家家戶戶

營業中

休息中

人少少想食韓國嘢最好就係揀韓式定食，喺尖沙咀韓國街都試過唔少間韓國餐廳，覺得呢間性價比最高！人均都只係一百左右，有多款套餐可以選擇，再配送4款小菜，上次7點去食，食到一半就見到開始排隊，唔想等記得早啲去~▫️純海鮮豆腐湯 | $99配料份量唔少，海鮮主要有魷魚、蜆肉同青口，豆腐嫩滑，湯底雖然好紅但唔算好辣，仲幾重海鮮味~▫️人蔘雞湯 | $168一份大概有半隻雞，就算係雞胸部位都唔會乾爭爭，而且肉質好厚實，唔會係得骨，鍾意食清燉雞嘅一定會鍾意呢個🐥 人蔘味唔算好濃，湯底行清淡路線，飲晒都唔會口乾，雞隻裏面釀咗糯米，撈埋一齊食就好似雞粥

平日經過這間家家戶戶都見到客人不小，常常想去試一下，上星期五同朋友lunch time 去試吓，時間尚早，還有枱可以挑，坐下來，感覺環境很有韓式傳統嘅感覺，很舒服，點菜也很自助，只要客人自己寫下套歺編號再交服務員便可，叫咗當日優惠的辣豬肉石頭飯套餐，包一個豬肉石頭飯+4小碟韓式前菜同埋一碗海帶湯價錢都只係$69我覺得性價比非常之高，而且味道唔錯，質素都非常高，真係非常抵食，所以，寫一寫食評推介俾大家，下次會再去試吓其他套餐

《家家戶戶の食評》 by@ihungry.hk中意食韓國嘢嘅朋友仔，去唔到韓國🇰🇷又想回到家的感覺？今日會同大家介紹一間位於尖沙咀嘅家家戶戶，家家戶戶主打唔同嘅韓國定食同小食，烹調風格同口味都非常地道，中意食韓國嘢嘅你唔好錯過?！🔸『純豆腐海鮮湯 - $99』冬天❄️凍冰冰，梗係要飲一碗熱辣辣嘅韓國泡菜豆腐海鮮湯！海鮮湯超足料，裡面有泡菜、大大舊豆腐、同埋非常新鮮嘅海鮮，重要係仲有一個半熟，撈飯一流！另外，泡菜湯底起級濃郁，有濃濃泡菜香，又唔會太過辣，唔食得辣嘅朋友仔都可以試試💖！🔸『LA牛肋骨 - $178』必定要叫嘅LA牛肋骨，一上檯就聞到超香牛味，已經流晒口水?！牛肋骨非常之軟腍，連邊邊位嘅肉都可以輕易撕出，牛肉油脂分布非常好，唔會太肥又唔會太瘦，食肉獸嘅朋友仔又係一定要試?！🤪iHungry肚餓指數：7.9/10

家家戶戶主打韓國料理，呢間餐廳店面不大，裝修有少許韓國style,環境尚可，適合同朋友黎個快聚😆 食物方面跟別的餐廳一樣，有輕食如年糕，韓式紫菜卷；飯麵如石鍋飯，炒飯，炸醬麵等，套餐組合選擇都算多～ 而且都配有3小菜，紫菜湯☆海鮮炸醬撈麵 $119出餐快又夠熱，而且份量幾大，餐廳已將炸醬撈勻左，入面除左必有嘅蔬菜粒，仲有雜錦海鮮粒～正常調味偏少甜. 跟餐配有2隻韓式餃子🥟★韓式牛肉石鍋飯 $109賣相唔錯～上枱熱辣辣香氣橫溢🥘 除左好香麻油味嘅牛肉，仲有傳統必有嘅芽菜，生菜，青瓜絲和蘿蔔絲～拌勻韓式辣醬味道唔會太辣，適合怕辣人士😛

這家位於尖沙咀韓國街的餐廳以傳統韓國家庭裝潢營造出懷舊的氛圍，讓人彷彿置身於韓國的家庭之中，享受著濃郁的韓國家庭式料理。他們的套餐組合提供了多款配搭的菜式，讓人嘗盡韓國美食的豐富多樣。前菜：泡菜、韭菜花、牛蒡這些前菜展現了韓國料理的獨特風味。酸辣的泡菜帶來一絲清新的口感，韭菜花和牛蒡則帶來了一種脆爽的口感。這些前菜為整餐帶來了開胃的效果。炒牛肉將切成薄片的牛肉與蔬菜一起炒熟，以帶甜的醬料調味，保持了牛肉的嫩滑和蔬菜的鮮脆口感。泡菜豬肉鍋豬肉與泡菜一起煮成湯，湯的底部帶有泡菜的酸辣味道，十分開胃。豬肉的鮮嫩與泡菜的風味完美融合，味道濃郁。

