小方糖甜品 (天晉滙2)

營業中

休息中

返工到返到下午餓餓地，於是搵下附近有冇咩小食或糖水店見到有間糖水店都幾多好評，而且同事話最近呢間外賣自取有九折，所以就去買左個糖水試下~去到見到個menu有好多選擇，由中式糖水到西式甜品都有而且價錢都唔係好貴，係將軍澳區黎講都算相當親民我叫左個豆花芋園，打開一睇都見到好多粒芋圓有番薯、紫薯同埋芋頭圓，全部都好QQ、有咬口不過就唔算好濃嘅味道，呢點可以改善一下豆花好好味，好滑而且好濃豆荐，下次都會再叫返呢個豆花芋圓

飯後總是覺得未滿足，媽媽又話要尋找地方食甜品，我突然想起鄰近天晉滙二期地下有間甜品店，隨著乘搭扶手電梯，原來是間「小方糖甜品」，在這時都在食飯時間，店中的客人都未算好多，我們被安排座位後，打開個餐牌看一看，甜品的分類有燉品、刨冰、棉花冰、小食、豆腐花、西米露、西式甜品、中式及飲品等……媽媽總是愛食傳統的豆腐花，更最愛即叫即撞焦香木桶豆腐花($38)，而阿妹選擇了香芒小丸子($38)，我今日就選擇了炭燒藍山咖啡雪芭($38)即撞木桶豆腐花隨端上來，店員提醒我們等待倒數時間完了才可以打開木桶蓋，都是好貼心的溫馨提示，豆腐花旁隨了有個倒數的時間儀器，而黃糖都是另外附上，客人可以因自己個人口味調配甜度。一打開的木桶蓋，香噴噴的豆香已經湧出來，放入口時真是要小心燙口，豆腐花份量都足，口感非常滑溜，加入少許糖伴食更是倍感滋味。妹妹的芒果小丸子賣相都好美，用上一隻透明的有腳玻璃杯盛裝著充滿芒果肉汁，內有一粒粒的白色小丸子、西米，小丸子的質感都很Q彈，而西米入口都滑身，還有一大球的芒果雪糕付上，吃完都已經非常滿足對芒果的口感，教人吃得回味無窮。最後又介紹下我點了的炭燒藍山咖啡雪芭，兩大球的咖啡雪芭而中

豆腐花，冷熱都有人愛甚麼天氣甚麼季節也適合這次選熱吃，是因為可以拉長時間跟友人聊天。這豆腐花超熱的，豆味還好，有陣陣焦(香)味🙈...😂//另一款很適合冬天吃的就是 杏汁椰皇燉蛋白 很滋潤，吃完暖呼呼😌將軍澳有2間小方糖甜品 這一間分店在商場內，非常方便輪椅。嗯…跟朋友聊東聊西，越聊越不想回家，很想繼續到處玩。

餐牌上不見有十分特別的甜品，看了一round之後就選擇了朱古力乳酪雪葩。有兩個乳酪雪葩球，一個朱古力雪糕球、香蕉、及心心啫喱。比較特別的是心心啫喱， 朱古力雪糕為一般雪糕，沒有很濃的朱古力味。

可能呢頭好多人養狗，有時放完狗去食，request要最出面的邊邊位，狗放店外商場位置，店員都好ok，其他食客都好friendly 每次黎親都會食mocha沙冰! 絕無偷功減料溝好多水入去，淡淡都好重mocha味，真係好多雪料料撈出來架。只係$50唔洗，比起出面好多糖水店都抵。重要小丸子，紅豆，jelly，同一球重mocha味的mocha雪糕!一個人一定食唔晒，兩個人share岩岩好。不過今次係PEAK HOUR食，小方糖RULES一定要AT LEAST一人嗌一碟。所以就真係捧住個肚番屋企喇！

一向都有幫襯開，今次叫咗碗外賣番薯芋圓糖水同腐竹糖水，返到屋企之後發現碗糖水淨係得三嚿番薯，一粒芋圓都冇。及後打去同舖頭講，一聽到我話有嘢要反映，職員立即cut線。之後再打咗大約五次先再接聽，話會跟進。六蚊都呃，完全唔能夠接受呢間嘢嘅質素一向普通，附近冇乜其他甜品舖選擇先去食，經過今次之後十分失望，一定唔會再幫襯。廿令蚊碗糖水都唔會expect太多，但店員嘅態度真係完全唔能夠接受，待人接物直頭垃圾。

半夜突然心血來潮想食甜品 諗起最近Popwalk開左間小方糖 即刻約朋友即慶出黎食🤤呢次已經係我第唔知幾多次食 我係小方糖迷❤️除左甜品好味之外 佢營業時間都好方便我呢啲夜鬼 最早都收凌晨00:30👍🏻呢間甜品鋪比起其他款式都較為多☝🏻無論中式（杏仁露 燉奶）定係西式（雪芭 拿破崙）都可以係到食到🤤今次同朋友嗌左士多啤梨&芒果味乳酪雪芭 係暑天我最中意食既甜品之一😍食落去冰涼 解暑 而且乳酪味濃 令到我胃口大開🤤

今日9點幾約左朋友食完飯去食糖水 見依間新開冇耐就離食 依間係popwalk商場 幾近地鐵站但好易行錯路 小小難搵 以為星期一晚有咩人 點知成間店full晒 好難先搵到2個位 但間店得2個職員 等左好耐先有人離落單 我同朋友一人叫一個（因為8-11點最低消費係每人一個）我叫左芒果雪糕 $38朋友叫左士多啤梨配益力多沙冰 $362個都偏甜 味道不錯

