孖寶去骨海南雞 (又新街)

一家人食飯又唔想煮，近近地去又新街間孖寶買外賣先，五點幾去到已經全店滿座，仲有幾個人等緊外賣，十分熱鬧。點左一個孖寶4人餐，另再加左半隻燻蹄，家人愛肉嘛，全部點哂啲啖啖肉嘅餸😆⭐無骨海南雞個餐可選海南雞或口水雞，揀左要海南雞🐔，一隻雞放得滿滿的，已去骨方便食。雞件嫩滑鮮味，雞皮下唔多脂肪，啖啖肉好正，再點下醬料更鮮味🤤⭐蠔油時菜一盒生菜份量足。⭐魚香煎肉餅煎得脆口，咬落真係有鹹魚香喎，幾好食。⭐梅菜扣肉醬汁調味唔錯，扣肉半肥瘦炆得入味，梅菜吸左醬汁同豬油超好味，淨係梅菜都可以食幾碗飯，下飯之選😆⭐狀元燻蹄另加的半隻燻蹄，同樣炆得好入味，咬落彈牙好有膠原感，正😋⭐靚湯跟餐的例湯南瓜雞腳湯，好鮮甜，一飲就知係無味精靚湯。⭐油飯飯可選油飯或白飯，揀左四盒都係油飯，入口香口，好味😋一家大細食啱啱好，呢個餐真抵食😋…查看更多

幫襯咗10年都keep住高水準，抵佢經常排隊！好多單，一單接一單，不過堂食流轉速度高，外賣單都好多，員工pack外賣快手！套餐吸引，包湯同一碟菜，除咗雞之外仲有啲餸同小食。海南雞飯最重要係隻雞（就算師父點叻都整唔好），齋睇雞皮已知唔hea做，賣相整齊唔會甩皮甩骨，入口爽，亦保留到一層膠原蛋白🤭雞肉唔鞋唔韌有彈性，就算雞胸都對辦，唔會太生同好多血跡，食得舒服。份量嚟講正常，唔會話太少食唔飽。跟齊三款醬（薑蔥醬，酸辣醬，甜豉油醬）。跟餐送粟米紅蘿蔔南瓜雞腳扁豆湯，夠火候夠濃，南瓜煲到溶再夾埋粟米夠哂甜。油菜份量多～可選配油飯或白飯。個油飯幾好食，唔係hea整！元蹄腍夠入味，滷水味道適中。魚香煎肉餅香口啖啖肉送飯一流。…查看更多

聽講元朗有間無骨海南雞飯又抵食又好食，而且一間舖頭入邊有多元化嘅選擇，唔單止有海南雞飯仲有滷肉飯。同朋友兩家人決定買唔同嘅飯返屋企一齊食，首先我哋買咗三個大嘅海南雞飯油飯，另外買咗兩個滷肉雞翼飯、滷肉雞扒飯、同埋一個燻蹄。一打開合，分題香氣撲鼻佢唔會太肥味道啱啱好，無骨海南雞入口嫩滑配合埋油飯剛剛好，而且買外賣佢配嘅醬汁都非常之足料，每一樣都執得好齊呢一點我哋好欣賞佢，滷肉雞翼飯小朋友至愛，最喜歡佢味道唔會太濃，真係適合一家大小都可以食，滷肉雞扒飯返到屋企都仲係好香脆，而且呢個價錢雞扒都係大大塊，所有飯都係非常之足料，佢仲送咗南瓜甘筍粟米湯，淨係睇個顏色都知特別濃味。…查看更多

今日去元朗做嘢，諗住去又新街逛吓有冇嘢買。見到好多人買外賣，湊熱鬧見到原來係海南雞。左睇右睇揀咗一個孖寶二人餐：半隻去骨海南雞；夠晒嫩滑；仲有佢哋自家出嘅三種配料。另外配個餸我揀咗魚香煎肉餅；好有鹹香味，五件大大件；送飯一流。另外包個時菜同兩個飯。仲有兩個無味精雞腳，蘿蔔粟米湯；非常好飲；啱晒我哋啲寡佬。百幾蚊咁多嘢，覺得幾抵；難怪咁多街坊幫襯。…查看更多

今日同朋友係元朗約左食海南雞。先講半隻去骨海南雞，雞肉處理得相當細緻，去骨後切件工整，皮薄而油香，肉質嫩滑，入口有淡淡雞香同微微鹹味，唔會過重調味，保留咗原始嘅清甜。配埋雞油飯，飯粒分明，油香滲透其中，食落唔會覺得膩，反而有一種柔和嘅香氣，令雞肉同飯互相襯托，係一個經典嘅組合。口水雞方面，例牌去骨，肉質同樣保持嫩滑，但調味就完全唔同。麻辣醬汁香氣撲鼻，花椒嘅麻同辣椒嘅辣交織，帶出層次感。醬汁唔單止辣，仲有微微酸甜，令雞肉更惹味。入口先係麻香，再係辣勁，最後留低一陣甘香，食到停唔到口。相比海南雞嘅清淡，口水雞就係一個強烈對比，令成餐更有變化。鹽酥雞外皮炸得香脆，金黃誘人，咬落有「卜卜脆」嘅聲音。調味用咗胡椒鹽，香氣四溢，雞肉保持多汁，唔會因為炸而乾柴。呢款小食同主菜相比，係一個輕鬆嘅插曲，帶出街頭風味。油菜就係簡單清炒，保持爽脆口感，油量控制得宜，唔會太油膩，亦有助平衡成餐嘅肉食比例。飲品方面，熱檸檬水清新解膩，酸香自然，暖胃效果好凍檸樂就係港式經典，檸檬香同汽水嘅甜酸融合，冰涼爽快，特別適合配鹽酥雞同口水雞，減低油膩同辣勁。…查看更多