客家人

營業中

休息中

平時真係好少去長沙灣，好似好少聽人推介個區有好野食，咁岩係個邊開完會，有同事介紹我去呢間「客家人」食飯，有傳統既客家菜，環境似中式餐館，依家買外賣仲有折上折優惠，平左再九折，真係幾抵食🤤小菜款式都幾多，有招牌鹽焗雞、秘製三杯雞、梅菜扣肉、客家釀豆腐等等，價錢大約$88-$160左右，有選擇困難症既我，就叫左小菜拼盤A，貪佢樣樣都有，又唔貴，咩都有得試🤣－－－－－－1. 外賣拼盤A $168又幾有驚喜wo🤪有2碗飯同2碗湯，而餸就有鹽焗雞、梅菜扣肉、釀豆腐、釀蠔豉、煎魚同埋炒菜，真係肉同菜樣樣齊，仲放得好整齊，鹽焗雞好好食，雞味濃郁，越食越出味，雞嫩口且皮脆，真係唔錯，梅菜扣肉肥瘦均勻，肉質軟腍，配飯一流

遺憾 - 中午無客家鹹雞。12點去到，因為未齊人，佢地都好有禮貌，叫我地慢慢等，又送一大鑊湯，應該系合掌瓜煲豬肉，估吾到幾多料幾好味咖。叫小菜價錢係貴D，但份量真系好大，上枱所有菜都熱辣辣，好新鮮。唯一可惜是中午原來系無客家鹹雞。客家蚊豬肉（$128）（4分）-豬肉蚊得剛剛好，肥肉吾會淋，瘦肉吾會鞋，可惜系枝竹系吾好，有一半煮吾淋，生炒骨（$138）（4分）- 難得系外皮度仲脆，吾會太酸，啫啫雞煲（$138）（4分）-個煲真係好熱，但D雞食到最後都仲保持幾滑。客家人炒飯（$98）5分-裡面睇到有豬肚，豬肝等，好似用鹹魚炒，好香好惹味。

(真係好氣憤😡😤食評接近完成階段，就彈兩次Apps，想點先？！忍唔住要鬧咗先😡😡)由於香港政府限聚令放寬為8人，於是乎可以來個小型公司飯聚。是次簡咗”客家人”，是次晚宴獲安排到二樓VIP房用膳，感覺非常舒服。有大電視，可以唱K🎤🎼，有自動洗牌麻雀枱🀄️🎲，可以小賭怡情一番。總之私隱度高，但要預先訂枱。由於之前已食過幾次外賣🥡🥢，所以今次好有目標落Order。「黃油煮雞湯」，必叫之選，份量足料，味道濃旭。😋👍🏻兩款蒜蓉粉絲蒸扇貝及象拔蚌，上枱後要即食，爽口彈牙，有鮮味。亦咗一款新菜式，椒鹽腸粉，坊間暫時少見，值得一試。豬肉釀蠔豉，大大粒，食肉獸之選。😂我哋一行8個人，Order咗9款菜式，份量剛剛好。雖然在VIP房，但員工都好勤力幫忙換新碟，招呼好周到，感覺好有人情味。店舖周圍亦衛生企理，(呢個疫境時勢好緊要) 每位光顧嘅客人都指定要量體溫。如果下次再嚟，我會帶埋屋企人來食。😌😊

好耐冇寫食評！但今次真係有驚喜！行完街見到有客家菜食，座位又幾寬闊，就入去試下！點知好有驚喜五個朋友點了五個菜，剛剛好！原來之前在太子搬過來，已經有十幾年嘅老字號，老闆是正宗客家人，難怪令我揾番以前婆婆做的味道！鹽焗雞整得好好味！皮是脆的，雞肉嘅鹹度啱啱好，好快已經成碟清晒😂😂！客家梅菜扣肉，炆得好好味，扣肉入口即化，單是梅菜已好好送飯！真係好正！👍👍👍👍另外有個叫豬肉釀蠔鼓，好特別！好難喺出邊搵到呢個味道！一定會來再幫襯！

每次都專程來吃這家餐廳,優質新鮮食材,每道菜都令人驚艷。連配料如蒜頭,梅菜和洋葱都很新鮮惹味,普通的菜式如雞煲,豆腐都能突顯其廚技和食材的優秀。絕對值得一試😋

They serve dead fish here, the staff are so unprofessional that they don’t even know to communicate with the customers. They are not willing to help when they encounter problems. Horrible Chinese mannernot a good place to have reunion dinner or just normal dinning. Bad!

