家囍餅店

自家製餅店 蛋糕好食過大牌子性價比超高麵包新鮮多款唔貴蛋糕甜品樣樣得自從佢開張已經常幫襯今次試呢個薄荷朱古力蛋糕超級有驚喜聖X娜出咗同款會員折扣咗都要百幾蚊家囍餅店呢個薄荷朱古力蛋糕只係70幾蚊超級新鮮 好味，唔使咁花巧大牌子嗰間加咁多層嘢食出嚟都冇呢個口感咁好😋我全家都超級讚喜愛薄荷朱古力味嘅朋友唔好錯過可以預早一日訂或即日早上問下午便有機會有🙏近排成日食另一個合桃麵包 佢放喺芝麻豬仔包附近好好食😋繼續支持，自家製餅店/小店💪🏻💪🏻💪🏻…查看更多

［食後感］📝最近我去了🫶🏻家囍餅店，這是一家以🧡傳統手工餅、甜品聞名的小店。✔️店內的裝潢充滿了舒適的氛圍♨️，讓人感到放鬆😃，不會感到擁擠✔️店員熱情且專業👍🏻✔️我點了🤤菠蘿包，令人垂涎欲滴。品嘗後，驚喜於其口感和味道，餅皮鬆軟，香甜，十分美味🥰✔️價格方面，我覺得相對於質量和分量來說，算是合理的。對於想要享受美食的人來說，這裡的性價比很高🤗整體嚟講，都好值得附近街坊去買，期待下次幫襯🛍️…查看更多

見到呢間舖頭面好似幾乾淨企理， 就入去幫襯下， 竟然有花生燒餅賣， 有中式燒餅嘅餅店少， 就算有賣 ， 都係賣紅豆味， 佢竟然有賣埋花生🥜味😇見佢煎得都幾金黃， 所以就買左件花生燒餅， 另外見到佢個芝士條都係金黃焦香， 所以搭單買埋芝士條無買錯， 芝士味咸香， 焗得夠香脆， 麵包都係鬆軟，唔會好乾但係個花生🥜燒餅就💀首先致命傷係燒餅有好大陣糯米粉味然後燒餅太淋， 一啲唔煙韌軟糯中間花生🥜餡雖然唔係好hea 咁用花生醬但係餡好少， 一啲都唔飽滿， 比例上又唔平衡， 花生個2 粒仔，芝麻又少， 又炒得唔香感覺似唔小心跌咗啲花生同芝麻入嗰燒餅， 多過似呢件係一件花生燒餅https://www.instagram.com/p/CddT7sKPRh6/?igshid=YmMyMTA2M2Y=…查看更多

放工想食點心，俾我聞到有香香奶茶味，即刻撲過去叫一杯，見到個壺有塊布煲奶茶，我已經幻想緊絲襪奶茶，衛生問題完全無想像😂😂而玉桂核核包又香又有咬口，只售$8/1個，大大個，唔會比賣$30-50/1個包品穀差，始終價錢唔同，好岩街坊食，食完第一次就記得黎了。…查看更多

平時都有買佢啲麵包，朝早有餐蛋治、腿蛋治買，好足料，夠飽肚，即整暖暖地。價錢合理。平日好少見佢雪櫃有原個蛋糕，但由於美式藍莓芝士蛋糕在其他商舖都是內裏有慕絲/spongy cake。之前試過切餅都好味，今次試佢蛋糕。美式藍莓芝士蛋糕，好味道！蛋糕唔漏，唔太甜，好足料，芝士蛋糕面有藍莓，蛋糕入面都有啲藍莓。賣相不錯！可見師傅用心製作。一磅（$160）芝士蛋糕已足夠6-8人。本身有一個生日牌，加$5會有個白朱古力做底牌，寫字生日牌，師傅親自書寫，很好的。員工十分友善。由於店舖近馬路，見他加強清潔，非常好。希望小店能繼續經營。…查看更多

