小曼谷泰國美食 (已搬遷) 新店位置

很久沒有吃泰國菜了,難得今日有朋友做柴可夫,便上OR睇下九龍城有邊間好味。見小曼谷是得獎熱店,加上有142個笑臉所以一試~九點半鐘去到等左兩個字就有位,朋友亦把車泊好,我們坐在最入的卡位,較舒適.我們三個人叫左6個 食送芝士炸蝦丸這個是全餐最好,一上枱時嚇了一跳,成粒桌球咁大...最後我竟然食左三粒...蝦餅不太硬,不是雪得很耐,相信流量都很快,很新鮮,芝士味對於芝士迷的我,不太滿足>.<''豬頸肉炒菜,咸了點....豬頸肉亦較霉..豬/牛串燒,豬串是必點,肉質鮮嫩,配上醬汁,很'野'味~牛肉串則太韌了....燒爐魚,這是最抵食的,48蚊足足十寸長魚只是用鹽燒的方法,卻顯露出魚的鮮甜,不錯~海南雞飯不是他們的拿手菜吧...比其他店出品的輸了好幾個雞位....香茅雞翼賣相不悅好,雞翼很細件,炸得亦很燶,但食落口卻不油膩,雞汁好JUICY~食物中規中矩,服務亦中規中矩,幸好環境+衛生都OK,但要在泰國菜林立的九龍城要再加把勁了~

食泰國野,一定會要黎九龍城食la~~成條泰式食街咁~~如果五,六.黎食一定勁多人la~所以今次就選擇左星期四黎食,人真係唔係太多,不過都要等位小曼谷個名聽又真係聽過好多朋友提起過,咁一定非試不可la~岩唔岩ar??燒明爐烏頭,算ok la~但係湯就無乜味.一定唔少得ge冬蔭功湯,一飲,真係令人失望到極.......罐頭湯都比佢好飲(我諗)又唔酸,又唔辣,想點???叫個侍應換左佢,換完,其實無換過.只不過係將我地原本叫個一份,加左d糖,除左原本又唔酸,又唔辣再加返d甜外,根本就一d都唔好飲!!!冬蔭功湯原有d味道,全無~~最後都放棄左,第一次無飲晒d湯~~炒c沙律,mama地~~基本上唔應該叫呢道菜!!!泰式鳳爪,得個酸,一d辣都無,對於鐘意食辣的我黎講,呢餐飯,真係................得個名響,野食同名,係唔係永遠唔可以相等????

這個海南雞飯午飯等了30分鐘，根本係做好了，放在厨房冇人去拎，我呼喚了那打扮較前衛的職員，他入去便拿了出來，沒有說半句對不起。香飯已放涼了，沒有香味了，根本提不起食慾，那雞肉，真是食咁多年海南雞之中最嚡，最不好吃。還有，有個內地小朋友食客因頑皮，觸怒了收銀姐姐，真嚇人。貼錢買難受。

地點唔太顯眼, 同兩個人問路, 佢地都知道小曼谷o係邊 (好出名?) 所以未食感覺已經唔錯.我地兩個人6點去到, 只剩兩個卡位, 算幾多人 (眼看其他泰國餐廳由6點到8點都係拍烏蠅) 格局有d似舊式茶餐廳, 侍應好似係泰國華人, 都幾泰國feel.點左明爐烏頭, 海南雞飯同杯青檸沙冰.先講青檸沙冰, 好冰好夠味. 食辣野最啱飲. $17海南雞飯, 雞夠滑但飯太硬, 整體普通左d. $55烏頭, 夠晒料, 味道都唔錯, 魚夠滑湯夠甜. 有個阿叔waiter仲不斷教我地點食烏頭. $107下次會去試下海鮮. 注意: 其他枱對上菜等太耐有d微言, 最簡單既蒜蓉包, 比主菜仲遲上

這天到九龍城，離開前吃個早晚飯。路經這黃色大招牌的小曼谷，見很久沒吃泰菜，也很久沒光顧小曼谷，便進去吃吃。一個人，隨便點了一個泰式香葉炒牛肉碎飯（也可選其他肉類如豬、雞等）和一碟泰式炒通菜。店內大部分的員工都是泰國人，但廣東話難不到他們，而且做起事來十分快手和醒目。上菜也很有效率，轉眼我的炒飯和炒菜已先後送上。兩者的鍋氣不用懷疑，但炒飯的味道很濃，無論辣味還是鹹味（和落油）也是十分重手，其中有幾口飯更是吃到一小球未融開的鹽還是調味素。而蛋必定是預先煎好，因為是冷的。這炒飯只能給它1／5分。炒菜倒不錯，菜嫩又夠鍋氣，味道雖然也偏鹹，但仍可接受。2.5／5分。下次再吃泰國菜，應該會找別家試了。

