安娜餐廳

營業中

休息中

意想不到,,,走去拎飞,我肯等,但極吾中意外面個女既態度,嘈生哂,入左去 ,得我坐係到,有2個fd同行,佢地只係去左次所,個女人就話我,吾得喎,要快啲喇,過左陣,問我落左單未,要快架喇,不如你問埋我走得未,態度極差,好啦,叫左兩個西冷,一個牛柳,今次真係嬲。我食洋蔥汁,但同花x餐廳相比,就麻麻,黑椒汁好味啲西冷扒厚度一般,但全部叫7成熟,好差囉,得5成熟,fd個塊仲衰 好似得4成熟,另一個既牛柳就熟哂,忌廉湯夠淡,多士就一般啦,吾熟到咁既樣,真係第一次食,可能冇下次,又趕人走咁,價錢861set 吾低食,食扒講速度?

Boxing Day 有甚麼作？不是拆禮物就不是其他麼？拆禮物也不用一天吧，就讓在下去元朗尋找那港式豉油餐廳扒房吧！安娜餐廳是在下閱讀食評中無意發現的，於是便加到在下的清單中，直到今天就專程來拜訪一下。來到門口，只不過是十二時半，卻未到繁忙時間，推開紅色木門而進。餐廳環境不大，有著金人卡座和六人座位，其實座位也肩向狹窄，餐桌也較小，不宜放太多東西，甚麼相機手機電腦統統都要放埋一面，否則沒多餘空間。話咁快就來了多士，多士烘過的，都幾脆，可是牛油凍到疆硬，完全不能塗在多士上，塗上後依然一舊一舊依附在多士上，實行懶死不走似的。在下嚐試把牛油擦在多士上，可是都是失敗，幾乎要把多士弄穿才肯罷休，可想而言牛油是多麼「屈強」呢！不二之選的羅宋湯上桌，材料都幾豐富，還有牛肉在內，而且不只是一塊，而是有兩至三塊呢！羅宋湯十足港式扒房中的紅湯般有酸甜味道，也有辛辣的味道，只是沒有紅油浮在湯面上，不過論及酸甜度，就不是很足夠吧，只是有輕輕的酸甜，不會太多。在下都知安娜牛柳及豬手出名，但是今餐來了一客黑椒西冷牛扒。西冷牛扒要了五成熟，中間仍然有紅色部份。倒下黑椒的時候，卻因沒有紙巾或餐巾，卻要用枱布摭掩一下煙

其實久唔久行街果陣都會經過呢度,因為個鋪頭門面幾靚,一路都好想去試下,但每次都係岩岩食左野,一路都冇機會試。今日咁岩做野經開呢邊,終於可以一試呢間舊式扒房。坐低望一望個MENU,唔駛諗,試下個西冷扒先,同一般扒房一樣,個餐跟一個湯同一個餐包。湯同個包冇咩特別驚喜,至於個扒就份量算大,味道同口質就不過不失喇。總括來講成個餐不過不失喇,如經開呢邊又想食扒可以一試既,但唔會特登去食囉。

趁住生日，跟一家人到安娜餐廳慶祝一下。今天是星期五，其實是預計到會比較多人等的。等了大約半個小時，終於可以進去了。安娜餐廳可算是比較平民的一間扒房。價錢亦都是平民價錢，只要是元朗人應該都會認識這間餐廳。像我一樣，我細細個就聽過安娜喇～但奈何是星期五，人當然比較多，所以在所難免要搭枱吧。我們吃了招牌菜的牛柳，t骨扒餐。先來了的是多士，可惜感覺麵包不是太新鮮，但還是可以接受的。然後來的是羅宋湯，這個湯保持水準，跟以前一樣足料好飲。我一家人都是大愛這羅宋湯，是微辣的，而且香濃。首先是牛柳 (左上角)。我點了8成熟。我覺得很嫩滑，而且沒有很多根筋，所以最合我心意了。但有一點可惜的是，我覺得肉的鮮味其實是還差一點點的。當然是不夠其他高級食店的食材那般的質素。但這個價錢卻能吃到這個味道及肉質。我就覺得都算是值得了。另外，也試了t骨扒 (右上角)，很大塊，大過塊鐵板！而且肉質明顯比牛柳是鮮味一點，但略嫌肉中的味粉多了一點點。所以都有進步我空間吧。最後要一讚店員的效率，來餐來得適時而且很快。點了餐飲不到3分鐘，一杯凍檸茶已來到我的面前。如果有朋友來到元朗，這個是不錯的選擇。不過要留意，安娜是逢星期三休

