安南 (又一城) (已結業)

看完一套日本電影，愛情片但有個反胃戲名，都不想說出來‼️ 比預訂的時間早了差不多廿分鐘，問問有沒有位置，沒有的話就行街街，對女人來說根本不是難事‼️但又有位啊只是其中一個店員不停強調90分鐘交枱，而另一個又不想她這樣說，攪什麼啊🤔這店真的很busy，上菜很快，侍應走來走去，出出入入，結果飲晒水都不會添，吃完了空碟又不收，有碟菜差點漏了粉卷和紙米卷也好吃芥蘭當然不可能有差錯蓮子飯較dry，將芥蘭的汁撈一起就好好味酒煮蜆好大隻，每人兩隻，燒雞味道剛剛好如果想要好好享受，就不要假期來，太嘈了平日的下午茶也可以試試

嗰日去又一城睇首映，晚餐就梗係順便喺嗰度食啦！去咗一間我都幾鍾意嘅越南餐廳，其實我覺得係佢d野食仲好食過我係越南食呢杯清補涼，係我每次必飲嘅，有益健康又好味，唔太甜，好多人會叫佢ga!越南春卷又係必食，新鮮熱騰騰炸，包生菜同香葉，一啖一個！呢個安南炭燒牛肉伴濱海，又係好好味，牛肉有炭火香，雖然佢係前菜，不過有埋米粉，其實可以做一個主菜，幾飽肚。馬拉盞炒通菜，通菜爽口，又一水準之作。越式蟹肉炒粉絲，無咩蟹味，但都炒得幾香既！***佢既越式下午茶high tea set ,又係推薦！

又一城其實除左food court外好似都無咩野食咁今次唔想食foodcourt咁頹就去睇下附近有咩食咁岩見到呢間越南野好似唔錯咁外牆已經吸引左我既Tiffany blue佢下午茶set可以自由配搭Abc咁配搭有主食飲品同甜品我個人覺得80蚊左右食埋佢個環境都差不多既我叫左個法包越南既法包出名都有質素我覺得都好食既，啲醬汁都唔會太重味道值得推介

與友人相約午餐，想食特色菜，結果選了越南菜，因為預先訂咗位所以冇需要等候便有位，這實在非常方便。這是第二次光顧此店！上次是別人介紹去食，今次是我介紹人去食！今次不若而同，我與友人都ORDER咗生牛肉湯河，可能食越南菜也離不開吃這款！主食未到之前有前菜，酸味味的，味道不錯！主食的賣相不俗，湯也很好味道，可以隨個人口味加入配料，我就不顧其他，全部都落入湯入面。整個湯河真的可以給讚！餐飲選了這款，充滿越南特色。整個午餐十分滿意！

放假相約友人於又一城睇戲於是今次在又一城覓食雖然又一城有food court 但來來去去又係果啲所以周圍睇下有咩下午茶揀行行下見到安南呢間餐廳越南食物都算是新鮮的選擇下午茶有不同的tea set有a+b+c（$78）的選擇或a+b（$58）可以隨自己的經濟及肚餓程度考慮揀邊樣都算貼心一杯飲品+主食+甜品繼上次去完越南後，對法包情有獨鍾因此選擇了雞蛋素菜法包份量大份，輕食女剛剛好不過男士可能不足夠而甜品方面我揀左椰青果凍，我就覺得普通啦，味道唔重不過友人選了芝士蛋糕加雪糕，抵食很多而且好味我們坐的位置旁邊是溜冰場感覺良好，係輕鬆的下午茶

作為一間貴價越南餐廳，佢地嘅服務同價格唔成正比。又其係又一城都有唔少家庭客。有小朋友會哭鬧何其正常，若不能忍受倒不如學高級餐廳不招待小孩更好。😡食物質素ok, 晚餐時間服務人員少。要order 一個白飯更要三喘四請。價格同地區成正比，但服務質素令人卻步。又一城有不少選舉，而呢間絕對black list. 永天不幫襯

【碳烤牛肉配檬粉夾餅】好襯，夾埋金不換葉倍感清香～👍 【軟殼蟹米紙卷】都唔錯，中規中矩。【炸蝦餅】一般般⋯可以再香脆D。 【燒雞肉】還算嫩，有一兩件較乾，總體都幾好，唔會失望。

