安利魚蛋粉麵

營業中

休息中

經開筲箕灣，就順便去東大街搵食，睇咗成條街，最後決定嚟呢到，因為好耐無食過，突然之間有啲掛住，就入咗去啦😆諗咗一陣，叫咗碗切腩河同埋鮮油奶多，切腩河湯底清甜，味道唔錯，牛腩都好夠淋，不過個質感似湯渣，同埋個味都唔特出，所以食落都麻麻地，個河粉好幼滑，配合埋個湯底整體都幾好食😊鮮油奶多一擺上枱要即刻食，多士外脆內軟，再配合埋厚厚嘅鮮牛油，加埋甜甜嘅煉奶，一啖咬落去好滿足😋切腩河$48 鮮油奶多$22 有時掛住都可以嚟食吓😆

之前去筲箕灣覓食，見到安利大排長龍。所以已經諗住遲吓要去試吓佢。今日橫掂冇plan, 一於就去試吓。2:40左右去到，出面仲有十幾人喺度等位。等咗大概20分鐘，到我入去喇。我哋兩個人，叫咗以下嘢食.魚蛋魚片河：湯底顏色清澈，但都重魚味嘅。魚片唔夠滑身唔夠彈牙。魚味重。魚蛋有碎魚骨。同魚片一樣，都係重魚味但唔夠彈牙。河粉好滑。切腩魚片撈粗：魚片同上面所述嘅一樣。牛腩非常嚡，黐牙，好似食緊湯渣一樣。粗麵麵質夠爽，但佢用好多油嚟撈，食到成口油。總括：普通魚蛋粉舖一間，唔值得等幾個字去食。

🍜🍞餐廳名: 安利魚蛋粉麵地區: 筲箕灣評語:魚蛋撈粗 HK$46 - 魚蛋魚片出色 撈粗個汁同麵都OK 口感唔錯 汁既濃度正常 上到色而唔鹹 加左辣椒油食就唔係咁岩個人口味鮮油奶多 HK$22 - 多士烘底 唔係太燶 鮮油夠厚 奶夠多 幾好食結論: 等位等左20分鐘左右 睇你果日好唔好彩 因為我地排到尾已經冇咩人等 野食唔算十分好食 叫做舊式粉麵舖 有舊式既粉麵多士熱奶茶環境衛生: 🌕🌕🌗🌑🌑食物味道: 🌕🌕🌕🌑🌑服務態度: 🌕🌕🌕🌑🌑#安利魚蛋粉麵#筲箕灣美食 #筲箕灣#魚蛋撈粗 #鮮油奶多#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink #hongkong #hkfoodie

不嬲都知佢地態度差，但平時快食快走都算。星期日去食，一行8人，係出面企左半個鐘。一人至少一碗麵同野飲，仲有多士都三碟，每次加單都俾人藐，我都算。俾錢個時，個呀哥行埋黎問，煉奶個蓋呢？（態度唔好）同行朋友唔知，話好似本身都無，佢好惡咁話：係你腳邊呀唔知。嘩我駛唔駛同你道歉？跌左駛唔駛咁既態度？依家我專登拎左你架？好多人聽到無人出聲。我地係出面企足半個鐘，食都係半個鐘，人均一舊水，食完急急腳走，仲要驚阻你做生意，仲要受埋你氣？唔知以為我俾錢你求你俾野我食。 莫講話無以前咁好食，就算幾好食以後都唔會再去。貼錢買難受。以前仲試過買完外賣條隊好長行開左，返黎有得拎俾佢鬧，話唔知去左邊，行開左都唔得架。

與預期差距太大，大失所望。以為是地道牛腩麵，怎料是劏遊客的。牛腩一來又老又硬，撈麵係豉油王撈麵，並不是豬油撈，米粉是超級市場買完返嚟煮的質地。只有魚蛋較為出色。飲品要$24一杯凍檸茶，當人魚咁劏。

🇭🇰安利魚蛋粉麵·嗰日去開筲箕灣突然之間好想食撈粗 就決定自己一個人去食啦😎一個人等位都幾快 我等咗唔使10分鐘就有枱😈😈·魚蛋撈粗$48呢間我細個媽咪好中意既 不過我今次黎就覺得有啲失望🥺🥺佢個撈粗質感可以既 但係佢食落好重鹼水味 味道真係麻麻 好在佢啲魚蛋魚片都仲係彈牙 重魚味既🐟不過就真係滿足唔到我想食撈粗既慾望 下次都係去翻尖沙嘴間雞記🫢😂·#rbyeat#rby港式#rby筲箕灣·📍筲箕灣筲箕灣東大街22號地舖

聽朋友講過，筲箕灣有間出色嘅粉麵店 上星期經過就入去試吓 因為人太多 排隊攞飛用了15分鐘 入到去即刻點左個牛腩雲吞牛丸撈河 真糸吾錯 牛腩唔太硬有牛味 個撈河啱啱夠色吾太油 非常出色 下次一定都再去幫襯

每個星期五, 放工都去安利外買魚蛋粉, 跟住外買格仔餅, 雞蛋仔(低調高手)回家與老公分享, 因為是Happy Friday, 但昨天unhappy!約左老公下午5:30在店內等, 佢先到便入去搵位, 一座下, 服務員大喝: 你不可座這裛, 座這張(指住另一張), 70歲老人家照做, 跟住佢想拎張椅放袋, 另一服務員又喝:  做咩搬我的椅, 不准移動.我5:28分到,  但他沒有提及剛才的不友善待遇,  2人食了3碗粉便結賬離開.出了門口老公才將之前發生的事告知, 我即時反應: 為何仍座著食, 應該立刻起身轉頭走, 不食亦沒有什麼損失, 他的答案是: 因為你起歡食.70歲老人家, 因為疫情, 平日很少外出, 為減輕腳痛老妻的負擔, 不用拎重的外買, 自己到店食, 卻換來不快!我想講: 不論你招呼的客人是有錢人, 大明星, 市井大眾, 一個合格的服務員, 待客的態度應該是要均等友善的, 這是服務性行業基本的守則!

