富臨漁港

營業中

休息中

間唔中就會同屋企人去富臨食個飯，呢晚行過見到做緊好多小菜優惠所以就入去食🤤湯就一定要嗌既，夏日炎炎就當然要嗌返個冬瓜盅消下暑啦😆 呢個海皇燉冬瓜盅好足料，除左勁多冬瓜肉外，仲有蟹柳、蝦、魚肉、豬肉等等👍🏿 忍唔住飲左好多碗😝另外我地都叫左蠔皇八頭鮑魚扣金錢，一人一隻鮑魚、冬菇、西蘭花🤗 加左蠔油既汁令到碟餸非常入味😛呢碟大澳香蝦骨好驚喜，因為蝦醬味比預期濃烈好多，仲份量好多😱豉汁蒸白鱔係另一樣廚皇精選既菜色，鱔味無比豉汁掩蓋晒，仲食到鮮味👍🏿最後一碟餸我地就叫左碟鐵板雙葱爆手切鮮牛肉，叫得鐵板上菜時當然熱辣辣，手切鮮牛肉名符其實，好有牛味😋最後店員仲送上山楂糕同桂花糕做甜品，滿足晒😝

難得一家人出街食飯，所以就搵間酒樓食下中菜蠔皇八頭鮑扣金錢而家做緊優惠可以用極平價錢點呢個菜或者頭抽雞，本身鍾意食海鮮就一定揀鮑魚既 雖然係優惠菜式，但一啲都唔馬虎，隻鮑魚大粒得黎有鮑味 仲會有入晒味既冬菇同埋西蘭花，啲汁仲可以送飯海皇冬瓜盅唔好睇好似細細個，起碼斟到8碗以上，冬瓜仲好多肉可以慢慢食，有埋蝦、豬肉等等勁鮮甜豉汁蒸白鱔白鱔係貴價材料，所以呢碟餸性價比好高 用埋豉汁黎吊味，又係送飯之選大澳香蝦骨蝦醬味好香濃，一上菜已經聞到 肉質爽口唔會靭鐵板雙葱爆手切鮮牛肉牛肉要一讚 係食得出鮮味，又係一啲都唔靭，而且用鐵板上夠晒鑊氣生煎菜肉包一碟有6隻，煎到熱辣辣，肉汁算多

見亞拉斯加蟹又耒貨，一心去食番隻，点知蒸上枱一食，肉貭梅的，絕對不新鲜，叫个女部長耒試，佢話係咁呢批貨，个个都係咁食架啦，当我儍嘅，当然不接受解釋，她即補鑊話轉蒸番隻澳洲龍蟹比我抵番，一時心軟是但啦，想要求伊面底，点知佢態度極不好話唔可以，用蒜蓉蒸喎，費事又話佢唔新鲜！條氣即刻頂住！呢D咁嘅食肆，分明屈人夾唔負責任兼下流服務態度，呢世都列入黑名单！

訂咗2圍$3880父亲节晚餐。樣樣餸都唔掂。唔知係咪個廚房輸好多。個女部長重好意思問今晚啲野得唔得？唔通同佢講換哂班厨房至得。以後送都唔去食下次都係諗清楚至好，小心中伏

前幾日同屋企人提早慶祝父親節，9個人比個侍應說左叫左個$2480 12人餐，成餐飯無樣野好食!! 食西蘭花又附送兩條菜蟲，菜又硬又有陣青草味，應該無出過水，魚又煮得太老又唔滑，個荷葉飯又無咩饀料，又油又難食，上菜次序又亂晒龍，先黎左壽包，之後再黎炸子雞同荷葉飯，餐飯唔係特別便宜，最後餐飯食剩晒，以後都唔會再幫襯，見到晚膳時間成間酒樓都無咩人食，想必香港人都是識食的。。。附送菜蟲2條勁難食]認真無樣野好食]]

好日都唔來沙田食野 是但入間酒家 想話火鍋點知中伏 生料等30min應該計少左佢 8:00坐到 宵夜場 都仲未有野食 最後發晒皮氣 企出去等先有如果好多時間 同唔介意d野唔好食 可以來

