寿司の神 (已結業)

呢間野實在太多太多朋友介紹要黎食 所以岩岩個weekend就黎試試真章 無論晏晝定夜晚黎食 都記得要訂位 如果唔係就未必坐到高枱我地揀既omakase係hkd300 包括沙律🥗、茶碗蒸、12貫壽司🍣、味噌湯廚師首先會了解番我地有咩喜好 我就唔洗食沙甸魚秋刀魚果d朋友 咁一開始講定就大家都食得happy總括而言 所有壽司都不過不失正正常常 冇一款係特別驚喜 刺身既溫度係好室溫 食完今次應該唔會再嚟食 未食過既黎試下都無妨

今朝同男友經過壽司之神，見佢有位，就入左去試下啦。我地分別左一個十三件（$290）同十件（$240）omakase。印象中食左好多款唔識既魚，味道都幾好既，但sauce方面就未必咁岩我口味。聽到隔離枱問師傅有冇呢款果款可以食， 到底佢係味食緊omakase 呢我覺得最好食係果d漬薑蒜頭同個甜品豆腐布丁

本人其實甚少打食評但這次真的非打不可真係俾錢買難受打電話落嚟訂枱嗰陣已經覺得聽電話嗰位小姐冇乜禮貌開頭以為自己錯覺但食落真係頂佢唔順講嘢冇尾音不特止嘢食只係介紹個名仲要係我未食完嘅時候想拎走我個碟音樂就太細聲好難去傾計呢間野以前都幾出名但所有好嘅師傅都走晒第二間刺生一啲鮮味都冇 我覺得元氣仲好食過佢壽司好似好少少 但係都唔覺有咩特別唯一令我覺得好食嘅係番薯甜品但一間日本餐廳最好食嘅竟然係甜品廁所又污糟真係唔知點解要比咁多錢去食一啲服務都冇我發誓以後唔會再尼

一直都吾捨得食晚市既omakase 所以趁放假就會去試午市omakase!!價格相對相宜好多呢😇-十三貫廚師發辦壽司($290)除左十三件即造壽司之外 同樣有茶碗蒸 麵豉湯 沙律 甜品午市廚師發辦定食 ($450)這款只有七件壽司 三款刺身 茶碗蒸 前菜 魚生飯/手卷 麵豉湯 沙律 甜品壽司魚生沒有特別令人驚艷 魚味欠鮮味拖羅有油脂香味但又缺了拖羅的鮮味🤭相對出色的是海膽和醬油漬呑拿魚其他都令人失望🤦🏼‍♀️-Encore指數🌟🌟

想光顧壽司の神許久，今次終於在午餐時間品嚐選了壽司定食$200，果然名不虛傳，食物質素高👍🏼先來一個超滑的茶碗蒸，太棒了，蛋面那片三角形是椎茸接着，5件壽司🍣，海膽滑口溶化、深海池魚肉質爽口、甜蝦、油甘魚、吞拿魚赤背，同樣新鮮好味😋😋😋，冇得輸迷你魚生飯，很多的三文魚子👏🏼，沒有腥味，還有不同的魚生粒，和爽脆的青瓜🥒唯一不太喜歡的，就是店內的燈光偏暗

建議午餐去食會比晚市便宜好多！特登走入元朗食都好好抵食！服務態度好好，店員會每一件sushi都介紹，食既次序亦會講，十分professional!每一次都係唔同既魚生，由師父發板！而我最有印象既有:1.白子壽司(魚既testicles FYI...)2.木章魚3.金目鯛4.Toro5.燒左口魚仲有個6.安康魚肝都好正要介紹一下既一定係個前菜，個個miso腌既蒜頭好正，啲miso入曬落蒜度好開胃！記住要book左先！

食材新鲜，味道好，尤其是如此厚道的价格，真的物有所值，值得一再拜访。相比起午市的omasake，感觉寿司套餐的性价比更胜一筹，omasake虽然便宜（相当于中环寿司店的寿司套餐价格），但没有特别惊艳（当然也看每次的食材，有几次还是不错的），寿司套餐290的价格真的是非常不错了，海胆和toro都有，每一件味道也很好。晚餐的omasake更精致一些，价格当然也比午餐贵一倍多，但是比起中环的店还是性价比较高的。就是元朗真的很远，否则的话这家店值得经常到访。

朋友升職請食飯，佢話成世仔未試過豪一次，話一定要豪下，元朗幾間omakase都未試過，所以佢決定試下，帶左我地食個貴格omakase，好，大家就去試下，入到去，星期六午餐唔係太多人，廚師好有心機介紹今日的餐單有乜種類，之後，食住個前菜坐係吧抬睇廚師發辦份外有特色，睇住廚師手起刀落，已經係最好的前菜，之後廚師好有心機介紹逐份刺身及壽司，到最後主食都逐個介紹，刺身及壽司非常新鮮，尤其係蝦及海胆，非常好食。果然食好野係要付出代價。好滿意的一餐

