富田和食亭 (油麗商場)

營業中

休息中

叫拉麵，俾錯烏冬，還要死撐是粗咗既拉麵！叫窩蛋，變熟蛋，蛋汁都冇，佢都話岩，如果我唔要就俾生蛋我！（呢個冇影相，就俾佢收咗）問佢投訴途徑，佢話佢係經理直接揾佢即係態度差，但投訴無門！大家唔好去幫襯，由佢摺埋！（油塘富田）

食個晚餐本來話食滿50有野平野叫，落晒單先話無晒黎到個烏冬有半碟係茄子而餐牌係完全無寫圖片都睇唔出既原諒我無影原本既樣，因為我都係食完忍唔住講番出黎唔中意唔信絕對可以去中下伏我女朋友叫左個鰻魚飯，居然一滴汁都無我地決定放棄超級嬲

午市油塘搵飯食見富田做9折優惠決定入去開飯!石頭鍋海鮮烏冬 配煎餃子加中華沙律前菜海鮮有剝殼蝦 帶子 魷魚 及青口都算豐富啦上枱嘅時候個湯仲Keep住滾要攤一陣先食得 味道方面 都幾好食湯底免得過就唔好飲喇個餐$56仲跟一份餃子 中華沙律同野飲餃子就一般埋枱嘅時候已經凍左 感覺是預先整定的餃皮都比較厚我寧願唔要個餃子 計平d 因為個烏冬都好夠飽芝麻醬雜錦魚生冷烏冬 配三文魚壽司加沙律菜基本上係唔會輸嘅系列烏冬夠凍 冰冰涼涼的 夏天食好舒服配芝麻醬 撈魚生食 好好味三文魚壽司魚生紋理都均衡食落正正常常啦$54 咁多野食 算係咁

富田是一間我經常光顧的餐廳，基本上每兩星期總會去一次。但前排比較忙，有一段時間沒有去，今天再去的時候，卻發現食物的質素好像變了。餐牌一如以往，基本上我每次都會叫T23的魚柳包餐最先上的是餐飲，其實我一直以來都挺喜歡它的奶茶，但這次的奶茶味道完全不同，淡而無味，沒有茶香，也沒有奶味。接下來就吃主食，一上來時就發現薯條顏色很深，好像炸太久的樣子。一吃下去，果然很乾，很硬。至於魚柳包，魚柳是一貫的味道，可是麵包的質素卻不如以往。一刀切下去的時候，麵包馬上凹陷，就如巿面上的空氣麵包一樣，令人失望。我知道$28的價錢不能要求更多，但水準下跌也是令我失望的。希望下次吃的時候，食物的水準能回復以往。

我叫咗個照燒雞扒烏冬，之後佢落錯單仲反問我係佢落錯定我叫錯。等左一陣，經理同個服務員用啲惡劣嘅態度問我叫咗咩餐同要咩醬，我問有醬咩？個服務員即刻話我叫個陣冇叫醬即係我叫錯囉，仲要嬉皮笑臉。佢落單個陣冇重覆講多次係佢問題，真係都唔個請咗一班咩嘅服務員，流氓？真係唔建議去食，不歡而散。

去開油塘諗唔到食咩通常都會去富田，都幾多油塘街坊去食，我比較鍾意食佢個早餐，$30有好多野食仲有個牛角酥。佢個午餐價位約五十幾蚊，有好多餐揀，我差不多食勻個餐牌，唔好抱期望，味道ok但無驚喜，食得多都幾厭下。今次叫左個魚生冷烏冬，魚生都幾多，要讚下，不過烏冬好碎，每條好短。最怪係個wasabi，無味的，落左超多都唔覺辣。個餐仲會跟前茶菜同兩件壽司，呢個價錢食一餐豐富嘅都幾開心，只係味道真係麻麻地。油塘個頭無咩野食，呢間就算10個人數都搵得到位。

如果唔係趕時間都唔會喺度食。預咗差，但低處未算低。1. 求其叫個垃圾午餐等咗20分鐘都未有，唔係焗唔係複雜嘢都只係個蛋包飯。2. 我以為呢間係日式餐廳，但點估到佢個蛋包飯係炒底？仲要唔係日式炒，係揚州炒飯呀！！！仲要有西芹粒，啲米粒痴到一舊舊咁，成碟嘢不知所謂。我想食揚州炒飯我去茶餐廳唔好？話自己日式餐廳真係笑咗。嬲嬲地攪爛啲蛋當炒隔夜飯食，都仲係覺得好難食。3. 我唔知點解上嚟呢度一睇，可以有咁多笑哈哈，呢間同藍田嗰間其實一樣垃圾。4. 見到有人話啲職員態度差，平心而論我又唔覺。最後我食咗四分一都無就忍唔住都直接埋單，走去第度買個包食就算，唔想留難職員。但大佬，呢間嘢真係食唔落。sorry無圖，太趕時間無影

