2
1
0
港鐵尖沙咀/尖東站 B1 出口, 步行約5分鐘
繼續閱讀
付款方式
以上資料只供參考, 請與餐廳確認詳情
早兩日放lunch唔想諗食咩,就咁落街搵下有咩食,見到呢間兩餸飯幾受歡迎就試試佢,最後揀左個三餸飯,雞翼咕嚕肉炒椰菜花,份量都幾足,食得好飽下,算係尖沙咀放lunch好選擇!
繼續閱讀
呢一間尖沙咀嘅三餸飯 之前都有叫過返公司食 今日同朋友就買咗一盒淨送大家share 嘅價錢嚟講都唔係好貴 非常平民 我哋就揀咗椒鹽豬扒同埋雞翼 兩個餸 我哋都覺得做得唔錯椒鹽豬扒非常香口 同出邊茶餐廳嘅口感非常相似 亦都有鑊氣 食落仲有蒜蓉同埋少少辣椒 係我最鍾意食嘅椒鹽豬扒味道 都俾咗最少8-9件我地椒鹽雞翼就大大隻 非常適合鍾意食雞翼嘅朋友 亦都覺得佢呢一個雞翼做得非常入味 今日嘅味道同椒鹽豬扒非常相似 亦都係辣辣地 整體嘅味道 呢個價錢嚟講都冇乜可以投訴 我哋覺得都合格
繼續閱讀
一排冇食三餸飯,今日去原來加咗價,兩餸飯$33但係無阻條隊伍,都係咁多人,lunch time橫跨兩間舖頭!!不過阿姐們超級爽手,唔會令客人等好耐!叫咗個兩餸飯,阿姐一大殼一大殻咁𢳂俾我,係咪見我太瘦覺得我要食多啲滿滿一大盒,盒都盒唔埋,多到我可以留一半今晚食咁咕嚕肉配上配上青椒、紅椒、洋蔥,酸酸甜甜超級惹味,而且啖啖肉!唔會感覺食到成口炸粉漿嘅感覺! #foodie #foodstagram #foodphotography #hkfood
繼續閱讀
四眼嬸嬸話夾多多餸夾大大份比我,真係受寵若驚,多謝多謝。必定係覺得我非常肚餓,滿到要用橡筋綁住個盒先得,感激不盡。 大兜到閂唔到個盒的三餸飯﹗真係唔係講笑,售價$35蚊三餸飯十分有質素,食得過﹗比幾個月前更進步更抵食更美味。雖然唔算好食但抵食夾大件﹗尖沙咀$35蚊三餸邊度搵,最重要唔難食仲食得下,加上大大份食得飽飽。老連三餸飯平到講粗口,仲要勁多飯勁多餸,連我都食唔晒﹗雖然質素平平,起碼填飽肚唔難食,感恩。枝竹炆羊腩,羊汁勁油勁羶撈飯吃不消,差點反胃﹗要狂撈史拉差辣椒醬先食到半碗飯,最終都要放棄。羊腩骨太肥帶著肥騰騰白膏羶味太強油膩感太強,其實醃味吸香料都吸引的,瘦肉位都十分滿意。蒜蓉炒菜芯,心諗翻蒸會較美味,誰知更加可怕,搞到黃禁禁又苦澀又腍啤啤。秘醬炆鴨,跟羊放埋一齊幾乎忍唔出係鴨來的。炆鴨骨杉杉無肉食,其實味道蠻可以,鴨皮鴨肥膏鴨背脊賣剩蔗。豉蒜炒尖椒,爽甜香辣有鑊氣,調味得宜極香口,大大啖飯夾滿尖椒滿滿塞,超級滿足和味。川式回鍋肉,同樣係送飯佳品,香辣惹味,腩片肥瘦適中,豬皮嚥韌帶彈,瘦肉索盡精華有趙頭,輕辣肉甜無得頂。