開始放婚假準備結婚，每日都忙到攰到沒時間精力去煮飯， 只好每餐都出外解決，今天下午就來到安南食午餐！ 星期一下午一時左右，人客明顯比假期少很多，不用等位便可立即入座。 午市套餐種類不算很多，分2個價錢: $118 和$128，包前菜和飲品。我們分別點了炸蝦餅撈檬粉和咖喱雞配法包，飲品就點了青檸冰茶。 前菜分別有3樣: 青木瓜沙律、炸魚餅和豬肉蝦片。青木瓜沙律很清新， 木瓜爽甜之餘木瓜味亦很重; 炸魚餅很鮮而且富肉汁，不會炸得太乾; 豬肉蝦片的配搭特別，鬆脆的蝦片加上多汁嫩滑的豬肉，口感豐富又美味， 的確是不錯的前菜組合。 輪到主菜，首先是炸蝦餅撈檬粉。檬粉非常的爽口，加上酸酸甜甜辣辣的檬粉汁，很開胃！而蝦餅和前菜的魚餅相類似，但就更富蝦肉的爽甜鮮味！ 咖喱雞配法包就不過不失，咖喱雞選用的的原隻雞所切件，可看到雞腔的部分， 煮得尚算嫩滑。咖喱不算很突出，但仍然很濃郁，配外脆內軟的法包很適合。 另外飲品青檸冰茶的茶味很香，但就很甜，即使我們點了微甜仍然覺得甜得很呢！ Twitter Facebook Google Tumblr Pinterest

我真係好鐘意食越南菜㗎！上星期食咗唔好食嘅，今日要食返啲好食嘅！hehe 一向都好鐘意嚟又一城食呢間安南㗎啦，因為家住北區，火車沿線我就最方便就腳la!  一向安南嘅食物質素都保持到嘅，今晚都唔例外！個越南姐姐話今日柑桔新鮮，推介我飲呢個鮮蔗柑桔特飲，又幾清新好飲喎！夏天飲啲酸酸甜甜嘅野就好開胃 haha 唔知點解食親越南嘢都嗌呢味餸！好味！個軟殼蟹炸得好香好脆 今晚呢個炭燒豬肉有啲鹹。不過overall係好味嘅，可以熱啲！我最愛呢個菜式！每次嚟都必定要食呢個！今日好彩啲蜆又大又肥味！我連個湯都飲埋，好香椰子味！ 其實仲食咗個雜菜煲同牛肉河粉，不過唔記得影相 最後雖然好飽，但係所謂甜品有第二個胃㗎麻，所以一定要食呢個椰青果凍+椰子雪糕！佢哋係 homemade個椰子雪糕㗎，所以入面有好多鮮椰子肉，好香滑  

睇戲前嚟食晚餐，二人套餐7:30前埋單只需$398小食拼盤每款都很有水準炭燒香茅豬排一碟有兩塊，大件夾抵食！大頭蝦好香又多膏馬拉盞炒通菜很惹味最愛嘅生牛河，太美味了passion fruit mojito勁多料椰青果凍幾清新紫米露夠香濃埋單七佰幾蚊兩個人，性價比高

今晚同朋友試新野，來到這間越南餐廳～因為我比訂枱遲了五分鐘，但櫃枱的服務員打電話比我問我去到哪裏⋯ 這個服務未入餐廳前已經覺得很窩心👍👍入到餐廳，周圍的環境也十分不錯～坐下來後，我和朋友點了二人晚市套餐之「尋味越南順化篇」及越南咖啡～套餐食物有：安南春卷、順化浮萍餅、藕籐扎肉雞絲沙律、炭燒香茅豬扒、安南甘露大頭蝦、馬拉盞炒通菜（本人覺得有點偏鹹）及海底椰紫米露（超足料及甜味適中）整體食物都足料好味及飲料也不錯外，值得一提的是端菜的服務員也很耐心教我倆如何吃「順化浮萍餅」及解釋春卷皮及藕籐扎肉的材料也是直接由越南空運到港～ 讓我倆更感受到餐廳對食材及工作非常認真👍🏻👍🏻下次也會再去