又來到九龍城吃泰菜，這次試的是曾得過開飯熱店榮譽的「小曼谷」。不過這次幫襯之後的感覺，卻只是平平而已，最大的印象，竟不是食物或招呼，而是那徹頭徹尾象徵著泰國的鮮黃色，無論是這泰菜館的門面招牌底色、侍應們的衣服主色、店內牆壁的用色以至碗筷餐具的顏色，全部都是統一的鮮黃主調，與泰國金碧輝煌的佛寺與皇宮、泰國僧侶的黃色袈裟等不謀而合，又那能不令人留下深刻的印象呢！這次到來所吃的東西，包括 「黃咖喱牛腩」、 「馬拉盞炒通菜」、 「蒜蓉包」和「青檸水」。「黃咖喱牛腩」的咖喱汁味道尚佳，不過主角的牛腩少而而配角的薯仔與青椒多，而且牛腩和薯仔都未夠軟腍，水準只是甚為普通而已。「馬拉盞炒通菜」的馬拉盞下得十分慷慨，炒來鑊氣尚佳，味道不算太辣，但就鹹了一些。一客四件的「蒜蓉包」的質素則完全未如理想，似乎是在烘熱之後攤凍了再在上桌前翻熱的蒜蓉包既不夠熱，又不夠脆，蒜蓉也不是太多，要不是蘸上尚算惹味的咖喱汁來吃，絕對難以令人滿意。「青檸水」是夠酸的，雖不像「青檸梳打」般有汽，都算頗為解渴。假如單以這次幫襯的印象來說，我會覺得在九龍城區內實在有不少泰菜館的食物水準可以和它相比甚或更加之好，要是想來這區吃泰國菜

要我咁耐無寫過食評既人出山再寫....呢間野真唔值得有百幾個好評囉!!6:30pm 去到, 冇乜人等位, 所以等左5分鐘就入得...環境叫做ok la, 只係D野食普通左D....上openrice 睇話招牌菜有冬蔭功湯, 咁就叫一個細既黎試...落料唔夠, 煲出黎個湯淡而無味...同其他泰國餐廳差好遠...之後叫左個咖哩炒蜆...咖哩唔夠香, 蜆就好明顯烚熟左先再落返落D咖哩度兜一兜再上碟...兩者完全唔match, 仲要搞到蜆無蜆味, 咖哩無咖哩味...仲有叫左個椰青海鮮焗飯..嘩...好似好靚咁喎, 但係其實食落得面頭有椰汁既先ok 囉, 仲要得面頭果"球" 飯入面先有料囉...所謂既海鮮其實只係得 魷魚仔3隻, 蜆仔數粒, 蝦仔2隻....當食到個椰青入面....就冇乜料....完全感覺被騙....完全唔明點解食家推介會有呢樣...最後撈返D咖哩汁一齊食先叫好食D...炸蝦餅....食咁耐呢個係算做咁多個之中叫做好食既一個, 不過我始終略覺得佢唔夠彈牙...最後仲叫左燒羊扒同一串燒鴨胸.....食落還可以啦...我已經唔想影相, 不過如果呢兩味咁易燒既野都整得唔好食既話....

今次是妹子第二次踏入九龍城，因為相距屋企甚遠，又沒有交通工具可以直達九龍城，妹子要去黃大仙轉小巴才能到達，足足用了接近二小時才到小曼谷~冇辦法喇！就近大家麻~難得各位與妹子慶祝生日，放大假的妹子當然要就就大家。阿富一早已打去致電訂位(醒目喎~)，因為九龍城雖則選擇很多，但是數數好吃的和出名的都實屬這幾間。近這幾年，妹子都愛上這些又酸又辣的東西，簡直是吃上癮來，戒不掉呢！小曼谷三個logo遠看之下好像大笨象，要找到門牌位置非常容易！妹子下車後隨意問問街坊便找到了，so easy！由於遲到，去到已經七時多了，門口已有人龍在等候了，好在他們已經訂了位，要等候也不需花費太多時間..我們一行六人坐在最裡面，雖然全部都是膠枱膠櫈，坐得不太舒服，好在環境尚算闊落，顏色都以芥辣黃為主，非常鮮明！例牌每人揀一款心水菜色，餐牌上的菜色選擇非常多，令人感到十分花多眼亂！可惜就是少了些圖片以供參考~大家都分別點上些例牌菜色。主菜~小甜~飲品~飯麵樣樣都有，就是缺了甜品，因為我們還要留肚子去附近糖水店食糖水！第一道是肉碎生菜包，豬肉碎不算肥，生菜好大片，而且色澤翠綠，非常新鮮！咬下索索聲，只不過包起上來有點兒論