難得有時間寫寫食評，早排忙到癲🤣🤣🤣做冬個陣，同家人買左個盆菜返屋企食盆菜做得好好，簡單講句簡直就係色香味俱全👍👍👍尤其是條魚，係釀魚肉入去，好巧功夫，依家唔係周圍都食到呢種味道👍😋如果想食盆菜要提早少少落單，因為好似都幾多人買，所以寧願提早令廚房有充足時間煮定個靚餸去準備🥂之前客家人由太子我已經開始食，直到依家搬過黎長沙灣我仍然都食佢，因為依家好味既餐廳已經好少，仲要加埋有人情味🤭🤭🤭

一班同事有人生日想食好D，訂了個火朣翅，我們一班人訂了樓上VIP房，有牌打有卡拉ok私穩度極高不怕嘈到隔離，主菜來時意外地超大煲火朣翅，心諗會唔會黎錯或計我們超貴，因預訂時講明888元，之後叫伙記check 單，真的是888元，夠一圍用🤣，還有同事打包幾碗回家，老闆超好人叫我們介紹下朋友來，心諗如果係澳門無4500到落唔到樓，重要足料，真心推介。其餘菜式黃酒雞幾好，老闆還請我們飲自家制黃酒，可借我們地盤佬只識飲大啤😂。

聽明友講深水埗附近開左間客家菜，今日同老婆同兩個小朋友一齊走過去食。叫咗個黃酒雞丶菠蘿生炒骨丶酥炸桶蠔，再加碟菜，4個人食。黃酒雞放上枱，一打開個煲蓋，一陣香味撲過嚟，好正！個黃酒湯好甜，老婆飲左幾碗，而雞肉都好滑，不過２個小朋友就無乜興趣。反而佢哋就鍾意食個生炒骨，用真菠蘿上，唔太甜唔太酸，排骨幾好食，好好送飯，佢地每人都食左成個砵仔飯。個炸蠔都唔錯，炸得好香，不過小朋友怕佢哋熱氣，唔敢畀佢食得多。綜合嚟講成餐飯都幾好，下次可以帶埋阿爸阿媽嚟食。

與老婆經過這家新店，店員很落力推介，便進去一試。點了東江水庫魚兩食(酸菜魚片，豉汁蒸魚頭)($288)和炒銀絲($102)。先上酸菜魚，從來沒有食過這麽腥的酸菜魚。魚片是嫩滑的，未至於不新鮮，但味淡，而且半溫不熱，一點酸菜的味道也沾不上，有荳芽做底，可惜湯底很腥，荳芽魚片也難以下噎，壞了胃口，只吃了幾小片，近乎原封不動。炒銀絲不過不失，賣相可以，味道一般價錢略貴。豉汁蒸魚頭，味淡，豉汁連茶餐廳的質素也不及，很失望。店員服務很殷勤，是唯一可取之處。

今日甘岩路經長沙灣，諗左好耐都真係唔知食咩好！哎。。。選擇困難症又發作喇！甘岩見到呢一家裝修舒服又寬躺！就揀左呢一間喇！這客家菜算是我在長沙灣環境最舒服的一間！整體感覺不錯，要環境有環境，食物也很好，而且價錢也不算貴！見到店外面寫營業到凌晨兩點！正！深夜又有一個好去處了，同fd 吹水飲吓啤酒食d家常小菜簡直一流！有機會一定會再到！真心推介:黃酒煮雞湯椒鹽鮮魷瑤柱長腳蟹柳蒸水蛋家鄉風味炒面 (忘記了影相)

以前喺太子成日食，但最近搬咗去長沙灣，今日終於有時間再去食😍最正係個黃酒煮雞，藥材十足，味道好甘香，正！🤩之後再食咗椒鹽鮮魷同炸大腸，個脆漿做得好好，由頭食到落尾都係咁脆卜卜😋😋心心眼嘅係個蒸蛋，用嚟送飯一流，時間火候啱啱好，入口即溶🥰🥰🥰原來佢依家仲有做埋海鮮，有好多海鮮選擇，今次叫咗條東星班，肉質鮮甜，下次要試埋佢其他海鮮先😍😍😍最估唔到嘅係樓上有好多間VIP房，仲有得唱K同打麻雀，下次開party或者同屋企人黎打翻兩圈都得，反正呢度開到凌晨兩點，收工可以過嚟玩返晚relax下❤️