估唔到平日呢度下午茶時間都咁多人，幾乎要搭枱坐。可能呢度嘅下午茶點心都算幾平。極品燒鵝瀨粉 $15性價比高嘅選擇。馬蹄牛肉腸 $11.8䁔笠笠，粉皮有啲厚，唔知點解有啲苦澀味。蘿蔔千絲酥 $14.8咬到一條條蘿蔔絲，皮好鬆化，可惜唔係好夠熱，但都值得叫嚟食下。大良雙皮奶 $14.8上枱時有保鮮紙包住個碗。幾滑，奶味都夠，唔會過甜。紅燒乳鴿 $18.8隻乳鴿真係好細隻，冇乜肉食，乳鴿皮又唔係好脆，過下口癮都可以。煎釀茄子三件 $7.8十分抵食，茄子皮脆卜卜。鮮蝦菜苗餃 $13.8 皮薄涵靚，有菜嘅點心，食落健康感up。雞汁小籠包 $13.8皮有少少硬，但小籠包基本要有嘅湯汁係有嘅。三個人叫左10樣嘢都係＄170，食物水平平均都above average ，算係咁啦。如果唔介意呢度嘅洗手間超級污糟，服務員亦冇服務態度可言，呢度都係經濟可口嘅選擇。

因為報紙有大閘蟹買一送一優惠券，所以就嚟食晚飯。兩個人叫咗八隻大閘蟹以加埋一都唔使＄20一隻來講，真係好抵食。雖然啲大閘蟹唔係好大隻，但係熱辣辣蒸出嚟都好鮮味。做到咁平，梗係搏有群帶消費啦我哋都另外叫咗兩個小菜加個靚仔（白飯）梅菜扣肉雖然好肥好邪惡，但係真係好好食，梅菜好香，扣肉都好入味，送飯冇得輸喺街市自己買豆苗炒都好貴，有人炒埋俾你食，仲有埋配料都唔使＄100，算值啦樓面好大，平日晚飯都唔需要等位

早排見到呢間富臨漁港係唔同既團購平台都做緊推廣優惠。媽咪黎緊生日，之前仲諗到頭爆，唔知食乜好，我女朋友上網就見到佢地有個4人餐，岩岩好，我地同埋阿哥一行四人就去試試。（上網睇，全港 42 間分店可選，星期一至日適用，兌換都幾方便）好喇，講講個餐牌先，呢個4人大閘蟹海鮮盛宴（另有6人版）包左太湖大閘蟹（公） ( 4隻)、菊花五蛇羹（例牌）、古法蒸龍躉件、金銀蒜茸元貝（4隻）、鮮蟹粉浸翡翠菜苗、脆皮炸子雞（半隻）、生炒糯米飯，仲有甜品 桂花糕。價錢方面，4個人都只係$438，不過要留意佢條款，每張優惠劵佢會收返$43.8服務費，各位要預每個人150幾蚊埋單。首先，第一道餸就黎左四隻乳鴿（我諗呢個係餐牌上既炸子雞）其實都皮炸得幾脆，肉質方面都唔錯，幾滑，同埋有少少肥既油甘，我地都用晒手黎食，不過我地都覺得咸左少少，可以唔使點佢比既鹽。接住落黎，就係第二度菜，蒜茸元貝都有啲驚喜，因為開頭諗住佢會同原圖不符（咁平應該比啲細細隻掛心諗），但都ok大粒，加上本人比較鍾意陣蒜香味（食到口都臭埋都唔理啦哈哈），肉質都幾鮮嫩之後黎左一煲蛇羹同其他一般既蛇羹一樣，都係菇啊羹啊同啲雞絲為主，平平地不要求太高

今晚同媽咪橕枱腳，兩個人又雞又菜又蟹⋯⋯ 好滿！計埋加一埋單都係$277！呢個價錢，食到咁多野，邊度搵？！大閘蟹，$38/隻，媽咪唔知邊度攞到coupon, 仲要買㕇大一，街市買完，自己返屋企煮，都唔只呢個價啦！仲要唔係太細隻（我估4兩左右），多膏！手抓跳舞雞，$48，好有gimmick! 成隻雞燒完，插係度比你自己撕來食（或可要求侍應幫忙）！不過我有點兒吃不消，感覺好殘留😅 皮脆但較咸西蘭花象勿蚌炒蝦球，$98蝦球彈頭，象勿蚌過熟，好韌如果只食佢啲特價食物，真係幾抵食！咁既價錢，坐得舒舒服服，有人針茶遞水，好過好多茶餐廳啦！

