撈飯一流，另外蝦夠大夠爽口， 配埋蒜蓉包，好滿足 =]蒜蓉蟶子，蟶子勁大隻，食落好鮮甜，唔錯！海南雞半隻，雞肉勁嫩滑，啖啖肉，個汁少少酸甜，好滋味！OVERALL 價錢合理, 食物質素又OK, 下次會再黎~

昨晚和朋友經過九龍城，区内很多食店，而又以泰國菜佔大多數，我們進入了一家名叫小曼谷的店舖，門口放置一個大型吹氣公仔作招徠，當時大约5㸃幾，所以人流不算太多，只有2至3枱客人，我們被安排了卡位，除卡位比較舒適外，其餘的座位比較迫窄，店方用盡了所有空間去放置多D 枱櫈，服務買遞上餐牌，一般泰式店的食物如明爐烏頭、泰式生蝦、冬隂功湯、肉菜包、泰式鳳爪、泰式海南鸡、蝦餅、串燒、炒粉飯等等都有，我們點了泰式炒牛河、冬陰公湯、生菜包、椰汁冰及青檸冰，味道不過不失，只是略嫌份量較少，埋單3百70元，一般的價錢。

食泰菜第一時間都係諗起九龍城今晚同friend聚下 揀左食呢間小曼谷用黃色做主題 所有野都黃色架 睇落好精神出邊仲有架泰國tuk tuk可以影下相我地三個人 叫左一個細嘅蝦餅一人一個岩岩好 熱辣辣 咬落去啖啖肉 好味仲有豬頸肉炒椰菜苗 少少辣辣地 入口好惹味食完一條又一條 泰式炒金邊粉 唔會炒到乾哂 又唔會太油都幾足料 有啲蝦係入邊最好味都係個咖哩炒蜆 啲咖哩好入味蜆又大隻 唔會無哂啲肉 我地忍唔住叫個蒜蓉包要點啲咖哩黎食 尤其係啲蛋花 同埋個脆嘅包食真係好好味其實佢啲沙冰都好飲 我地叫左芒果 椰皇同菠蘿沙冰個味道好重 唔會飲落去全部都係冰大推咖哩！

到九龍城也应该去试试这间莱馆，感觉他们的泰国莱很有泰国地道風味。我尤其喜欢泰式炒金边粉，味道与別不同，好像特别爽口。而明爐烏頭魚更试必食之选，肉質妹嫩滑，不会过火，又没有泥味。

又係食泰國菜， 去九龍城小曼谷叫咗個生蝦🦐大大隻夠新鮮又夠冰凍，醬汁夠晒辣🌶蒜頭辣椒絲全部有齊晒，如果要食生蝦喺香港冇第二間可以選擇。蒜蓉牛油燒蜆，大大隻，上面放咗一啲乾嘅🦐仔，牛油味非常之重，極級好食。虎蝦粉絲煲有成四五隻虎蝦，份量非常之多，粉絲入味。一陣就清曬。 👍🏻 仲有飲品🍹珍多冰🍹好味到不得了，配料特別多，甜度適中絕對適合香港人嘅口味，值得推介👍🏻 熱龍眼蜜勁多龍眼，起碼有10 粒。 真材實料。

來九龍城當然要食泰國菜。 去了最出名的小曼谷，門面光猛，室內充滿泰國感覺，座無虛席，幸好一早book定枱。一定要點的就是小食拼盤，非常正宗，而且份量多，五個款式每一樣有三件，特別是泰式辣醬，完全是泰國風味，蝦滑打的蝦餅亦非常彈牙，春卷香脆，亦不油膩。仲有安格斯西冷牛扒,牛扒非常新鮮，烹調唔會過熟，配埋秘製泰式醬汁，味度的確一流，可媲美一些高級牛扒餐廳，還有鹽燒烏頭魚，味道唔會過咸，肉質嫩滑。 🐟🐟🐟🐟讚👍🏻👍🏻👍🏻老子號 果然名不虛傳！