  星期日晚突然間想食鐵扒， 再次同老公到安娜餐廳吃鐵扒餐.  老公跟上次一樣吃鐵板牛柳餐， 而我今次試鐵扒西冷牛扒餐。鐵扒西冷牛扒餐牛油方飽 - 跟平日一樣焗到脆卜卜， 十分香脆。羅宋湯 - 味道好好味， 材料亦幾豐富包括有包心菜、番茄、芹菜和洋蔥。  蔬菜份量多帶有蕃茄的甜甜酸酸的味道， 特別開胃又醒神。  鐵扒西冷牛扒餐 - 8成熟再配了黑椒汁， 肉質都非常甜美， 但帶有少許筋。 相比起牛柳下， 牛柳嫩到入口即化的地步， 而西冷扒有少少"un" 的感覺， 但整體而言， 肉質都甜美， 都十分好味. 

今日終於可以試到安娜餐廳的鎮店之寶.  因為每次去到安娜餐廳時, 就已經看到一大堆人群在安娜餐廳門口等位.  每次至少等待數十張枱才能入座.  由於每次個肚子實在太餓, 所以每次都選擇了其他食肆.  今次我和老公刻意早一點剛剛6點正就來到安娜餐廳, 雖然比平日早左些食晚餐, 但至少不用等位子.  一進入餐廳, 餐廳內部環境很有懷舊特色, 很像幾十年前的冰室一樣, 不論是桌子或椅子, 都很有懷舊感覺.  焗牛油多士方包方包已焗到脆底, 再塗牛油在方包面上, 咬落去脆卜卜, 或可以沾香濃忌廉餐湯一起吃更添美味.  德國咸豬手餐德國咸豬手好大隻, 差不多有拳頭咁大.  豬手味道咸咸地, 肉質柔軟, 而外層有一層厚厚的外皮, 咬落去外皮軟綿綿又彈牙.  雖然外皮厚, 但一點兒也不油膩.   碟旁放有蜜糖芥末醬, 沾少許蜜糖芥末醬更加惹味.  碟旁配菜有清新的雜菜沙律和炸薯條.  我建議先吃完豬手才吃薯條, 因為隻豬手好大隻, 肉多皮厚, 而炸薯條會令你有飽飽滯滯感覺, 會令你吃不完隻豬手.  先吃完豬手, 肚子和胃還有空間時, 再吃炸薯條.鐵板牛柳餐今次老公order 7成熟牛柳和黑椒汁. 

今晚水太太心血來潮，很想吃個扒餐，於是和水爺一同來安娜餐廳擦個勁的。水太太點了洋葱牛扒餐（$85），好豐富，有忌廉湯、多士，超飽。洋葱牛扒一上桌，侍應會倒上汁料，就會「沙…」一聲，冒煙，喜歡*牛扒是超厚的﹗但吃起來軟軟的肉質，好美味﹗水爺點了砵酒燴雞，一上桌發現原來是炸雞，與想像的很不同，可是吃下去感覺非常驚喜﹗雞肉是滿滿酒香的，超入味，雞肉非常非常嫩滑~~!! 比牛扒更令人驚喜﹗

今日喺我地第一次入元朗.買龍鬍糖嘅時候,好人嘅店長極力推薦我們吃安娜餐廳. 去到嘅時候人山人海, 等咗大概40分鐘終於入到去喇✌一入到去映入眼簾的，除了人，還是人。👶👦👧👨👩👴👵當然少不了一陣陣白色的香霧，伴隨著的＂炸炸＂聲，令我垂涎三尺，不知為什麼還有一種溫馨的感覺，好像人與人間的距離也縮短了不少。長話短説，我點了黑椒牛柳，口感挺好的，不硬不軟。不得不提，個黑椒汁挺惹味的，撈飯一流。我個人強烈推介！👍👍👍我可愛又性感的女朋友則點了洋蔥西冷牛朳, 口感有點硬需要時間咀嚼。呢一餐飯以 lemon ice tea 結束，既飽肚又滿足。值得一試😁

果日阿媽生日，諗住同佢入元朗睇吓有咩好食啦！點知行過呢間扒房門口，阿媽話想食咸豬手，咁就去左呢間扒房試吓啦！點知果陣係晚上六點半左右都已經座滿人，等左十分鐘左右，已被人安排入坐！入到去，嘩！嘈到拆天呀！因為真係坐到檯檯滿！侍應好快就送上餐牌！我地點左一個鐵版牛柳，同德國咸豬手，點完............唔夠兩分鐘............個湯同多士已經送到...........真係快到有點可怕，個白湯味道一般，有啲淡，個紅湯就好鬼足料，好多牛肉片，味道幾鮮甜，塊多士好鬼死趣，好正！真係..........快到呢..........湯都未飲完.........隻豬手已經送到........個牛柳亦再一分鐘後趕到！講吓啲食物質素先！隻豬手大過兩隻男士拳頭，超巨型，味道幾好，好易入口，不過有啲肥，要切左塊皮食，隻豬手都好入味，係啲薯條有少少"淋"同唔熱囉！到個鐵版牛柳都好大塊，我叫左七成熟，切出嚟好軟，好正，而且無乜油，幾好食！不過呢度真係好抵食，埋單每位都係$80度！