第一次黎九龍城呢邊食野，成條街都好多泰國野！但係得呢間小曼谷要等位，閒日都等左半個鐘。好彩入到去有卡位坐，見其他人坐中間好似好迫，同人搭檯咁。食物有好多款揀既，不過我地第一次黎都係食ｄ推介／common野啦。首先黎左個金邊粉，真係非常普通！可以唔叫。跟住就係咖哩炒蜆，好大碟好大隻！可惜ｄ蜆唔好食，一ｄ鮮味都冇　仲有一隻蜆死左其實＄７２都幾唔抵。　個咖哩唔辣不過都好食！再黎係燒豬頸肉，開頭食個幾塊有ｄ　ｕｎ，不過其他又ｏｋ，都食得過既！不過我覺得蘸佢配個個汁麻麻地，反而蘸ｄ咖哩好食ｄ！最後係炸蝦餅，呢個必食！！！熱辣辣既炸蝦餅，非常彈牙，蝦味亦非常濃！冇得彈呀我地仲叫左個椰青，好飲！＄２５一個，叫得過！服務方面，入面ｄ待應都係非常有禮貌　係門口負責嗌飛個阿哥有ｄ粗獷，但係都冇對我地不禮

這是我第一次到小曼谷，大學放榜後一家人打算來吃個飯聚聚。剛到便看見很多人在等位。實際的等位時間是多少分鐘我也不太清楚了，因為要等其中一位家人，所以我們在附近閒逛了會才真正到門口等位。看見這裡有些食家說小曼谷的服務強差人意。我倒覺得他們都是有禮貌的，並沒想像中那麼差。裝潢很簡單，如果想吃氣氛，這兒絕對不適合你。但如果你想找地道，有特色的店，這兒真的不錯。通菜，我是一個名不虛傳的通菜大王，非常喜歡吃通菜。這裡的通菜很入味，配白飯吃很不錯。不過我略嫌它的配料多了點如果想吃泰國菜，這是一個不錯的選擇，環境是一般，但味道真的不錯！十分抵食

6點半到,4個人坐卡位!龍眼水不太甜，4粒元肉!肉絲海蜇沙律,最好味!!爽口，酸酸地開胃杧果糯米飯：甜~糯米煙韌~椰奶香~一熱一凍，好好味！！冬蔭公湯(細),無試!家人話幾濃,唔會太辣!有大蝦~炸軟殼蟹大碟,脆!仲有海南雞飯~雞滑,醬汁好食!服務員好快手!今餐食左$312~下次會再食~!!

2個人午餐，無訂位，到嘅時候半滿，坐到卡位，叫咗「泰式魚蛋河」（$36）午餐時段送龍眼水，因我身體不舒服，我問龍眼水可否暖的，侍應姐姐都有好人，見龍眼水剛煮好，比暖的我飲，但亦聲明未必遇到，龍眼水不過甜，有6粒元肉，待應亦好勤快，食品好快上，不過碗河粉湯好油，魚蛋好腥，河粉不滑，最好食係配菜芽菜同蘿蔔（無渣又甜），同有4款泰式調味，地方係普通茶餐廳格局。

坐就坐得唔係太舒服 無計啦地方唔大 但好多人都排晒隊唯有坐密D啦先叫一個蝦刺身 好新鮮好清爽叫左必食既串燒同豬頸肉 個CHILI SAUCE同SATAY SAUCE都好好味之後又叫左個CURRY同埋蒜茸包食又係絕配CURRY好香好入味佐唔SPICY 個包又係夠味同埋好脆個炒金邊粉好多料 同埋唔會抄得太DRY!所有野都幾好!

去左一趟法國醫院探人...所以就決定黎九龍城食返餐泰菜~~九龍城好似已經成為左泰菜"代言人"因為未食過lee 間...想來試下...都等左一陣位..大熱天時係外邊等真係好辛苦...所以叫左好多野食呀....包括:1. 炸蝦餅 - lee 個真係好好味!! 好大粒...熱辣辣...好正呀!! 一定要食!!!2. 串燒雞全翼 - 都幾細心...剪開左2舊..啖啖肉..不過冇咩味3. 串燒司華力腸 - 切左一片片...都ok啦!! 一定要點醬食~4. 串燒牛丸 - 好大粒...都ok好味!5. 蒜茸包 - 好脆,好香,好好味~6. 青咖哩牛腩 - 得好少牛腩, 唔夠入味, 咖哩唔夠香7. 馬拉盞通菜 - 不過不失8. 西柚沙冰 - 好少見有西柚既沙冰...都幾足料...真係有渣0家~9. 泰式炒金邊粉 - 麻麻地好食~~不過算大碟既~~服務一般般啦!! 食物既質素來說...唔明白點解咁夜都咁多人等位囉~~

剛睇過電視的介紹, 大人又想去試下, 就等今日放短周去食約十二點半到, 店面陳設一般, 店員禮貌都係一般叫左1. 咖喱大蜆 - 不太辣, 咖喱汁好味, 料亦多, 蜆都大隻, 但有一兩隻仲有沙, 同埋吾似生炒, 好似洽熟再加入咖喱汁,抄幾下咁2. 干炒牛肉魚麵 - 有d鹹, d牛肉怪怪地,顏色似豬肉3. 冬蔭公海鮮河 - 算幾好味,吾係死辣死酸4. 蒜蓉包 - 失望,係冧的,我以為係脆的.......5. 椰青 - 勁差, 係有d酸的......總括黎講, 比公仔箱捧得太高, 吾值得咁貴