富嘉閣

...當晚一家共11人食6點頭輪冬至飯, 叫了一隻豉油雞, 第一次上檯, 隻雞係"冰凍", 向待應反映, 取走處理, 第二次上檯, 隻碟熱, 但雞都係"凍", 我們再叫待應, 再取走, 第三次上檯, 隻雞蒸熱到完全"縮水", 我們向送上檯的穿黑色衣服的男士詢問, 為什麼咁, 他說"唔知", 我們再問為什麼不換過一隻, 他說"無雞了"..豈有此理, 食頭輪無雞可以換, .....我們拒絕唔要第三次上檯的雞.....坦白說食物水準好味與否見人見至, 但今時今日咁既服務質數竟然可以?, 仲身處嘉里中心, 又說是什麼人的徒第, 一隻雞可以連續三次送比個客.....管理亦出現問題, 完全令到顧客儲蓄恕火, 我們再揾店經理馮生, 把事情告知, 一年到晚冬大過年, 埋單2500元, 經理仲說沒有收隻雞錢, 我們無食到...當然不用付錢, 你不收錢難度我們要"謝恩"嗎....…Read More

曾聽說這酒樓是某集團老板開而自己會去食飯的地方，所以質素有所保證。其實自己住近這區，之前竟只去過一次，還是家人叫飲茶才去的。今次去飲茶，選了個平日，覺得整體環境及座位舒適，空間寬敞。因只與一位朋友去，只點了5個點心，每款質素都算唔錯，量亦足夠。餐牌上點心選擇算多，價錢由小點$23至特點$49，算是經濟，而粉麵亦大多$115，最貴荷葉飯也只$168，如果去酒店級中菜酒樓，現時最平的豉油皇炒麵可能都要$150起，其他款式大多超過$220，甚至三百幾一碟。酒樓由於位於商業大廈也近商業區，平日中午時有午市商務套餐，只$106/位(需2位起及另茶芥及加一)，包靚湯、蔬菜、白飯及水果，而自選小菜選擇亦有36款之多。繁忙時段能在這舒適環境享用這價錢的套餐，對於辦公室上班一族來說算是有選擇。提一提酒樓員工的服務也不過不失，只是酒樓地點不近地鐵站。…Read More

酒樓美食的極致享受😎去咗英皇道富嘉閣飲茶懷舊麒麟馬拉糕麒麟馬拉糕的口感非常獨特。它軟綿綿的，有著微微的彈性，讓人感到愉悅。咀嚼時，糕體散發出濃郁的香甜味道，讓人回味無窮。它的質地綿密，吃起來十分順滑，入口即化。每一口都能感受到香氣和甜味在口腔中綻放開來。蜜汁叉燒包蜜汁叉燒包的口感令人驚艷。外皮鬆軟，帶有微微的彈性，入口即化。內餡則是鮮嫩多汁，充滿了蜜汁叉燒的香氣和味道。每一口都能感受到包子皮和內餡的絕妙平衡，讓人愛不釋手。素菜蒸粉餃素菜蒸粉餃的口感輕盈而爽口。粉皮薄而柔軟，幾乎融化在嘴裡，不會帶來沉重感。餡料則是以各種新鮮的素菜為主，口感鮮嫩多汁。每一口都能感受到粉皮和餡料的和諧結合，讓人愉悅。…Read More

