孜然燒自然滾

喺旺角行街，突然想食花甲粉同串燒，Google map搵到附近呢間店。最想食既花甲無晒，淨係揀左串燒。價錢合理，比我地平時喺屋企附近食既相對平d。外賣拎到返屋企雖然已經暖左唔熱，但整體味道比預期好。味道唔錯，蒜味重，幾入味。茄子、金菇、海鮮都大份。唯一係雞串無乜雞味同埋細件，但配菜係唔錯幾爽口。伙記幾有禮貌同交帶，感覺有誠意。鋪頭係內街，人流唔多，可以支持下，下次會再試下堂食。…查看更多

前幾日夜晚去咗一間燒烤串燒店，諗住未試過試吓，一開波嗌左個雞軟骨、羊肉串同金菇肥牛，估唔到又燒得幾好食，試過其他店燒得麻麻，佢哋整得好好食外脆內嫩，忍唔住又嗌多咗個免治雞肉棒、牛舌，結果又OK喎，好佩服佢哋調教嘅味道係剛剛好，服務都好好，服務員仲推介左佢哋嘅冷泡茶，個翡翠仙子好好飲，食完燒烤串燒飲埋個茶，一解油膩感整體上都10分滿意。我好少寫食評㗎，真心推介比大家有興趣可以去試吓🥰地址係旺角花園街120號先达側門對面…查看更多

昨晚和幾個朋友經過呢間串燒店，諗住入去食D野傾吓計，我地點左燒茄子、燒生蠔、酒煮涼拌花甲、大蝦、燒翠肉瓜同雞腎，出乎意料真心好食，茄子同生蠔燒得剛剛好，連埋D蒜蓉食一流個涼拌花甲同大蝦亦都非常鮮甜，忍唔住再試多幾樣，佢嘅粟米、燒豬大腸、蒜蓉金菇都好好味。最佩服係佢樣樣都燒到剛剛好。味道係覺得嘢味宜又唔覺得咸，最終我哋諗住食少少，點知嗌咗個double，價錢亦都合理。記得要點埋佢哋嘅冷泡茶都非常好飲，茶味回甘，本身食完都唔覺得油膩，再飲埋個茶，感覺好似冇食到燒烤嘢食咁真心值得推介…查看更多

嬲到第一次寫食評 經過搭車 見到新開串燒店 裝修幾靚 見太大雨就入左去避雨 叫左十幾樣野 真心覺得難食 從來無食過咁難食 雞軟骨無味 雞翼見燒得幾靚 咬落去得孜然味 雞腎只係食到鼓油味 所有食物都無味 唔怪得個場咁靜 食完一肚氣 仲有一樣野 唔記得係咩食物 雞肉定唔知牛肉 用鬆食粉嗱到無晒肉質感 總知就係伏 所有食物都係無味 好似係街市買完就咁串上去 行過廚房仲見到入面廚師無帶口罩 係度食煙 大哥呀 你噴晒口水入去邊個敢食 其實今時今日飲食業已經好難做 如果無心做 不如唔好做 出泥食野 要求唔洗話好好食 但都唔好hea 到咁啦 將無醃過肉串上去就話串燒 …查看更多

再次返來幫襯☺️燒牛肉丸、燒雞軟骨、燒雞腎、燒羊髀肉、燒豬頸肉.呢個串燒明顯比上次大串左，好正👍同埋擺盤裝飾，都幾有心機涼拌豆腐又麻又辣又滑，好食😋燒金菇肥牛大大串，底食燒羊架一定要試，好食仲試左佢哋新出的套餐 ，口水雞髀飯 $48全日都係$48元今次來到，佢地酒牌落左來Asahi/藍妹 $32/枝 青島 $28/枝呢個價錢總便過大排檔，劈酒一流哈哈哈…..店鋪地址：旺角花園街120號（先達紅Van）孜然燒.自然滾…查看更多

平時收工行過見到 最近終於約到朋友一齊去食 入到去坐低先叫左幾個涼拌小食 都好食開胃 👍🏻之後落左佢地推薦既鵝肝多士同麻辣小龍蝦🦞 我哋仲另外點左個燒鰻魚飯團🍙 首先上既係鵝肝多士 多士烘得岩岩好 唔會話烘太耐太黑或者烘唔夠太軟 鵝肝我覺得算係大舊抵食果啲 😋 我鍾意佢哋淋係上面個汁 😍 三樣嘢夾埋 一個字 正 之後佢地麻辣小龍蝦🦞 我唸約莫有廿零隻左右 肉質鮮 好味 佢哋個燒鰻魚飯團🍙 108$ /4件 好味 佢哋用燒既方法來出 燒到個飯團外脆內軟 入面仲加左飯素 食落去既口感 好好味 好特別 之後就到燒烤♨️ 佢哋嘅燒烤好有大陸風味 大陸果種感覺 食完再番轉頭點 特別係生蠔🦪同雞皮 生蠔大隻夾好食 上面啲蒜蓉夠曬惹味 👍🏻👍🏻 咁食燒烤飲酒🍻一定少不了 佢哋有Asahi 可以叫 個侍應見我哋飲酒向我哋推介左個河老川同雞皮 咁我哋當然有點到啦 河老川上枱試左好食 脆 送酒一流 👍🏻之後仲加多份 雞皮都係 燒到脆卜卜 兩樣都係送酒之選 而且樓面個員工見到我地無酒就會即刻過來添 又會問我哋啲野食點 俾下意見佢 我覺得樓面來講算係健談果類 最後埋單千零蚊左右 我五個人食 好抵食😆🍻 下次可以再同班朋友來食…查看更多

麻辣串串+串燒好喜歡麻辣味，口味比較香麻，幾正👍燒羊髀肉，啖啖肉超正😊燒金菇肥牛：好大一串，底食燒滷水大腸 ：有少少鹹，需要改善燒雞軟骨：值得再食燒牛肉串：啖啖肉燒烤嘢未，不會太鹹，平時食燒烤，一定會飲幾罐肥仔水，今次只飲咗一罐😊老闆同我介紹，佢哋的燒烤偏向小鹽，冇味精，所以不會好口渴👍老闆仲話嚟緊有生啤飲😋等酒牌落嚟，會再去.同埋個服務很好👍店舖地址：油尖旺區旺角花園街120號（快富街花園街）孜然燒.自然滾…查看更多

又一次比啲圖片呃左….約左一班朋友食串燒，聚一聚，見到呢間新既串燒店，有少少伏…因為未齊人，一開始叫左幾個小食，啲小食都ok,好食，餃子同前菜都好食，之後朋友到齊就叫左啲串燒，有肉有菜，啲菇既翠玉瓜….完全無味，要自己加孜然粉，跟住叫左一堆串燒同燒蠔，個燒蠔Ok,有味，但啲雞亦同腸仔….原全接受唔到，啲雞亦有血（仲流緊），而腸仔….無味，又係要自己落粉，個羊架都係無乜味，個人覺得啲肉既串燒完全無醃過，個人覺得野食貴，同埋店舖申請緊酒牌，要自帶啤酒*唔好叫雞翼尖（好重雪藏味）賣單：6個人，食左$19xx無下次…查看更多