富華冰室 (葵涌廣場)

今次同朋友嚟食全日早餐，餐包外脆內軟，牛油厚實，啖啖香脆，超滿足！朋友想食飯，所以點咗佢哋自家製的燒鵝飯$60，燒鵝皮脆肉嫩，油香四溢，配飯粒粒分明，汁水淋得勻，味道地道惹味，食完大快朵頤，係街坊首選。不過，負評係燒鵝太油膩，食到後段易悶，唔適合每日食。早餐選擇雖多但變化少，重覆食易悶，高峰期座位擠迫，雖然環境熱鬧但人聲鼎沸，影響輕鬆感。價錢一人約$50-100，抵食但加服務費感覺稍貴。總括而言，富華冰室全日早餐同燒鵝飯好味實惠，環境街坊味濃，適合快速用餐，但油膩同環境需改善。下次會試煎蛋豬扒公仔麵！…查看更多

中午時候這裏是十分多人的，我們一行二人到達時間是下午三點，幾乎是最後的卡位了，旁邊坐著職工用膳的姐姐，這裏的茶水是自助式。分別叫了一下蒸魚午餐，以及菜遠魚塊炒河。由外地來的朋友說蒸魚有家的味道，非常喜歡，覺得我這個推薦很正確。我的魚塊炒河也屬於標準出品，連份量也是標準的多，所以也未能100%完成。由於這裏有不少食客，所以就相對嘈吵，但在這個商場而言，能夠坐得相對舒服一點的餐廳確實屬於少數，可能這也是大多數人選擇在這裏用餐其中之一原因吧。…查看更多

在6月15號晚上大約6:30到葵涌廣場富華冰室舊舖入座用膳，我張枱同埋我後面嗰張枱都係同一時間入座，一位女侍應只係俾水、紙巾同埋筷子我哋後面嗰張枱，冇俾我，於是我問佢拎杯水，佢竟然同我講，落咗單先有水，我話後面嗰張枱你都俾咗水，佢就話人哋落咗單，之後佢態度非常不悅地俾咗一杯水我，3分鐘後，我發現後面嗰張枱先叫佢過去落單，咁即係唔係落咗單先有水，再講無論落唔落單先客人叫你俾杯水都應該要俾啦跟住我叫果位女侍應過來，佢問我係咪落單，我同佢講後面嗰張枱佢係俾咗水之後先落單的，再講拎杯水係咪一定要落咗單先？問佢點解要咁樣同我講，佢仲喺度狡辯，因為佢嘅態度非常差，所以我最後決定唔喺呢間餐廳食飯我之後打去餐廳問富華冰室老闆嘅聯絡方法，我直接同老闆提出投訴，餐廳員工俾咗聯絡方法我亦都同我講話有唔少客人投訴果位女侍應，果位女侍應咁嘅服務態度唔適合做服務性行業，如果富華冰室繼續聘用佢只會令更多客人不滿…查看更多

呢間富華啲燒味出品都幾穩定， 午餐四選一， 每次都會叫D餐， 叉燒燒鵝三拼， 70蚊包例湯和一杯飲品 。 唔知係唔係我生得靚，食咗幾次都有鵝髀。 咁我就覺得好超值囉。葵湧廣場有兩間分店， 中國銀行隔離嗰間係新店 ，冇燒味飯，冇新鮮出爐嘅麵包，吾使排隊的。 相反最入面嗰間係舊店就經常排隊 。 出品包羅萬有， 係一間有水準嘅茶餐廳。…查看更多

做完運動經過葵芳，天氣凍想搵個地方坐低食下野，周圍都排曬隊，想平平d食個扒餐，見88蚊一個扒餐，包餐包餐湯同飲品，於是坐低試下餐湯有我鍾意的粟米忌廉湯，真係有粟米，大家都知依家個年代好難有餐廳真材實料，餐包都係熱的！牛排份量大到一個點，雖然有少少筋，但係肉質絕對得著個價錢，無雪味咬得開，加份位係洋蔥汁入面竟然有西芹洋蔥，雖然平但係無將貨就價，焗薯加左汁都幾好食拒外賣晚市有8折，平時經過唔想煮都ok啊覺得會encore…查看更多

今日嚟到葵涌富華、三個人叫咗三碟嘢食，分別有鹹魚煎肉餅，時菜炒牛肉，椒鹽鮮魷。上到枱時啲菜超大碟味道不過不失份量搭救。每個餐都跟白飯一碗同例湯一碗.大食嘅朋友，啱晒嚟呢度食嘢…查看更多

次次嚟親富華都會排晒長龍，呢間茶記真係好出名，喺葵廣都有兩間，聽同事講佢哋嘅燒味飯好出色，今次晏晝揀咗佢試一試。 份量都幾好喎，我揀咗小飯，啲肉都幾多，味道都唔錯，雖然價錢相對嚟講貴咗少少，不過個質素都幾好，唔怪得成日都咁多人排隊啦🤣…查看更多

