寶樹堂涼茶

營業中

休息中

長沙灣寶樹堂涼茶嘅格仔餅真係超級好食！本來係夜晚經過口痕想食格仔餅，見佢$18蚊而且咁夜都有生意就買咗底嚟食，之後就係咁忍唔住返轉頭買嚟食。每次水準都咁好，唔寫返篇食評真係對唔住自己。佢嘅格仔餅係即叫即做，新鮮熱辣，攞上手好有份量，而且啲色好靚。食落外脆內軟（真係有聲嗰種脆，而家真係唔多鋪頭做到），會食完一啖又一啖，食晒成底都唔會膩。嗰啲醬好濃好好味，甜而不膩，仲可以叫老闆免費多醬/少醬，或者脆啲冧啲都得。

長沙灣涼茶舖竟然有雞蛋仔格仔餅買？ 今次試吓叫一件⭐️格仔餅$18 👍🏻本身已經好多醬你仲可以額外要求多醬 或者整得脆啲🥰今次冇特別要求 都做得幾鬆軟 小小脆唔使排隊 但都算多街坊買整體好食過好多舖頭 你哋又有冇試過呢？

「空肚講宵夜」系列。話係「被涼茶耽誤的雞蛋仔店」。雞蛋仔（$18）即叫即制，可要求脆啲或腍啲，我就要求咗脆啲。製作時間大概十分鐘，有蛋味，微甜，外層少脆，內裡軟熟，中間尚算飽滿（唔會空飄飄），連接位因為薄所以更脆口。整體味道不錯，對得住價錢，可以一試。

行街經過被一陣陣雞蛋仔味吸引過來，估唔到賣涼茶又有雞蛋仔和格仔餅食喔！入面又有位坐，點咗一個普通龜苓膏試下，一個字：苦，真係藥製龜苓膏，好大中藥味！應該會好清熱，（自我安慰中……）雞蛋仔現買現整，新鮮偏乾身dd！

雞蛋仔（$17）每次經過都見到幾多人買呢度既雞蛋仔/格仔餅，所以帶住期望一試。雞蛋仔雖然唔係即叫即做，但係賣得好快，見佢都keep住整，拎上手仲熱，應該唔係整好左好耐。我呢份整得有啲燶，同埋應該係個粉漿既原因，所以整體好硬，外層較硬帶少少脆，內層飽滿但口感完全唔夠鬆軟，味道一般。

哥哥好足料終於食到正宗嘅格仔餅走時哥哥仲提我哋準備定紙巾哈哈～ 一聽就知道好味果然，真係食到兒時既味道外脆內足料，又熱辣辣，無得彈！！一定要再食過！！下次試埋雞蛋仔😃

食飽飽想搵啲甜食過一過口癮，略嫌一般甜品食到有啲悶，而且普遍都好甜吓，不如入去坐低試吓呢間嘅糖水如何啦（利申之前已試過蔗汁，好甜！天然甜，無加糖）。今次試吓order 個海帶綠豆沙先，真係有啲擔心中伏㗎，因呢間小店多數都係賣涼茶、龜苓膏、蔗汁，甚至雞蛋仔等。綠豆沙一上枱好水好稀心感不炒，但食落唔甜感覺好涼爽，加埋支天然蔗汁，真係透心涼，個綠豆沙應改名綠頭糖水比較貼切。如果去開嗰頭真係可試下叫糖水或蔗汁，唔洗食嚟食去一般甜品舖咁悶，又健康，好有香港味道。