安南 (又一城) (已結業)

一個著黑色衫矮嘅女經理（應該係經理manager），態度勁差，好大聲好嬲咁對客人講嘢「你等我陣喇」，真係食餐飯都俾人鬧。又一城附近返工，同班同事lunch去食安南，都覺得次次撞到佢mood都冇晒。仲見佢不停點人做嘢（指揮D黃色長袍低級小小嘅普通侍應）。希望安南考慮下顧客感受。畢竟食物質素都ok，店內其他侍應態度都幾好。

又一城，食店唔少，但抵食又好味嘅唔多，呢間安南越南餐廳嘅下午茶好抵食，有水準，製作一啲都唔馬虎，但記住...下午茶要三點後才有供應。下午茶餐都有8款供應，所以梗有一款啱你。我哋叫咗一個迷你火車頭同埋一個馬拉盞牛肉炒飯，餐飲就每人加多$18升級叫了3色冰。首先，迷你火車頭河粉真係幾足料，有牛丸，牛柏葉、扎肉、牛腩片及加左幾圈洋葱及薄荷葉,湯底非常之香濃，以60蚊來說真係好超值。呢個馬拉盞炒飯炒得好乾身而且好熱仲有加入青紅椒粒洋蔥粒味道都算好夾,但未算好出色。三色冰味道唔算太甜，調較得非常好飲👍👍兩個午餐，咁嘅質素咁嘅價錢絕對超值。呢間越南餐廳兩年前都有去食過佢嘅晚餐，味道及質素可以話係唔錯，比帝苑酒店嘅Le soleil整體來說質素更佳，抵食，仲平好多⋯⋯今次雖然只係幫襯下午茶,但睇出廚房係用心製作食物嘅，用心製作，呢一點對餐廳來講係好重要㗎👍👍

同朋友二人飯聚，又一城間安南係唔錯嘅選擇。除咗有限時唔係幾好之外，基本上其他都算ok, 坐得舒服食物亦可。軟殼蟹沙律沙律菜配料係新鮮嘅，但軟殼蟹略嫌唔夠脆口，有啲可惜，因為蟹係整個沙律嘅主角，應該要做得好啲。蝦多士呢個好味😋整個蝦多士炸得岩岩好，口感正，蝦肉味都夠，點埋個汁食好正。雙式扎肉粉卷唔錯！扎肉好味，粉卷皮厚薄適中，餡料亦夠豐富。燒豬肉撈檬極力推介👍🏼 豬肉燒得唔錯，肉好林好軟身，檬粉配埋其他配菜加埋個越式酸汁好味😋 絕對可以返轉頭再幫襯😁

見到商場間間都排好耐隊所以揀左呢間。食完今次以後唔會再去。第一服務差，餐廳入面大把空位，但個接待員淨係俾張得兩張凳嘅細枱，搞到連自己個袋都冇位放，直至食完仲見好多四人枱係空嘅。第二，食物價錢貴但又不是物超所值。兩個人分別叫咗河粉同一個小食，河粉味道冇咩特別，分量唔算特別多。小食味道算唔錯。但兩個人食咗四百蚊都唔算飽。求其搵香港嘅越南餐廳都好過佢，味道其實都差唔多但價錢一定平好多。

Came here for lunch and pho is a perfect lunch time food. Having tried so many pho places in the states my standards for pho is very high. I would say the broth is very good. Beefy and tasty but the type of noodle used is not my favorite, it is kinda of too soft for my Taste. And plus it is kind of pricy for a bowl of decent pho. I would go somewhere else for a similar experience. But I would say the pho broth is one of the best I tasted in hk.