好耐冇去元朗食飯喇, 好掛住安娜餐廳d扒呀~我幾鍾意係度食ga, 因為上扒快, 價錢平, 而且扒夠大件.不過呢, 依度d waiter的服務態度真係麻麻.多士好脆, 加埋牛油, 好好食.白湯味道一般啦, 同出面餐廳飲的冇咩大分別.沙丹豬扒依度有好多款豬扒俾你揀, 有好多我都未聽過個名ga, 唔知咩味.今次都係保守d, 食返之前食過的沙丹豬扒~哈哈唔好以為得隻蛋同埋豬扒呀.其實仲有薯條ga.份量好少?!唔係啦~因為有兩塊豬扒ga, 我完之後真係覺得好飽呀~個豬扒真係唔錯, 唔會好梗, 又唔會韌.不過如果係鐵板上就會更好喇. 哈哈整體黎講, 如果想据扒, 依度的確係一個好選擇.

試過很多次專程到元朗吃飯，好幾次經過這家餐廳都沒有去試，因為晚飯時間等位的人實在太多了，況且元朗還有不少選擇，用不著等位去吃港式豉油西餐。這天忘了為什麼要去元朗，見到排隊的人不算很多，我們也湊熱鬧先拿著號碼紙，如果沒有找到別的想吃的話就來這裡吃，因為近來我們都試過兩家經營多年的港式扒房，可以順道比較一下哪間最好吃。在附近繞了一個圈，四處都是等位吃飯的人，逛了大概三四個字，我們就決定回去看看。我們的號碼剛好過了一兩個，但店員很好，讓我們下一張就可以進去。裡面非常擠迫，好像打仗一樣，我們和另外兩個人分享一個四人卡座，梳化位其實很窄，我們兩個人坐才剛剛好，肥一點的話應該會坐得很辛苦。檯面的面積也很小，基本上四個人的餐都來了的話，已經沒有多餘的位置放東西。雖然坐得不舒服，但客人實在很多，源源不絕的湧進來，的確是元朗區的人氣長龍店。餐牌裡的套餐選擇不少，有點不知道該選什麼才好，最好我們根據檯上的墊檯紙，選了馳名黑椒牛柳和德國咸豬手，我想寫得在上面的應該都是最賣得的吧。點餐之後不足兩分鐘就送來餐湯和多士，多士簡單的烤過，塗上牛油，不過我還是喜歡叮得熱熱的牛油餐包多一點。我們吃扒餐點湯，永遠都是一紅

安娜在元朗已有一定的地位, 可以說是無人不知. 每當路過時都看見門外聚集了很多等位的人士, 今日終於決定一試. 約七時相公去取飛我只是遲了一分鐘到達, 但安排坐位的女待應都拒絕我們進入. 因為說人數不齊, 一定要齊人數才能安排進入. 在門外等候時看見入面已座無虛席, 待應急步送上食物. 等了不久終於到我們.安排了我們坐卡位, 當然是兩位安排坐在一邊. 因為實在太人了. 店內十分懷舊, 坐位非常之迫, 感覺有點似"屈蛇"事不宜遲我決定吃一晚餐相公點了鐵板牛柳餐. 首先方包是脆脆的但不熱, 牛油又不軟應是在雪櫃內取出的, 所以比較難搽牛油. 我欣賞這款湯十分足料, 蔬菜多之餘還有幾舊牛肉, 味道方面酸辣適中, 因很多餐廳的羅宋湯都偏酸. 但這裏的羅宋湯十分適合我口味.晚餐的前菜, 名稱不記得了. 但真的不太好吃, 一來熱度不夠二來魚的肉質很差, 肯定是雪藏魚, 但雪味仍存在魚味一點也沒有. 反而薯條十分香脆. 豬扒一塊亦不算大, 感覺上成碟主菜是不夠飽的, 可能加上我配的是薯菜不是意粉或飯, 豬扒是普通貨色比較薄, 幸好黑椒汁味道不錯. 但又是跟前菜一樣不夠熱. 已大大扣分了. 仍然最好吃

