客滿庭

營業中

休息中

家庭休息日 又想食好少少間唔中就會茶樓食飯今次就點了 一個 龍蝦套餐 （包燒鵝、龍蝦伊麵、金銀蛋莧菜）（550蚊內 另收加一 茶芥）明爐燒鵝燒鵝皮脆肉嫩 好juicy 又唔會成口油加埋酸醬 食落唔會覺得膩盤下有細細的爐燒住 就算慢慢食 都唔會凍左 貼心上湯龍蝦伊麵一上台就覺得好滿足 龍蝦份量多 件件大大隻 啖啖肉 而且肉質爽口彈牙 配埋上湯 龍蝦鮮甜的伊麵就正常茶樓水準 唔會好淋但就吸曬上湯的味 總括 就係好食 唔使再叫飯金銀蛋莧菜莧菜的份量巨多 菜嫩唔老 唔會又鞋又有渣連我唔食莧菜的 都接受到總結價錢： 以前假期去茶樓 又加三又無選擇 可能因為港人消費模式改變 令食肆的模式都改變 見平日的特價套餐仍會提供食物： 感覺cp值高 食物質素亦不錯服務： 餐廳的服務改善左 （不過都要預左係街坊茶樓模式） 飯後會主動提供糖水 亦會主動為客人換碟加水茶樓亦有提供其他平價套餐 閑日食好少少都會去食下

推介「二人共享」午市套餐，$128；抵食夠飽，有位唔洗等，又唔趕客。如果想去飲茶，又想慢慢食，可以考慮呢間酒樓。午餐：1） XO 醬珍珠帶子炒飯，大大碟，二人食，每人3-4 小碗，味道正常👍🏼👍🏼👍🏼2）蝦餃及菜苗餃各2 件，熱辣辣上枱，味道正常👍🏼👍🏼👍🏼

六大兩小吃晚飯，原本想點半席歡樂宴，共十道菜，但始終擔心食唔晒，最終點了兩個孖寶優惠再加一個黑椒煎釀豆腐。一般酒樓，每台只容許點一個優惠😃。第一個優惠龍蝦三寶: 上湯焗澳農伊麵底、蜜汁燒鰻魚、椒絲腐乳炒菜。第二個優惠冬瓜盅+龍躉兩食，再後加一個煎釀客家豆腐冬瓜盅: 有夜香花，幾粒蝦仁仔，整個冬瓜肉十分足西蘭花炒龍躉片: 龍躉片份量多，但味道一般炸龍躉腩雲耳青蔥鍋: 惹味上湯焗澳龍伊麵底: 澳洲龍蝦, 肉彈牙, 份量充足，啖啖肉。蜜汁燒鰻魚: 原本很期待，但最後很失望，有點難吃，有膠味椒絲腐乳炒菜: 正常，份量大我們第1次去這家酒樓吃飯，其實是剛好經過，見到有些晚飯優惠，好像很不錯，故此就試一試。這間酒樓的招待員都是有經驗, 態度也很親切，感覺每位都像酒樓經理級人馬，招手也會馬上回應，香港來說已經算不錯了😂。食物方面味道可能因應客戶要求，都是少油少鹽，味道正常。份量也很充足，應該是做街坊生意。整體來說，不過不失。最經驗到我的反而是，客家煎釀豆腐可能用鐵板上，還是熱辣辣的。其他就不算很熱，可能因為冷氣很勁，酒樓地方大，出菜位到客人枱已跌溫兩三成。下次人多點，可以回頭再試十道菜的歡樂宴，細食

有個老教友約了我，在這家茶樓食個飯飲啖茶，我就恭敬不如從命啦 ~蝦球伊麵：湯底還算清，沒太油份，蝦球爽口彈，但無奈伊麵就淋了一點，口感不太好，不算難吃但稱不上好味 ~叉燒飯：我指到明要肥叉燒的，但端來的卻是半肥瘦，叉燒肉質軟嫩，玫瑰露酒的味道重，也夠蜜味，是不錯吃，however 我要的是肥叉燒，什麼叫肥叉燒呢，就是七分肥三分瘦才算是肥叉燒，我很討厭吃瘦叉燒的 .....不要同我講吃得健康！bra bra bra .... 要吃得健康，我就不會走上去酒樓吃！要吃得健康，我就宅在家吃白烚菜，就是了！本篇完 ~

下晝6點半左右去到，2位食晚飯，入到去冇人帶位，搵左一陣，終於搵到人黎，然後叫我地自己搵位坐，問佢攞個餐牌問左10分鐘至攞到黎，點左餸，黎到啲野係暖，唔熱，啲雞又咸，啲湯仲係微溫，好似放左好耐攤凍左，蒸條魚又唔熟，啲飯硬到要撈湯至食到，最後埋單仲要收服務費，唉.....真係唔好怪啲人唔出街消費，貼錢買難受咁。