呢間野呢員工態度惡劣，有兩次呢待應竟然就咁張碟野訂落張訂仲要大聲到連隔離枱呢客都望下發生咩事，以為個待應係到發脾氣！仲有個老板娘竟然罵客，個客同佢找錢上有呢誤會，竟然大大聲罵個客！？老板娘都咁你話呢細會有禮貌得去邊，唔怪得好多舊客無再幫襯！呢間野未轉老闆時服務好過而家好多對客有禮，但轉左手之後唔加員工人工搞到好多舊員工走唒，請埋呢員工無來禮貌趕客！

雖然係和食店，但位置喺屋村商場食物都較經濟。呢度嘅早餐下午茶很不錯，大份又抵食。今次食嘅係吉列魚柳+厚多士+炒蛋。吉列面薄薄，脆又鬆化，魚柳又大塊，厚多士烘得剛剛好，最中意放埋炒蛋上面一齊食加五蚊有大大碗鮮茄腸仔通粉，有埋飲都只係$33。另外點左沙嗲牛肉包+薯條+沙律。一片片牛肉足料沙嗲又香，用既係熱狗包，仲烘過添~啖啖鬆脆。有埋波浪薯條同菠蘿栗米沙律，咁既價錢，質素一d都唔馬虎! 另外他他魚柳包，魚柳大過個包都值得推介㗎

下午茶去富田食飯其實中午、早餐啥都沒吃所以就叫了肉醬蛋包飯 填飽肚子這個下午茶餐 $37 包熱飲但我加了凍飲（凍檸茶）加$3 所以共$40份量還是多的 管飽蛋不會老 肉醬多 每口連飯食 好滿足就是星期六、日 中午至下午茶時間人很多要搭檯坐

收銀員態度極差，叫個外賣都得罪佢甘，唔係成日食，唔熟個餐牌就西口西面，講啲野勁難聽，態度差到爆炸，叫叫下又叫我等陣收左錢先，又話一係你諗清楚先叫，野食質素差，九唔搭八，都唔知係日式野定中式野

中午去了富田吃它的lunch set位置在屋邨商場 所以星期六、日都會較多人價位是中游 畢竟目標是附近居民家人叫了「蒲燒鰻魚飯」（餐：包括冰熱飲品+沙律+味噌湯）鰻魚大小還可以 不會很小一塊醬汁也行挺划算我叫了「七味雞扒冷烏冬配煙鴨胸凱薩沙拉」冷烏冬先上之後等了一會兒才上雞扒其實我不是第一次遇這情況無奈每次都差不多食完烏冬才上雞扒兩者好像分開兩味菜一樣不過 單以味道而言 雞扒是好吃的 凱薩沙拉酸酸的 挺開胃所以令人又愛又恨整體來說價錢划算 連飲品等 味道中上上菜速度較慢這是最大問題

日食朋友繼續領軍，今次帶小人到了一家商場裡的日本餐廳吃午餐。餐廳位於商場一隅，若然沒有朋友帶路的話，小人必定找不著。回說食物，壽司質數一般，魚生片的魚油不特別多，慶幸的是吃不到雪味。壽司飯握得不夠緊，飯粒邊食邊跌，更有一夾即散的情況出現。蟹籽沙律溫度不夠凍，最多的是沙律醬和青瓜絲，蟹籽和蟹柳都少，欠缺了應有的鮮香。最有驚喜的是這碟胡麻醬冷拉麵，拉麵爽而煙靭，趁著不多不少的胡麻醬來吃，我們都認為同樣是冷盤，比起之前的蟹籽沙律更加和味。因為天氣太熱，我們都不叫熱食；不過試過之後，再來的或然率甚低。

午飯想吃一些日式料理，剛好經過富田，所以決定入去一試！我叫了一個地獄湯底拉麵，配上鰻魚，味道相當不錯，而且還附有三文魚壽司，而且凍飲還不用加錢，先是十分公道的！50多元能有這樣的質素，算是十分抵食啦！

食物一般，冷烏冬尚可，但壽司極之細件，餐具亦都極之污糟，清洗得好唔乾淨，等左差不多45分鐘先有嘢食（食早餐就等開30分鐘先有啦，唉！），舉手叫侍應同經理都唔理，一係就對你呼呼喝喝， 藐嘴藐舌，服務態度極差！仲有飲品，熱菊花蜜味道同水冇分別，同行友人杯凍檸茶又苦又澀，叫左少冰但turn out嚟到果杯啲冰仲多過茶。雖然本身食開，但眼見價錢越嚟越貴，由以前嘅大件夾抵食去到而家唔抵唔好食，服務同食物質素越嚟越差，食親都好似要睇住侍應面色咁，唔係住附近都唔會去食。如果您好趕時間，亦建議你盡量唔好去食，油塘仲有好多好好嘅選擇架！