平時見呢間野 多人, 咁見今天無咩人就入去試吓, . 2 個人一坐去到一張無人的四人位,, 隔咗無幾耐,吾夠3 分鐘,叫我地去張2 人枱,<ok 咁我去吧跟住掉底2 杯水,, 叫餐時 一人叫咗個黑淑牛扒餐, 我都見到個牌 要加錢意粉 是咁強調 +6 意粉, 我吾是無錢, 要你提咁多次 , 來到多士,,頂, 是凍的, 連牛油都是凍的, , 跟住來個白湯,佢個碟, 夾住我塊包, , 塊包打斜 , 就咁行咁去..個白湯, 無咩特別.普通茶餐廳功力 ,我地叫咗前後意粉, 前個個大大碟, 後個細細碟, 得番一半, 我問佢點解, 佢話廚師夾個吓不同,咁你意思是否叫我把我個碟, 比番我個fds , 佢又吾出聲, 死死氣,換個碟, 主菜來叫, 黑汁是普通味,, 但油多, 牛扒只有少少牛味, 尺寸不叫做大, 不叫做細塊牛扒, 有點林得不似牛的本質, 應該用soda 醃過, 薯條林到, 吾知擺到幾時跟住 叫野飲, 不用30秒來到, 肯定是沖定,我飲到一半, 有個中男 待應比張單我叫我地一陣自記埋單,, 吾夠1 分鐘, 有個阿嬏話出面好多人等, 好食快d, 跟住佢地眼超超, , 又吾夠一分鐘,

媽媽最討厭「責過年」了，不過照顧寶寶太花時間，來到新一年還在寫一月頭的食評，沒法子啦! 開首以先，也在這裡給大家拜個年，祝各位龍年快樂，身體健康，長食長有! 　話說媽媽最後的一天產假，一家三口突然懷舊，去了安娜午餐；餐廳無論是門面、店內環境、抑或餐牌，都十分懷舊，門外甚至有些伯伯在捉棋，真的予人時光倒流之感呢! 餐廳內十分多人，當日一家三口也等了十分鐘才有位，還好當天沒帶BB車，不然更不方便。而由於才過元旦不久，店內仍掛著聖誕及新年的佈置，加添幾分懷舊氣氛。這就是餐廳內，抵食又豐富的午餐及全餐內容了，是日也成為爸爸媽媽的柯打。首先上檯是鮮油多士，薄薄的多士與牛油分開上檯，其中一片烘得燶了點，是有點粗糙的。之後是餐湯，與老公要了粟米雞忌廉湯及羅宋湯各一，前者十分淡口，質感又粉，令人失望；後者卻酸酸的很開胃，還有不少牛肉碎在湯中釣味，水準差異很大!來到中場，全餐有份扒腸仔，兩條腸仔伴上薯條上檯，感覺很有兒時風味呢!接著是全餐的主菜黑椒雞扒意粉，雞扒當然是雪藏貨，但在黑椒汁襯托下也幾濃惹；伴碟也是港式意粉，很好吃算不上，可沾上黑椒汁後，也別有一番港土風味。午餐的主菜選了粟米石斑飯，所用忌廉汁

不知不覺，同大王一齊兩年喇，大王推介要搵啲(特別)啲既食店黎記念一吓。平時路過總會見佢有人等位，網上既食評都係咁講。安娜係元朗老字號，係元朗既傳奇，但大王既評語係麻麻，唔知點改會咁多人等，覺得同花園餐廳差唔多，平時都唔會提起勁黎試，但小弟今曰就處女下海，同大王試一試呢個傳奇！七點幾黎到，唔使等，搭枱就有位。裝修係屬於懷舊一族，跟花園同金鳳一樣既感覺，鈎起童年中學既記憶。大王要豬手餐，小弟就要咗黑椒西冷七成熟。多士同紅湯好快就到咗，多士夠熱，紅湯唔係味精水，仲好多菜，比意料既好！牛排好快就到咗，熱氣騰騰，淋上黑汁，渣咗一聲，久違了既中學鋸扒感覺，又湧上心頭。試一口，有牛既少少穌味，足七成熟，正是往時熟悉既味道。被黑汁浸淋既薯條，亦都照樣可口。食到一半，大王既豬手都上枱喇。份量十足既豬手，用汁煮，食落冇焗既咁咸，味道清啲，啱大王口味！總括而言，安娜屬於大件夾抵食，冇銅鑼灣金雀既古雅精緻，但抽氣比金鳳好，食物同美而廉、金鳳等不相百仲，比大家樂好，係童年鋸扒既味道。但以咁既價錢味道而吸引到咁多人排隊，真係元朗既傳奇。同大王呢一餐，當然味道係其次，可以係記念曰留下一個回憶，先係難得。