家啡館

食物不但超難食，得個咸字！等咗成半粒鐘炒碟垃圾出嚟，問佢佢話泡椒有幾粒，另外所謂小炒肉即係等如肥豬肉，賣相已經唔想食！味道更加難食到一個點！咸到不得了！叫職員問廚房回覆：「泡椒小炒肉係咁㗎喇！」另外又叫咗個意粉唔知落啲乜嘢汁難食到爆…查看更多

食品已經差，叫咗份薑蔥霸王雞嚟錯份唔知咩雞只有鼓油，問侍應係咪攪錯咗，她話嚟錯個款式係小菜，你叫個份應該碟頭飯個種，好似你賺咗咁😤，仲問我想點，唔願理之後又想攞走話同廚房講， 我唔係要你蝕畀我，我亦唔要賺，但個侍應態度真係服務萬分惡劣😡，完全冇食，埋單走人，以後唔再去！…查看更多

昨晚見有新菜單，立即入去睇吓，見到款干燒伊麵，心想無難度，應該無問題，即本一試，都等咗大約20分鐘，見到個女人拎出嚟放低，我第一句「點解碟麵咁肉酸嘅」？ 但叫咗都要食的，筷子夾落去完全唔係干燒伊麵的感覺，再食落去，根本就係將個伊麵淥熟咗加咗幾片冬菇幾條韭黃用啲熟油撈勻佢就咁擺上碟😵‍💫大佬呀，隔離大快活啲嘢都好食過佢，$58 你就咁撈個面出嚟就話係乾燒伊麵😡真係唔會再有下次囉！…查看更多

冇食過咁差嘅茶餐廳，之前食過一次，今次體驗真係極差😅今次叫常餐，叫咗番茄香草腸米粉，你會expect番茄米粉係蕃茄湯底，佢清湯一舊蕃茄都冇不特只，佢喺腸仔上面淋番茄醬！係番茄醬！？我真係個吓O咗嘴，蕃茄冇粒唔緊要，我唔會預計佢係連蕃茄湯都冇，就咁淋番茄醬喺上面，撈下都冇，真係好失望。（冇影到原況，張相係我自己手動撈咗啲蕃茄醬落湯嘅樣）餐廳衛生都唔ok，碟邊有污垢，我叫蕃茄米粉但係我碗野入面有一條雪菜一條韭菜☠️…查看更多

平日下午茶時段，唔洗等位直入餐牌內容同其他茶餐廳大同小異嗌咗個茶餐迷你蕃茄湯餐肉通心粉+炸雞髀+凍咖啡落完單2分鐘，雞髀先到然後咖啡同通心粉都到齊如圖所見，通心粉份量細就不在話下蕃茄湯底甜到痴線，完全要隔咗啲湯先食得落啲通心粉啲通心粉應該就係即食通心粉，口感一般餐肉有5-6粒骰仔size大，無煎過，唔夠香雞髀size正常但無咩味，同埋好多肥膏咖啡又係超甜，可能嗌少甜先會係正常甜度鍾意食甜野嘅你或者會岩食…查看更多

本人於6月16日上午大約1115時進入藍田啟田商場2樓咖啡館食早餐時,而當時餐廳內坐約八成客人,於是我進入餐廳内並有一名女侍應招呼我坐下一處。正當我準備向該女侍應下單時,同時有一名短頭髮女侍應喝止我，問我有冇係門口取飛呀！因為我當時進入餐廳時並冇職員阻止我亦無職員叫我取飛,同時進入餐廳內亦有一名女侍應招呼我坐下,亦冇問我有冇取飛。而該短髮女侍應十分無禮貌地喝止我，並大聲問我取咗飛未？並叫我要即時離開出去門口再取飛等候,這時我覺得十成難堪，而這種招呼客人的態度很另人反感！主要是餐廳沒有做好把關，入內時沒有指示，門口收銀員無叫我攞飛，行入餐廳，職員亦沒有問而直接帶我入坐，我亦不是第一次來此餐廳，從未試過要先取飛後入坐，所以我都唔知要取飛，如果餐廳改了要攞飛，我一定跟規矩做事，今時今日的香港有這種劣質服務態度實屬可悲！等同趕客，唔會再幫襯…查看更多

