宜家家居美食站

營業中

休息中

Ikea雪糕大部分都幾唔錯，總係會用燕麥奶嚟整雪糕。好似第一次聽出泰茶口味就黎左食下個雪糕先❤️食落都係好有冰粒口感，唔creamy，都幾快溶化。但佢真係幾有泰茶味，同港式台式奶茶味唔相同嘅，亦都覺得算係幾清嘅味，一直對泰茶唔喜愛嘅我 表示呢款口味嘅雪糕。

今日同朋友去銅鑼灣度shopping，行行下就行到去皇室堡對面嘅宜家傢俬，咁啱之前有好出名，又有好受歡迎嘅榴槤雪糕，原來而家落到去已經轉咗唔同嘅款，變咗芒果雪糕，朋友就話想試吓，芒果雪糕都係非常抵食，比喺出邊啲芒果雪糕質素其實仲要非常高，芒果雪糕亦都唔會太甜，味道唔會太假，朋友都話非常抵食，CP值非常高，我哋仲做咗宜家傢俬最出名嘅肉丸，一如以往都係非常好食，加埋佢本身嘅醬汁，作為下午茶嚟講簡直係一流，價錢亦都非常抵食，每人大概$20

熊仔雪糕冇錯係幾Q嘅，配上嘅椰子奶雪糕同蘋果粒粒。椰子雪糕真係好唔香，有種假嘅香精味，又冇普通雪糕咁滑，唔好食。 而且個雪糕好易溶，影響咗熊仔脆餅嘅口感。蘋果粒就有焦糖味，但係好唔新鮮嘅感覺。$21嚟講算係比較貴，寧願食肉丸都唔會食呢個。

心心念念想食榴槤雪糕好耐，終於係7月尾趕到最後一期雪糕。🍨特濃D197貓山皇榴槤燕麥奶新地食完發覺一球係唔夠喉，係唔可以慳錢，點都要兩球以上先夠滿足。雪糕唔係好食得出係燕麥奶，可能俾榴槤個味搶咗。榴槤肉係真材實料，無溝其他嘢，唔似其他市面上嘅榴槤製品，味道會變到怪怪地。食埋今次就下年再見啦！

好驚喜嘅榴蓮雪糕🍦初初以為只有榴蓮蓉先有味道，原來個雪糕都有榴蓮味榴蓮蓉嘅榴蓮味都好重～因為我同朋友都好鍾意榴蓮❤️所以我地都一人一杯聽講7月底就完promotion，好想再encore多次！

有一日突然想食IKEA榴槤雪糕，點知當日賣晒好唔開心😞過幾日後特登出去銅鑼灣就係為左食榴槤雪糕啦🤤好多日人特登入去就係為左買榴槤雪糕😏係等緊雪糕個時突然賣晒。但其實仲見到有榴槤肉。係雪糕機要加奶。加完奶之後又得賣。即刻係度諗上次係咪其實係冇奶而唔係冇晒榴槤呢唔理啦。而家有得食就得一球完全唔夠喉。真心建議一定要買兩球或以上既榴槤。d 榴槤肉拉絲好正😋真係好好食呀🥳去到7月尾就完啦。要沖去食呀💪🏻💪🏻特濃D197貓山皇榴槤燕麥奶新地 $33#加一球16蚊#最多加3球

本身冇乜期望，仲覺得$33嘅榴槤雪糕有啲貴知唔知食完忍唔住同男朋友一人買咗一杯！榴槤雪糕好滑，個榴槤味唔會太假，都唔會太甜本來仲諗住食完會好留，點知又唔會個貓山王榴槤都好足料，居然比到一球分量！絕對有驚喜