昨晚好高興出席由何故兄攪的「富嘉閣經典名菜夜宴」，菜式由人所共知的前輩李文基名廚(人稱基哥)親自安排及處理；他更特別從《中國名菜集錦》中精選了多款經典名菜，讓在座各位賓客能享受到書中的經典味道，真是一次不一樣的美食體驗！😋十款精選菜餚，包括：1. 順德魚雲羹、2. 金牌蝦多士拼琵琶豆腐、3. 釀花膠筒伴珍菌、4. 金華玉樹雞、5. 鳳眼菓炆肉排、6. 鮑汁蝦籽柚皮、7. 經典樟茶鴨、8. 基哥齋煲、9. 上湯片兒麵、10. 懷舊馬拉糕。最喜歡又最有特色的，相信係手工極多的魚雲羹、外脆內軟的琵琶豆腐、鮮嫩爽甜的金華玉樹雞、超級美味的樟茶鴨、不一樣的齋煲及鮮甜美味的片兒麵。其中這味「經典樟茶鴨」，不說不知原來用料非常講究，首先要選用德國燒鹽再加入香料醃製一個晚上，待第二日才放入焗爐蒸熟；放涼透後，加入茶葉、糖、蔗渣等材料煙燻(還要特別選用德國樟木條作為煙燻的木材)，之後放涼備用，待上枱前才把外皮炸脆；看似簡單，原來事前準備功夫這麼複雜，是真真正正的手工菜！*最後要鳴謝 @Eric Ng 提供的日本清酒*何故兄出的第二卷《回憶中的香港味道》，當然也要支持一下#富嘉閣地址: 鰂魚涌英皇道683號嘉里中心2樓電話: 27500823…Read More

七味炸豆腐唔夠味道，乾爭爭，毫無味道，七味粉唔夠，嚟到又唔夠熱，上菜嗰時啲豆腐唔熱嘅！波蘿叉燒包皮好厚，唔夠熱。芋角鬆化好味囉。陳皮香酥骨食落蜜味，幾甜喎，好有陳皮味，陳皮香酥骨份量少。蝦餃膽固醇好高呀，夠大隻，都足料。小糖菜不過不失，都嫩綠嘅，普通爽無乜特別。豉椒排骨炒河都Okay 嘅，比較油膩。鐵觀音茶味夠濃，都Okay 嘅。地方環境乾淨囉。環境幾好囉，樓底幾高。點心款式唔多。唔係首選，下次未必再嚟，是次體驗未如理想。…Read More

於香港大酒店參加完喪禮後留在區內晚膳，可以坐成圍嘅中菜選擇似乎只有過兩條馬路就到嘅「富嘉閣」。講真原本都冇諗住寫文，所以連環境同餐牌都冇特別去影，無奈質素實在太麻麻先想俾個忠告大家。中式酒樓嘅大圓枱多數都有轉盤。年長嘅服務生都好客氣，只係推介嘅食物唔多掂。酥炸脆魚皮（$38）：尚算脆口嘅魚皮敗筆在於唔夠鬆化。涼拌海蜇（$50）：海蜇爽脆醒胃。陳皮香酥骨（$148）：排骨大件夾硬，好難先咬得開，加上唔酥脆，完全唔掂！蜜汁叉燒（$98）：肥肥家族一向食開肥叉，客氣啲評論，碟上零肥膏嘅叉燒健康得黎唔算特別嚡或硬嘅。海南土雞（$180/半隻）：好在只係叫咗半隻黎試咋，真係冇諗過海南雞會如此白賴晒兼冇油水，土雞肉又乾又粗糙，半絲嫩滑都冇，失敗到極！咕嚕油條蝦（$138）：反而以油炸鬼釀入蝦隻炸製出嘅咕嚕油條蝦酸酸甜甜，爽脆彈牙，新穎嘅組合甚有驚喜。紅酒牛尾（$150）：差不多每位服務生都推介一次嘅牛尾又硬又實，明顯火候未夠，未腍已經上枱。珧柱肉碎蒸水蛋（$128）：肉碎蒸蛋軟滑輕盈。蝦乾粉絲節瓜煲（$118）：節瓜切得夠幼，不過啲蝦乾就韌中帶粉，調味仲有啲腥，不吃也吧。豉汁煎釀三寶（$138）：小肥怕鯪魚有骨所以冇試，乾爹爹讚煎釀三寶惹味足料。滑蛋牛肉炒河粉（$105）：滑蛋牛河濕潤滑溜，牛肉香軟易入口，簡單可口。鄰近大酒店嘅中餐廳「富嘉閣」光鮮企理，服務優良，雖則小菜價格不高，但主要係質素問題，請恕小弟直言，區內冇其他選擇都情願跨區覓食囉！…Read More

