安哥食館

《香港深水埗 安哥食館》如想吃大排檔，推薦大家到深水埗長沙灣一帶 ，除了萬發和愛文生，安哥也是一家不錯的選擇。假日前夕，深水埗大部份餐廳都大排長龍，見安哥食館不用排隊就想去試試。點了八道菜，有幾道菜做得比較出色，如一口炸蠔和冰鎮咕嚕肉，其他就正常發揮啦。不同的大排檔有不同的招牌菜，以薯仔牛柳粒而言，萬發還是穩坐冠軍地位。1. 一口炸蠔：安哥沒有用厚肉的筒蠔，用了蠔仔，但反而變了他的特色菜，也解決了平時炸大蠔不夠分一人一隻的問題，新鮮炸起， 10分香口，配啤酒一流。2. 冰鎮咕嚕肉：有驚喜的一道菜，看過的冰鎮咕嚕肉和一般餐廳的不一樣不是單純的以冰冰住咕嚕肉，而是每塊肉都會有一層脆皮包住，酸酸甜甜的10分好吃。3. 炸豬手：很多餐廳炸豬手的肉都會很乾很硬，但安哥可以表皮香脆同時保留肉質易咬有肉味，值得一讚。環境而言，裝修較舊但保留着舊香港大排檔的氣氛，而且冷氣夠凍，大熱天時也不用汗流浹背地吃大排檔。價錢亦十分合理，一人消費才約150元！…查看更多

以早段5:30優惠價入場，遇上店長已面黑 ， 澳牛式招呼， 先唔講服務，講下食物水準， 豉汁蒸白鱔變咗係薄切鳝片又老又鞋 ，蒜蓉粉絲蒸聖子好似食緊橡筋 胡椒大蝦就辣到跳舞 ， 薑蔥炒蟹又拉油太熟其他式味道大路水準 ， 香煎馬友 +安哥一口蠔+黃金四季豆就有啲驚喜， 最後呢個甜品反沙芋變咗甩沙芋， 簡單菜都做唔到，唔識整潮州菜唔好學人整， 因為食完過咗優惠時全單原價埋單要$2700， 收人開瓶費連紅酒杯都冇提供，真係便宜莫貪， 早知去聚興家或者龍鳳廚房好過囉😎…查看更多

以往開年飯都會係屋企煮，今年懶煮🤪就揀之前食過幾次覺得唔錯ge菜館同家人食開年飯🔸椒鹽金沙鮮魷不過不失，唔會咬落太厚炸漿🔹薯仔牛柳粒😗薯仔先係重點，沾滿黑椒同蜜糖，個邊脆脆地好好食🔸澳門燒肉炒飯炒到好乾身，粒粒分明 夠哂香🔹潮式蠔仔粥(窩) 黎小菜館蠔仔粥當然唔少得🙊蠔仔好脹卜卜，而個粥底個味道都相當唔錯🔸原隻風沙豬手油脂同肉分配得岩岩好，一d都唔肥，每次黎都必點呀🤩正!!🔹豉油皇蝦碌豉油爆過ge 蝦碌最惹味，不過蝦碌份量太少😖一人一隻就無🔸蒜蓉豆苗🔹柚子金沙骨味道幾特別，略嫌只得骨唔係啖啖肉🔸沙薑雞半隻過火左少少🤏有d鞋💬味道係唔錯又夠哂穫氣😋，如果份量都多番d就無可挑剔了😝…查看更多

