富臨 (已結業)

姨甥仔👶🏻百日宴，一家人一齊簡簡單單在附近的酒樓吃頓飯~《乳豬全體》好經典的車厘子眼睛😂如果有燈會閃的話那就更加經典了。《如意百合帶子海珊瑚》這道菜顏色很豐富，海珊瑚爽口，帶子彈牙，蔬菜清甜。《芝士龍蝦長壽麵》芝士味香濃，龍蝦又鮮又彈牙，伊麵掛住芝士醬汁，小朋友都食完再添👍🏻《百花球伴脆奶》有香脆彈牙的百花球，亦都有外脆內滑的脆奶，你喜歡那種呢？《鮮蝦燕窩羹》蝦肉爽口，味道清淡，還有蛋白香。《原隻八頭鮑魚扣金錢》嘩~好大堆頭好juicy呀！花菇又大又厚，菇味香濃，鮑魚腍之餘亦好有嚼勁。《清蒸大沙巴躉》這條魚肉質嫩滑，很喜歡連蔥一齊吃，特別香。《脆皮炸子雞》外皮炸至香口，有部份肉質會有點乾，但整體ok。《燒餓(半隻)》這隻脾看上去很吸引呀！😍《蠔皇福建炒飯》感覺餸菜比飯還要多😂濕濕的挺好吃😋《上湯水餃》本來是一鍋的，侍應預先分好一碗碗。《生炒骨》這道菜是小朋友最愛，因為有菠蘿🍍🤣《蒜蓉粉絲蒸扇貝》用蒜蓉蒸必定無得輸，粉絲吸收了扇貝的精華讚！😋《蟠桃壽包》眾pat pat出場的時間了😂《荷葉蒸鱔》這道菜第一次吃，幾特別，用豆豉蒸幾惹味，鱔比較多骨，但是不覺得有荷葉香。最後還有生果盤。…查看更多

之前食過幾次，都一般，但未叫好差。勝在易搵位，所以今次再去。點知就奶左野。點心又凍又唔好食，有碟蛋散仲有啲不知名嘅綠綠地顏色，打算叫侍應埋黎睇下，全部都當睇你唔到。一係就遞一遞手，示意睇到你，之後行開左，又當無件事。幾經艱苦終於叫到經理黎睇，佢話咁樣係正常嘅。大佬呀，你都解釋唔到俾我知點解蛋散有綠色，我點信你話咁樣係正常呀。講多兩講先肯換過碟。等左好一陣，先至拎返碟無綠色嘅蛋散黎，但完全淋哂，咬左一啖都要吐返出黎。之後幾想飲茶都好，其他茶樓幾多人都好，唔會再黎呢間喇…查看更多

長文……慎入！坐低落咗單，等咗半個鐘俾張咭度我發現原來佢地冇落到單，只係寫咗落而冇入機！期間突然有碟嘢上枱，一打開係碟嘢竟然係生炒骨，我地落嘅係優惠三寶加爆炒花生苗，咁即係又落錯單啦！個黑色衫阿姐話唔係，一手攞走張單拿拿聲走去改單！返嚟仲死話唔係落錯咗！好喇！算！唯有忍！到啲嘢上枱，第一碟係燒鵝，可能大家都會話正呀……肥夾滑！但係碟都係得3舊唔肥！之後嚟咗蒸扇貝，嘩～蒸過火老過啲腳皮！😂 之後再嚟蒸鱔，真係把8個細佬把X, 冇咪都算，唔新鮮就梗係知咖喇！總之食開鱔嘅朋友食咗會變怨婦！最後一碟，真係唯一一碟叫做炒得算唔錯幾好食嘅就係爆炒花生苗！食到咁上下隔離枱有人問……有冇糖水送呀？都係問下唧！阿姐即時跳哂制話……糖水？冇喎！糖水？er..... 我地冇糖水送嗰喎！冇咖！…查看更多

