家家戶戶

營業中

休息中

呢間韓國小店價錢好親民，喺尖沙咀韓國街搵唔到嘢食食都可以試吓佢！必叫海鮮煎餅，煎得非常香脆，推介🍟🧆牛肉海鮮辣湯湯飯 $119套餐仲有跟四個韓式前菜，分別有泡菜、花生、韭菜、豆腐，全部都係開胃小菜，仲有枝益力多。海鮮味比較出，味道偏淡，唔係好似平時食開嘅韓式辣湯味道🍲泡菜辣豬肉飯 $108辣到剛剛好，好地道嘅韓式泡菜豬肉，味道正正常常都唔錯🧇海鮮煎餅 $98呢個推介！外皮煎得金黃酥脆，邊緣微微焦香，內餡有好多彈牙既魷魚、蝦仁同事蔥段，海鮮鮮味十足。蘸上特製既辣醬汁，更提鮮解膩！

黎左呢間家家戶戶食lunch！價錢實惠，選擇都好多。我地揀左鐵板炒牛肉飯同埋芝士炒年糕！炒牛肉經甜豉油醃製，牛味都幾出，燒到焦香！另外套餐配埋飯，仲有海帶湯，同埋韓式小食等！年糕就非常有咬口，配埋芝士好邪惡😈 ·整體都幾抵食～岩曬打工人士lunch time選擇！·人均：$100+·評分🪄 (滿分5🍑)味道：🍑🍑🍑🍑環境：🍑🍑🍑性價比：🍑🍑🍑🍑服務態度：🍑🍑🍑回頭率：🍑🍑🍑🍑·📍家家戶戶(尖沙咀)尖沙咀金巴利街1B恆港中心地下1號舖🚇港鐵尖沙咀/尖東站 B1 出口, 步行約7分鐘

平民韓式食堂，$300左右歎足石鍋飯等三寶 晚市爆場，要等15分鐘左右，熱鬧街角這家韓式小店，晚市座無虛席！人均約$100套餐奉送泡菜等四碟配菜、海帶湯＋*韓版益力多，性價比爆燈～ 🔥 **韓式辣豬肉石頭飯** $108 石鍋滋滋上桌！秘製辣醬炒豬肉片油香惹味，焦脆鍋巴越嚼越香，辣度溫和，惹味十足。 🍲 **純豆腐豬肉湯配白飯** $98 滾燙陶鍋盛滿嫩滑豆腐＋豬腩肉，辣湯底夠香，濃郁豆香混合辛辣暖流，淋上白飯，大滿足！ 🥢 **牛肉炒粉絲** $112 粉絲Q彈掛汁，牛肉條醃得甜香，與紅蘿蔔絲、菠菜絲猛火快炒，鑊氣十足～ 泡菜爽脆不死鹹，海帶湯清甜解膩，冰涼益力多，鹹甜交織！ 街坊價飽到捧腹，難怪夜夜排長龍。

今天我去了尖沙咀的韓國街，光顧了一家名為「家家戶戶」的韓國家庭菜餐廳。這裡的菜品讓我感受到濃厚的韓國風味，我們點了兩個套餐：首先，牛肉辣海鮮湯麵的湯底熱辣鮮香，海鮮的新鮮與牛肉的嫩滑。麵條Q彈，吸收了湯汁的鮮美。接著是韓式牛肉石頭鍋飯，米飯在熱鍋中煮至微焦，誘人的香氣。牛肉醃製得恰到好處，搭配蔬菜與蛋黃。套餐還包括前菜、泡菜、小食和一支益力多，泡菜酸辣開胃，增添了用餐的層次感。小食方面，餃子和醬汁腸仔的口感也相當不錯，餃子皮薄餡多，醬汁腸仔香氣四溢，都是非常可口的配菜。總的來說，「家家戶戶」的餐點讓我感受到正宗的韓國家庭味道，無論是湯麵還是石頭鍋飯，都讓我十分滿意，值得再來光顧！

這次品嚐的韓式套餐好有家庭風味！**牛肉炒粉絲**鑊氣十足，粉絲彈牙且吸附了甜鹹醬汁，牛肉片好香牛味，搭配非常多嘅蔬菜，口感豐富。調味恰到好處，不會過膩，展現經典韓式風味。 **海鮮餅**外脆內軟，麵粉比例適中，能吃到飽滿的魷魚，蘸上微辣醬汁更提鮮。煎得夠酥脆會，整體鮮味十足。 套餐選擇多樣，附贈的**益力多**作為甜品是一大亮點，酸甜清爽，為這頓飯畫上完美句點。價格合理，份量足夠，推薦給喜歡韓式料理的人！