因為喺附近返工，所以耐唔中都會嚟呢度飲茶。環境唔錯，點心都幾好味，最中意食呢度嘅避風塘蘿蔔糕同上湯炸粉果。但呢度嘅服務就每況愈下，首先之前一晚打電話confirm booking，聽電話果位女士話自己好忙叫我第二日朝早先再打嚟!?另外棗紅色制服嘅侍應只會照顧熟客，成日圍住熟客果幾張檯幫佢哋加茶清檯。對無塞錢入佢哋衫袋嘅客就視而不見，明明張檯好多籠同碟又唔清，無茶又唔加，要揮手叫先會加。得閒就去熟客檯傾計，仲要幫人拆魚骨，點心錯單催咗幾次都無用，最後等咗45分鐘等到發火要取消。原來經理都係咁，又係掛住同熟客傾計愛理不理，呢個價錢咁嘅服務，擺明係趕客出面大把好選擇…Read More

假日要飲茶 ，周圍都人頭湧湧， 幸好我一早訂位 ，在這裏找到容身之處。🥰🥰 闊落的大廳， 開揚的景觀， 可以坐低慢慢嘆茶 ，食點心， 享受一個悠閒嘅中午， 真係幸福。🤗🤗 叫咗六個點心 ，都係普通款式 ，但係水準就不是普通 ，樣樣都新鮮好味， 仲要價錢唔貴。 最鍾意食筍尖蝦餃， 四粒大大嘅蝦餃 ，新鮮爽口， 保證冇肥豬肉 ，點啲辣椒醬 更加好味。 沙爹金錢肚， 最靚的食材， 炆得淋淋， 仲有花生，傳統的點心有時是最好的。要食飽當然要有碳水，有美味叉燒包 ，香茜牛肉腸，仲有傳統馬拉糕 ，全部都係至愛嘅點心。 仲有一個素粉果賣曬，😅 下次再叫。💪…Read More

與友人來這間位於北角的富嘉閣晚膳幾次了，但今天和先生一起拍拖來這裡嘆茶是第一次。今午我是想嚐嚐點心，結果選了筍尖水晶蝦餃皇丶燒賣丶叉燒包丶金錢肚丶金蒜豉汁蒸排骨丶上湯鮮竹卷及香茜牛肉腸粉，以上點心也不錯，味美可口，會再訪。…Read More

久聞這位於甲級商廈的粵菜食店口碑不錯, 這次终於首度探店, 到達時約十一時, 未訂位所以要十二時半交枱, 可知午飯時間店內旺場狀況👏大堂樓底極高, 單邊落地玻璃窗, 感覺開揚, 員工態度殷切👏分別點了：鮮蝦餃鮮蝦腸粉魚湯福丸淮山麵鮮蝦餃水薄餡靚, 味道洽當, 蝦肉爽口, 餡料乾身不油膩,有水準之作品😋鮮蝦腸粉, 傳統手拉粉皮,軟綿綿滑捋捋, 入口無黐牙感, 蝦仁大大隻, 蝦肉爽脆, 用料用心, 皮滑餡爽😋魚湯福丸淮山麵, 一大鍋好夠份量, 魚湯未見驚喜, 僅似一般上湯, 魚味重點應該更理想, 肉丸較合心意, 爽口有嚼勁, 好有質感, 淮山麵一般水平未算突出😋性價比足的食店👏👏…Read More

一碗靚湯，可以溫暖遊子的心❤，可以吸引冷漠的胃，所以一碗靚湯，好考廚師功夫，煲對了湯，凝聚了家人，維護好關係，成就了社會良好基礎，小事情，大效應，不能小覬。今日飲到靚湯，白果豬肚瘦肉湯，煲得濃香的湯，軟糯的白果吸收了肉味，比肉更好食，豬肚和瘦肉都香味四溢，蘸些醬油，又是一道佳餚，飲左一碗湯，個胃暖暖的，胃口被打開了，送菜都特別好食，連啖白飯🍚都香些，一碗靚湯，可以承前啟後，可以令一切變得更美好。…Read More