我本人與家人巳幫襯 了此間酒樓近四年喇!叫女部長攞棘椒醬，應了我便行來行去10分鐘冇行動，我借助我的工人姐姐再叫女經理，被 鄙視目光 敷衍了事，又冇行動，最後再叫回女部長說忙記了，又好不願意的叫她手下取，佢手下好不高興拿托盆放三碟重叠的棘椒醬來，很不 衛生，我叫她拿回再換三碟來，她黑口黑面走開並叫其它同事說不要理會我，我當時很想發爛，但回想祇是飲茶吃東西啫，不和他嘈吵，但也不很高興! 如此不清潔的傳遞醬料又教唆同事做不正當的報復行動,以這樣的飲食行業服務質數!我應該不會再有下次去幫襯!!!! …查看更多

初五全家和親人在富臨訂了團年飯，首先用半隻素鵝 代替了半隻乳豬 已經很不合理了， 不過幸好半隻乳豬和素鵝都幾脆幾好食， 鮑魚食落好淋 ，不過有點像素鮑魚，不像是真鮑魚， 炸子雞幾脆不過很淡沒有味的， 最差應是五穀豐登，原來是一個超難食的糯米飯 ，煮得很爛，也沒有材料，十分難食， 甜品是桂花糕，那個桂花糕 ， 就是平平無奇的。另外，職員服務態度差， 我們已是全包宴 ，他們經常走過來叫我們加這樣餸，加那樣小菜 ，咋咋帝帝走嚟想問攞利是，感到這樣服務態度好差攞， 整體而言 唔滿意，服務態度一般 ，居然在 新年 晚餐時段，半間茶樓 都坐不滿，就知道 有幾唔好啦 ，我們下次都唔會再幫襯。…查看更多

首先講野食方面，有時屋企人會去呢到食，啲嘢食唔好味係其次，啲阿嬸阿叔又成日過黎叫我啲屋企人買啲蘿蔔糕 ，新年就買年糕 ，分明掠水 。對上一次去食 叫左碗皮蛋瘦肉粥 ，點知裡面有魚骨 ，有膠片 、有一大堆菜 ，都唔知係唔係煮剩啲嘢倒落去 已經唔係第一次 ，唔止食粥係咁。食過幾次個遙柱蛋白炒飯，食完之後就會肚痛，仲有之前見過有老鼠行過，雖然茶樓有老鼠係正常，但係都覺得好核突:(:(之後講服務態度差方面，等位固然係耐，啲人見到你都唔會幫你入單。…查看更多

1月1日到這間酒樓叫了好多點心，後來因爲唔夠要再加單，加了珍珠雞+煎薄餅，等了35分鐘也未到，向收銀員追單都非常沒有禮貌地同我們說：「張單就是這樣的啦！是這樣的啦！」之前找過很多侍應都置之不理，等了很久食物也沒有到，很離譜！最後等了非常久才有食物，D薄餅係凍的，好明顯的係整左好久但係沒有送來🙄…查看更多

一年一度媽媽生日， 梗係要舉家大事慶祝，今年就試咗呢一間酒樓。咁啱我有信用卡優惠可以享用到優惠套餐， 套餐包嘅食物種類都唔少， 有芝士焗龍蝦配伊麵， 粉絲蒸扇貝， 豉汁蒸龍躉球， 燕窩魚翅， 當紅炸子雞 同埋甜品嘅桂花糕。芝士龍蝦配伊麵味道可以， 但明顯龍蝦冇肉只有殼， 基本上整個菜式只是食麵。 粉絲蒸扇貝味道偏鹹， 但扇貝基本上是新鮮的， 味道差亦只是廚師功力問題。 豉汁蒸龍躉球 是唯一比較滿意的菜式， 食落有咬口， 魚味亦充足， 配以豉汁相當美味。 燕窩魚翅味道和芡汁無異， 於是我成家人吃剩半兜魚翅。 炸子雞是即炸的， 皮脆肉嫩， 口感不錯， 可惜味道偏淡。 桂花糕甜味適中， 是可以一戰的甜品。後續因為成家人有六人， 所以叫咗兩個四人餐， 理論上分量應該係好足夠， 但店家將四人份量嘅餐扮作八人份量， 炸子雞明明只得半隻雞， 但店員亦辯駁半隻雞有八人份量， 我找經理理論， 最後才補上完整份量！ …查看更多