又一城人流極多, 餐廳選擇雖眾, 但要在午餐時段找一間方便與良朋聚舊, 而食物亦有一定水準的食店殊不容易, 安南的清幽環境可說是其中的必然之選! 三人聚會, 我們點了數道菜式, 包括美味可口的蒜蓉牛油雞翼，味道超讚的豬頸肉法包，當然少不了餐廳招牌菜之一的安南火車頭牛肉湯河粉，這道菜果然名不虛傳，有正宗越南風味！飲品方面，朋友們分別點了桂圓茶、越南風味的滴漏咖啡，而我則點選了青檸梳打，大家享受了一頓精緻的越式午餐，偷得浮生半日閒 ！

酷熱天氣警告,當然係躲在商場涼冷氣😎😎😎.選了附近既又一城午餐. 星期六差不多每間都要排隊. 安南/皇后邊間快d就食邊間啦。安南人龍雖然長，但餐廳坐位多。人龍keep住入,等左十五分鐘就入得啦.定一次食安南是它剛在銅鑼灣開的時候,多年前的事了. 記得那餐美味非常,環境一流,服務週到.可惜多年來未有機會再試. 又一城店裝潢差不多,但是在大商場內加上溜冰埸旁邊,人多嘈吵,缺少了銅鑼灣店的清靜高雅. 落單的waiter哥哥比較fresh, 有待改善. 不過好在食物質素保持到.先上飲味,越式清保涼,咖啡沙冰. 賣相精美,份量夠大,味道ok.米紙卷, 一般番茄牛腩煲加法包-超級推薦. 牛腩入味,肥廋適中, 炆得夠淋. 茄汁點法包係絶配. 法包夠香脆

湖水藍色的裝修加上傳統燈籠，餐廳的風格帶點異國風情，感覺優雅又溫馨。 先來個藕藤扎肉雞絲沙律($108)作開胃菜。 藕條好爽囗又清甜，不似平時吃開的中國蓮藕，原來藕條生吃味道都不錯。沙律裡還有扎肉、雞絲、蘿蔔絲和沙律菜。醬汁酸酸甜甜，夾雜著青檸汁又有些魚露鮮味，真的好開胃，令人即刻食指大動，好期待之後的菜式呀😍再來就是安南春卷($98) 安南春卷所用的餡料真的很豐富，有蟹肉、蝦肉、豬肉、洋蔥、乾蔥、越南粉絲等等，口感真的好有層次，而且皮薄好香口，再沾上少少魚露用生菜包著吃，香口得來又不油膩，味道一流。這大概是我吃過最好吃的越南春卷👍🏻👍🏻👍🏻 另一款小食就是安南炭燒豬肉粉卷($118)。安南每款菜式真的好特別，連粉卷都很新穎地用炭燒豬肉作餡料。 炭燒豬肉十分入味，肉質鬆軟，連蘿蔔絲、米粉、青瓜等配料，整個粉卷很足料好有咬口，再沾上魚露好正呀^^ 主食叫了海鮮~湄公河大頭蝦粉絲煲($288) 大頭蝦很新鮮很大隻，上面還有蝦膏。不過最美味的是吸收所有精華的粉絲，所有海鮮和香料的味道都完全地被粉絲吸收，真的好正呀!!! 蕉葉糯米飯($98) 用上了越南糯米、肉鬆、扎肉粒、臘腸粒、蝦米和蛋絲炒

又來到又一城午餐，今次選擇來到安南用餐。十二時半來到，不需等位，但限時90分鐘，對於打工仔的我們，九十分鐘的用膳時間其實相當充裕吧！set lunch 一共有九個選擇，也有專為素食者而設的套餐。本想選擇椰青扣肉飯，但服務員說會較肥膩，女生通常吃不消，所以後最後選了另一款飯加一碟炒通菜。套餐由$98～$128前菜拼盤賣相精緻，份量不大， 酸酸辣辣的青芒果沙律讓人胃口大開，煎扎肉厚厚的香茅味濃，雞肉蝦餅也很特別。鮮茄牛柳粒粒飯份量頗多，紅飯很好吃，不過牛柳有少少硬，但味道也不錯。炒通菜味道中規中矩，不會太油。青檸冰茶加上青檸的冰茶，味道清香獨特，必試吧！雖然價錢略貴，但食物賣相精緻，座位也算舒適！