富良野日本料理

我真係唔知，但住大角咀基本上成日都會搭車經過呢間o野，呢輪見佢閂晒大閘，間唔中會開半道閘但照舊唔開燈，唔知佢係真係玩內部裝修，定摺o左，定轉手畀人?...無從考究，以我所知呢間o野係一個飲食集團開o既，唔知係唔係試下有冇得做再開分店其實呢間o野算係做得幾好，起碼食完都覺得係一分錢一分貨，睇下呢度o既評語都可以略知一二，如果就咁唔做似乎都幾可惜不過話佢冇得做似乎又唔難理解，基本上係佢個位麻麻，大角咀同旺角中間，基本上o係旺角行街都唔會行過o黎呢邊，加上大角咀呢個老化區，基本上都少人出街食飯，更加唔好話食日本o野... 除非佢開o係奧海城就真係有得做，但個租金又另一個問題...講完一輪廢話，其實佢收檔之前我幫襯過一次，發覺比佢開頭o個陣都有幾大分別- 起碼多o左一本好靚o既menu，記得當初就係一張好似外賣紙咁o既menu... D 食物都有頗大分別，多o左好多種類，例如有個香芒鮮蠔杯，$15，整得幾精摯... 仲有一張專寫D 有關鰻魚o既料理之類... 其他o野已經唔係十分記得，因為都已經係差不多一個月前o既事因為未真正行過間舖，希望佢唔係執啦…查看更多

8月19日係呢間慶祝我朋友嘅生日, BOOK咗一間房, 竟然係一間K房, 不過啲歌OUT到唔OUT. 都好嘅, 可以懷舊下. BOOK呢間K房係有MINIMUN CHARGE, 所以叫咗好多嘢食, 啲嘢食都唔錯, 啲刺身好新鮮, 好多選擇, 炸軟殼蟹一流, 麵豉湯掂. 嘩! 唱到收檔先叫走, 服務幾好!…查看更多

很久沒去了,朋友介紹下,諗住試試,點之服務比預期好,有意外驚喜,相比上次光顧,侍應的服務好咗好多,很親切,須然食物不算太特出, 但亦有特色的菜色,部長介紹的穴子天婦羅卷都不錯,值得一試.... 最適合..三五知己一齊去傾計.. 因為坐得夠舒服, 佢最特別係有廳房服務.. 約多幾個fd 可以去book 房.. 有d 私人空間.. …查看更多

雖然離公司有點遠, 但朋友介紹, 所以lunch去試下.幾大, 裝修幾靚, 有好多卡位.午餐有好多款定食供選擇...價錢都是$28到$4x左右.點了個雜菜炒黑豚肉定食...有湯, 甜品, 少少前菜, 飲品, 飯, 餸...炒得幾好食, $28, 又豐富, 坐得舒服.真係唔錯.…查看更多

星期日同教會既朋友十幾廿人黎食野..點知其他人拎左位...講講下..因為人數太多又要上樓..有BB車實在不便,所以唯有同門口個女仔講句唔好意思...!之後有得入果陣上樓既上樓我地就o係下面..初頭果個女仔話比間房我地既。之後我地行左出黎坐!!傾傾下..因為有兩架BB車最後都係入番去..麻煩到門口果個女仔!!但係佢都好有禮貌幫我地整番晒D野..笑容都好親切。但係我差唔多行開果陣..比我聽到一把男人聲講"佢地又搞乜呀?"我拎轉面望一望係個幾高大既西裝人士,我估係經理啦??但係我地係客人...你講比我知嗎??而且你淨係幫我地轉番出黎坐..由頭到尾都係門口果個女仔幫我地整頓,個女仔都冇開聲話辛苦,又可能係我唔知!!但係我地真係一路食野..一路嬲嬲地!!!不過見D野食又黎得幾快,唔洗等就算啦~我下次都仲會介紹D人黎食野....但係下次我唔洗要你幫我地任何野!!!!!…查看更多

第二次去食，侍應同餐牌都唔同，侍應換晒後生仔女，餐牌就多食。四個人叫︰二人餐︰豚肉鍋、炸忌廉薯餅、刺身、帶子石頭飯、雪糕。樣樣都一般，個鍋唔係用日本湯底，石頭飯送少又冇汁，反而個綠茶雪糕幾好味（平時唔鍾意食綠茶味）牛油果軟殼蟹卷- 麻麻地，軟殼蟹唔脆什錦天婦羅- 覺得冇上次咁好味三文魚刺身- 比之前正好多，又新鮮又大片，仲有冰係底，好味~服務有效率，今次坐car位，係好舒服，不過唔知點解張好dirty，好多黑色粒粒嘛...不過大角咀日本菜唔係咁多選擇，一試無防…查看更多