媽媽說很倦不想煮飯，於是一家人就決定出外用膳。蝴蝶結姐姐知道媽媽喜歡吃海參，於是特意就點了這個海參花菇鵝掌煲。海參炆得好腍，特別合適年紀大的兩位老人家。再來一個海皇燉冬瓜盅解解暑吧，材料很豐富，有多種海鮮而且湯底清甜。份量亦算多，爸爸很喜歡這個湯，於是更添飲了多碗呢。至於泰王蝦球通菜炒得很惹味，蝦球亦都很大隻及彈牙!生煎菜肉包餡料及肉汁都很多，而外皮亦很脆。晚飯過後，老媽子更話下次家庭飯局可以再來呢！…查看更多

母親大人中了六合彩分到數百元就說不想煮飯了，提議到酒樓吃。L 覺得既然有運就要多添意頭，於是點了一客蠔皇八頭鮑魚扣金錢，鮑魚上算大隻而且炆得好腍。金錢(即冬菇) 吸收了湯汁，爽口，與鮑魚黏口彈牙互相輝映，非常惹味。天氣熱當然要來一個海皇燉冬瓜盅解暑吧。冬瓜盅材料豐富。每人都起碼分到兩至三碗。海參花菇鵝掌煲好豐富，特別是海參炆得好腍。特別合適年紀漸大的兩老。泰王蝦球通菜惹味，蝦球亦都很老實，大隻彈牙的!鐵板黑椒德國豬手皮脆內軟 ，加上中式黑椒汁分外惹味。生煎菜肉包餡料算多而且剛剛好不會煎得過燶。最後當然六合彩的錢不夠找數啦，做仔既要補小小錢都好應該，而且抵食既最重要是大家高興。…查看更多

事隔數周，再度光顧，結果還是差劣。點了最基本的瀨粉，食物要近20~30分鐘才到。舉手，部長也低頭，視而不見。到叫來了，對方只印一張落單紙告訴你已做了自己的部分…… 繼續久等，真過分。…查看更多

街坊，經常來吃下午茶。服務員太少，有的全程低頭，你怎麼舉手也不理會。我不怪他們，他們說工資低，沒人肯做，做的又辛苦。近來或許有些暑期工，不過，又不熟手。說真的，下午茶，人人來這裡都是為了乳鴨和瀨粉…… 要不，沒啥客來吧。…查看更多

今日有同學仔生日快樂，說好上完堂慶祝一下就去飲茶，由於人多共17人，去了幾間都很難找位，就分別去唔同地方找，只要有位就去那間食，最緊要快唔好令同學仔失望，終於來到富臨呢間有位，分開坐2圍，而且又是左右太近方便慶祝呢！以1時呢段時間都難找到位而且又左右咁方便，富臨真的不錯，大家都高興極了！叫了好多點心，不知是否星期六比較人多些，女侍應生做到無晒心幾，態度麻麻，茶味又有點怪怪地，大家都沒有飲到，只飲水便算了！只希望不影響"壽星公"👴每圍各炒兩碟和叫了十幾款點心。南瓜煎堆仔鬆軟香口 南瓜味濃蜜汁叉燒腸好多叉燒 皮又薄籠仔蒜香班件飯如果多番些飯good豉椒排骨炒河芡汁太濃和比較鹹 各種點心鳳爪比較重雪味各種點心一搬…查看更多

午市用餐好多選擇,我較喜歡嘆茶和坐得舒服，好似新都城富臨比較啱我，座位闊落舒服，人不太多推出套餐和特價點心,嘩$1粒蝦餃，每人限1粒, 噱頭多多再叫多款套餐, 龍躉件套餐，有龍躉件六塊,好滑有口感,薑汁芥蘭菜新鲜但比較多油, 蛋白炒飯米粒太硬難吃最後叫多一個點心孖寶,有豉汁鳳爪同燒賣埋單222,算係抵吃…查看更多

服務態度欠佳, 點咗嗰d食物勁耐都未能上菜。已經叫過d啊姐跟一跟d食物但係叫咗成三次都未黎，7:30pm點嘢食，9:30pm都未黎。服務態度真係有好大嘅改善空間。…查看更多