好多人都話IKEA宜家洗俾傢具店耽誤嘅餐廳好搞笑 但都唔係冇道理😂我有段時間會特登過去ikea就係為左吃啖肉丸同蔬菜餅🥘蔬菜餅嘅芝士味好正！同埋薯仔蔬菜西蘭花嘅味道都好夾係我Ikea最鍾意嘅小食TOP3同埋唔知有幾多人食肉丸會落紅莓醬個人認為蘑菇醬同肉丸係絕配但加紅莓醬之後口味會變得清新好多同埋甜甜鹹鹹口味上都好特別·熱狗都好平🌭️！行到好攰黎食幾啖再加埋任飲汽水 簡直不要太完美有排我索性買左好多袋美食站隔離小超市嘅速凍肉丸同蔬菜餅翻去但係自己唔知點整蘑菇醬同紅莓醬總係覺得冇店入面咁好吃·有一款素食嘅蔬菜丸好難食……味道似係一堆三色豆版嘅鷹嘴豆泥講唔出 總之怪怪地Anyways 完全唔影響我繼續愛佢啲小食嘅同埋 最近仲係夏季限定榴蓮季好多榴蓮味的新小食 都好味～

🍨終於食到啦！去到IKEA緊係要食特濃D197貓山皇榴槤燕麥奶新地香濃幼滑雪糕，真·貓山皇榴槤肉，混合埋一齊食，色香味俱全，衝擊味蕾，係好好味呢！好滿足🥰📍IKEA

終於食到大家都話特濃嘅貓山王榴槤雪糕一入口充滿榴槤味而且雪糕好順滑 燕麥味唔會太濃（我本人唔太好燕麥）但係美中不足係冇得加榴槤 記得之前係可以瘋狂加到4球但今次只限一球所以一入門口都冇之前咁勁嘅榴槤香

榴槤迷請注意! IKEA 榴槤雪糕最後機會，身位為榴槤迷又點可以錯過!🤩 未去到美食站已經傳來陣陣榴槤飄香🤤📌 特濃D197貓山皇榴槤燕麥奶新地🍦 ($33)原本加$16可以多一球榴槤蓉，最多可以加3球，可惜因為存貨緊張，無得另外加😞 新地雪糕入口軟綿綿，唔會太甜，有淡淡榴槤香，可能因為榴槤太濃，唔係好食得出有燕麥味😆 榴槤蓉食得出真係由榴槤肉blend出黎，勁濃郁，一啖雪糕再配埋榴槤蓉勁正！食完真係齒頰留香🤭📌D24 榴槤忌廉班戟🥞 ($49 兩球)由於雪糕新地無得加球，所以班戟就揀左2球榴槤蓉，另外都有1球可以揀。班戟皮可能因為放耐左，已經軟哂。因為揀左2球，啖啖都可以食到滿滿嘅榴槤蓉😆不過都係配雪糕新地正D!如果唔想食咁濃郁，可以揀淨係要榴槤雪糕新地，唔跟榴槤蓉。另外，唔食雪糕嘅朋友，都可以揀榴槤車輪餅，一樣有滿滿嘅榴槤蓉涵👍🏻

又到榴槤季節啦 🅾🅼🅶!!!愛佢就要將佢袋落肚度𝟝點幾去到ɪᴋᴇᴀ 𝕻𝖊𝖔𝖕𝖑𝖊 𝖒𝖔𝖚𝖓𝖙𝖆𝖎𝖓 𝖕𝖊𝖔𝖕𝖑𝖊 𝖘𝖊𝖊但點餐同攞餐都好快只不過要揾位食𝓞𝓻𝓭𝓮𝓻左𝔻𝟚𝟜榴槤車輪餅 $𝟙𝟞 仲係熱嘅車輪餅 $𝟙𝟞黎講料都算係多𝔻𝟚𝟜榴槤班蘭蛋糕 $𝟙𝟛斑斕味好重 冇乜榴槤味ಥ_ಥ見到啲榴槤肉絲 但係味道都係唔夠Ψ(￣∀￣)Ψ特濃甘露榴槤燕麥奶新地加榴槤肉𝟚份 $𝟜𝟚炎熱天氣 最好有杯雪糕可以降下温淡淡既燕麥奶 再加上濃濃既榴槤如果只有榴槤蓉 而無燕麥奶 真係會有啲遜色當榴槤蓉遇上燕麥奶 (๑´ㅂ`๑) 簡直係神之作 𝓑𝓽𝔀最好加多一份榴槤蓉 如果得一份 會唔夠喉(＞x＜) 黎緊又有其它榴槤味既雪糕我黎啦╰（‵□′）╯

