小巨蛋

營業中

休息中

Food court 都有高質台灣菜小編系樂富呢個foodcourt都食過無數次，食既不外乎幾間，近期驚喜地發現呢度開左幾間新小店小編都未食過既，就決定要搵時間試哂呢幾間新野，今日食既呢一間「小巨蛋」就有小編喜歡既台灣菜。鴨血花蛤米線(麻辣湯小辣)自從去過台灣食過鴨血之後，小編深深地被呢樣美食迷住，呢度鴨血細舊但勝在厚身，口感滑嫩，吸哂麻辣湯。花蛤爽口，帶鮮味，麻辣湯辛辣刺激，但都易入口。台式花蛤粉絲(胡椒湯)屋企人最喜歡呢個，胡椒湯味超濃郁，粉絲索湯，一啖湯一啖粉超正，仲有一大塊金菇，好味。蓮藕肉餅意想不到地好食！蓮藕肉餅食得出粒粒爽脆蓮藕，厚身得黎，煎到外脆內軟，多汁。三味鹽酥雞(芝士醬、酸瓜乳酪醬、泰式醬)鹽酥雞本身已經好好味，炸到乾脆不油膩，沾上不同醬，又變成另一風味，小編最中意泰式醬，好似冬蔭公，有泰式的酸甜辣，完全將台式的鹽酥雞變成泰式口味，好味又別具特色！紅糖冰粉紅糖冰粉滑溜不太甜，不錯，面頭仲有少少果乾，增添少少香甜。一刻果汁(番石榴，蜜桃)佢地仲有埋台式飲品，不太甜好飲。

#鼠尾草食飲玩 #sagefoodiehk台式✨ × 惹味💖 × 夜市😍樂富嗰頭咁多嘢食，去嗰度搵食嘅朋友唔可以錯過呢間味道正宗又抵食嘅台灣菜舖頭🥰！小店位於food court裏面，好有台灣夜市嘅感覺😍。台式花蛤粉絲配埋胡椒湯，可以帶出花甲本身嘅鮮甜味，配埋香濃嘅蒜香，好夾粉絲😋。鴨血花蛤米線味道香辣濃郁，台式麻辣湯底超級夾鴨血，食到停唔到🔥！煎蓮藕餅煎到香口，口感又夠豐富💖。鹽酥雞餐啱晒想食邪惡台灣夜市美食嘅鼠尾草🌱，鹽酥雞味道香濃，夠晒惹味，配埋酸瓜乳酪醬平衡返味道，啱啱好🫶🏻。而且套餐包埋好有台灣風味嘅一刻果汁，白桃味道甜香，好正🌟。加多幾蚊仲有得加購台式冰粉，食落清甜又滑捋捋，食完咁多濃郁嘅嘢食，好啱食冰粉🙂‍↕️。另外仲加多咗一支好有台灣風味嘅紅芭樂汁，同樣都好夾濃郁嘅夜市美食😚。💰台式花蛤粉絲($53)💰鴨血花蛤米線($53)💰煎蓮藕餅($18)💰鹽酥雞餐($38)💰台式冰粉(+$8)💰一刻果汁紅芭樂汁(+$3)

今日喺樂富廣場food court食「小巨蛋」，質素幾唔錯，夜晚好多人食🥳🥢台式花蛤粉絲（胡椒湯）胡椒湯底煮配花蛤粉絲，湯味濃郁，花蛤新鮮，粉絲吸收咗湯汁嘅精華，食落非常入味～胡椒湯帶有一點微辣，十分開胃🤤🥢鴨血花蛤米線（麻辣湯小辣）好受歡迎嘅選擇🔥麻辣湯底小辣，味道香辣惹味，鴨血滑嫩，花蛤鮮美，米線吸收咗湯底嘅味道 好正呀，適合鍾意食辣嘅朋友😋🥢蓮藕肉餅蓮藕肉餅外脆內軟，口感豐富。蓮藕嘅爽脆同肉餅嘅軟腍好夾，味道有驚喜，值得一試～🥢三味鹽酥雞配有三種醬汁：芝士醬、酸瓜乳酪醬同泰式醬。鹽酥雞炸得香脆不油膩，搭配不同醬汁，味道各有特色，特別係泰式醬，帶有酸甜辣嘅風味 回味無窮🤤🥣紅糖冰粉紅糖冰粉好滑溜😋 甜度適中，面頭仲灑上果乾，增添咗香甜味，清爽嘅甜品選擇👍🏻🧃一刻果汁（番石榴，蜜桃）味道清新，唔會太甜，十分解渴，配辣野啱晒🫶🏻

咁啱路過樂富廣場food court 入去見到新開咗呢間台灣嘢 見佢$28有小食拼盤咁平 所以試一試 嗌咗鹽酥雞拼粟米 真係超級大兜同好食 有其他選擇例如花枝丸地瓜條 值得一試啊！