無論安利有幾多個好味、幾多個OK或者幾多個喊，應該都唔會影響佢中午門口條龍，做飲食做到咁，真係令人好葡萄🤣🤣🤣。其實佢真係唔係特別好食，但就係食極都唔厭。 人人都食片頭，識食梗係食雲吞！人人都叫切腩，識叫一定叫坑腩🤣 講笑姐⋯⋯ 人人口味唔同，本人鍾愛雲吞坑腩撈粗，一定要扣底因為必須比個胃留返個位食鮮油占多加飲杯熱奶茶。 個鮮油占多真的太無敵，怕舊牛油溶，所以唔影相啦！ 我未食過超越佢既鮮油占多。 勁正！

老實講對安利的出品由從前的超鹹，但製作認真，樣樣嘢有返咁上下變為今天的味精出品，甚感可惜。今天中午又食咗一碗湯頭味精濃濃的爽腩米，其濃度已到達帶苦的感覺。如果這3位當家繼續咁做落去，相信安利亦好快會日落西山。記得從前這「腎衰竭」湯純粹係時代口味的差異，一碗魚蛋粉係出大汗、賣大力的勞苦大眾佳品，多加少少鹽可以補充身體失卻的鹽份，但這碗魚蛋、牛腩的製作認真，自然的鮮味、香味濃郁，很受食客歡迎。時移勢易，漁村變商港，食客亦已係以中產白領階層為主，君不見東大街兩邊路旁泊滿私家車，食客斯文有禮，哪裡還能抵得住超鹹的味道。大家要求的是一碗真材實料、製作認真的牛腩魚片河，你收我六七十蚊一碗係可以接受的，但請不要靠味精來增味，揀選靚牛腩、製作靚魚片好嗎？哪從前的炸魚片香氣已失卻多年了，還要食客等待多久呢？另，辣椒醬也沒有從前的感覺，醬太少，油太多，落碗唔香，醬汁亦已沒有任何味道。可惜了⋯ 希望唔好衰竭係這三位獎門人手裡。God Bless On Lee！

好耐都冇嚟筲箕灣呢一邊食呢一間出名嘅魚蛋粉，每一次經過都非常多人，今日亦都唔例外，我哋都排隊等咗起碼15分鐘以上，不過好彩店員都好nice，我哋跟住個號碼好快都入到去今日就叫咗魚蛋米，魚蛋嘅質素依舊非常高，每一粒都爽口彈牙，亦都唔會有好腥嘅味道，質素非常高，亦都食得出店家咁多年都可以維持到呢一個咁高嘅水平！米粉就做得正正常常，唔會話做得太林，分量方面亦都對得住呢一個價錢，最後加多杯熱奶茶，下午茶嚟講非常正！

唔知咩原因 鞋到我食唔到既牛腩牛丸冇牛味 好重麵粉辣椒油好食湯底方面 夠濃既 但牛腩牛切腩太鞋 扣分本人冇試牛油多士太普通一塊方包夾住舊安佳牛油呢啲咁普通嘅菜式，點會喺舖頭嘅主打整體味道普通 冇驚喜價錢偏貴

因為出名所以入去食，叫咗魚蛋魚片河，河粉和湯底都ok,但魚旦就唔係好得，實，鞋，無味，食完個胃有D唔舒服。有D唔明點解出名。可能其他嘢好食。奶茶ok,有啲濃，最好食蠔油生菜，哈！

之前知道呢間係北角名物 晏晝2:30嚟到都要排兩三張枱先入到魚蛋魚片頭幼麵（撈）$48魚蛋同平時食開嘅潮州魚蛋唔同 口感鞋少少 彈性唔高 但魚味幾濃 撈麵有驚喜！個汁岩岩好 以為會好重醬油 但又唔會啱啱好 好惹味！可以遮過麵本身的鹼水味 食落去幾滿足切腩粗麵（撈）$52見到佢有幾種牛腩 試左最切腩先 味道同普通嘅粉面店一樣 偏瘦果種肉質好鞋 個人麻麻哋 咬唔開 可以唔使試 粗麵都幾好食 口感幾正 粗麵同幼麵一樣出色 可以睇自己鍾意食開邊款整體嚟撈麵都唔錯 不過如果特登去嘅話就唔會路過嘅話又想食魚蛋粉會食

第一次到安利，是因聽說他們的切腩撈粗好好味，所以有魚蛋唔食，點了切腩撈粗。粗麵爽口，掛汁的調味都恰到好處，相當不錯。而一直抱有期待的切腩就… 。望望個色水，心知不妙，似乎是一般雪藏貨。果然味道平平，只吃到鹵水味，沒有肉香，對這個切腩好失望。安利明明是魚蛋粉麵店，還是乖乖來吃碗魚蛋魚片河。坊間好多名氣魚蛋，好似食左陣風，自己就覺得麻麻。個人比較喜歡有些粗質感的魚蛋，像安利這種，有少少粗糙，帶有魚味，幾合我口味。加上河粉夠爽滑，總觀來說是碗不錯的魚蛋魚片粉。想吃牛腩還是留待去專門吃牛腩粉麵的地方，不要浪費quota，要吃還是可以來試試魚蛋魚片吧。