完美煮意 (已結業)

#完美煮意 以台式及歐式美食作為招徠....當中我推介肉燥飯, 而佢係有好多唔同台灣野食可以配個飯架鹹豬手的確好食, 制作方式唔係正宗, 但真係好香, 皮脆肉嫩, 分量夠大燒豬肋排呢個價都係抵食既, 質素一般.- 台式滷雞翼·秘製豬軟骨·滷蛋·肉操飯 ($72)- 燒烤醬燒香蒜惹味豬肋排 ($88)- 德國鹹豬手配辣味薯角 ($168)- 是日沙律 ($40x3)- 脆炸洋蔥圈 ($40x3)- 法式燉蛋 ($40x3)- 蜜糖生薑茶 (+$5)- 蜜糖柚子茶 (+$5)- 熱檸水…查看更多

8月9日晚上,透過外賣app叫了兩個飯一個麵先講飯,飯量少,雞扒好似紙咁薄,失敗。另一個汁多到倒水一樣,成個飯濕曬變湯飯,失敗。最後到個麵,豆腐有5片,無錯係`片´,size係四份一件布包豆腐,然後冬菇共3片,一件冬菇斬成3片,再加薯仔兩粒,波子咁大粒。成本唔知洗唔洗2蚊,收我62蚊,失敗之中嘅失敗。唯一可讚係味道不俗,但份量實在是比兒童餐更少,太過不合理唔知會唔會係因為外賣無仇報所以咁樣去慳,亦唔知會唔會餐廳本身就係咁少份量,相當不愉快的經歷…查看更多

Friends bday dinner, pig knuckle was crispy, a bit too hard. Not too salty, smoky smell.Taiwanese deep fired chicken, a bit dry. Pasta not bad, smell good.…查看更多

咁啱呢頭做完野，緊係搵地方醫肚先啦~ 小小屋邨選擇唔多，見到呢間台式野似係新開張無耐，即管同partner試下。過左繁忙午市，每枱都有人坐，好彩仲有一張吉枱，可以坐得舒服。午餐選擇唔算多…主打唔同餸既台式肉燥飯或面…我叫左個豬軟骨雞翼肉燥飯，朋友叫左個茄子豬扒肉燥飯。肉燥汁多，味濃，一啲都唔hea。個豬軟骨同雞翼好入味，易入口。我加左杯薑蜜，凍冰冰天氣下，暖返下先。經開附近既可以試下…屋邨內黎講，呢間餐廳簡直係亮點。…查看更多

雖然工廠區，行完APM就行過去，地方仍算方便，訂位有部份菜式買一送一優惠，意外地覺得好好味，比好多高級餐廳賣相同味道都唔會輸。價錢合理。裝修都幾有特色。最衰唔記得影相…查看更多

