小方糖甜品 (天晉滙2)

營業中

休息中

呢間甜品店愈來愈多分店，呢間係第一次試！天氣轉涼，當然選食熱嘢！呢碗薑水湯丸，未飲已聞到薑嘅香味，飲下就有薑味，甜度唔太甜，與芝麻味湯丸平均返！湯丸皮唔厚，口感煙韌柔滑，相當唔錯，食完滿足又暖身！

呢個食左無限次都依然我的最愛。今次同朋友到將軍澳騎單車後發現開左間小方糖，我向友人推介椰子燉蛋白，內有西米、芋圓、芝麻湯圓，兩個人share剛剛味，熱辣辣又好味，如果可以有更高質的芋圓呢個甜品更加無得輸😍

飯後一點甜，選了小方糖，因為這店比較多食客，選了風花雪，是豆腐花拼紅豆及意大利涼粉，還可自選一球雪糕，當然選綠茶雪糕襯紅豆啦！豆腐花很有豆味，不算甜，好吃，綠茶雪糕比較失色，綠茶味不夠濃，可以不吃，意大利涼粉可以，但跟豆腐花的味道不太配合，而且有點破壞原本香濃豆味，整體$30算不錯，份量又大

附近食完飯行左陣，朋友話想食糖水，係寶琳有3間糖水舖都係開係附近，諗左陣決定揀比較新式同多款d既小方糖。突然想食d甜d既野所以揀左心太軟，而友人揀左紅豆牛乳芋圓，但唔記得左影相芋圓多，夠煙韌大粒，仲有2款芋圓。紅豆都好食，唔會太甜。80度暖意心太軟$42--心太軟可配2球雪糕。有雲呢拿、綠茶、曲奇、朱古力、芒果同士多啤梨。我揀左綠茶同曲奇，中和返心太軟既朱古力。雖然寫住製作需時，但都好快到，等左10分鐘到。一嚟見到個喵喵怪連朋友都要影張相，的確幾cute而且畫工好，有俾人一種細心既感覺心太軟keep到暖暖地，甜度ok，配埋雪糕一凍一熱啱啱好