富臨漁港

營業中

休息中

星期日好凍，咁啱紅磡近黃埔的火鍋店滿晒，其他去開的酒樓又唔做火鍋晚市，行過見到富臨大大招牌話ＨＫ＄１５８＋１０％　任食就去試下。嘩，首先個餐牌已唔多款式揀，個湯底等左１０ｍｉｎ先黎，之後望住左諗點解成５min 都唔滾，侍應話ｄ湯係凍的，所以攞番入去煲熱先~~~ ... 又過左10min 你眼望我眼等到煲熱湯終於出來了, 放上枱上的電磁爐, 以為有得食, 但點解d 湯明明係廚房拎出黎係滾緊但又水波平淡? 原來個爐壞左! 攪來攪去, 換左個gas 爐成入店後成30min 先開始烚。。。。。到食材了。任食劃左10樣野 黎錯4樣, 冇上3樣(再劃都唔上, 又冇解釋 ->魚皮等普通野) , 脆肉鲩又霉又腥, 肥牛有膻味, 豬腸又怪味, 至於d例牌野其他的金菇,雲耳,菜, 丸等就過得去啦。。。 唉。。。

阿媽慣咗呢間度食燒鵝，雖然裝修過，但係我覺得都唔太乾淨企理，同埋 11/25 當晚如果有喺度食個飯，就會知道我哋見到'小動物'係幾咁震撼。好彩阿姐身手了得，搞掂左冇事一場嚟到一定要食燒鵝，見到有優惠孖寶唔使諗即刻叫。半隻燒鵝皇好彩都仲keep到水準。令一邊本來係配白灼蝦嘅，點知竟然話賣晒變咗做豉油王蝦仔，太細隻食落去太少肉同埋唔知點解我阿媽成日都堅持要食瑤柱扒豆苗，成＄100，價錢太貴份量太少，太過多油。最後到水準唔衰得去邊嘅菠蘿咕嚕肉但因為我哋有小朋友所以BB櫈真係好緊要，服務又唔差，仍然阿媽最鍾意繼續幫襯。

與同學做完功課，晚上去醫肚見到寫118一位飲食火鍋就試下啦入到場，水靜鵝飛仲要話係收128心惗都算啦10個人叫左1個雞煲＋1個豬骨湯底勁難食D牛肉唔新鮮豬皮勁多毛惟一可以欣賞下既係佢既炸魚皮但勸理大同學真心要想清楚

從來都冇試過打食評 呢次真係嬲到特燈開個ac黎打！食咁多年打邊爐 呢間真係食過最垃圾既一間任食火鍋。差到無法形容！冇乜料食就算仲要全部都唔新鮮 冇樣食得！d服務員又唔跟order既野黎執 服務態度唔洗講 叫攞個蓋又話冇蓋 打邊爐冇蓋要等到幾時？ 得幾張台食打邊爐都咁既服務 真係垃圾！ 絕對冇下次！唔好去食..！垃圾垃圾垃圾

呢D都算係洒樓菜色無玩啦！街邊小食檔仲好過佢。收三十八蚊食呢D垃圾牛仔骨黑到甘，而且好難食，仲要得三四片牛仔骨其他全部薯仔椒鹽鮮魷更加吾洗講啦！同圖片完全不附，各位街坊小心中招

免費也不再去廚房做野速度 - 龜速8點入座落單，8點40分連火鍋湯底都未送黎，要催多次才送來。每次下單最少等候半小時，等到爸爸的花兒也謝了。每張單每樣食物最多可以寫3份，8個人食，竟然得3片肥牛........食物質素 - 差芝心丸來的芝士有怪味，部份雞肉有臭味，不新鮮，已當場叫經理更換。其他餸全部都係最平價貨。食物衛生 - 差部份食物，如豬潤，有大量血水總結，倒錢落海都冇咁嬲，第一次打完任食邊爐要出去再整番個ｍ記

裝修十分殘舊，燈光昏暗，餐具殘舊兼污糟。蘿蔔糕煎到窿、蟹粉小籠包無汁又難食。最惡頂係啲服務員一個差過一個！首先佢地成班人只顧吹水，要叫N次先有人應；送粥個阿嬸惡死能登咁擺低碗粥跟手問都唔問就落大量胡椒粉；最激氣嘢都未食完就有件紅衫服務員催我們走，但其實我哋坐低前無人講過有時間限制！總之無下次，以後都唔會再幫襯！