頻撲的一天! 一早同狗狗睇完醫生再急急趕趕去整指甲, LUNCH 都未食。返屋企途中經過家囍餅店, 終於開爐啦! 見到門口既蛋撻同酥櫃,  加上香濃既面包味, 即刻覺得好肚餓, 要買返個叉燒酥黎食呀! 返到屋企, 叉燒酥仲係暖架! 暖既酥咬落去係更鬆軟的! 好味! 酥面有蜜糖甜味加上炒到好香既芝麻雖然叉燒饀略少左D, 食到中間先得少少, 不過酥既質素好好! 比起食店其他飽點出色! 下次都會再食呀! …查看更多

行街行到口痕，除左可以食無比膏外，不妨試下價錢平、熱量高又有香港特色嘅蛋撻🥧雖然而家茶餐廳都可以買到蛋撻同包點，質素都唔錯添，但如果抵食都係包餅店較好👍🏻餅店蛋撻大部份分成曲奇皮或者酥皮，個人就鍾意食曲奇皮多啲。細個好唔鍾意食酥皮蛋撻，可能因為一食啲皮就散曬、跌到成地都係。但人大左，開始識得用雙手掌握自己嘅命運同件蛋撻，開始覺得酥皮蛋撻都唔錯，但有得揀都係曲奇皮😋今次試家囍餅店新鮮出爐曲奇蛋撻，蛋漿唔會太甜、撻身香脆，好好味，但食完一個會覺得有啲空虛。另外，建議大家齋買一舊撻或一舊包，可以叫姐姐唔好俾膠袋啦，地球已經太多膠喇💪🏻…查看更多

行街見到呢間麵包舖大排長龍，好奇心驅使，又八八啩啩就睇下，原來係呢個區嘅出名麵包舖。咁我就睇下有乜嘢好食，結果發現聞落好香嘅「曲奇蛋撻」於是就外買兩個嚟，返去屋企食。cookie egg tart 曲奇蛋撻，顧名思義，就係指個蛋撻皮係用曲奇餅皮來做，咬落去鬆脆香口，油潤重牛油香又唔會太過油膩，雞蛋餡重雞蛋香，甜甜地又唔會過甜，唔係新鮮出爐都已經好好味，一切都配合到啱啱好，如果係新鮮出爐食嘅話，一定好味到飛起。…查看更多

新鮮出爐麵包，熱辣辣十分好味。芝士如果再多一點點就好了，味道會更濃更香。煙肉一向都係肥嘅食物嘅，但真係好好味嘅。芝士和煙肉兩者加埋一齊的確一流。日日都會買嘅包舖。…查看更多

朝朝都買。好味，平、靚、正！新鮮出爐，熱辣辣！價錢大眾化，又有即沖咖啡、奶茶買。麵包十分軟熟、十分好味…大小亦十分適中，無焗燶到。早餐首選……附近又無乜麵包店。…查看更多

家囍餅家，淨係睇個名以為佢淨係買中式包點，好在都有其他西式少少嘅包，方便番荃灣區嘅學生同上班一族，買個簡單包早餐我自己就食過好多個包既，因為每朝經過都買一兩個食。佢地嘅包口味唔會太特別，不過用料都算多，姐係佢落d餡(芝士煙肉肉鬆火腿等等)個分量都幾多，唔會食到尾嘅時候，淨係食到包而無餡。另外中式包點佢地都有唔少，不過自己就唔算好鐘意，所以一直都無買。我聽我屋企人講喱度啲蛋撻好正，下午新鮮出爐熱騰騰好正，不過番緊工既我就無機會試啦😭…查看更多

屋企附近開咗間新餅店 就過嚟睇下 見到啲中式嘅酥 好似叉燒酥蛋黃酥 等等望落都幾靚 購買咗啲返屋企 蛋黃酥食落好有驚喜 因為出面食過好多 都係普普通通蓮蓉加皮蛋咁 但係呢個 超級傳統入面加咗子薑今時今日真係買少見少 表示欣賞雖然啲酥餅類真係好抵讚 但係麵包相對嚟講就差咗啲啦 我買咗一個叉燒菠蘿包一個紅豆菠蘿包 其實賣相就好靚嘅 所以我都好有期望 但係食落麵包唔算鬆軟 而且餡亦都比較少 所以係有啲失望總體嚟講係唔太差嘅 但係因為麵包同埋中式餅嘅差距太大 令人覺得有啲奇怪 如果麵包都可以改良一下咁就perfect喇…查看更多