不知所謂服務。一去到同左知客話2位，佢同樓面講話寫枱號之後我地跟佢入行入洒樓，見去執枱。佢話佢唔係帶枱。我地之後又行返出去知客度問。話唔知點解我地行左入去喎。。。。當理解錯。坐低左，茶又無人開，食完要個盒問完一次又一次。食客唔多架。期間幾個女樓面嘈交不止一次。好煩。第一次黎都係最後一次

葵芳難得有排坐嘅酒樓，原本入去諗住食吓下午茶，但係因為夜晚先至約咗人，所以諗住都會有排坐。一入去已經同職員講話想坐耐啲，職員都好好安排咗好入嘅位置，相對上入邊嘅位置靜靜地我覺得反而仲舒服。 食物方面叫咗燒賣、牛肉同埋鯪魚球點心🥟，出嚟嘅時候都熱辣辣，我哋成三個人食嘢，之後因為都覺得唔夠飽，仲要多咗個臘味炒飯。成餐飯好味係個臘味炒飯，有驚喜啲飯炒到一粒粒，好正。如果下次經過葵芳，我都應該會再嚟呢度食飯。

因母親節無訂到位，唯有第二日出去吃，這樣幾好，不用同人迫，坐得寬松些，自在些。决定去葵芳邨葵芳廣場1樓《客滿廷》。8點到酒樓，見門面幷不大，進去左邊收銀處，右邊支客部，徃里望，客人幷不多，我們一直往里走，經過一個大堂，原來里面那個大堂更大，裝潢豪氣特別，大堂燈光一盞一盞紅紅的粘在天花上，柔和的燈光，今人感覺有種節日的氣氛，大堂一邊牆壁掛着一部大大的電視熒屏，方便客人觀看。服務員很快送來茶，我們也即刻點了超值三寶這個餐$298元片皮鴨半衹，烤得金黃金黃，師傅即場落刀片皮，好純熟，半衹鴨片出九大片，好實在。我們用一片鴨皮，加上青瓜大葱，醮上甜醬，用又薄又熱的麽麽皮包裹住，咬一口，鴨的油香夾着爽甜的青瓜大葱好好味，一點都不覺油膩。清蒸沙班仔，魚肉清甜，嫩滑，蒸的時間剛剛好，一點腥味都沒有，頂瓜瓜。金銀蛋浸莧菜，菜新鮮，不老，咸蛋，皮蛋煮的時間剛剛好，不鞋不老，舖在莧菜上面，令莧菜充滿蛋的香味，好正。白飯$12元，加的，用砵頭蒸出，有客家風味，够熱，飯粒粒甘香。紅豆沙餐後贈送，紅豆起沙，還有幾粒連子淋淋的，甜味剛剛好。歇後語：黃瓜條，葱段不够，要求加些，服務員哥哥很快幫我們添加一碟，抵贊。結帳

因為工作關糸，經常路經呢間餐廳，今個月己光顧第三次，裝修屬一般中式風格，人客流唔多，所以招呼出菜速度都很快，感覺上系街坊酒樓，小菜種類不太多，不過水準出品中上，至小比去X芳街大牌檔更加抵食，建議家庭或者朋友聚會，系一個唔錯選擇！

今晚想食龍蝦，但大約6點半到達海港酒樓就要等位，唯有轉去客滿庭酒樓，這裡有多款晚市套餐供應，我哋兩個人就選擇了龍蝦二人餐，有3個餸分別有西澳龍蝦伊麵，蒜蓉粉絲蒸扇貝及薑汁炒芥蘭，龍蝦大約一斤半重，炒出來都算大球，幾好肉幾彈牙，但伊麵就淋咗d啦！扇貝蒸得剛剛好幾鮮嫩，而芥蘭就好大碟及有薑味，最後送上渣咋糖水，豆類及芋頭煲得好淋，好吃啊！