成日自稱見城出身，首先見城我唔覺得有幾出名幾好食，就算係出名都係出名在壽司魚生超細件(已成功承傳)，再者係入面做過代表咩呢？可能只係初級見習執頭執尾洗下碗咁，但就吹噓到自己大師級咁… 我都係俾朋友老點咗去呢間，講到有幾正得幾正，仲專登帶埋阿媽去試，結果食完一肚火又唔飽… 連一向蛇乖既阿媽都忍唔住出聲話咁細舊…一入去見間舖一陣腥味，裝修簡陋，舖又細，位又逼，直頭痴住隔離坐咁，毫無私隱，坐係位又睇到哂師傅開魚，地下，洗手盤附近濕立立，街市咁，貴價價錢，地茂環境… 食材花款少，貨式普通，Omakase 大部分用平價魚生，壽司size係我今生食過最迷你，一邊食一邊聽到隔離座夫婦討論緊點解食極唔飽? 哈哈…梗係唔飽啦，細到咁可憐，件數又少… 我去嗰日仲要咁啱連湯都冇， 最後要食烏冬充饑… 食評中有人仲話要專登去元朗食，我真係笑L死! 麻煩出下城去下中環，銅鑼灣，尖沙咀食下先，同一個價錢件數多，份量足! 食到你飽到郁唔到想倒嘔添呀! 問過師父店名點解叫壽司之神咁囂張? 佢話壽司之神係佢偶像喎… 但呢個名同佢既出品去比較，實在太厚顏無恥了…😒請都唔會再去，印象太深刻了，舖租仲要咁平，係元朗人唔知價先

今晚來到了元朗的教育路做美容，然後就會合了老公到附近的馬田路吃「壽司之神」。鬼馬的他原來一早已預訂了座位，心裡甜了一甜。漬物有蒜、牛蒡、淮山、蘿白苗和酸薑，最喜歡蒜和牛蒡，非常入味爽口；蘿白苗和較辣較濃味，啱曬重口味人士。前菜精美～中間放有爆谷花，忽然有有青春的感覺（笑～）先吃 - 火腿配大筋煮之後吃 - 漬物有大塊八爪魚片、蝦和青瓜薄片 最後吃 - 西瓜狀的青檸啫喱，很可愛，可當清清口腔準備吃刺身。刺身5款1）真鯛 配酸汁，再放上蔥刺身上灑上了柚子皮腍身提香，肉質腍而且偏淡，所有2）深海池魚 厚身而且比平時吃到的爽彈十倍，原來是即日運到香港的，並無隔夜十分新鮮，很高分。3）石垣貝師傅先拍打石垣貝，令肉質收緊更令肉質爽彈，要快吃更能嚐到其鮮甜，覺得完全不用蘸醬汁提味。4）花咲蟹 北海渡 7-9月產，其他月份為禁捕期，十分珍貴！蟹肉較為乾身（不代表無肉汁啊！）而且口感更實在，味道更鮮濃。配上其蟹膏再用脆口的紫菜包著吃，口感增加。5）秋刀魚 切得漂亮，盡露肉質間的顏色程次，再砌成類似心型狀，賣相吸引。刺身秋刀季節油份較重，再過些日子皮下鮨會更重，油份更重。壽司5款1）伊佐木壽司 本身魚皮本

好少係香港食Omakase，因為價錢唔平，而且未知質素如何。今次機緣巧合之下，試咗壽神之神嘅$1200 Omakase套餐，發現原來香港小店都可以有驚喜！$1200套餐最先上的當然係前菜，前菜有三款，配以手磨嘅Wasabi，非常有誠意！刺身應由淡味食到濃味，所以最先上嘅都係比較清淡嘅魚鮮！非常肥美嘅深海刺魚。呢款紅色堅魚，口感彈牙，入口酸酸地，啖啖肉非常過癮。油甘魚，配以柚子、胡椒，辣辣地又甘香！以赤醋飯作為飯底，酸酸地之外仲帶甘香。Ooturo，係拖羅中最肥美個款，香港人至愛。醋青魚，有少少中式魚嘅味道，非常特別，香港好少食到。半盒馬糞海膽嘅手卷，每一啖都滿滿的海膽，非常滿足！雖然價錢唔平，但用料非常充足同新鮮，每食一款都會為你介紹，食嘅途中亦見到好多客人入黎食！推

如果你問我食omakase 食刺身應該乜日子去先食到最正嘅，我一定會答你2-3月！因為依段時間岩岩過完冬，魚體內原本儲來過冬嘅脂肪仍然存在而初春起會令魚活躍，此舉又正正會增加纖維從而令鮮味更濃縮肉質更肥美👍🏻👍🏻仲有就係春季是不少魚類的產卵期，佢地嘅卵子和精子更被視為補品，好多大廚會採用唔同烹調法去帶出最佳食味😏圖中為目仁奈薄切刺身、另一名大家可會叫「眼仁奈」，出沒於九洲南邊一帶，屬於白身魚中魚腥味較重～但其油分比較適中，岩晒鹽燒或汁煮！以刺身品嘗嘅話就會發現質感軟韌適中配微酸嘅汁去食就更為融合👍🏻 食Omakase 我最喜歡就係會見到滿到瀉嘅海膽軍艦！特別用上馬糞海膽就更加愛到不行😍 因該會特別鮮甜而且滑口，口感近乎接近cream mosse 之間，但最緊要係夠新鮮絕不大腥味！依間餐廳最大特點係每日早上日本築地即日取貨即日到港！用料夠新鮮而且特意用上赤醋米去配上每一款特選嘅刺身作壽司，令成件事風味以及味道更出眾👍🏻欣賞師父們會因季節性而用唔同材料