豉油皇雞髀,硬實帶乾的內涵,膠膠的雞皮要給點牙力扯開,吃不到半點肉汁,散發混濁豉油味。煎封黃魚,黃魚大大條好好味﹗煎得皮香肉嫩,咸鮮吸引,薑蔥香噴噴,雖然只得餘溫,但拆晒魚肉撈飯食依然非凡出眾。煎咸魚肉餅,肥厚美麗可口啖啖肉,咸鮮焦香豬肉送飯一流,梗係要大大舊肉躺在少少飯上再擘大口釀入,肉餅先來結實再來鬆化,跟白飯完全融合,醒胃醒神。雲耳蒸雞,整體味道不過不失,只是感有點油膩,切得太碎太細易乾易乾,而且骨尖易刮口又多骨碎。椒鹽豬扒,炸得內乾外油,醃味咸濁,雖然香口鬆化。如果熱辣辣地送飯,應該較果會更好。蒜蓉娃娃菜,完全無味既?無菜甜味、無蒜蓉味,完成無落味?咬落只有爽爽的質地散發滾水味道。咖哩雞,只得兩舊骨杉杉無肉食的雞件,非常失望。咖哩汁微辣味濃食得過,雞件乾鞋無肉食。咖哩薯仔,我要咖哩雞唔係咖哩薯仔,我唔食薯仔的。幾乎全部都係薯仔,免強試一啖吧﹗炸過格外吸汁,入味帶甜帶粉。豉油雞,全熟沒血水不乾硬,結實中帶嫩滑還有清新豉油香味。韮菜炒蛋,送飯一流菜甜蛋香,略厭韮菜太少,像洒蔥花只得幾粒。豬紅,浸得入味無腥嗅無生水味,彈彈有汁不鞋韌。炸斑塊,薄薄炸漿不過份,鬆化外層包著嫩嫰白肉。菠蘿生炒骨,多多粉十分黏口雖然索盡甜酸汁,而且骨多肉少呢。咸蛋肉餅,同樣係送飯能手不能自拔,鬆軟的質地而多多肉汁泛著咸蛋香氣,大大啖肉少少啖飯,停不了地塞入嘴仔。鹽焗雞,髀滑胸綿有質素,陣陣咸香搭甘甜鳳脂送飯一流﹗蒜蓉西蘭花,爽甜翠綠充滿菜甜味,無過腍無過老。蒸水蛋,厚蛋嫰嫰帶彈,蛋味濃郁,多多蛋撈少少飯,醒腦醒神。豉汁蒸倉魚,大大條有我手掌咁大條都只係加$15蚊﹗啖啖肉魚味濃,肉質結實魚汁處處,膠黏的魚皮襯托著薑蔥豆豉,十分開胃滋味。滷水雞髀,大大隻但乾爭爭,狠狠地一咬一扯,雞皮膠膠的,雞肉柴柴的。麻婆豆腐,淡荗荗不咸不辣,硬豆腐碎濕濕。魚香茄子,綿綿的茄子夠水潤,不夠香不夠辣,茄皮厚厚刮咀。多謝嬸嬸厚愛靜雞雞塞兩粒麻辣炸魚肉燒賣我嘆,但我最憎食乾爭爭硬掘掘刮嘴成口麵粉的炸燒賣呢。蒜蓉炒白菜仔,帶腥帶澀不甜唔難食,雲耳蒸雞斬到碎濕濕骨杉杉無乜肉食,白飯過濕有點爛。蒜蓉炒白菜仔拼蒜蓉炒菜芯,沒有菜甜味的菜,用鹽用蒜搭救吧。
繼續閱讀
最近差不多每天都食呢間雙餸飯!😬$30雙餸;$35三餸,飲品只需加$5!在尖沙咀嚟講真係好抵食呢!飯可選:多飯/少飯/正常。我通常都揀蒜蓉炒西蘭花🥦,蒜蓉味比較濃,健康又有益!😋👍豬手都炆得好淋又入味,好正呢!下午一時呢d食飯時間通常都大排長龍!所以我通常都係2pm先去就不用排隊!😬🤣🙈
繼續閱讀
您可能會有興趣的...