一班朋友通常都係飲茶多！呢間酒樓係呢頭都好多年，要環境好又要坐得舒服，好自然就想過黎呢度。我覺得佢嘅點心都偏貴，款式都算多嘅，但我地明明想飲茶食下點心，點心紙都未睇，酒樓好快就過黎介紹龍蝦伊麵，不過我地都無乜興趣。只左幾個我地想食嘅點心，炒咗個楊州炒飯，同埋雞絲煎米粉。佢嘅鹹水角真係好值得推介，鹹水角外脆內軟，每人食一隻都唔夠呀！另外就想推介佢個墨魚餅，又係好好食，好彈牙！其他點心就不過不失。但個煎米粉就差啲，同幻想中完全唔一樣。非常淡！可能係少鹽少油嘅關係？不過點都好，如果淨係計食物嘅話我就覺得都ok，但計埋價錢就好似唔值…Read More

點心同海南雞非常吾得睇中哩間好耐，主要話系啊一徒弟開，食評又話點心吾錯，但吾中意佢系大酒店隔離，但今日都系要來試下優點- 午餐咁位置，咁裝修，咁價錢，都OK- 打領帶的經理們服務態度真系吾多友善。- 午餐只收茶無收介（吾會擺碟花生等）改善點- 點心質量真系幾麻麻。- ”可能”點心吾系即蒸，2,3分鐘就有。兩個人，只系叫左比較多人話好的食物冬菇燒賣皇（$33）2分- 燒賣無蝦都算，第一賣相吾吸引，搵粒冬菇都幾辛苦，都系豬肉，豬肉吾彈口仲一舊舊，實*dead dead"。牛腩陳村粉（$49）4分- 49蚊比到咁大碗，仲好多牛腩添，仲幾重牛味亦吾會太滷水味，當然咬落有D ”鞋”。陳村粉系比較厚，但都幾滑同幾入味。海南土雞（$170蚊半隻）1分- 哩個就系食評好多人話好，現場亦好多人食，好老實，170蚊真系食到差不多一隻暫時香港排曬隊的勇記，但既然哩度話得咁好，又話系土雞，眯試下，但超級中招- 雞皮吾爽，表面系靱同硬,系照片度仲睇到肥羔有幾厚，系大陸食咁多土雞都未試過咁肥的土雞。- 超鹹，以為系鹽焗雞啊。- 雞整得太熟，連雞肶都靱。黑芝麻流沙包（$33）1分- 講得流沙，最重要系流，但睇照片就知道一D 都吾流，同現在普通酒樓的包點比較，好失敗。-芝麻無香味- 睇到包皮厚到不得了，系眯？…Read More

天天出街食飯，會趨向選擇簡單而健康的菜式，今晚見到一道菜--香菇扒節瓜脯 ，既簡單又健康，又有異於普通的菜心芥蘭，而且價錢不貴，只是一百零八元，一定要試試。我們來食晚飯，通 常兩送一湯，今晚試新菜式，果然有水準，一大碟香菇瓜脯上臺，又圓又大的香菇鋪在嫩綠的節瓜脯上，薄薄的蠔油芡，帶出瓜香菇香，蒸得軟滑的節瓜，還有少少爽口，不會過爛，節瓜的清香味非常吸引，時令的瓜菜特別好食，而且營養豐富，能提供人體所需元素，菜式雖然簡單，但做得好的餐廳卻很少，以後要多食几次，報答廚師的認真付出。👍…Read More

今日開完早會之後同幾個同事去左富嘉閣度飲茶佢都算係區內頂頂有名嘅酒樓，一路都食得好開心，成班同事有講有笑成班同事清嘢食，點知其中一粒燒賣入邊竟然係有一個膠袋絲係入面嗰時我哋已經埋咗單，我哋同位經理講，點知個經理竟然話你影相都冇用㗎啦！酒樓實有d咁嘅錯㗎啦我哋退返d籠燒賣錢俾你⋯ 點知返到Office其他同事先講開上個星期，問佢哋其中一位侍應有冇粥⋯個侍應竟然好晦氣咁答「你自己出去買囉🤷‍♂️🤷‍♂️」咁嘅服務態度點得啊仲話係米芝蓮推介…Read More