尖沙咀一條後街有好多韓國餐廳,連專賣韓國嘢嘅超市都有🛒~今次去咗一間紅磚牆門面嘅小店🧱~入面嘅佈置舒適溫馨,好似去咗韓國人屋企作客一樣🏡~因為唔太食得辣🌶,所以店員推介咗呢個牛肉湯🐂~上檯非常熱辣辣,而且湯底好香濃~入面嘅料非常足,有大堆嘅牛肉,蔬菜🥬,仲有粉絲同年糕🍜~配上小菜同白飯🍚,真係好豐富~另外點咗個韓式雞肉石頭飯🍲~個石窩好熱,所以可以烘出香脆飯焦~配料都好多,有蔬菜又有好多雞肉🐔~撈埋一齊好好味,好有置身韓國嘅感覺🥰~佢嘅菜式選擇多,對面檯食嘅蔘雞湯都好香好吸引~下次再嚟一定要試下其他嘢食😋!

好想食韓國菜，一於出尖沙咀的韓國街搵食，見呢度有間-家家戶戶，裝修感覺如在傳統韓國家庭🏡的，於是我哋便在此品嘗一下～正宗韓國家庭式的料理吧！餐廳環境舒適，有很多款套餐、炸雞、湯鍋、壽司、麵飯類可選，份量多又抵食，同朋友黎食下嘢，真係唔錯啊！叫左2個套餐，都會跟前菜同埋紫菜湯，餐前小食夠晒健康，有泡菜、韮菜花、薯仔同埋腸仔。雞肉石頭鍋飯，熱辣辣的石鍋飯，幾時食都咁好味，將蛋黃同配菜跟醬汁拌勻，味道剛剛好不會過辣，雞肉份量都唔少，最like就係食到香脆可口嘅飯焦啊。LA 牛肋骨套餐，牛肋骨份量超級多片，肉質柔軟多汁，邊位帶些肥膏入口更香滑，飯粒煙韌有咀嚼感。

尖沙咀呢間「家家戶戶」，餐牌賣嘅都係最普通嘅韓國菜，菜式唔花巧，價錢又實惠，難怪喺尖沙咀開咗咁多年仍然屹立不倒。今晚放工就約朋友食餐平平哋的，晚餐時間仍然大排長龍！🌼 純豆腐豬肉湯 ($99/Set)冬天配個熱湯飯實在無得彈！湯料十足，有豆腐，金針菇，雞蛋，仲有豬肉片。韓式辣湯小辣程度可以接受。另外伴四款小菜，味道不錯。跟餐仲附上一支迷你益力多，飯後飲返一支清清腸胃 🌼 牛肉海鮮辣湯鮮 ($119/Set)湯麵餐同飯餐配嘅小菜唔同，除咗泡菜/醃蘿蔔，仲有兩隻煎餃子🥟 湯辣料足，食完十分滿足😋

尖沙咀返工餐好選擇呢間餐廳份量超大人均都係一百前菜係會因應唔同餐有啲變化最驚喜嘅係前菜有炸餃子我同朋友嗌咗兩個餐一個牛肋骨一個海鮮刀削麵海鮮刀削麵，個配菜好有心思超大碗湯，入邊係好多蔬菜仲有零零星星幾粒海鮮同牛肉一上枱熱辣辣冬天食超適合份量大到一個人絕對食唔晒我見隔籬枱食唔係刀削麵齋海鮮湯都好大份牛肋骨鐵板煎到好有鑊氣，而且牛肋骨好足份量係有七八塊牛肋骨咁多，調味唔會話太鹹或者太甜值得一提嘅係間餐廳好有氛圍

「家家戶戶」係一間以韓國料理為主題嘅餐廳，環境溫馨舒適，充滿著家的感覺。佢嘅菜單多樣豐富，我叫咗兩款招牌菜，真係回味無窮韓式牛肉石頭飯，石頭鍋加入嫩滑的牛肉和各種新鮮蔬菜，配上韓國特製的辣椒醬，香氣四溢。每一口都帶來滿滿的韓國風味，讓我彷彿置身於首爾的街頭小吃攤。🍚🥩🌶️牛肉鍋，這道菜以濃郁的牛肉湯底為基礎，加入嫩滑的牛肉片、豆腐和時蔬，湯汁鮮美濃郁。每一口都帶來滿滿的牛肉香氣，令我垂涎欲滴。🍲🥩🍅🥕「家家戶戶」的菜式不僅味道地道，而且份量十足，給人帶來了一趟美食之旅，如果你想嚐嚐正宗的韓國美食，「家家戶戶」係是一間唔錯嘅餐廳！🍚🥩🍲