平時我都懶得打食評，但今次食正嘢就一定要寫下同囡囡入元朗食壽司之神，之前已經嚟過一次，真係好懷念嗰種味道，可以令一個平時唔食刺身嘅人愛上仲要回味，證明有幾好食$1200唧set有5款刺身、5款壽司、1手卷、1湯品同甜品，師傅連擺碟都擺得好靚，每種食材都好新鮮！前菜：高湯蘿蔔、西柚果凍同用醋醃製嘅蝦章魚感覺清新爽口！刺身：中鯛鱲魚、深海池魚、秋刀魚二食、醋鯖魚、大拖羅最愛係吞拿魚，超肥美嘅拖羅，師傅燒左一面，入口嗰種魚脂香氣真係唔講得笑！壽司：石垣貝壽司、油甘魚壽喜、花小蟹壽司、赤陸魚壽司、牡丹蝦壽司牡丹蝦壽司最特別，面層嘅汁係用甜蝦蝦頭整，味道超鮮甜！蝦膏味超濃郁好正！海膽手卷嘅海膽一啲腥味都無，又夠多，每一啖都食到，仲要係配我最鍾意嘅赤醋飯，大愛！蟹肉麵鼓湯下面有好多鮮蟹肉啊！甜品：清森縣富士蘋果、自家製杏仁布丁、兩粒金箔黑豆，杏仁布丁好好食，杏仁味好香！成晚都非常享受！有機會一定要再來！

不嬲中意食日本野，要數OMAKASE，相信大家都知元朗高手雲集，今次就黎試下一間係元朗都十分有名既「壽司之神」點左$900既SET前菜分別係八爪魚、大蝦、大根蘿蔔配Parma Ham同埋柚子啫喱。大蝦鮮甜彈牙，大根蘿蔔本身冇咩味，配咸味重既Parma Ham好合適子薑、牛蒡、准山牛蒡可以一口食哂，酸酸地，而且師傅仲沾左啲芝麻係頭，個感覺好似欣欣杯。第一次食准山係有wasabi 汁，食到最後都忍唔住問師傅可唔可以refill，師傅都好好人比多左幾舊。仲有子薑，本身少食日本餐廳啲薑，一黎本身唔太鍾意薑味，但呢舊就好易入口唔會好抗拒，食完師傅都有主動refill榨菜頭通常榨菜都好酸，特別係榨菜頭，反而呢舊就無乜酸味。真鯛第一道上既壽司，師傅話由淡味開始食起，呢款就真係清清地但又不失其魚香深海池魚食落比起一般既池魚爽口，重油份，但油而不膩，剛剛好油甘魚眾所週知油甘魚係出面食都好貴，亦都好受歡迎，有幸可以係壽司之神試到，不負所望，好好食，特別之處師傅係上面放左d柚子胡椒，柚子味同胡椒亦恰到好處。石垣貝今次見到師傅點處理石垣貝真係耳目一新，師傅將舊石垣貝放左係舊飯之後，會拍一拍，石𢬎貝頭/尾就會微

另一半好少食OMAKASE，難得同佢去食，一去當然要帶佢去間好啲既～如果你中意食日本野，「壽司之神」你一定識，全部師傅都有返咁上下質素！今次就揀左最入門既$900 set，包括左前菜、壽司十款、湯、海膽手卷及甜品坐係bar枱望住師傅整同時又處理緊薑處理得好似雕花咁細心刺身放係師傅中間，師傅會望下入面，再諗下一道上咩比你前菜有八爪魚、大根蘿蔔配巴馬火腿同埋柚子啫喱。八爪魚好彈牙，柚子啫喱外形好似迷你西瓜咁好得意，但我自己唔係好中意柚子，所以唔岩我口味伴碟(牛蒡、准山、子薑、面豉蒜頭、榨菜頭)開頭有牛蒡、准山、子薑，牛蒡用WASABI醃過，好爽口鮮甜，好食到食哂叫師傅再refill食到咁上下，師傅再會比其他伴碟，就有面豉蒜頭同榨菜頭準備開始第一道壽司！望住師傅握壽司都係一種享受真鯛壽司一開始當然係由淡口食起，真鯛清新鮮甜，魚油不多，作開首好適合深海池魚壽司食落就爽口，油份會比鯛魚多一啲油甘魚壽司油甘魚上面放左一丁點既醬料，主要由柚子整成，味道偏咸酸，用以中和油甘魚既油份，但我自己覺得冇醬料好食啲石垣貝壽司石垣貝仲係生既，上枱前師傅會打一打石垣貝，等佢神經收縮，佢就會一下捲起，收縮後會更加爽