妹妹搵到一間好有韓國風味的小店, 要帶我去一齊試下入到這間在尖沙咀名叫家家戶戶的韓國餐廳, 他們的裝潢真的有如置身於韓國傳統的家庭餐廳小店, 地方細細但卻可以招呼好多人, 讓人有一種家庭溫暖而且他們有很多不同配搭的韓國傳統套餐組合, 有牛肉 海鮮 泡菜, 亦可以選擇辣和不辣的我揀咗韓式雞肉石頭飯, 妹妹就揀咗牛肉海鮮辣湯飯這兩個套餐除咗夠份量之外, 肉質非常鮮味雖然是辣湯飯, 但唔會太辣好適合香港人口味, 而且有好多前菜同配菜, 仲有好特別的韓式益力多飲品一路食一路傾談之際, 原來不經不覺整間餐廳已經坐滿人了, 難關妹妹堅持要來試下我們走的時候外面仍然有人在排隊, 而且很受年輕人歡迎, 份量夠之外價錢也非常合理👍

平日想食啲家常韓菜，又唔想去太fancy嘅地方，呢間家家戶戶真係唔錯嘅選擇！佢哋啲嘢食真係好有住家feel，好似去咗韓國朋友屋企食飯咁！🍽️ 泡菜辣豬肉飯：🌶️ 呢個泡菜辣豬肉飯係我嘅心水推介！豬肉炒得夠晒入味，辣辣哋好惹味，撈埋飯一齊食真係停唔到口，撈飯一流呀！ 🥢 韓式牛肉炒粉絲：如果你唔食得辣，呢個炒粉絲就啱晒你！粉絲炒得好彈牙，唔會黐埋一嚿，牛肉同蔬菜份量都好足，味道甜甜地，食落好清新。每個餐仲有齊晒韓式配菜，真係好豐富！🍱 有辣得過癮嘅泡菜、爽脆嘅青瓜、小朋友都鍾意嘅腸仔，仲有滑溜溜嘅豆腐，配埋碗熱辣辣嘅紫菜湯同益力多，成個餐營養均衡，夠晒飽！👍

今日收工想食韓國菜，見到呢間好多人就排下隊去食，雖然要搭枱，但香港地小人多都好難避免。我同朋友嗌左兩個set share 食，佢揀豆腐海鮮湯，我揀左牛肉石鍋飯。豆腐海鮮鍋個鍋味道真係好似去左韓國食，海鮮唔太多，但價錢都唔貴，有蜆有魷魚，撈飯食一流。套餐包個益力多，4個小前菜，所以唔嗌飲品都得。牛肉石鍋飯好出色，我拌勻成個鍋，食到飯焦香，牛肉撈埋雞蛋同蔬菜食，好爽口又易咬，飯仲配個紫菜湯，唔咸又唔油，好耐冇飲過正宗既紫菜湯👏

今日又去左尖沙咀韓國街食飯，再訪家家戶戶。閒日晚市仍然好full~呢到有多款配搭既套餐組合，每次黎既配菜都唔同，今日係有花生，魚糕片，青瓜同埋泡菜，每樣都好好送飯。每set都有甜品係韓國既益力多!辣泡菜豬肉飯泡菜酸辣俱備，唔會過辣，味道適中。豬肉好入味，味道好香，而且辣辣地食落冇咁油膩，好開胃。整體份量足夠，每啖都有肉。呢個set仲有埋海帶湯，清清淡淡配埋濃味既辣豬肉岩岩平衡到。辣海鮮湯飯平時辣海鮮多數配湯面，今日想食飯，就叫左湯飯，原來都幾好食。海鮮種類好多，有青口，魷魚，蝦等等，仲要每款size都係大大隻，令人好有食慾。湯底辣辣地，又唔會過咸，做湯飯岩岩好。入面仲有好多蔬菜，所以辣得黎帶少少甜味。

去食韓國菜一諗到就係去尖沙咀加連威老道後面，有條韓國街，家家戶戶已經開業好多年，證明質素有保證，入到去餐廳就好似置身於傳統韓國家庭，享用韓國家庭式料理一樣✨純豆腐豬肉湯 $99餐廳Menu非常豐富，有多款配搭的套餐組合，韓國湯鍋唔會太辣，湯底有好香嘅泡菜味道，豬肉份量都好多，用咗韓國嘅五花腩肉，食落又好香嘅豬肉味，豬肉相當新鮮，有咬口，豆腐，超嫩滑，豆味濃，湯鍋真係送飯一流套餐仲有跟四個韓式前菜，分別有泡菜，辣蘿蔔，醃青瓜，辣豆腐，全部都係開胃小菜，仲有甜品就係益力多✨韓式牛肉炒粉絲$98韓國經典菜式，粉絲口感Q彈，熱量又低，仲加入大量嘅蔬菜一齊烹調，非常健康，牛肉嘅份量都好多，牛肉口感嫩，帶有豐富的油脂，醬汁好惹味