今次同朋友泥食泰國菜,同屋企人次次都食同心,今次係同朋友就食點不ㄧ樣的,小曼谷好出名,每次見佢門囗個公仔擺下擺下都想入去,今次入去又同其他泰式餐館唔ㄧ樣,去到泰味依然濃厚,但今次係比較似向大家介紹泰國這可愛的地方,電視播既係佢地既廣告同ㄧ些介紹泰國特色飲品既片段,使我有種想飛去泰國既衝動,言歸正傳,我地叫左豬頸肉沙律,店員要唔要辣,別玩了,食泰國菜梗係要辣啦,點知衰左真係好辣,但又好食只好ㄧ啖沙律ㄧ啖飲品,食曬成碟佢🙈之後個牛叫左5成熟,以為太生會不易入囗,但原來唔會,反而食到牛既鮮味,使人欲罷不能,最後大家不約而同地表示,屋企人教落,食泰國菜不能小左咖喱蟹,所以ㄧ致通過,點了ㄧ盆咖喱蟹,而這裡的咖喱偏向甜,多過辣ㄧ家大小也可品嚐這美味佳餚,蟹亦啖啖肉,好扎實,好有飽足感,食完我諗係時候要訂張機票飛轉泰國啦😝

近期有點掛念泰式的咖哩包，不是每間餐都有的菜式，上星期相約朋友到九龍城曼谷海鮮燒烤屋回味一下。燒安格斯西冷牛扒燒得剛剛好，肉質嫰滑，肉味甚濃。泰皇咖哩法包軟殼蟹永遠忘不了這味道，將充滿蛋花的咖哩沾落酥脆的法包，啖啖都十分惹味。軟殼蟹香脆，蟹味濃郁。泰式生蝦刺身一盤六隻，肉質鮮甜，爽口彈牙，加埋蒜頭香味，味道更豐富。泰式拼盤（大）份量比我預期中多，有蝦餅、魚餅、雞棗和春卷，件件酥脆香口，春卷餡料十足，個人比較喜歡蝦餅，口感爽彈，加泰式辣醬更滋味。鐵板豬頸肉啫椰菜苗用上馬拉盞來做的，豬頸肉吃起來更惹味，菜苗鮮嫰香口。椰青每次必點的飲品，清甜無比。

今日難得嚟到九龍城，就梗係要食泰國菜啦。雖然九龍城有好多間泰國菜，不過呢間就一下吸引左我哋入去。因為門口有好特色嘅裝飾，而且見到裏面有好多客，咁就一於今日黎試吓啦。我哋就叫咗個酸辣魷魚，係用個爐上嘅，咁就可以keep住熱啦。魷魚食落唔會太硬，而且食落感覺好新鮮，有少少酸辣味，襯埋真係滿分呀。跟住我哋仲叫咗個煎荀殻魚，個荀殻魚好新鮮，外面煎得夠晒脆，而入面嘅魚肉又嫩，點埋個汁食好好味啊。我哋仲叫咗一個蟹肉炒飯，個飯炒得夠晒乾身，而且又夠足料。嘢飲方面，我哋叫咗一個椰青波波，同埋一個椰青。椰青波波好特別，出面係椰青肉，而裏面係椰汁，聽講仲係泰國直送過黎嫁。呢間泰國野又好味又抵食，難怪喺咁多餐聽既九龍城都可以屹立不倒啦。

九龍城不嬲都係食泰國野既好地方，今晚同好友黎到好出名既小曼谷食～～我地先叫左個泰皇咖哩炒大蝦，咖哩甜甜的，有椰香味，而且夠杰身，D 蝦大大隻又爽口， 配埋薄餅食真係大滿足！！另外叫左個明爐香檸汁蒸桂花魚，超正呀，明爐魚熱辣辣上檯，湯汁仲甜甜酸酸，帶少少微辣，桂花魚肉質嫩滑，唔錯，仲愈食愈開胃，佢地仲會額外上多碗湯汁，等大家可以慢慢一路食一路滾，真係好OK!臨尾仲叫左個菠蘿雞肉炒飯，入面勁多雞肉同菠蘿，食落好香炒飯味，兩個人食都算多。最後一人一杯野飲，龍眼茶、柚子蜜，2杯都唔會甜，好飲！  

今日到九龍城食泰國菜，特別有風味，因為九龍城有小泰國之稱，所以感覺上菜式都特別正宗。第一眼望見門面有個吹氣公仔不斷招手，二話不說就選了這間，小曼谷果然名不虛傳。特別推介安格斯西冷牛扒，肉質非常軟熟，配上泰式醬，感覺新鮮。海鮮亦非常出色，亦推介小食拼盤，蝦滑打得很彈牙。