富園海鮮酒家

營業中

休息中

明明講明提早落訂時，半席都可以燒雞轉做燒鵝，到食飯時先話冇講過。侍應黑面，完全冇基本待客應有態度。食物質素平平，部分食物到上枱時已凍。未試過食餐飯要咁勞氣，冇下次。

今日放假同屋企人黎左呢間茶樓食下午茶。佢特價點心唔算多，不過就幾抵食。可惜我地得4個人，冇得叫多幾樣點心食。有一個$3.8嘅花旗參湯蝦餃王，一人限叫一盅，一盅一隻。 佢花旗參味唔算濃，都幾開胃，可以一試。四川紅油炒手 - 一碟六隻只係15蚊 抵食👍👍雪山叉燒包-我最鐘意既點心，軟綿綿，新鮮出爐就最好味。 不過一落枱大家掛住食 唔記得影相😝😝😝仲叫左潮州蒸粉果，南瓜煎堆仔，香煎蘿蔔糕，炒欖角排骨蒸腸粉，陳皮牛肉球，秘醬金錢肚.......食飽飽4個人埋單$190!

中秋節正日嘅家庭飯局。之前已經一早訂咗位(預早10日), 座位安排唔算差。我哋雖然食一個1988蚊嘅平價套餐(全包宴), 但係各方面都算過得去, 比預期好。而且無因為節日另外加價, 值得一讚!呢個套餐平時都有得食, 喺佐敦區嚟講, 算好抵食。各項菜式都ok, 唯獨是個炒飯就唔係幾好食。我哋嘅座位可以望到廚房嘅運作, 確實非常非常忙碌。所以稍有甩漏, 我哋都可以原諒及接受。樓面忙過不停, 算係運作暢順, 服務周到。食物份量充足, 個個食到捧住個肚走。今次我都唔講太多, 大家睇下啲相, 就知道我冇講大話。龍蝦伊麵係主角, 最好味, 份量又足夠, 有三隻龍蝦。

媽媽愛飲茶，都吾太明點解老人家只愛飲茶，不過媽媽喜歡就去啦！原本去富臨，但要等位，唯有轉場！去到經已見到全院滿座，座位搭到去地毯外，但依然有一兩張外圍枱。就係因為坐外圍，全感覺吾到有冷氣！一邊吃一邊抺汗！义燒腸﹠虾餃是較為好吃，鳳爪我覺得帶有海水味，腥腥地！但媽媽話ＯＫ！粥無味，好淡，肉丸可以，都有各三粒（凌魚﹠豬肉）羅白糕無料，食齌糕多！整體都覺得差，酒樓嚴重不夠人手，完全無人執枱，加水！連開位﹠茶，換枱布，都要等8分鐘。等下還可以，但無冷氣真係好難忍受！

今天下午放假，約了好友茶敍，順便在佐敦一帶遊走，選了富園下午茶 。 當天都幾多人，環境較嘈雜，講真，傾計都不是太合適。今天叫了 1 碗 义燒賴粉，义燒份量都比一般酒樓較多，味道都 ok 喎 ， 肥瘦適中，雪山义燒包 ， 味道一般啦，買相就麻麻地 。 南瓜煎堆仔，味道唔錯，淮山蝦餃，蝦都幾新鮮。蟲草花鮮竹卷 及 蟲草花水餃，味道都合格。埋單每人平均 $55，真心講都幾抵食，食物質素都可以 ，如 5 介意環境較嘈雜的話，都係佐敦區下午茶之選 。

富園海鮮酒家係佐敦彌敦道233號,地鐵站D出口往裕華方向行兩、三就對了,成幢野都幾多野食, 酒樓已經有2間, 又有齋鋪同韓燒, 地下仲有新加坡野同麵包鋪,餐廳要突出重圍不易。今日由於只同娘兩個人飲, 而且又唔係好肚餓, 叫左個點心拼盤小小地就算了。個點心拼盤有8粒點心, 一個叉燒包同一底細的馬拉糕, 以49.9 價錢黎講算OK啦, 所有點心我都可以同娘一人一粒,就係唔明點解叉燒包得一個, 無解~馬拉糕當然無大榮華、蓮香果D gam 鬆軟好味的了,但普普通通唔算太大油益味的我覺得可以接受,蝦餃隻蝦都可以, 當然唔會係新鮮啦, 但以49.9 的價錢黎計有蝦餃食我又覺得幾OK wor~粉果皮唔算好厚, 都可以。

25/2/2018 20:30食物味道不錯！但服務態度不好！尤其是帶眼鏡的光頭經理的服務態度超差。看到他呼喝客人，叫客人可以撰擇不要光顧他們。雖然不太清楚什麼原因，但也不應這樣對客人。

came here for the hotpot dinner with a table of 4. Ordered slices of beef, prawns, fish paste, veggies and noodles. Food was fresh and the soup base was flavoursome without being too salty. It was the service that was a let down (as with most local restaurants): had to ask a few times for the sauces, the tea wasn't refilled and neither was the soup base; we ended up just filling it with hot water from the tea pot instead. Recommend it for the food and it came out to be $650 for 4 people.