每次去尖沙咀條韓國街都發現依間餐廳坐滿人，記得上次同朋友黎想都試下，但個次我哋太肚餓冇等到位，去左其他餐廳😂 今次早少少黎，終於有機會黎食😍餐廳有多款set menu可以揀😍最近Bibimbap (韓式什錦飯)仲有lunch同dinner set優惠價！最後都係想食石頭鍋飯多d🤣 🌟 必點石頭鍋飯😍我地就叫左個牛肉石頭鍋飯，超多配料，飯嘅軟硬度適中，飯量都算多，最重要係有飯焦😝！😍 除左石頭鍋飯裏面嘅配料，都仲有4款配菜，有泡菜、醃蘿蔔、豆腐同韮菜，仲附近海帶湯同一枝益力多。性價比都幾高😝泡菜炒飯都幾大碟，真係有好多泡菜🤣幾惹味開胃😋一樣係set，所以都有4款配菜，海帶湯同益力多做飲品。🌟1️⃣𝘽𝙪𝙡𝙜𝙤𝙜𝙞 𝙃𝙤𝙩𝙥𝙤𝙩 𝙍𝙞𝙘𝙚🥘🥩 韓式牛肉石頭鍋飯🌟2️⃣ 𝙆𝙞𝙢𝙘𝙝𝙞 𝙁𝙧𝙞𝙚𝙙 𝙍𝙞𝙘𝙚泡菜炒飯 🍚🍳

講到最正宗嘅韓國菜，一定要去到尖沙咀嘅韓國街。成條街都係韓國人開嘅正宗韓國菜，每次嚟到都有驚喜呀。今次就去到主打性價比好高嘅「家家戶戶」。豉油雞 $118用咗鐵板嘅方式去烹調。可以見到雞肉預先經過豉油醃製，所以燒到焦香嘅同時亦都可以鎖住肉汁。另外飯類仲會配搭紫菜湯，同埋韓式小食等等。牛肉飯 $108牛肉飯就最考驗火候，佢哋嘅牛肉煮到入晒味，但係同時亦都唔會過老，我就鍾意佢哋甜甜地嘅味道，餸飯真係一流。

想食韓國嘢，多數第一時間都會諗起韓國街，呢間餐廳係我印象中比較深刻嘅一間。由門口望入去，成個feel都係偏向傳統韓國屋企嗰種家庭式料理嘅氣氛，好溫暖、好親切。餐點方面，選擇真係多到你唔知點揀，仲有唔同套餐組合，CP值都算高。我哋兩個都揀咗套餐，佢套餐最抵玩嘅地方係有四款韓式小菜，再加埋一支益力多做甜品，咁樣升級套餐真係幾抵食！韓式牛肉炒粉絲 呢道菜可以話係韓國餐廳嘅「經典之選」，我細細個已經超鍾意食，無論幾時食都唔會膩。粉絲炒得啱啱好，質感彈牙爽滑，完全唔會黏埋一舊，係正宗嘅炒粉絲應有質素。牛肉用咗經典嘅韓式醬料醃過，鹹香帶甜，香氣十足，仲有洋蔥、紅蘿蔔、菠菜、冬菇等配料，層次感好豐富。食落去有種清新嘅感覺，啲材料嘅比例同味道啱啱好，仲帶少少煙韌嘅口感，完全係零負擔嘅享受！韓式炒豬肉石鍋飯石鍋飯一上枱就已經聽到「bok bok」嗰聲，果然係熱辣辣出場，令人食慾大增。飯底煎到微微焦香，嗰陣飯香真係正到冇朋友！豬肉醃得好入味，用咗韓式辣醬醃製，辣中帶甜，唔會太刺激，啱晒香港人口味。再配埋芽菜、紅蘿蔔絲、菠菜等配菜，顏色靚到唔捨得攪勻！最重要係，要喺飯未凍之前攪埋隻蛋黃一齊食，滑溜溜嘅口感即

今日收工想食啲惹味嘢，就去咗尖沙咀間正宗韓國餐廳食dinner，質素高又坐得舒服😋🇰🇷 菜式選擇好豐富，我哋試咗一飯一麵都好好味，套餐包含多款小菜，仲配有益力多飲💛Spicy Pork Hotpot Rice一上枱就聞到勁香嘅辣味，石鍋飯熱辣辣，上面鋪滿曬辣豬肉，望落就已經流曬口水！🤤 啲豬肉炒得好入味，又夠曬嫩滑，配埋啲飯一齊食，好滋味🔥🍚 鍾意食辣嘢嘅朋友一定要試下！👍Bulgogi Japchae韓式牛肉炒粉絲呢個都係經典嘅韓國菜～粉絲炒得好彈牙，牛肉又夠曬香，配埋啲蔬菜，食落去好豐富！💯 佢哋嘅調味都做得好好，唔會太鹹，又可以帶出牛肉嘅鮮味👍🏻

韓食一條街... 最尾的位置有這間開左好耐的家家戶戶. 主打傳統家常風味, 價錢公道~ 辣豬肉雜錦拌飯 ($102)辣豬肉以甜辣醬醃製，開胃惹味本身有5款泡菜. 加埋跟餐送的3款. 足足有8款泡菜.... 份量十足，啖啖配料~~~ 所有材料拌勻後食. 泡菜大爆發 人蔘雞 ($168)傳統夏日養生料理, 因為韓國人中意以熱治熱... 雞肉燉煮至軟嫩，輕易離骨湯底人蔘味濃郁但不會過苦份量適合2人Share. 一啖湯一啖拌飯... 最特別係跟餐都會送韓版的益力多. 當甜品作結剛剛好..好完美~