自從係觀塘返工之後，我真係覺得好累，加上工作常常要OT,太可憐了:(難得今晚大佬話要請食飯，我當然舉腳贊成。有同事食開呢到的午餐，提出要黎。我呢，記得上年好似黎過食BRUNCH啦⋯⋯果陣老板娘（應該係，除非唔係)仲問我意見今晚到來，都見到(應該係佢，髮型唔同左)我地一行三人，半小時前電話訂位，好慶幸有位。之前同事都講呢到星期四五晚比較難訂。黎到都7:40，有幾張台，所以環境好清靜，被安排坐左一邊角落頭，好正，好適合我地三個咁嘈的人，哈⋯⋯然後睇左菜單，有散叫，有套餐，套餐108起，去到218左右，有前菜，湯，主菜，甜品飲品。竟然有二人餐，分別係298,338,398⋯⋯大佬請食飯，當然要食$398啦。我地睇過，398的二人餐係最抵的因為比一人晚餐多左個小食，而且全部主菜都係牛，豬手，春雞，羊膝呢D貴價野。見佢一人餐要食羊同豬手都要208-218所以我地今晚揀左個二人餐($398) ＋1個1人餐$158(燒春雞），我地加左錢轉飲朱古力珍珠，兩杯美祿恐龍埋單雖然係大佬比錢，但每人應該大約$190-200位。至於份量呢，去圖~雞扒田園沙律(二人餐)份量較大，不過以菜為主，我地係食晒的，而且有兩個汁可以選擇，一個係泰式汁，另一個係芝麻醬⋯⋯我地揀左個芝麻醬。我大佬超愛食呢。。。。沙律菜好新鮮，係用西生菜，另外再加粟米、青瓜、車喱茄、燒雞扒等等⋯⋯雞翼拼薯角（二人餐小食)幾好味，有熱辣辣辣味薯角，真係即炸，我一啖擺晒落口，辣親我，搞到比D同事取笑，以為我好餓，好魚。。。。原來雞翼上面好開胃的醬同春雞上面果D係一樣的紅酒慢煮牛肋條，睇份量好似好少咁，最後二男一女，叫左一個二人餐一個一人餐，最後都食淨左一舊牛肋條。職員收碟上甜品時好驚訝咁問係咪唔o岩胃口，其實唔係，我地好飽咋，我戒左牛，但唔知個燒汁係用牛慢煮而成，錯口食左口，罪過。但味道真材實料唔係開粉的。真心讚，不過如果除左西蘭花、甘筍同小棠菜之外，可以擺其他菜就好了。因為呢三隻我麵唔食，反而我好中意一人餐的前菜(肉燥茄子)好多汁好JUICY⋯⋯豬手配薯角(二人餐主菜)，冇錯又係薯角，雖然好好食，但食多了都會。。。（你懂的)，所以建議餐廳應該要減減D份量或改配其他)外皮好脆，食落都唔覺鞋，可能食開出面果D都會比呢到鞋，所以感覺呢到還好。係我角度，食雞胸同食咸豬手，都唔會食到嫩的。相反大佬好欣賞佢地個豬手皮，因為好脆，仲同我拗左陣點食豬手最好味，大佬你係男人當然中意食皮，我係女，我中意食瘦瘦的肉，我地咁都嗌一輪真係無語了。總體而言，呢個價錢，呢個豬手質素，收貨。我指定要食的春雞（一人餐）頭盤我揀左肉燥茄子，好味！不過唔記得影相，太肚餓了。春雞都算大隻（對女仔而言）呢到D野看似細份，食落都幾飽。可能我地叫套餐啦春雞係燒的，而且上面D醬好惹味，用黎點雞胸食最正，我舊面皮地問職員要多左D醬黎點雞食。薯角太多了，冇食過，因為小食又有，豬手又有，牛肋條都有，好FULL！呢個甜品同我想像的有D唔同，原來係特別送上。我地三人講野太大聲，職員同老板娘講，我地係咁話好飽。於是，佢地將個甜品拼盤改成水果盤，將原來好普通的水果，變成一份有需要的心意，果然有D心機。。。水果即切即上，所以好新鮮，干時食的奇異果都好生，呢到的都甜甜的，我一人KO了，同事食的火龍果都好甜我覺得心意好重要，而且人地又願意為你改變。好窩心⋯⋯⋯⋯所以今次呢個笑面要比你啦。希望你地再努力維持水準啦⋯⋯下次會同同事再試下你地的午餐(聽聞都好爆)希望訂左位會好D啦…查看更多

今天在燈箱看見這家的廣告就過來試一下，剛要進門發現隔壁有一家越南餐廳，感覺也不錯，下次可以試埋。價錢算是公價吧，觀塘區因為做不了晚市的關係，大部分cafe都是50+，有些賣很普通普通的pasta也標價100+（bondi beach說的就是你！）店主是台灣人，有台灣也有大中華的地圖，不過scale一看就知道店主的偏好了（科科）先賣單後到菜放暑假了，員工小孩也在幫忙，一邊熱心的遞單據給客人，一邊賣萌，好得戚！今天不知道為什麼特別想吃喇沙，本來想著去觀塘臨時街市拿督吃一個地道的喇沙，但礙於炎炎烈日當空，還是作罷。這家cafe也有喇沙就試試了，味道還好，滷蛋和蘑菇還比較有誠意。值得一提是咖啡，淡淡的咖啡香配上淡奶，不是外面的即溶咖啡可以比較的！…查看更多