下午茶時間去飲茶。叫左3樣野，先係薑醋，醋味很濃，雞蛋好入味，薑辣，肉都有幾舊，但有d硬蓮蓉飽都唔錯，唔會太甜而且蓮蓉好滑。最愛係南乳豬手，勁多膠，南乳味濃而不咸，好多件抵食之選

本身我對富臨酒家D印象都幾好！我上一個星期去元朗富臨食晚飯叫左個燉湯龍蝦伊麵餐都幾好！D龍生鮮個湯都幾好！不過昨晚家人生日同佢地一齊去沙田嗰間食叫左同一個餐同其他小菜不過D龍又酸又梅！叫個經理理論佢話是D芝士喎仲要當人低能仔咁！我話上一次去元朗食隻龍虾有頭有尾又生鮮！佢仲話是咁！我真是非常失望！比錢唔緊要最緊要D食物質素有保證！所以我以後都唔會再去富臨食飯真是非題失望！

來到見多數打邊爐(其實早係14年來過打過覺得都係一般)今次諗住小菜可能度度差唔多.有皇牌抵食野引D客食晚飯小菜..點知由入去到離開都係換來一次又一次失望..首先坐低個樓面夠膽係你面前由隔離張台面放左唔知幾耐既花生同辣椒牆轉移放係你台,之後另一低級D樓面又唔知乜事望都唔望就又放低兩碟同樣既野..之後幾分鐘後高級小小個位又走埋黎收返走是但兩碟.....到落ORDER LA..有個孖寶要左扇貝+拼盤,但隔左陣走埋黎話無扇貝改其他好唔好,我地想要返張野睇下有D咩揀,佢就無應我地,咁印像中無乜岩心水就取消算LA都係.咁佢就好瀟灑擰轉面就CALL咪大聲話取消..之後呢段期間有諗過睇下仲有咩揀其實就去其他台睇下有無個張紫色既ORDER紙LA(坐左5成滿ONLY大把空位)點知可以張張都無..走去收銀搵下問下佢LA..點知佢好似乜乜到咁唔耐煩語氣話:無呀 你出去問個D職員LA..之後都係無就算返埋位食小菜..魚香茄子:算係最正常一個送..但都係欠缺香噴噴個種惹味魚香..只係中等..即係比較你食到個種..佢會比下去..但係個餐台佢算係正常一碟..仲有粉絲肥牛煲...正係食到沙嗲味...分唔出係咪牛啦當然.

耐不耐就會同屋企人出街食個飯，今日去左沙田濕平(shopping)行到攰就去等定位，沙田真係好多人加，可能早食，等一陣就入得，算係咁晚飯又點可以唔叫左蒸魚先，最正拼盤同龍蝦做孖寶，咁就諗好三個送，咁有魚有肉又海鮮，咁當然要叫番個菜啦蒸魚係條班仔，肉嫩，滑溜，我淨食魚都送左一碗飯喇！！！！Cheese龍蝦伊面，睇圖都見到大大碟，HKD198孖寶都冇失禮呀！！cheese唔會太咸，而且杰度剛好，唔會太稀太杰，龍蝦肉仲大大舊，肉地爽爽，一d都冇馬full拼盤有脆豆腐，鴨胸，燒肉，同炸菇菇嘅東東，脆豆腐其實好巧手，豆腐係濕，炸得脆脆係好有技巧加，鴨胸油脂厚左d，肉就唔算咸，燒肉就正喇，一層脆皮一層脂一層肉，爽爽的，炸菇菇的東東樣子麻麻，冇食到上湯浸白菜仔，湯頭鮮，除左白菜仔仲有雲耳，人地話雲耳去肉臟污joe嘢，哈，真係要食多兩舊，雲耳爽，本身冇味，靠個湯，清清地，正好中和肉同cheese嘅油感

今日見客去到沙田瀝源邨，又撞啱係Tea-Time 時段，所以就上左去富臨飲茶，入到去人唔係好多，即刻就有位，我就叫左紅棗糕，唔係好甜，且煙煙靭靭，幾有口感;跟住叫左碟咸水角，剛炸起，外層好脆，內裡饀料十分香口，但好似有少少未熟透。總括價錢特價時段相當大眾化，味道亦唔錯，大家不妨一試