同朋上網見到這間鋪都幾多好評，就訂位來試下，因為想食奄仔蟹要預訂，而我又剛剛初搬黎深水埗區，想周圍食下附近有乜好嘢，點知去到呢一間，先至發現原來以前食過同區的大x華都只不過係碎料，唔知係唔係咁岩得咁橋我食呢幾個餸都真係好正，以前食其他中菜館都覺得係OK幾好，呢間食返同一樣嘅餸竟然係有非常好嘅感覺！一心入到黎想食鱔，侍應就介紹食砵酒焗膳，唔好成日都食豉汁蒸鱔咁悶，後來諗住食開海鮮就叫埋炒蜆，跟住見到個招牌咕嚕肉好多人叫，忍唔住又叫埋，兩個人食真係飽到上心口。砵酒焗鱔~連骨都可以食埋炒蜆~完全無沙，少少辣好正咕嚕肉~皮脆肉嫩，超有驚喜鹽焗奄仔蟹~鮮甜又爆膏唔知點解可以全部餸都好好味，食到我十級飽😋！…查看更多

尋晚路經深水埗，行經見到這間望落好簡潔的大排檔，門口貼相的食物都幾吸引，決定試試，2個人叫左3樣餸1支啤酒，埋單$361，唔算貴👍🏻，地方乾淨，食物質素還可以！因為是平日，不多人，但老闆做生意態度有需要改善，不是人不好，是不懂轉彎，說話也不夠圓滑，這個時勢做生意，食物質素要好，最重要懂留住熟客，有些菜式如果有人不食牛要改，應多加介紹！不過如果想帶酒水去飲也不錯，因為只收$30開瓶費！安哥一口蠔 避風塘炒蜆 好一般，可以不試客家腩肉煲 普通，可以一試…查看更多

食過呢間至少都五至六次😂因爲過黎呢度好近，所以都會成日黎，坐位唔算太多，今日四個人黎食，仲有平日黎食基本上唔洗點等位，但假期就勁多人😱😱金牌咕嚕肉🥩呢度嘅咕嚕肉真係食極都唔厭，都幾多粒下，佢同出邊嘅咕嚕肉唔同，比起出邊嗰啲脆口好多，唔會話好多汁浸淋哂，而且啲汁唔會話太漏😋😋重點係粒粒都半肥瘦，好好咬口。薯仔牛柳粒🥔呢道菜我就覺得不過不失，都正常好食，味道無乜太大驚喜，不過希望佢多返小小蜜糖味，太淡了😂椒鹽魷魚🦑幾好味，唔會話太油膩，佢仲有配埋酸汁比我地點黎食。大家黎食一定要試下佢地嘅金牌咕嚕肉🤤…查看更多

繼上次中學同學聚會，事隔一週，又嚟幫襯！事源原來朋友想去的地方，朋友本來早去到攞位，點知臨時有事去唔到。我就話改地方囉。好彩轉得快，我又到得快，我嚟遲5分鐘，應該又無位囉！一如既往的出品，出品幾好，沒令我和我朋友失望，我2位朋友第一次嚟，都覺得唔錯！咕嚕肉夠脆口！今日的一口蠔挽回上次我的不快，脆口，香口加上粉薄！另外個娃娃菜煲，同上次一樣，合格！今次另試左個油浸水花蚧，我無記錯的話！都係水準之作。我有一位朋友好like椒鹽類食品，不過呢種系列係呢到真係比較少選擇！另一個可惜係當日無蠔餅囉！…查看更多

基本上每個星期都會去安哥，不知不覺已經成班朋友嘅飯堂今次去到見到出咗新菜，叫左幾個試下，忍唔住又要幫佢寫下先水煮蜆，本人很喜歡食辣,所以覺得好好食,水煮汁好夠香夠辣夠惹味,入面有埋雲耳同芽菜美中不足係有兩隻蜆有沙塩焗奄仔蟹呢個喺今晚嘅主角，老闆話呢排啲蚧係好爆羔，真係無介紹錯,鍾意食蟹嘅朋友唔好錯過,記得一定要預訂芝士焗龍蝦配稻庭烏冬好好食,芝士汁好香濃，加稻庭烏冬呢個配搭真係好好如果隻龍蝦可以大隻D就更加好鐵板蒜片牛仔粒肉質一般，而且係好普通嘅菜式……所以冇乜驚喜黃金四季豆: 好食！夠香口…送酒一流值得一試其實平時成日來食飯，都知道安哥出品係好好的,如果之後再有多啲新菜式就更perfect …查看更多