喺將軍澳中心食飯勁多人。好多餐廳都排長龍。食完行左過黎食甜品。呢邊少人勁多。附近其實糖水舖一隻手數哂。唔想食大大連鎖店。所以就揀左小方糖。價錢相對地相宜。叫左榴華同蕃薯糖水加湯圓。蕃薯糖水唔記得影相。😵榴華有椰汁沙冰。豆腐花。榴連肉。水晶珠。豆腐花係豆奶味。個人都係鍾意普通豆腐花。椰汁沙冰椰汁味比較淡。不過冰底都算幼。榴連肉係一舊仔榴連。甜同淋。不過碗野成$50。榴連肉量較少。水晶珠爽口。口感配搭上唔錯。勁薑蕃薯糖水($22)有3大舊蕃薯。夠淋不過本身唔甜。個名叫勁薑。不過糖水唔夠薑。同埋過甜到有啲太甜。食完要飲好多水。湯丸+$7有3粒。好明顯係來貨迷你芝麻湯圓。失望。相比大大連鎖店選擇較多。價錢亦都較平。不過味道都係一般。希望區內可以有更高質糖水舖。

如果唔係住天晉既朋友帶我地落黎，我真係迷路，因為去睇歐聯決賽約埋食個湯水集合先，11點幾一坐低就叫我地快啲落單，因為佢地就收😯可能唔係地舖人流無咁多早啲收，因為本身屋企樓下都有間有食開就唔研究個menu個個都叫宇治金時🤣同金x堂比，咁又真係流左啲，冰太粗，又無茶味，好彩丸子煙韌都幾多，紅豆唔夠甜又唔起沙，綠茶雪糕普通，成堆野無咩味，練奶都唔落⋯⋯雖然呢間野係舊同學個frd開既，但呢個宇治金時真係麻麻地⋯⋯

因為在繁忙時間：20:00-23:00，每人至少叫一款甜品！由於是日早吃晚餐，口痕痕，見到尚未到繁忙時間，所以立即擇個靚位，然後慢慢挑選！最後order一客「80度暖意心太軟」，雖然要需時製作，但見到實物時，覺得十分值得！廚師👨‍🍳會細心繪畫上不同的公仔，就算和另一個同一個甜品，但完全不同的公仔！感覺不一樣😄

夜晚食完飯呢到小方糖食糖水餐牌上面寫住「繁忙時間每人最少要叫一款甜品」望落去甜品menu更新咗好似有啲新嘢食即刻試下先叫咗一個士多啤梨粒粒拿破崙 同埋普通啲嘅 蛋白燉鮮奶凍嘅蛋白燉鮮奶嚟先，係好正路波嘅蛋白同牛奶嘅味道，燉得夠幼滑，唔錯小方唐嘅芒果拿破崙一向咁出名，咁呢個士多啤梨拿破崙都應該唔差得去邊一粒粒嘅拿破崙係一啲焗好嘅酥皮，淋上士多啤梨醬，加埋鮮忌廉，新鮮嘅士多啤梨粒同埋雪糕一齊食，口感係幾豐富又有層次嘅可惜拿破崙粒粒唔夠熱，應該焗咗好耐先拎嚟，所以冇咗冷熱交融嘅感覺如果下次用新鮮焗好嘅會更佳

講到甜品店不得不提呢一間小方糖 呢間甜品店大概係五六年前已經有都幾出名第一間好似開喺九龍城之後分店越來越多 甜品嘅款式同價錢亦都相對越來越高。。。呢度比較出名嘅甜品反而係木桶豆腐花芒果拿破崙龍眼冰雪糕窩夫刨冰榴槤甜品等等但係由於呢啲平時都食開所以今次就分享一啲比較少食嘅甜品太陽香蕉船$32其實只不過係普通嘅香蕉加幾舊雪糕不過其實味道都唔錯賣相就😯芋圓雪糕涼粉個人覺得呢間甜品店嘅芋圓 都唔錯大大粒食落去亦都有番薯芋頭嘅味道 食得出並唔係剩係得粉 所有嘅芋圓系列甜品都幾推薦

又是甜品控出動既時候~小方糖既椰皇係我既至愛~~呢個椰皇湯圓芋圓燉蛋白我真係覺得係皇牌~有齊哂我最鍾意既野~超級足料!湯圓係流沙芝麻餡，雖然細細粒但有成4粒~而且粒粒都一咬開芝麻餡就應聲流出~芋圓芋香十足!而且夠煙un唔會一咬落去粉粉的~係好實在既芋頭味!仲有地瓜圓都好重蕃薯味! 芋圓地瓜圓偏大粒唔會好似出面D糖水鋪咁細細粒冇味道!我通常會將芋圓同燉蛋白加椰汁一啖送入口~果種滿足感真係宇宙最強~食哂之後仲要不忘用鐵匙挖D椰肉黎食~椰肉軟稔好易挖出黎~食哂成個真係飽到第2日既早餐都慳番~老公今次食椰汁芋圓豆腐花,椰汁芋圓都同我果個椰皇湯圓芋圓燉蛋白一樣美味~但豆腐花就非常重豆味，食到係新鮮撞出黎既豆花而唔係用百福豆腐花黎扮野~見到隔離食個木桶豆腐花份量好巨~仲有個計時器倒數~不過齋食豆腐花我地係唔會夠喉~所以我地冇叫，鍾意玩又鍾意食既朋友可以試下!

凍凍地晚餐唔算食到好飽，好想食碗熱糖水，附近有呢間又收得夜，咁多款燉品系列任你選，唔想食太飽，最後選擇呢碗牛乳紅豆芋圓牛乳底幾香奶味，加入2款芋圓，煙韌感強，又唔甜; 加埋最甜嘅應該係紅豆，仲有西米，多種材料混合，夠晒熱度，甜度適中，食完都幾滿足!