小店

營業中

休息中

白汁青口配麵包，一絕！香草麵包新鮮軟熟，配牛油已經好好味，再點埋啲白汁更美味無比。唔食藍芝士嘅我，卻好鍾意小店既藍芝士意粉。呢度款款意粉都好好味，不容錯過！甜品方面，芝士撻係我至愛，其他甜品如疏乎厘、夾餅、心太軟、布甸、拿破崙等等，也回味無窮，每次都有選擇困難症！加上可愛的卡通公仔，好有特色！呢期仲有最hit 嘅labubu 添啊頭盤沙律、黑毛豬扒、牛扒也很推介呀，耐唔耐都要嚟幫襯下。呢度嘅凍檸茶也好好飲，有檸檬味，又有茶味！

食過好幾次唔算係熟客，但係因為食物水準keep到性價比高，所以都有介紹身邊嘅人去食。二月頭同朋友慶生都book咗枱，打電話book枱嘅時候亦都知道有最低消費每位$250，唔係大型連鎖食肆有最低消費，當然合理！最緊要係有質素嘅小店好想支持唔想俾大財團壟斷晒！今日再打電話book枱同屋企人慶生，六位大人一個兩歲半一個手抱BB，聽電話嗰位女侍應竟然講最低消費需要$2000，問咗幾次手抱BB都要照計？未滿三歲都要照計？語氣態度唔好被告知收費係計人頭，一直唔肯正面回答究竟手抱BB係咪要計數，只係不斷語氣態度唔好咁講佢哋係計人頭有最低消費，係老闆決定。然之後我問如果六個大人收費如何，就直接答我$1800，同佢講一個月前訂枱五位大人最低消費$1200點解而家六位大人訂枱變咗$1800？最後叫我考慮清楚先諗吓需唔需要訂枱！冇回答過我嘅問題！喺附近放工索性諗住去舖頭問清楚，順便可以即場訂枱，點知老闆又唔喺度，應該又係晏晝聽電話個位態度奇差嘅嘅女侍應同我對話，繼續一貫態度差的作風，話係老闆今個禮拜要求最低消費、唔理晏晝嗰位女侍應同我講咗啲咩總之而家佢同我講就係計一個座位最低消費$250…叫我唔好同佢拗，總

搵位度：🌟🌟好食度：🌟🌟🌟🌟抵食度：🌟🌟🌟🌟九龍城嘅中午可以話到到都冇乜人，但唯獨呢間小店呢真係成日都要排隊，講緊呢佢中午呢大概係$60左右可以食到個扒，講緊嗰個質素啊，都唔算太差。如果預算容許非常之推介，可以食佢嘅燴牛尾配埋個餐包，個質素大概真係要去到中環食緊$300嘅quality，講緊依度只係買你$90。有聽聞過依度嘅甜品都係唔錯，不過我暫時未食過晚市，雖然比起午餐就會貴唔少，下次食完再同大家報告。

食店食物性價比高，幫襯了這小店已兩三年，已當了食堂的小店，可惜老闆娘？安排座位態度差勁，同意齊人才入座安排，得兩個人要我搭枱也不介意，但有兩張二人枱，前後均無客人等位，硬要我搭枱的安排及態度非常不合理，係，而家生意好左，唔怕得罪食客。但長始下長，因小部分人態度間題，那怕你怎好食，客不是來受氣的，遲早不回頭。喜歡這裏的氛圍及食客（常客），食物水準穩定，環境算乾淨，很多香港食巿做出少少名氣後，無論食物水準及服務態度均下跌，由其女的態度真的受不了。

今日放工晏咗，就約老公出外晚飯，去咗我喜愛嘅九龍城「小店」，作為對自己的鼓勵。大家先嚟一杯紅酒，再慢慢點菜。頭盤要咗一個靚靚cold cut拼盤，清涼一下。之後主菜我嗌咗茄乾蒜片意粉，仍是一貫的清新和al dente。老公就嗌咗佢喜愛嘅牛筋骨 。甜品是木糠布甸和芝士撻，仍是一貫的高水準，碟上還有老闆娘親自畫上的可愛卡當作伴。😀經過一日嘅辛勞之後，能夠在「小店」這個安靜又舒適友善的環境吃一頓美味的晚餐，為自己加一加油，很滿足，明天又有力氣繼續工作。也見到本地小店舖用心而出色的表現，大家在各自的崗位上努力。

Lunch hour趕時間 呀姐手寫落咗單 仲去門口慢慢幫外賣客落完單再慢慢拎入廚房我有禮貌地表達唔好意思真係趕時間要返工，佢話：好快㗎咋 真係唔知咩意思，食嘢整污糟咗張枱想要一張紙巾，佢話要收兩蚊食物質素：牛扒硬過條命意粉份量，亦都非常少

