富園冰室

男朋友周不時都上嚟呢間茶餐廳冰室食吓茶記抵食啲嘅美食 不過好似標題所講，一開始應該係驚喜，而家食咗幾次就覺得佢嘅質素都係不過不失我哋嘅時間介乎於午市與茶市之間 入到去又冇咗午市餐牌，因為我諗佢都開始準備下晝 今次一心諗住嚟試吓佢嘅焗豬，原來唔試係冇焗豬扒飯本身鍾意食一個焗豬扒飯，同埋成日見到人哋嚟食，我自己好鍾意蕃茄味整嘅餸 所以今次就嗌咗順帶一提，嚟到嘅時候見到人哋仲食緊早餐嘅物體，係羅宋湯通粉我最愛下次要試吓！睇佢最大份個Menu原來，粉面同埋通粉都可以散叫㗎，羅宋湯牛腩通粉只係$30 散叫仲抵過食餐😙😙🤗焗豬扒飯賣相幾靚，不過已經有心理準備唔會好多肉，果然連男朋友都覺得少肉，不過條味唔錯有一舊好大嘅蕃茄喺隔籬，不過只係第一舊菠蘿罐頭，有三件，整體而言一個焗豬扒好味好多同埋佢個豬扒雖然炸過，但係都掩蓋唔到佢不是太新鮮豬肉嘅味 果然一分錢一分貨麻麻哋好彩我哋一早嗌咗個金針雲耳蒸雞，但係我哋食到7788佢先上 可能呢啲餸要耐啲時間 金針同雲耳食落都幾彈牙好似好新鮮，但係唔知係咪金針有質素係咁？因為係苦㗎。呢個雞好味過雲吞雞嗰個好多，上次嗰個係劣質感覺，可能好味，個調味唔錯，不過係太多油要洗我諗應該係雞皮出嘅雞油 不過整極都係成層🤣🤣好罪惡嘅一餐念念不忘嘅海味雜菜煲，不過佢嘅主要材料喺晒面頭 雖然底下有大量唔同款嘅蔬菜不過都係上次嘅問題，火候唔夠全部都比較硬同埋佢所謂嘅海味真係少之又少 走過油嘅幾個魷魚乾炸完都唔係特別太好味 蝦乾味道OK得三條不過男朋友好鍾意個湯，今次我就留意到原來好多油 食到最後都朔晒油勁有罪惡感🤣🤣成餐最有滿足感同埋最值得食，好似反而係呢個牛雜麵餐 份量好似少咗？雖然都係兩件牛費三件金錢肚兩件牛腸一件牛蒡。（今次唔記得走腸。） 但係感覺麻麻哋。 同埋啲面腍咗少少。 湯底鹹咗少少，不過溝水唔怕。服務質素OK環境等卡位等咗一陣廁所就去商場嘅廁所，但佢Wegman呢個廁所好似shortshort哋，成日維修同埋啲水力唔太夠 如果有人去得耐嗰一兩格就要等好耐下次唔嗌海味雜菜煲了 $82唔抵食 因為係食菜🤣…查看更多

一家人簡簡單單食生日飯，實在呢個商場人流唔多，但係呢間茶餐到咗晚上都幾爆場。19:30入到去啱啱好有位。屋企人對牛肉同蝦敏感，好唔容易先嗌到幾個餸食。山梨骨有豬肉味，酸酸甜甜夏天食都幾醒胃，不過後邊塊春卷皮就淋咗。另外叫咗個一品煲，有螺片鮑魚花膠，為咗影相好睇啲，我將嚿花膠搬咗上面，因為佢下便太多汁，下邊有少少油麥菜墊底。都明白其他主要食材份量唔多，配菜可以多番啲菜拱一拱底，少返啲汁就會好啲，味道冇乜特別，都係正常發揮。反而今晚最好食係個西蘭花炒斑球，啲斑塊一啲都唔腥亦都好實淨，西蘭花都好爽脆。嚟呢一間我基本上都會嗌牛腩牛腸食，不過今晚唔想太飽，所以就嗌咗粗麵冇嗌河粉。事實上粗麵都唔係我嘅心頭好，所以俾咗一半俾老竇食，不過啲面真係爽嘅，但係今次個牛腩就有少少失望。失望嘅地方係食落去個牛腩冇乜牛味，反而水喉水味偏重，今次真係有啲失手。杯奶茶紅豆冰本身冇預計佢會奶茶都落糖水，所以成杯嘢就過甜，不過容量大又多豆都爽！…查看更多

喺呢個商場度搵食嘅話，富園係我首選。呢間餐廳嘅茶餐可以食到六點，就啱時間去食就直頭可以當食晚飯。佢嘅食物選擇好多，粉麵飯伊麵樣樣齊，價錢都係一樣。咖喱汁焗牛腩飯咖喱汁好夠味，送飯一流。牛腩比較肥，如果唔介意其實食落就好香。唯一失色就係啲飯比較腍。沙嗲肥牛炒伊麵上枱熱辣辣，沙嗲汁都係好濃味，啲肥牛份量都好多，有好多件，伊麵炒得都唔錯，軟硬適中又夠入味。其實仲有好多菜式我都想試，以$46加杯嘢飲又坐得舒服，我會再嚟☺️…查看更多

香港越來越少好食牛腩，以前細個時周街都好易食到好食的牛腩，但依家即使食到好食的，過一段時間又變得唔好食，相信是餐廳唔肯用靚材料所致。富園最令我欣賞的就是下午茶的金牌牛腩飯，牛腩鬆軟入味，每咬一口均有濃厚的牛味，牛腩汁滲入白飯再加上有兩嚿冧曬的白蘿蔔，簡直滿足味覺之餘，又滿足腦袋興奮，精神為之一振，故此每逢假日均等下午茶去幫襯。雖然服務無咩特別，尤其是收銀嗰個ee，每次比錢都黑晒口面，但唔緊要啦，只要牛腩能夠保持水準就可以了。…查看更多

外賣一盒北菇蒸雞，食得嘅得三四舊，其餘雞頸骨頭，離哂大譜，係咪見外賣就可以甘不負責！之前已經係甘，量少不說，價錢又貴，停了一排無幫襯，後來改善了，誰想又變翻轉頭，以後絕不再幫襯！…查看更多