夜晚經過葵芳廣場，見有客家菜，朋友話不如試吓，其實自己都幾鍾意客家菜嘅味道。晚上嘅餐牌主打都係套餐，真係豐儉由人，視乎你想點配搭，總會揀到鍾意嘅組合。兩個人想平平哋，最好就係食孖寶：一條細沙巴躉＋一個餸。格價完畢之後，朋友發現配搭當中食客家鹽焗雞係最抵食，因為鹽焗雞散叫嘅價錢比其他配搭貴，所以孖寶套餐裏面配搭鹽焗雞，然後散叫客家釀豆腐，啱晒數，抵食！講返食物嘅質素，條沙巴龍躉好新鮮，蒸嘅時間啱啱好，剛剛離骨，豉油調味唔錯，適中唔太鹹，整體上對條魚好滿意，但沙巴躉就預咗啲肉唔會太有魚味，因為始終係養魚。好耐未有機會食過呢種真正明火焗過嘅鹹雞，對上一次食應該係喺大澳嘅東方小祇園，呢種煮法嘅客家鹽焗雞唔係淨係包紙放喺鹽堆裏面焗，即係東江大飯店或者醉瓊樓嗰種，而係真正用明火焗過所以特別有鹹香味！但對雞肉就冇期望，因為明知佢係冰鮮雞，肉質唔算嫩滑，但可以接受。最後係客家釀豆腐，呢味餸見到係枱枱都叫，所以跟隊；但原來係用鐵板上，有啲失望，因為正宗嘅好多時係用砂鍋上。味道方面正常。但印象記得細個有食過另一個版本係用油豆腐做，比較喜歡油豆腐版本。但而家酒樓上菜一定考慮賣相，用嫩滑豆腐一定美觀啲。

就我婆婆嘅緣故，近近哋嚟咗呢間食母新節飯，叫咗嗰八人套餐($2388)，將龍蝦伊麵變芝士底(+50)，埋單連茶界要$2800😂 唔講食物質素先，但$2800，為起上嚟要$350/人，又無服務態度可言，同埋食物次序亂咁嚟，上咗嗰包，等咗15分鐘再上鮑魚👿 的確係有啲失望🫣五福燒味拼盤 - 燒味好乾，唔熱🫣上湯焗澳洲龍蝦伊面🦞 - 轉咗芝士，顏色同平時啲餐廳唔同，冇焗底，但呢個值得一讚👍🏻 好味😋龍皇花膠燴翅 - 普通嘢😮‍💨 中間仲要有個插曲，個待應”不”翅嘅時候，有隻綠色夾係湯碗底🤓 待應見到即刻拎起嗰湯碗，博我哋睇唔到😅 我哋話有隻夾係入面，佢知唔以對😅 完全無任何feedback😇 sorry/唔好意思都無🤡沙巴大龍躉兩食 (碧綠炒球/古法蒸頭腩) - 炒球okay，但蒸頭腩都可以食剩¾，可想言之😅艇皇魚肚浸菜苖 - 賣相真係好麻麻😩睇相🤡當紅鹽焗燒雞、敬母桃飽、蠔皇八頭鮑魚玉掌- 屬於正常🤔無乜特別

呢間茶樓嘅點心孖寶真係好抵食 同區嘅酒樓閒閒地都三十幾蚊兩樣嘢食😬 同埋早茶好適合鍾意遲起身嘅我 因為早茶係做到十二點㗎😂 所以好吸引到我嚟幫襯 咸魚肉餅飯 咸魚嘅味道幾好送飯 加上肉餅肉質唔係話好腍 乸得好勁嗰啲 所以都okay🐟 香煎蘿蔔糕 味道唔錯 都食到有蘿蔔絲 個人覺得佢煎得唔夠香脆😬 香蔥手抓餅 煎得都幾乾身 而且蔥味都幾香 啱晒鍾意食香口野嘅人呀😄 南瓜蒸排骨 用南瓜墊底都幾特別 又唔會太鹹😺 蜜汁叉燒腸 腸粉都幾滑 呢個價錢嚟講真係超晒班🙈 蟹籽燒賣皇 最推介呢碟 出面都至少要廿蚊一籠啦 呢碟為起上嚟都只係十三蚊左右 真係好抵🥰 燒賣粒粒都好大粒 又有蝦仁同埋冬菇 嗌咗六樣野 連埋茶錢同加一 都係一百零幾蚊 真係喺邊度搵吖😛 兩個人食 真係飽到捧住個肚走🙊

Time for some good old Chinese food! Family-style dishes of great quality at very reasonable price points👍🏻 My favourite was the seafood veggie soup, I just love plain boiled cabbage that has been cooked until it is super tender😍 The steamed grouper was delicious too, Chinese style steamed fish paired with soy sauce is just such a perfect combo! The deep fried oysters are also worth mentioning, each piece was huge and super fresh, coated with just a thin layer of batter. We also had pan-seared t

家人每星期都會去飲早茶，風雨不改。很久很久沒有陪家人飲早茶，以前放假就會去，現在有時間寧願在家訓多一會～難得下午又沒事幹，便陪家人吃點心，飲完茶再訓！茶樓是新開的，整體表現較以往的好～薑汁千層糕一層一層交錯，比一般酒樓的千層糕層數較多。薑汁十分量十足，辛辣味強，好吃！燒賣頗大粒，賣相不錯。豬肉肥肉不會太多，適量可以令豬肉不會鞋口，味道較濃。雞札內裏有很多餡料，雞肉肉質滑溜，魚肚爽口彈牙，火煺味道一般。