韓式牛肉石頭飯(109hkd)套餐有4款小菜，包括芽菜、泡菜、韭菜、豆腐，非湯飯/麵仲跟個海帶湯，不過畀我快手飲咗🐷 仲有跟餐益力多😋肉量都唔少，顏色靚仲好好味，伴飯醬簡直係靈魂，撈勻蛋黃😆好正～牛肉鍋(109hkd)呢個係大推，肉量一樣咁多，仲有唔少高麗菜、金菇、年糕、粉絲等等，加咗咁多料個湯煮到甜甜的，平時出面食鍋物都做唔到呢個價錢，cp值幾高，天氣凍最需要暖暖胃，好滿足，仲想要多個飯阿😌👍🏻店舖裝修好有傳統韓國家庭嘅感覺，菜式偏向家庭式料理，環境舒適，食物都幾正宗而且款式套餐都幾多

今次我哋又嚟咗韓國街搵食，見呢間餐廳出面都要排吓隊，門面裝修都幾特別，睇嚟都唔錯，所以就決定排埋一份🤣 入到去坐低，好似置身於傳統韓國家庭裝潢入面享受韓國家庭式料理咁😎而呢到提供多款配搭的套餐組合，真係花多眼亂，有選擇困難症嘅我哋最尾揀咗…..Lᴀ 牛肋骨 $178用鐵板上，嚟到嘅時候咋咋聲，聽到都肚餓🤣 份量都好多，肉質嫩得嚟帶返少許嚼頭，肉味都幾出，再配合埋洋蔥食，真係好惹味😌韓式牛肉石頭飯 $109上枱時嘅賣相唔錯，五顏六色幾吸睛，最正係只要放佢係到一陣就好快結到飯焦😍 飯焦食落脆卜卜，帶微辣，好似食緊暴暴飯焦咁🫢 其他配料份量適中，🐻一個都食唔哂成個飯🤣每個Sᴇᴛ都包幾碟小菜同一碗海帶湯，仲有支韓國傳統套餐一定有嘅益力多，佢哋個泡菜酸辣適中，非常開胃，可惜無得Rᴇғɪʟʟ，整體嚟講，質素唔差，可以一戰💪🏻

今天晚上，天氣仍然寒冷，所以我和朋友去了尖沙咀家家戶戶吃韓國菜。店舖的裝潢充滿韓國的特色，好像置身於韓國一樣。那裏座無虛席，門外不停有食客在等候，幸好我們7點前已到，不用等位，過多15分鐘後就要等位了。我們點了兩個套餐，一個是LA牛肋骨，一個是豉油雞，套餐裏還包括三碟前菜，一個湯和一個飯，最特別的是每個餐跟一支益力多。LA牛肋骨份量足夠，疊起來猶如一個小山丘，牛肉又嫩又淋，肉味濃郁，配上鐵板，能保持食物的溫度。至於豉油雞非常入味嫩滑，而且份量亦很多，配上軟綿綿的白飯，滿足感十足。

尖沙咀出名多韓國餐廳，今次食呢間都幾多人等，似傳統韓國家庭料理，有好多配菜。睇menu都揀咗一陣，因為都幾多餐揀。海鮮炸醬撈麵（ $119 ）炸醬撈麵，仲有一個海帶湯、有醃製蘿蔔、醃泡菜、仲有餃子，海鮮雖然算比較細粒，但係數量都算多，炸醬麵味道唔錯。豆腐海鮮湯（ $99 ）豆腐海鮮湯偏辣，豆腐好滑，配埋白飯食唔錯嘅，而且仲有好多唔同嘅配菜，口感豐富。店面雖然細細，但係都坐得舒服，如果下次多朋友嚟，可以叫多幾樣小食試吓。

很久沒有去金巴利街的韓國街吃韓國料理，沿路都有幾間韓國餐廳，但今次就簡了家家戶戶。見餐廳提供多款配搭的套餐組合，而且加＄10便可以享用套餐組合，相當抵食。韓式牛肉石頭飯 $109 (套餐價錢)石頭飯的配料有紅蘿蔔絲、芽菜、菠菜、生菜、蛋黃和牛肉。吃石頭飯當然要先攪拌，將所有配料攪拌，每一口都是滿滿的配料，很滿足！套餐有紫菜湯，泡菜、蓮藕、腸仔和菠菜，所有前菜的味道很不錯。蔘雞湯 ＄168 (套餐價錢)原隻雞燉煮，雞釀有糯米、蔘、紅棗等。值得一讚的是雞去了脂肪 ，令湯底不會很油膩，而且雞肉不會很韌。喝完之後，即時暖笠笠😊餐牌如下