影片
以上資料只供參考, 請與餐廳確認詳情
呢間富華啲燒味出品都幾穩定， 午餐四選一， 每次都會叫D餐， 叉燒燒鵝三拼， 70蚊包例湯和一杯飲品 。 唔知係唔係我生得靚，食咗幾次都有鵝髀。 咁我就覺得好超值囉。葵湧廣場有兩間分店， 中國銀行隔離嗰間係新店 ，冇燒味飯，冇新鮮出爐嘅麵包，吾使排隊的。 相反最入面嗰間係舊店就經常排隊 。 出品包羅萬有， 係一間有水準嘅茶餐廳。
繼續閱讀
做完運動經過葵芳，天氣凍想搵個地方坐低食下野，周圍都排曬隊，想平平d食個扒餐，見88蚊一個扒餐，包餐包餐湯同飲品，於是坐低試下餐湯有我鍾意的粟米忌廉湯，真係有粟米，大家都知依家個年代好難有餐廳真材實料，餐包都係熱的！牛排份量大到一個點，雖然有少少筋，但係肉質絕對得著個價錢，無雪味咬得開，加份位係洋蔥汁入面竟然有西芹洋蔥，雖然平但係無將貨就價，焗薯加左汁都幾好食拒外賣晚市有8折，平時經過唔想煮都ok啊覺得會encore
繼續閱讀
今日嚟到葵涌富華、三個人叫咗三碟嘢食，分別有鹹魚煎肉餅，時菜炒牛肉，椒鹽鮮魷。上到枱時啲菜超大碟味道不過不失份量搭救。每個餐都跟白飯一碗同例湯一碗.大食嘅朋友，啱晒嚟呢度食嘢
繼續閱讀
次次嚟親富華都會排晒長龍，呢間茶記真係好出名，喺葵廣都有兩間，聽同事講佢哋嘅燒味飯好出色，今次晏晝揀咗佢試一試。 份量都幾好喎，我揀咗小飯，啲肉都幾多，味道都唔錯，雖然價錢相對嚟講貴咗少少，不過個質素都幾好，唔怪得成日都咁多人排隊啦🤣
繼續閱讀
早兩日去開葵芳整野，搵地方食早餐，行左入葵涌廣場，見到富華幾光猛，就入去食早記，諗住都係求求其其，野食黎到又幾鬼好食喎😋😋😋叫左個例牌早餐，沙爹牛肉麵，沙爹汁幾香幾濃，個餐飽黎到綠綠地色既🤔🤔原來係班蘭餐包👍🏽👍🏽👍🏽，朋友食左羅宋湯通心粉，羅宋湯都夠濃，另外個菠蘿油，超級大隻，塊牛油又大又厚👍🏽👍🏽👍🏽服務就無咩留意，去茶餐廳…講乜鬼要服務丫😅😅😅早餐時間，都忘記左食物影相😅😅
繼續閱讀