舊同學約食飯聚下, 地點選擇係觀塘, 觀塘就好多工廈, 工廈又多食肆。係公司比較清閒的我就上open rice睇下邊間未食過先。search 左一間 [完美煮意], 仲可以網上訂位好方便。好彩可以早收工準時6點黎到, 黎到時候好似仲未開咁, 當時得我和舊同學, 可以周圍影下相。完美煮意裝修簡單, 座位都算多。睇下餐牌, 有套餐及散點, 睇過套餐又唔多啱食, 所以今次打算散點 :- BBQ醬燒味豬肋排骨(8骨), 甜粟米杯 $158- 德國鹹豬手配辣味薯角 $168BBQ醬燒味豬肋骨(4骨), 甜粟米杯 豬肋骨煮得好入味, 易入口, 還好BBQ醬汁分開, 我最怕太多醬汁令到肉味無晒。甜粟米杯就好普通, 似係罐頭粟米，寧願要薯角仲好。德國鹹豬手配辣味薯角豬手比想像中細, 影晒相切開後都份量都唔多, 豬手的肉較[鞋],皮依然脆, 有少少失望。薯角尚可, 少少辣粉好惹味 !餐廳價錢唔算平,  食物質素較普通, 下次可以試下套餐, 我地沒有ORDER飲品, 如果職員可以主動給水會更好 !!…查看更多

我很喜歡吃，四周去吃為了吃，家住屯門也會特地出香港九龍不過真的很少寫食評通常遇到好吃的並沒有寫出來因為都會自動返轉頭=w=不過這家餐廳喔....竟然給了我很深的印象首先就是訂位問題，如之前的人所說訂位後會被取消-x-好啦~沒有買一送一優惠也不打緊我就是要來吃，所以星期六walk in來了6:45到達，當時只有一枱客人完全不用等位子三位女士去吃飯叫了一個二人餐和散叫一個咖喱豬排飯可能客人不多，所以服務員小姐超勤快的水很快送上，頭盤很快送來然後女士們吹吹水接著就送上主菜和飲品食物方便尚算可以接受性價比...見仁見智啦我是不會回頭就是了接著旁邊多了一台客人服務速度就下降了(?)喔喔，辛苦店員了感覺這店人手嚴重不足吃完之前的東西飲料也都已經喝完了咖喱飯到8點多才送來OwO(已經沒心情拍照了，見到就立即吃)基本上就整個人非常渴喝了兩杯水都解不了只好再散叫飲料-w-"...(cafe 散叫的價...你懂的)吃著吃著那個咖喱飯旁邊的客人被催埋單了可是甜品未送上耶(汗)看到這情況，我們也立即叫人上甜品!!甜品9:05送上，我們9:15走人用餐時間2.5小時cafe的好處就是...可以這樣靜靜的跟人閒聊可是店沒有滿，店員也沒有多請個那為什麼要取消我的預約呢？(歪頭)本日結論為了勤勞的店員姐姐，請支持這家店=w=/…查看更多

成功訂完坐，再「被取消」訂坐，話滿哂，係咩玩法。被取消後，又發現仲可以book, 但我仲會book咩?究竟係系統問題，定餐廳問題，定我有問題。此事確實離奇，不過算啦， 天大地大。…查看更多

每天辛苦工作，吃一餐好的獎勵自己和最愛。女朋友接過下班後，來到觀塘的完美煮意吃晚飯，地方闊落舒適，可能晚上七點還算太早，餐廳只有我們倆，接過餐牌，侍應耐心介紹食物，我們揀了三百多元那個二人餐，先來義大利菜湯，很開胃，味也好。接著是泰式沙律，泰式沙律汁很清爽，如果菜雪得再凍一點會更好，然後來的是豬肋骨配炸薯角，不知道是我們顧著聊天還是本來豬肋骨不夠熱，吃起來有點冷，但不影響味道，醃得很入味，薯角亦炸得很好，應該是用新鮮油炸的，才有這種脆脆香口感，做薯角看似簡單，餐廳要是慳成本，用舊油炸的話，薯角一定發黑，吃起來會油膩味，但這餐廳造得很好。再來的是台式雞排配肉燥茄子，雞排炸得很香口，亦很脆，配上肉燥茄子，濃厚台風味，由於是用小鐵板座著菜送上，溫度保持很好，那海鮮意粉亦不錯，意粉剛好熟，仍然有咬口，QQ的，不錯！另外配料份量亦很足，不是其他餐廳那種只有兩片小片魚便叫自己做海鮮意粉的水平，最後不要錯過甜品，對女士們說是這二人餐的重點，每道菜看似不算太多，但最後還是挺著肚子離開。…查看更多