星期日晚上八時左右，整個酒樓只有十枱左右，非常冷清。伙記推薦菜式，叫了特別介紹的涼瓜班頭腩煲和金銀蛋菜。出來的煲都是骨頭，沒有肉。菜就老而黃。投訴給經理，煲加上一些魚塊但都非常難看和味道差勁。以後都不會再去！

今天外母話要同我倆公婆吃飯，本來想去土瓜灣吃，後來佢話頭有點暈，近近地就去富臨，晚飯孖寶＄198就有魚同蝦，魚同蝦都好味再叫咗隻雞，隻雞就一般啦，再叫蒸帶子，可惜肉很少，共＄460連啤酒

一行13人 一早BOOK富臨食晚餐在中秋前夕的星期日竟然冷冷清清員工也是得小貓三四隻當然係絕冇服務 叫天不認叫地不聞第一時間ORDER乳鴿 4隻 一開二皮脆內嫩 38蚊隻 超抵食跳舞雞 附送手套要自己扯肉 比較熱 要小心食落冇乜味 較淡波士頓龍蝦伊麵伊麵得一細注 龍蝦冇夾爛先上 食得較辛苦大大壽包 蓮蓉咸蛋黃

媽媽話富臨有優惠, 就來吃吃晚飯吧$18 蚊一隻木桶雞~      嘩!!! 我諗起以前酒樓個D $1 蚊雞~ 哈哈! 上菜速度超快~咦! 又算是幾好味喔! $18 蚊~ 算幾好的呀!其實就是豉油雞, 肉質挺嫩, 都算夠滑然後叫了個梅菜扣肉, 這個就不行了~以後不叫這個~梅菜太咸D 扣肉唔新鮮下次或者試試另一優惠~~ 龍蝦吧打B LO 好似都幾抵架 !! 記得係$138/HEAD抵過出面食啦!

臨富都係時時到既食店，由期係佢既優惠。食物:芝士焗龍蝦伊麵 $38 - 龍蝦爽，肉多。芝士幾香濃，不過食得多會幾肥。伊麵唔太碎幾好，但小左D。梅菜扣肉 $65 - 扣肉好肥，梅菜同汁太咸，非常唔健康。海參花菇鵝掌煲$88 - 海參爽，花菇厚肉，鵝掌夠淋。沙巴龍躉仔 $168 - 爽滑唔"un"又唔"削"，ok!另外可以配極品燒鵝皇例牌$228/份總結臨富既特價龍蝦真係幾抵，其他就一般啦~

之前食完包包食到一肚氣,又未飽,見到好底食,買回家食.買左:蘿蔔絲酥蘿蔔絲酥$11:大大件,奇貌大揚但實在有內在.蘿蔔香甜口感足用料份量更加足重量級份量,酥皮唔太油夠香口.整體:想像中好,值得再食.

叫左:蘿蔔絲蝦餅,金蒜燒釀茄子,花枝炸雲吞,蝦餃,豉汁蒸鳳爪,牛肉球,韮菜煎薄罉,燒鴨瀨粉蘿蔔絲蝦餅:蘿蔔絲清甜幾爽口,蝦餅彈牙,唔錯.金蒜燒釀茄子:今次幾好味,茄子好香,魚肉新鮮.花枝炸雲吞:個皮炸得香脆,可惜雲吞冇咩料,食唔出任何味道.蝦餃:真底食,蝦鮮味,溝小小馬碲都幾爽口.豉汁蒸鳳爪:今次又OK喎,醬汁香濃好夠味.牛肉球:普通.韮菜煎薄罉:太厚粉太油,韮菜味欠奉.燒鴨瀨粉:幾好味,燒鴨入味,肉都算多,瀨粉入口都算滑,湯底都唔錯.整體:質素唔太穩定,價錢幾底.

價錢可以,質素一般.叫左:韮菜煎薄罉,豉汁蒸鳳爪,芋絲炸春卷,燒鴨瀨粉,蝦餃,金蒜燒釀茄子,牛肉球韮菜煎薄罉:好似煎粉餅一件,韮菜味欠奉.豉汁蒸鳳爪:完全唔得,醬太多太濃,好鹹,完全冇鳳爪味.芋絲炸春卷:表面個皮炸得好脆,內裹芋絲炸到好黑,好在唔油.還可以.燒鴨瀨粉:幾好味,燒鴨入味,肉都算多,瀨粉入口都算滑,湯底都唔錯.蝦餃:幾底食,有蝦味,溝左小小似馬碲嘅嘢,都ok.金蒜燒釀茄子:有外在,冇內在,好生個茄子,魚肉一般.牛肉球:味道算可以,但一出來成碟都是水,普通.可以食,但唔好有祈望.