星期三中午12:30，我同唔夠兩歲的小朋友行入餐廳，餐廳當時只有7-8成座位滿，男侍應要求我哋做一張二人枱，同小朋友面對面坐，我表示小朋友細，未識自己食，我要同佢一齊坐，所以想坐一張四人卡位，佢話，我哋坐咗一陣間有四個人我冇位比人。我望一眼附近，話拍擺兩張雙人枱咪有，加上我哋食完就走，可唔可以體諒下。佢依然拒絕比我哋坐四人枱！！其實仲有有多大枱差唔多食完就走，該男侍應（唔知係咪老細）為咗方便自己做野，唔理客人需要，做法好冇品！…查看更多

放左工好肚餓，去到啟田商場本來想食壽司郎，但係已經開始咗要排隊攞飛就打消左呢個念頭轉戰去左格離《家啡館》個門面光光猛猛幾靚仔，當時仲有下午茶餐，咁就入去食個靚茶餐先座位方面 竟然有 少有的二人卡位（如果不用搭枱）其實枱面都算闊落除左四人卡位有櫃桶放餐具外， 其他枱都是 未有客人已經放了餐具籃…下午茶餐選擇了咖哩吉列豬扒飯及熱華田很快熱飲已經到了其實熱華田都幾難有奇怪味道吧？🫢都是正正常常的華田味唔會太濃 唔會太淡 就是正常吧繼續默默等待我的咖哩吉豬時望到，才突然認真想想，《家啡館》 咖啡 會否特別出色呢？！🤔早知就熱飲要咖啡☕️好了😅終於等到我的主角塊吉列豬排好大塊可惜咖哩汁小左D🐖🐖🐖吉列豬排外面係 薄薄脆脆的炸皮佢厲害之處係我食到尾，個塊吉列豬扒都仲係脆既但真是有著有唔著點解keep到脆卜卜？就係因為佢啲咖喱汁比得太少喇在我而言啊，咖喱汁其實咁應該係其中一個主角嚟㗎嘛但係佢比咖喱汁嘅份量就似伴碟一樣太小啦😿但佢嘅咖喱汁係有薯仔底食到粉粉嘅薯仔味，但係見唔到一粒粒嘅薯仔亦都有淡淡的椰香味😌冇錯，佢就係平時茶記食嘅港式咖喱🍛係唔辣嘅就算小朋友食都冇問題呀👌🏻👌🏻👌🏻咁其實呢…我都幾中意個咖哩汁味既睇下🐖塊豬排都唔係薄架—————————————-其實個質素真是對得住個價錢，只不過係 在我而言一個下午茶 ☕️去左50蚊既價錢真是有點貴====================味算是好味，但唔算係好味到非吃不可價錢、環境、食物🥘味道、質素算正常我覺得係中等偏上啦！# # # # # # # # # #最緊要係…差不多幾時去都唔使點等位😂藍田老街坊字————————以上食評全屬自費…查看更多

叫咗個$118西冷牛扒，知道而家通脹，唔會太高期望，但係點會諗到，嚟咗個塊扒，絕對唔係呢個$118價值囉，食落去似啲快餐$40-$50嘅扒，認真搞唔掂喎呢間嘢！！食完絕對覺得好似俾人呃！！因為真係唔值$118呢個價錢！！因為真係唔值$118呢個價錢！！因為真係唔值$118呢個價錢！！塊扒好明顯用鬆肉粉整林晒完全食唔到牛肉味淨係咬到林謝謝嘅嘢真心黐線！！！！！！！因為唔知食咩先入去諗住試吓點知嬲住走…查看更多

📍 家啡館 (藍田)藍田啟田道50號啟田商場2樓207號舖==============================今日同同事係藍田做完野就去啟田商場食午餐，經過見到呢間餐廳裝修得幾靚又唔多人，所以就入去試吓😋==============================食物⭐️⭐️⭐️⭐️1️⃣焗火腿肉醬意粉$58⭐️⭐️⭐️⭐️⭐️呢個餐好抵食，碟意粉本身已經好大碟，仲包埋個餐包，湯同野飲😍雖然好平，但質素都唔差，意粉個汁唔會好酸，麵條彈牙👍🏻羅宋湯好足料同埋有少少辣，好好味😋2️⃣海南雞大碗飯$62⭐️⭐️⭐️⭐️海南雞飯個賣相好吸引，除左雞奕之外其他雞肉都無骨，飯可以揀油飯或者白飯，我今次揀左油飯，油飯好香口就算無餸就禁食都好好味😍…查看更多