全靠之前一次的大gathering，20年無見的高中同學見了一次，呢次就係小圈子飯聚，當年呢幾位都係比較熟的同學仔！成晚邊飲，邊飲，邊傾計，時間過很太快！食物質素幾好，最好係咕嚕肉，煮很好脆口，首選必食！不過，影漏左相！一口蠔反而比我期望的有落差，，不過尚算合格！蠔餅都不俗，不會少蠔肉，也不會太多粉！蠔仔粥料很足，唔洗落胡椒粉都夠味，清晒！豬手都好香口，送酒一流！其實係第二次食，不過上次無影相，便沒寫評語！…查看更多

竟然叫四個菜，無一個得。全部餸菜都唔熱，先嚟咸菜豬肚蜆，大部分的蜆有砂而且細粒。蓮藕餅，明顯係整定，只係翻暖上枱，口質是乾加柴，重係食唔到蓮藕。沙嗲牛肉煲，牛又係乾柴口感，都唔知雪左幾耐！又無沙嗲味，份量又細。最離譜係蒸黃立倉，索價108，條魚的長度如iphone6甘長。其實，只係賣炸嘢咪算囉，無心整其他菜式，咪唔好寫係菜單上囉。今餐真係比錢食垃圾。點解無影相，食物上枱已經令人無食慾，又點會想影。…查看更多

第一次黎安哥已經唔記得係幾時呢幾年總會黎食下生日飯呢日大家臨時話約食飯唔想諗食咩又黎到安哥喇不經不覺安哥已經成為我地班朋友嘅飯堂呢種天氣緊係食返個羊腩煲啦平時對羊冇咩感覺唔會特登想食但羊腩煲除外豉椒炒蜆豉椒炒XX呢d基本食小炒必叫一如既往有鑊氣份量夠！炸一口蠔一粒粒易入口可謂送酒必備好容易一粒接一粒咁不停食燒豬頸肉基本上次次黎都必點！講真每道菜嘅價錢真係唔記得喇但我地食左咁多野再開左兩支啤酒埋單每人二百蚊左右真係覺得好抵食…查看更多

其實間唔中都會食下安哥， 食物水準真係維持得幾好， 但係就冇乜嘢新菜式， 所以都冇寫佢食評！ 今日同朋友六個又去左安哥！ D食物又進步咗， 所以忍唔住要又寫下首先係蕃茄薯仔海鮮湯(一定要預訂)真係好鮮味！ 老闆話係用海魚淆之後老闆介紹咗個 蒜蓉粉絲蒸日本元貝 其實同平時食嗰啲差唔多， 不過佢呢度食勝在平同埋新鮮， 88蚊四隻去街市買都買唔到啦……之後再嚟多個美極大海蝦一如以往的好食！ 我哋嗰晚用大頭蝦嚟整，個虾頭爆曬膏真係好正 不過大頭蝦都係要預訂今次試咗個新菜， 照燒新鮮豬頸肉！ 老闆推介 本人聽到豬頸肉呢個名 其實興趣真係不大 不過老闆話係用新鮮豬頸肉做，同平時食嗰啲差好遠 咁咪叫一個試下囉…… 點知真係冇中伏 食落去好 juicy, 咬落去啖啖胡椒味最後嚟多個臘味煲仔飯！ 其實煲仔飯冇乜特別 有啲飯焦食下 不過天氣開始凍應下節啦！個飯食咗一半都冇，已經ko曬我哋下次一定再encore…查看更多