早兩日去開葵芳整野，搵地方食早餐，行左入葵涌廣場，見到富華幾光猛，就入去食早記，諗住都係求求其其，野食黎到又幾鬼好食喎😋😋😋叫左個例牌早餐，沙爹牛肉麵，沙爹汁幾香幾濃，個餐飽黎到綠綠地色既🤔🤔原來係班蘭餐包👍🏽👍🏽👍🏽，朋友食左羅宋湯通心粉，羅宋湯都夠濃，另外個菠蘿油，超級大隻，塊牛油又大又厚👍🏽👍🏽👍🏽服務就無咩留意，去茶餐廳…講乜鬼要服務丫😅😅😅早餐時間，都忘記左食物影相😅😅…查看更多

華富冰室都算係老字號之一整體啲嘢食 唔算差 價錢都合理《餐館環境》以前感覺環境 聯同比較污糟今次環境有提升到 企理乾淨咗啲(除咗有時有啲貨物會喺外邊堆積少少)《侍應態度》好咗好多冇嗰種食完就趕你走嘅感覺氣氛都算正常 唔會好似趕火車咁《雙拼飯 叉燒燒鴨 》對一啲要求唔係太高嘅人 整體上都唔差 過得去第二樣嘢叫咗個《咖喱吉列魚柳局薯仔蛋》都係正正常常 質素都係唔錯嘅起碼個炸粉 唔會太厚上面行完商場咁嘅價錢 都算抵食 又就腳PS: 溫馨提示繁忙時段大部份都要排隊 如果係附近嘅打工仔 要嚟食 就要注意啦…查看更多

放假瞓到自然醒，一起身就係嗱嗱臨要趕喺12點前去到富華食嘢，因為仲可以食到佢哋嘅早餐，最鍾意食佢哋嘅餐包新鮮熱辣，細細隻又唔會覺得太邪惡，最重要係性價比較高，四十零蚊就已經有交易，食完當埋午餐，夠晒抵😆…查看更多

呢間食過幾次佢地既沙嗲牛食咁多次都係咁出色 好正😋我諗暫時係我食過最好食既沙嗲牛😍不過今次轉一轉唔食沙嗲牛今次叫左豬扒煎蛋公仔麵估唔到係厚切豬扒大大塊好入味仲要好淋以為好細個既豬扒蛋麵食完真係飽曬🙈另一個餐羅床湯餐肉通粉又係好正 連湯都飲埋😆再配個大大個既波蘿油 留埋食埋lunch都得🤣不過辣鮮出爐個皮脆卜卜 真係好正暫時黎講啲野食同野飲既質素都唔錯份量亦算大碟食飽先有氣有力開正呀嘛🤣🤣💪🏻💪🏻如果朝早早啲嘅話，佢會有迷你菠蘿包添，新鮮出爐仲好食…查看更多

兩份燒腩瀨大細明顯差好遠，數量又唔同！同侍應講，佢話係咁架啦，橫切直切分別，就黑口黑面走開再同同事講我地！呢間野開頭好好架，而家越黎越差！所以排隊人數都少過以前好多！…查看更多

成日經過都心思思想試下佢啲早餐今日終於的起心肝試試👍🏻📍沙嗲牛肉麵超濃既醬汁配上醃好咗嘅牛肉再自己加多包辣椒油好食到不得了😋📍大波蘿油我唔食牛油所以叫佢走左個波蘿皮好脆口 又係好正😊📍凍檸茶黎到茶記點可以唔買返杯凍檸茶好好飲 呢啲天氣座低飲一大啖真係成個人曬🤣朋友就叫左📍羅宋湯午餐肉通粉呢個湯配通粉幾乎都算係絕配👍🏻📍凍齋啡一黎到佢飲左一啖嘩一聲佢話茶記既凍檸茶同咖啡都好飲既話呢間野啲野食都唔差陣間得去邊🤣🤣🤣結果我哋食完之後大家都比一百分雖然只係一間普通茶餐廳但真係樣樣都ok👍🏻下次再嚟試多佢幾個早餐先🤗…查看更多

今日收工6點幾去左買下午茶A香煎豬扒煎蛋配公仔麵外賣，煎蛋公仔麵唔錯無咩問題正正常常，但塊豬扒真係極難食唔知係咪落得多鬆肉粉又咸又苦澀，應該醃嘅時候既份量唔岩而出現呢個問題，唔知係咪太忙而食物質素下降，唔會再幫襯。…查看更多

係呢間茶餐廳食咗幾年，無論係早餐、午餐同晚餐都好好食，呢排因為時間關係，經常黎食下午茶，下午茶選擇好多，望住個牌次次㨂野食都諗好耐，樣樣都好食，野飲方面，無論奶茶同檸檬茶一樣都咁好飲，茶底靚，又夠大杯，一定夠飲～今次叫咗個肉絲炒麵，麵底夠脆，賣相好靚，個獻汁夠味好食，又有好多紅蘿蔔、肉絲，銀芽，口感好豐富。另外仲叫咗個乾炒牛河，一d都唔乾，頭抽味好香好食，好爽滑，牛肉又夠入味，又好多塊，真係好夠味，又大碟～…查看更多