本身係睇到個餐廳名諗住杯咖啡會唔會所以先入去食，點知杯咖啡質素同茶記沖嗰啲根本無分別，叫左個牛扒講左要7成熟，點知上台變咗左全熟，啲意粉仲要梅既，甘既價錢俾啲甘既質素。…查看更多

今日喺午餐同下午茶嘅時間去到，入座率都有七八成。喺職員嘅提醒下，叫咗一個外賣午餐同埋堂食下午茶。如果以下午茶餐嚟講，呢個海鮮意粉嘅份量真係算多，賣相幾好，材料尚算可以。而味道都係濃郁同埋可以嘅，仲加咗少少沙律菜同芝士粉，$45呢個價錢都覺得唔錯。叫得家啡館，如果杯啡唔好味就真係會失望。好彩，佢杯啡係即磨，同一般西餐廳差不多。不過我叫齋啡，而佢唔會因為少咗奶而細杯咗，呢樣係幾好嘅。另外仲叫咗個外賣中式飯，不過聽朋友講個中式飯好似一般般。…查看更多

黎食個下午茶，叫咗個炸髀薯條，個髀還好，係炸得有啲硬，最大問題係個薯條，好似炸咗幾年咁，又油又硬，叉插都插唔入去，叫侍應黎換一下話太硬太油，佢攞去換，返黎果碟都係極品，色相一樣炸左好耐好深色，食落去係——凍既！！！ 軟左，真係犀利，唔打算賣薯條可以唔賣，無人逼你地，但咁既服務真係唔得嘎。 一啲就知道廚師師傅整定係度，有人要先炸一下再攞比客人，有人點炸一下有好難？係都要做臭自己個朵，叫話換一下都係hea做，逼人黎數臭。…查看更多

放假晏左起身但又想食個早餐不過已經係下晝於是乎點左呢個炸豬扒沙律原本我都未訓醒點知見到碟食物後有驚喜豬扒好大塊唔油$3x三十幾蚊唔期望有咩太好但出奇地大塊唔油又唔太實而且食完都唔係話肚空空架而沙律就有麵包粒的菜雖然唔係話好新鮮但都係個句$3x算係甘啦食完起碼我覺得對得住$3x蚊如果我有胃口的下次會試下個牛扒原本真係覺得藍田無咩好食但又比我搵到呢間都有想再試既衝動丫。。。仲有下次想試埋佢既咖啡係度慢活下都係不錯既選擇…查看更多

【觀塘區】【家啡館】我有壓力，被人 WhatsApp 同我講話我做得少觀塘區，我自己都知，但係做過就知咩叫「顧此失彼」，要盡量照顧到大家嘅需要真係好難。不過都慶幸我尚算律己以嚴，都算喺呢個界別裡面已經係勤力周圍走嘅其中一個。講到觀塘，最近有印象食嘅已經係去到瑞和街街市嘅九鼎百味，真係幾好食。而講到耐冇食，藍田就真係耐，上次係同朋友食木兆小品，真係超耐。之後就食咗一次呢間，但係呢間我唔太想食一次就寫，所以我係食咗兩次。第一次係食「英式全餐」，個餐係有丹麥酥、漢堡扒、火腿、腸仔、炒蛋、茄汁豆，我只能夠講佢就真係茶餐廳風味，就係好平庸嘅質素，真係冇咩特別好講，配埋「熱奶茶」先 $42 我又唔可能挑剔到啲乜，所以就係咁。大家睇完上一段就明白點解我堅持要食多一次先寫，喂，真係冇嘢寫吖嘛，我嘅寫作技巧未高超到普通貨色都寫到好好食吖嘛。除非好似某啲 foodie 咁，篇篇都收錢，咁就水晶膠加雙氧水都識得大嗌「好 好 味 呀 ！」啦。咁第二次我就叫其他嘢，一不做二不休整返個「皇牌精選扒餐」，點知到叫嘢嗰時先知冇羊架，諗住試個牛柳，但又唔想要晒兩件，想試多啲嘢嘛。咁就唯有叫「皇牌牛柳拼鴛鴦腸」，咁嗰兩條腸都唔差，仲有一條係香草腸。件牛柳同啲薯條就 Okay 啦，只係 okay 咁囉，以茶記扒嚟講唔算差，鐵板上所以五成熟都得。餐湯「羅宋湯」都係茶記風味，反而個餐包夠晒熱，幾好。加 $3 飲「凍咖啡」，我覺得唔差嘅，咁樣夾埋 $91 只係合理囉。。。（地址：觀塘藍田啟田商場2樓207號舖）…查看更多