安哥食館黎過幾次，每次都冇令我失望，想係市區食大排檔就會諗起佢。金牌咕嚕肉 ($98)好記得第一次食呢個咕嚕肉時驚為天人，從未食過有醬汁仲可以酥脆如朱古力片既脆皮，唔厚粉得黎神奇在攤凍左都仲脆。 半肥瘦豬肉咬落有肉汁，甜酸醬汁味道溫和，僅僅夠包住每一舊肉。超欣賞伴碟有開胃爽脆蕎頭，每次都冇人同我爭可以獨食，同炒既彩椒熟度亦岩岩好。 印象中上次食到既肉瘦少少，雖然都唔算油膩，但如果用軟腍既瘦肉就完美喇。生炒糯米飯 ($98)粒粒分明既糯米飯炒得好靚，冇加入老抽染色，食到淡淡清爽既豉油香，足料滿佈臘味同蔥粒，我食左半碟。潮式蠔餅 ($88)即叫即炸，蠔仔夠新鮮大粒啖啖肉，外層香口鬆脆唔會太咸，點埋魚露岩岩好。 可能食開加左鴨蛋既炸漿，略嫌呢度欠缺左少少香氣，中間既部分亦比較厚粉，兩個人食有少少吃力呀。 可惜椒鹽九肚魚已經售罄，相信會滿足好多。裝修唔算好靚，但光猛乾淨，經常見街坊一家大細黎擺幾圍，氣氛幾熱鬧。 不過位置唔近地鐵站，有少少難搵呀。…查看更多

今晚唔想煮飯，一家大細去叫餸食飯，又唔想去大排檔，入咗去呢間平民餐廳，竟然有各人喜歡食嘅餸菜，阿仔鍾意牛柳粒薯仔，辣辣地夠入味，呢個值得推薦我鍾意避風塘口味，叫咗個避風塘魷魚，未到一般般可接受，如果辣啲同埋炒蜆應該好食啲，老公叫咗豆豉蒸白鱔，平時屋企無人食魚，佢自己出去食最好，魚都好新鮮，同沙姜雞一齊叫套餐有埋特價，低食，不過啲雞有啲over cook ，肉鞋咗少少但味道都夠，下次去試下佢個薑蔥雞，賣相好似幾吸引…查看更多

🔥<好夠鑊氣既特色少炒 安哥 值得安哥>🔥呢間喺太子同深水埗之間既安哥食館 間中就會去下 通常都係一大班朋友去食 小炒好夠鑊氣 由於幾次黎食得太多菜式不能盡錄 就講最特色嗰幾款！😋 平均都係80 至120 一碟好抵食🍴脆皮牛坑腩🔥🐮 外面香脆 牛肉帶有肥膏軟滑 又帶點牛肉煙靭 yummy 😋🍴一口蠔😋用類似避風塘既醬料炒成 辣後黎夠香口😆 蠔出面既茨粉夠薄脆 蠔夠juicy正！😈🍴麥皮蝦🦐🍞傳統粤菜 用麥皮炒蝦 蝦肉香脆 可連殼食 麥皮夠鑊氣 連蝦一齊食 幾有口感😁🍴椒鹽咖啡雞🐥椒鹽食得多 落埋咖哩粉比較少見 雞肉嫰滑 加埋咖哩同椒鹽香味夠哂香口入味😋🐥🍴咕嚕肉 🐷用甜酸醬連埋三色椒整成 同肥豬肉一齊炒 豬肉外脆内軟 🌶🐷 鎖住肉汁 推介之選🍴瑞時汁吊桶🦑用左吊桶魷魚 同瑞時汁一齊整 十分入味夠哂彈牙 而下面墊底既炸芋頭亦十分夠香脆。好味！！而其它菜 好似金銀蛋覓菜 , 🌱🌿薯仔牛柳粒 , 🐮🥔豉油王鵝腸都係水準之上 鍾意食大排檔既朋友唔好錯過😁🔥👍🏻Score 平均分 <7.8/10>Taste 味道：👍🏻🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~Address地址#安哥食館深水埗界限街4至10號福群大廈4 號鋪~~~~~~~~~~~~~…查看更多