今日行開大角咀..見到呢間日本野好似幾大幾靚咁..同個朋友入去試下啦..坐左窗口位..個冷氣機滴水..個時爆哂人..不過個staff都幾nice唔會話想趕人走..有個十幾歲既waitress成日斟茶..落單幾快手..幾靚女幾得意..又有禮貌..另一個老d既waitress就好熱情咁推介野食俾我地..服務幾好..而且好有笑容..但係有個睇落係經理既西裝友反而木口木面..另外..問題就出係野食上面..試左個個$68三文魚..有d冰係下面..搞到放耐左就變哂水..d三文魚水哂咁..不過都幾抵食既..不過個個滑蛋豬扒好唔掂..個賣相完全有問題..好似水煮咁..但係個燈籠卷就好好食..又靚..有樣野好好笑..就係餐飲冇熱飲..咁都唔緊要..竟然可以連走甜都唔得..睇住個杯凍寧茶完全係混濁咖..一睇就知係奶茶包開咖啦..免費就由得佢啦唉..不過總括黎講都值得試下..野食同服務都幾好..…查看更多

今日試過lunch後,果然真係好食左,d食物質素高左,服務都ok啦!好過以前,價錢都係同以前差不多抵食,特別推介自家制汁煮豬軟骨,正!D串燒都唔錯!特別係燒雞翼,同埋個泡菜凍黑豚肉都好味，原來凍食都好正，有夏天feel!可以值得再黎,不過我會訂定檯好D,廢事等!…查看更多

前排去過哩道,D食物質素真係嘛嘛.呀,今日經過門口,見到放左個新Menu出來D食物竟言轉哂, 好奇問下, 原來廚房換哂喎!比門口位小妹妹說兩說, 同個朋友咪入去諾試下囉.唔止廚房, 原來侍應都換左, 無哂支前果班木口木面.環境比之前干淨左, 食物都比之前好左,總算無哂錯錢^_^…查看更多

佢地轉晒人喇~早兩個月經過呢間富良野,見佢好似幾靚咁,入去一試之下,比d 侍應攪到一肚氣,問佢地東又話冇,問佢地西又話唔知。唉!! 總之一句到尾就差啦...不過噙晚又過個fd到打牌,行到【富】門口之際,突然有把聲叫住左我,原來係個好耐唔見既朋友過左黎【富】接手,佢話之前【富】既員工比老闆一刀切,全部炒魷魚。而家既員工質素好左好多,起碼都叫有禮貌先啦~…查看更多

d 野好抵,比一般日本餐廳平.. 但用料一般, 正式係一分錢一分貨, 唔好太大期望勝在地方好好坐…查看更多

係果頭少見0既靚靚日本餐廳，所以去試。三個人食︰三文魚刺身-$40九片，$68十八片，緊係要件$68，不過好細舊，冇金太郎咁抵，但都幾好味牛油炒什菇- 好香牛油味，幾好什錦天婦羅- 蝦、芋頭、蕃薯、青椒，幾大件，ok燒鯖魚- 冇乜特別，因為只係煎條魚雞肉炒烏冬- ok，好多料三文魚壽司、帶子壽司&花之戀- 冇乜特別環境幾好，幾大幾舒服，坐成三個幾鐘，不過埋單就勁耐，果陣已經冇乜人嘛，埋單$301…查看更多

前晚放學後回到大角咀區吃這間富良野！食物質素真如下面幾位食家的評語，普普通通！服務略為差了少少！三個人叫了三文魚扒定食，燒鯖魚定食，餃子烏冬，南瓜天婦羅和一磅三文魚剌身！但以這個價錢吃日本菜，而剌身能保持新鮮，還能要求什麼呢？…查看更多

早輪去蛇王濤食蛇羹時經過呢頭已經想試下，噚晚終於有機會啦……兩個人入到去嗌左D壽司、串燒食……總括黎講價錢平，環境都OK既，但食物質素就非常一般啦；唔可以叫難食但又唔可以叫好食，總而言之就係普普通通咁囉……至於值唔值得去呢？試下無妨既……不過我就應該唔會再去啦………查看更多

今晚同女朋友去到,叫左個"小牛肉火鍋定食","洋蔥唔知咩野牛柳粒飯","牛油炒什菌","三交魚壽司","甜蝦壽司","北寄背壽司",樣樣野都好普通,可以咁講,岩岩合格~~!!不過環境同服務我覺得O.K....不過我唔會再黎呀啦,因為其實真係唔係咁..........~~!!…查看更多