看見食評不錯，於是到這裡與朋友聚餐。因看見半自助餐沙律吧賣相不吸引，於是點了set dinner。先來的薯仔沙律賣相和味道也一般，再來的餐湯味道太咸，朋友放棄不喝了。帶子意粉的味道不錯，可是只有2粒小得如姆指指頭的帶子，覺得不值套餐的價錢。最後的甜品拼盤十分一般，也沒有不專業的侍應下單時說的焦糖布甸。飲品的珍珠奶茶還可以。另外與朋友分吃了其他食評中說不錯的豬手，大失所望。皮和肉大部分都硬硬的，也吃不出多少調味。大概品質下跌了吧。這一餐，兩個字：失望。完全沒有再去的意欲。另外，進餐途中數次想找侍應也沒人理會，侍應也不熟餐單。對於這樣的服務態度，實不想付服務費。…查看更多

朋友係要見既！所以今晚又同左車車去食飯去~為左唔想大家食完飯後要搭好耐車，於是我地就揀左個中間點-觀塘上網搵左一輪後就去左呢間餐廳坐低後，就叫左呢個德國鹹豬手配辣味薯角，份量都算大，炸到外脆脆地，內嫩滑無比，再埋個醬汁下，確係正呀之後送黎就係我最愛既凍檸檬茶，味道清潤，唔會苦，而且仲飲得出檸檬既鮮味添接住就有呢道牛肋條飯，講真兩個人食都可以食好飽，因為份量真係好大吓，牛肋條又多，肉質仲好嫩同夠入味，又唔會太咸，廚師係煮得幾好！甜品方面我地就叫左法式焦糖燉蛋！！食咗一個之後覺得根本唔夠，仲想食多幾個吖，因為燉既時間剛好，蛋味夠濃，個焦糖又好脆，加埋又熱辣辣，食到我地2條友的一致想叫多個食傾傾笑笑又一個晚上，朋友真係要見架！…查看更多

今日透過屋企嘅窗臺見到出邊個天氣真系認真無錯，風和日麗，稍微有幾絲微風，而且真系好適合出去秋遊吖，不過咁懶既我都係唔想流汗，於是又同左朋友仔出左去食飯之後就去左朋友介紹既樓上餐廳食食食入到去環境都幾舒適，唔算多人，裝修都幾特別，跟手我地就叫左幾樣野食~先送來既有番茄忌廉大蝦意粉，個樣幾OK，咬落軟硬適中，加上鮮甜爽彈既青口、蝦肉同魚柳下，味道更是美味！夾在一起食得我同朋友仔都嘴舔舔另外我地仲叫左個台式滷水拼盤，入面有雞翼、滷肉、豆腐同蛋，味道好入味，肉質仲好滑嫩，份量亦算適中，都算得上是中上水平，不俗不俗隨後我就叫左杯凍香芋珍珠，飲落個茶底都幾滑，而香芋味都唔會太假，係合乎期望的朋友仔則叫左凍檸茶，淺嚐一啖很是清潤，個檸檬就好新鮮，一D苦味都無，好係一輪食笑傾下，好開心就過左一個晚上，滿足！…查看更多

經朋友介紹知道呢到開咗間餐廳, 決定今日LUNCH去試下, 即日打電話訂枱, 不過去到竟然大把位,  大概坐滿一半人咋, 點菜要自己去收銀處買, 之後攞個號碼牌返埋位, 稍後時間會有侍應送餐, 今日特別嚟試下台式既食品, 叫餐後大概等10分鐘左右就有得食, 而家仲有得儲印仔, $48就有一個印, 夠10個後下一次就有9折優惠, 或者全單滿$300就即時有9折馬來喇沙湯米粉配花之丸及滷水雞翼 - 賣相都可以, 喇沙湯底唔辣, 好普通既墨魚丸米粉加喇沙湯底, 墨魚丸得兩粒好似少咗啲, 滷水雞翼啲色就好深, 肉質韌台式鹽酥雞扒肉燥飯 - 賣相一般, 唔知點解啲肉燥汁會咁深色, 而且偏咸, 雞扒炸粉面炸到好乾, 味道一般台式滷水拼盤湯麵 - 碟滷水拼盤賣相真係好深色, 尤其右下角既係滷花菇, 死死實實咁, 豬軟骨都軟熟, 豆腐都入味, 滷蛋都係一般而且偏硬,  滷水雞翼啲色就好深, 肉質韌跟餐凍檸茶加$3 - 反而凍檸茶不錯, 而且好大杯, 茶底不算太濃, 檸檬新鮮總結 - 普普通通既一餐, 冇乜意慾令我再去多次…查看更多