諗返起原來N年前食過佢嘅甜品，之前係分開甜品還甜品舖 而家西餐加甜品同一間。今晚因為食魚蛋粉仲有空間食個豐富甜品，諗到可以去小店淨係食甜品喎💡因為之前試過食完佢嘅晚餐再食甜品，晚餐就麻麻哋啦今次我哋每人揀咗一個甜品，拿破崙同埋芝士撻！上次試咗薑汁疏乎厘 ，不錯不錯芝士撻記得以前都專登去食，芝士餡流心，熱辣辣焗出嚟特別好味 拿破崙就好鬆化囉，我都覺得好味㗎佢嘅賣點係每一份甜品上枱，隻碟上面都會有個自己畫嘅公仔，唔同嘅卡通人物！呢個傳統保留到而家 西餐真係麻麻哋，冇乜特別囉，價錢又唔係平喎😅

Dining time（2:55pm late lunch）follow@wojengyea/@wo!正嘢 for more food info🐒 支持我哋發掘更多美食 😋以前喺九龍城做嘢，同事好鍾意嚟，嚟過一次印象唔太深刻，今次再試真啲。粟米蘑菇忌廉湯🌽🍄飲落晤似罐頭🥫嘢，淡淡地幾好飲，但唔夠熱。香煎豬扒🍖拼珍寶腸（洋蔥汁）配飯。首先要講吓個擺盤，有好多蔬菜，雖然只係冰鮮三色豆🥕🌽，但一眼望落去balance番塊豬扒同埋珍寶腸，感覺冇咁膩。再試個洋蔥汁，食得出係自己加洋蔥煮出嚟，唔太鹹好鮮味🧅 塊豬扒煎得幾靚，表面有少少烤焦燶幾香，應該冇落鬆肉粉，但捶塊豬扒時間唔夠，肉咬落有啲實，唔夠淋同鬆化。珍寶腸唔係脆皮嗰隻，只係廚師腸粗大版，麻麻哋。茶水食到咁上下佢會好窩心咁拎杯熱飲俾你，不過杯嘢係暖嘢。。。最怕就係飲到一杯微暖嘅奶茶，真係好難頂。🤢九龍城其實好多選擇，嚟一次試吓無妨。留意👀 午市時段收現金，每位最低消費$50。

性價比高。幫襯咗好耐，價錢親民，很受歡迎，高質西餐。要避免午餐繁忙時間輪候。店主很用心，會湯主菜飲品慢慢上，保證熱度質量👍牛扒餐最受歡迎，我至愛洋蔥汁牛脷午餐，食之不厭

曾經好喜歡嘅一間餐廳，N 年無黎過，今日剛好經過就諗住入去食個 lunch。見到個個都嗌牛扒，呢個啦可以揀白飯意粉或者薯條，但係竟然冇得就咁淨菜。上菜速度係非常之快，賣相亦都 ok。但係全部放入口嘅嘢得杯檸茶係有啲檸檬味。實在係十萬個問號。首先講嗰個我估應該係菠菜忌廉湯。入口係非常之 creamy，但係一啲味都冇完全唔知飲緊乜。係唔想浪費食物嘅情況之下好辛苦飲咗七成頂唔順要放棄。牛扒飯呢 d 睇落穩陣嘅野，牛無牛味 (不過咁嘅價錢其實都預咗)，飯冇飯味，呢樣都算，但係點解連個汁都可以無味？😨 要做到全枱野一啲味都冇實屬高難度。$60 食d 咁嘅野真係九龍城大把好食過佢嘅選擇。睇到 openrice d 相唔知晚餐係咪高質 d，但係一間有誠意嘅餐廳，冇理由接受到自己午餐做到咁嘅質素。已 blacklist 唔會再黎。

今日放工約咗3:00pm洗牙，諗住是但食個quick lunch，呢間n年前食過吓舊舖的晚餐，見到有set lunch，2:15pm去到我先攞位，老公附近泊緊車，睇唔到人齊才可入座的標示，入到去啲枱多數只是1-2人坐，仲有一張吉枱，咪同個中年阿姐講兩位，跟住佢即刻問我人齊未，我話未，但係我哋好趕時間其實食幾個字就走我會即刻叫定兩個set，老公亦行緊過嚟，但佢堅持話人齊先入得，由於我趕時間，咁我就話我而家一位一個人食先，諗住同老公分開食我走先，點知佢咁都話唔得，仲趕我走頭也不回！我只能說我成世人都未見過態度咁差咁冇道理嘅店員，我冇機會食到佢哋啲嘢都忍唔住評論下我遇到的服務，請忽略食物方面的星因為冇得揀不適用。