之前喺面書無意中喺‘香港榴槤關注組’見到有好多朋友都推介呢款榴槤新地；身為‘’榴槤愛好者‘’嘅我當然要搵機會去試食啦～ 💛💛💛💛💛 特濃甘露榴槤燕麥奶新地（$68）金枕頭、青尼、貓山王、黑刺，以致101小妹都有食過，但係甘露呢個榴槤品種小妹真係第一次食 完全唔怕熱氣嘅我，為咗要滿足自己對榴槤嘅慾望，毅然一次過要四球榴槤肉😋；講番「甘露」榴槤先！我覺得質感同D24非常相似，但係味道帶淡淡嘅酒味😋 至於質感軟滑嘅燕麥奶雪糕，食落有淡淡麥香，整體嚟講我都覺得可以接受得到 💛💛💛💛💛 地址📌 銅鑼灣告士打道 310號柏寧酒店地庫

最近興起左一鼓熱潮🔥就係去ikea食榴槤雪糕😋炎炎夏日行街行到㷫烚烚🥵一於去試下🍦一落電梯已經見到人人都拎住一杯榴槤雪糕🍦宜家買野食好方便🫶🏻有好多部自助落單機🙌🏻節省左好多時間⏰ 畫面好簡潔易用👇🏻Ikea 出品🙌🏻出名平靚正😆性價比極高📈所以除左榴槤雪糕 都叫左啲啲小食🧁排隊拎野食先😉先拎熟食然後雪糕🍦終於開餐喇🫶🏻🍢煙燻蜜糖腸🙌🏻呢個脹卜卜嘅脆皮腸腸幾有蜜糖香味🍯有時啲腸仔會甜得滯但佢就冇哩個問題😎$13 有3條😋性價比中上😊🧁玉桂卷🙌🏻個玉桂醬好足夠 亦都唔係死甜👍🏻如果玉桂味再勁啲就更加滿足😌只個麵包就偏黏口 濕左少少 可能本身係啲冷凍食品 本身包身有啲冰再翻焗但未焗得夠透就會咁😗 但以$8 黎講我都收貨😉🍨特濃老樹XO榴槤燕麥奶新地🙌🏻新地本身配左1份榴槤肉$29每加一份榴槤肉就+$13🤣最多4份🌼所以想淺嚐定豐富啲由你揀😆我就貪心啲要左3份榴槤肉💸 $55份量足到差啲連雪糕都見唔到喇😋榴槤品質都唔錯👍🏻極濃郁 有果香味🫶🏻因為榴槤味好強所以都唔太食到燕麥奶雪糕好唔好食🤣 唔係唔夾就足夠😊我自己覺得應該2份榴槤肉就啱啱好 宜家3份食到最尾都淨左一份榴槤肉要齋啪落口😂總括嚟講

IKEA 特濃D24 榴槤燕麥奶新地 $23 （季節限定）星期四收工就🏃‍♀️沖住呢個D24 榴槤燕麥奶新地而去IKEA美食站🤭行入去已經feel到陣陣榴槤香，實不相瞞，小編第1次食榴槤雪糕🤭所以滿心期待😍！點餐menu可🤑加錢追加額外榴槤肉，最多額外加三份. 一場黎到，吾想食到到喉吾到肺，所以加左1份，總共有2球榴槤肉$32，認真邪惡呀😈！急不及待行埋一邊品嚐，榴槤肉配埋雪糕真係好夾同好滑👍👍雪糕balance番強勁既榴槤味，岩岩好wo！我覺得榴槤味好濃郁好正🤤。 對我黎講，兩球已好夠去送雪糕，太多反而覺得會滯！👍👍回頭指數高美味指數：9/10性價比：8.5/10⚠️呢個新地做到6月14號咋，想食既朋友快d 把握機會！🤣😂👉「 D24 榴槤斑蘭卷 」$13個班蘭卷食落d cream味道重過榴槤味。只有淡淡的榴槤味！如果係追求濃郁榴槤味既朋友你會失望！不推介!美味指數：4/10性價比：5/10*另外佢仲有「D24 榴槤燕麥新地筒」$9,「D24 榴槤車輪餅」$16📍地址：銅鑼灣告士打道310號柏寧酒店地庫______________________________