高質越南菜！呢排疫情嚴重，好多餐廳都無咩生意，大家都紛紛推出不同既優惠，包括呢間高級越南菜。佢地出左個超值套餐，$40有一份主食同一包紙包野飲，只限外賣自取，當下午茶真心唔錯，平靚正！上次食左雞絲湯河，今次想試下火車頭湯河。千其唔好以為平野無好野，因為食物相當有水準，一D都唔hea！同埋最近想實行環保，於是拎左個飯盒去，希望間餐廳可以將食物裝落飯盒，減少浪費。起初仲擔心佢地會嫌我食得平，嫌麻煩唔肯幫我，點知佢地不但爽快答應，而且非常熱心，裝得勁好！講番食物，河粉好有口感，唔會淋bat bat。牛肉份量雖然唔算多，但每款至少有一件，包括牛丸，牛腩，肥牛等等，都好夠食。湯好濃郁，好有牛味，上次雞絲湯河就相對清淡。整體黎講，呢個價錢，呢個服務，呢個味道，真係算高質，有機會一定會坐低試下其他野！

要食一碗好出色嘅越南🇻🇳米粉，最主要係個湯底，其次係配料、麵底、香料全部都好重要🤔當然裝潢設計風格都係需要配合，有風味但價格定位偏高引致性價比不足倒頭來反而變得唔滿足🤭———————————————————————————🍜炸蝦餅撈檬粉午餐$118💬炸蝦餅幾大塊，但整體來說份量偏細，而且味道未算相當突出，雖然配上餐前小吃三款及飲品🍹，但感覺仍是普普通通🤔.🍜生牛肉湯河午餐$128💬未算得上驚喜，份量亦是可以增加些，價錢實在有點偏貴，外賣🥡自取湯河都係$40，不如諗諗外賣🥡先🤔

返工成日都諗唔到食咩好，今日去左又一城，又唔想成日食food court，隨隨便便就行左入去一間食越南野嘅餐廳。呢段時間lunch hour都唔洗等位，仲可以揀下坐邊。 其實之前都想黎試下，但成日都好多人排隊，又一城有幾間餐廳都幾好view，而且可以望住人地玩ice skating，其實都幾過引，但係呢排冇開，但係整個feel同view都唔錯，同客傾野都幾好，好過成日去coffee shop。Lunch Menu 都多野揀同好豐富，但係野飲就唔想飲果兩款就要單點。見到個Menu都好吸引，好多野都想食，最後叫左D set。前菜fix左係蒸粉卷、香茅肉碎法包同埋柚子沙律。 每樣都要小小，都好好食。而且份量都真係夠一個人食小小開下胃。南越咖哩牛肋排配法包 $138 咖哩就比較稀D，但係牛肋排份量好多，配個法包，點D咖哩食好入味好正。 咖哩個份量都幾多。最後都差D食唔曬，如果唔想食法包可以轉做白飯，但第一次食我都比較prefer食法包。Overall黎講都幾好食，如果係Set lunch唔想成日食西餐，耐唔耐食下越南野都幾好。下次黎再試下D湯粉果D先。

剛於數星期前到安南，希望以美食掃走近日之郁悶，奈何食之無味，棄不足惜。兩人食飯，點了三道菜：咖喱牛筋腩配法包、椰皇大蜆、蟹肉炒粉絲。- 椰皇大蜆：椰皇甜度過甜，未有帶出大蜆鮮味- 蟹肉粉絲：蟹肉極少，味道尚可但不出眾- 咖喱牛筋腩：配搭法包出色，三道菜當中算尚算OK.總括然而，以此價錢，未能吸引下次到訪

🍴ᴍᴀɪɴ·蕉葉糯米飯 $128﹟個賣相同裝飾都做得唔錯, 第一下望落都幾’令立立’, 所以食到最後係會覺得比較肥膩, 另外個飯既溫度唔係話好熱, d飯又濕得濟😣食落似食緊茶樓果隻臘味飯😂不過呢個面頭就多左唔知幾分幾既雞蛋白同埋d肉鬆同埋花生碎🤔🍜ɴᴏᴏᴅʟᴇs·安南招牌火車頭 $128﹟呢個招牌菜都真係幾吸引, 有齊牛丸牛肉牛展牛柏葉牛筋all mix, 個湯底都清清地同帶有甜味, 而且有埋辣椒, 青檸, 辣椒醬同甜醬作為配料, 正所謂有辣有唔辣, 任均選擇😆🍜ɴᴏᴏᴅʟᴇs·炸蝦餅撈檬粉 $128﹟個蝦餅比想像中厚身, 都夠彈牙, 但得一塊咁大把😢個撈檬汁比想像中少😂總體黎講無咩特別, 普普通通, 可以不試...