秋雨周日，個個焗住留室內，過去兩三個月嘅周日正午來到依間富園多數仲可以有檯揀，天雨飲茶變成大眾一個最好嘅周日節目選擇，好位置已經座滿茶客，無得揀結果座咗門口接檯位。家人揀响依度飲茶主因係底食，點心、粉、麵、飯未見特出算係一般市場水準。不過性價比嘅CP 值响區內又似乎無人能及。脆皮素鵝，傳菜嬸嬸忘記俾喼汁，不過正正因為咁食出唔多油，腐皮唔算原厚不過食材原味又保留得幾好。牛肉球，唔覺有陳皮、牛肉味亦唔多鹹水角，中規中矩一般茶樓水準雪山叉燒包，飽肚包點不過不失XO 醬腸粉，XO 醬較淡口不過唔多油叉雞飯，家人食曬，無讚無彈飽肚之選三個人埋單$225，每人唔洗一舊。C P值唔爆燈我自己都唔好意思。

共三人lunch，點心唔係熱ge，都算。佢地d點心紙係底面印ge，所以落單前都醒目講聲 "底面都畫左點心" 佢地又話知知知。食到大半見個魷魚鬚仲未黎，同佢地個waitress講，佢話得得得，幫我地跟跟。到食晒野，再問另一個，佢打張單出黎話「無落wor」，咁我地問「咁而家要返得唔得？」佢一句得埋黎「無得而家架wor,, 你要等lor!」佢潛台詞好明顯係「走啦！」ok! 走！無下次，亦唔會介紹任何人黎食，橫掂佐敦咁多野食！

食298個餐，海鮮新鮮，瀨尿蝦生猛。基本上唔駛蘸醬食鮮甜味已經夠，係到牛同雞先點下。侍應會計時間蒸食物，可能新開又唔多客，今日我地係有專人服侍既，真係你去飲，都未必一枱一個侍應啦。每樣蒸5-6分，連計等半個鐘起菜，今晚食都食左3粒鐘，但見到盤乾淨海鮮就值得等。料好食就當然冇問題，問題在訂位一定要講清講楚係食蒸氣鍋，因為一來枱唔同，二來佢有種叫升降鍋，即係打打下中間會升起咁過癮。講真唔知係我講得快定收booking果位聽錯，今日就搞左錯喇，好彩轉得到。因為眼睇做蒸鍋既枱唔多，所以訂位時多留意。另外到個鍋底，我地點排骨粥，到食粥時只係一鍋水，其實酒樓可以送一碗飯加入去變雜炊咁就perfect啦。當然鍋底係鮮甜，但變左米水囉。總括都係抵食！ 仲有優惠期可翻焯！

雖然蒸海鮮都興左一段時間，但今次都只係第二次食。第一次嘅經驗一般，今晚試呢一間開業一個多月嘅酒樓，因為之前朋友食過極力推薦。新開張做緊特價餐以人頭價，有兩個價錢選擇：$198同$298，菜單如下：我哋一行7個大人，其中一個唔食海鮮，所以叫左6份$298，另加3個小菜。先講小菜--1）冰鎮咕嚕肉外脆內暖，好惹味 2）炸蝦個汁甜甜哋，有芒果，炸粉唔厚又唔會好油，隻蝦彈牙冇雪味 3）薯仔炒牛柳粒呢個掛住食唔記得影相 😅一上枱已經聞到好香，食落好惹味，d牛柳粒真係有牛味，正！跟住到主角：有龍蝦（每人半隻）瀨尿蝦 （每人一隻）鮑魚 （每人一隻）蟶子 （每人一隻）馬刀貝 （每人兩至三隻）帶子 （每人一隻）龍躉片 （每人兩至三片）雞件 （每人三至五件）肥牛 （每人三至四片）手打墨魚丸、蝦丸、凌魚球、豬肉丸 （每人各款一粒）雜菜（有粟米、南瓜、金菇、白菜仔、生菜、娃娃菜、菜心）所有食材都好新鮮同洗得好乾淨，性價比高 重有個湯底，可以揀粥底，杏汁豬肺湯底，燉湯底，同清湯底。我哋揀左豬肺湯底，一開始時一人飲左一碗湯，跟住d湯渣放蒸鍋底加湯，食晒所有嘢時d精華落晒d湯度又再飲多幾碗湯，真係好好味 甜品叫左椰