慶祝生日，蛋糕比食物更加重要。選擇喜歡嘅蛋糕，無論如何都一定會為朋友嘅生日，留下美好印象。 🍖 所以先由拿破侖講返轉頭。有別於一般既既拿破侖，呢度既酥皮，喺屬於薄脆。而鍾意哩樣甜品嘅人來講，一定知道拿破侖既餅皮越薄，越容易影響佢既脆度。換句話黎講，要用簿酥皮又要做得好食，就只能夠就只能夠即叫即整。佢嘅吉士醬亦都唔會太甜，而且夠滑又輕盈，成個組合令到唔會出現普通拿破侖食完之後產生飽膩嘅感覺。而且隻碟上面公仔都畫得好靚。 🍖牛扒同鵝肝雜菌意大利粉，都相當有水準，真係我地都覺得最好味嘅竟然係伴碟嘅薯仔，煮得林身，但又唔散，而且忌廉醬做得好夾

是日接老公收工九點幾仲有得食南瓜湯+唔知咩包又唔記得問~凍熱情果茶小冰南瓜湯好正~包同湯都同老公一人一半老闆好貼心♡知我地兩公婆share食提議遂樣上唔怕凍晒係啦～我地又叫番同上次一樣既野因為太掛住個味道老公都係叫番一樣既～老闆建議點少少海鹽吊番起個味點左好似食緊燒肉老闆建議七成（上次都係）之前走過嚟話覺得似八成老公話都覺得比起上一次係熟左d老闆話如果唔ok可以出聲整過碟我即刻話唔使～老闆話唔怕我話真係唔使咁樣都幾好跟住問老闆有咩甜品推介老闆話跟據頭三樣受歡迎既介紹No.1係心太軟～有畫埋畫好Q比街外食既明顯大size叉開少少見到好多朱古力醬嘩左出嚟超流心朱古力唔會太苦亦唔太甜蛋糕唔厚實微脆皮比較薄如果以小籠包嚟形容就係皮薄多汁😆No.2 拿破崙～都係有配畫架好有🩵酥皮好脆好薄唔使咬唇輕輕掂到已經碎吉士creamy 唔太甜加分最怕生果酸～呢個完全無呢個問題No.3 係芝士餅下次再試太飽心太軟既朱古力醬我都食唔晒🤣老闆同其他店員都好貼心成日會幫我地換碟亦會問我地覺得食物味道如何所以我同老公絕對會再嚟架

我今日試咗一間平價西餐廳，真係好驚喜！特別要同大家分享呢度嘅招牌菜「香煎牛扒（燒汁）配飯」，真係物超所值！首先，話到牛扒，佢哋嘅煎得好到位！牛扒係外焦內嫩，一刀切落去，就見到嗰種多汁嘅粉紅色肉汁湧出嚟。每一口咬落去，都可以感受到牛肉嘅鮮味同嫩度，真係好滿足！而且，佢哋嘅煎牛扒唔會煮得太老，仲保留住部份嘅嚼勁，食落去真係好順滑。而最令我驚喜嘅係佢哋嘅燒汁！燒汁係一種深色嘅醬汁，帶嚟一啲甜味同埋微微嘅燒烤香氣。佢哋嘅燒汁真係好濃郁，每一啖牛扒都可以充分沾到呢個美味醬汁，增加咗牛肉嘅層次感同埋風味。飯同燒汁結合得天衣無縫，每一口飯都好香好濃郁，真係食到停唔到口！另外，飯都係一個亮點。佢哋嘅配飯煮得剛好，顆粒分明，口感彈牙咁好。飯粒之間夾雜住啲胡蘿蔔同豌豆，增加咗飯嘅色彩同埋口感。而且，飯同燒汁一齊食，味道更加豐富，令整餐更加完整。總括而言，呢間平價西餐廳嘅「香煎牛扒（燒汁）配飯」真係一個超值嘅美食選擇。無論係牛扒嘅煎得恰到好處，燒汁嘅濃郁風味，定係飯嘅口感同埋配搭，都係一個令人滿意嘅組合。如果你想食西餐又唔想太花錢，我絕對推薦你嚟試呢道菜。立即嚟呢間平價西餐廳，享受香煎牛扒配飯嘅美味吧！你一

態度真係有待改善，打工仔午飯時間得一小時大家都知，我有6個人食飯，咁我同其中一位同事行得快啲咪去攞位先，我明白貴舖已响門口貼左「必須齊人入座」，但等人齊真係食唔切，咁我都唔想你難做，都同你講我一係照叫晒六份餐，咁就算最後我啲人唔黎，我都願意承擔返費用（自問態度係有禮貌），但你哋一而再再而三用一啲不禮貌既態度對人，個客同你講咩都好似聽唔到，淨係識係咁指主門口張紙講「你自己睇，你自己睇…」真係好差勁，我一向都唔鍾意寫評語，但真係第一次有啲咁惡劣既舖頭令我要寫出黎😠😠😠