明知房入面成日黎既VIP咁嘈，都要我坐入房，出面座位吉哂都唔俾人坐。都唔知點編座位，，最乞人憎既VIP仲要專登大聲講我地係咁嘈，趕客，經理都聽到一句說話都無講，VIP大曬架，以後都唔會再去呢間野

認識了15年的舊同事聚舊，一定要找間好味又有heart 的餐廳🤩🤩 餐廳空間較大，座位較多，可能因為有訂位的關係，有幸被安排坐於溜冰場旁邊的桌子，視野更廣闊😍😍 更更更難得我們可以於Happy Friday 的晚上，由1900坐足3個多小時，到晚上10時多，實屬喜歡💕一班老友唱水慢食的朋友之首選👍🏻👍🏻👍🏻我們一行四人，選了個四人餐，特別喜歡它每個餸都剛剛好，份量夠四個人分之餘，又能讓我們好好地細味😋😋特別推介：香茅砂窩田雞飯加上甜豉油，老友鬼鬼一人一碗，秋高氣爽，甜甜飯味，暖暖心房💞💞秋冬之選：蓮子茶入口甘甘甜甜，味道清香怡人，蓮子可安神養心，降虛火，晚上飲用，有助安眠💤💤

又一城內的唯一越南菜館, 這位置一路以來都是做東南亞菜館, 幾年轉一次名, 現在是安南, 店內保持一貫的光潔明亮, 客人大概坐半滿, 精選二人小食拼盤$198 內容是炭燒豬肉粉卷兩條/ 安南春卷兩條/ 越式蝦餅一切二/ 土瀝沙爹雞串唔見咗(後尾睇返照片才留意到!) / 軟殼蟹米紙卷都係一開二! 以呢個份量來講本來已經唔平再減埋兩串雞就更貴,  軟殼蟹柚子沙律$128 份量只係一只 軟殼蟹一開二下面用柚子肉加些最一般嘅沙律菜,牙車快$88 即係雞絲沙律, 但這店的這個沙律菜主要用的是椰菜絲, 鮮蝦扎肉炒飯$118 只係個普通嘅蝦肉炒飯, 唔知點解這店嘅扎肉係無味的, 好少扎肉無味!香橙鴨煲$298 好耐無見咁獻汁嘅汁, 汁嘅味道好似飲緊暖暖地嘅橙汁咁, 鴨大概有半隻嘅, 鴨肉煮得啱啱好, 但除鴨之外再沒有什麼配菜可食了, 裝飾的橙片莞茜法包(一份) $28 都係唔太突出的質感, 我們坐到最後才走, 待應都黑晒面, 現在的服務態度相當令人失望,此店再會機會甚微! 價錢同質量唔對等, 況且以現今市場表演, 唔夠質素會自然淘汰。

是咁的...野食分量本身已經唔算多 仲要好一般 連擺盤都好似求求其其咁... 仲要d staff 都幾無禮貌...又唔多夠人手...想點菜..但係個個見到都扮睇唔到我下次唔會食囉

兩個星期前，諗住想食返個正宗嘅越南河粉，所以就揀咗呢間餐廳，之前打電話黎book，不過因為交通問題，我哋遲咗15分鐘佢就取消咗啦，之前食過幾次晚市及兩次午餐，味道還算不錯今，次就晏晝過嚟食，滿心歡喜諗住食佢個中午set ，原來佢星期六日係冇㗎，只可以散叫 A la Ca ，用餐時間限制左90分鐘。咁我就簡單叫咗個豬手河粉，諗住骨膠原多啲，老友就叫咗個生熟牛肉湯河，如果問味道好唔好，就勉勉強強過得去，唔算差嘅，不過就真係平日食有套餐即係抵啲，我覺得佢環境都幾靚㗎，同埋唔算太嘈，如果想傾計來啲就要揀平日夜晚👻👻