影片
離離合合不只是情侶，可以是餐廳合夥人！當有人被私有化*，另一創辦人卻另起爐灶，找到丈夫從出江湖，帶領部份舊員工，創立了「嬌姐小廚」，懷念「合時小廚」菜式的客人，現在可以再回味！不過話說回來訂位並不輕鬆，因為啟業以來，一席難求，大家又要耐心排吓隊。（*名震一時的「合時小廚」已成為 Club Batard 私人會所中餐廳)幸好遇上朋友攪局，無需望穿秋水，預先訂菜盡嚐招牌菜，嬌姐及其丈夫華哥，正是新店的主理人，來者不乏熟客，當晚不時親身招待。花彫鴨舌凍似肴肉做法，鴨舌起肉與醉汁定型，每件整整齊齊，長方透明磚頭，杞子、蜜瓜球及鴨舌清晰可見，魚子醬放頂點綴。造型精緻，味道討好，集鹹香、清甜、肉味於一身。碧綠蝦皮餃酥炸蝦膠，外型似餃子，餡料有蝦膠、紫菜及冬菇，配沙律醬 ，棉密質感，餘韻鮮美。韭菜花銀魚小炒皇有腰果、蝦乾、魷魚粒等與韭菜花同炒，乾爽冇汁水，惹味夠鑊氣。千島煙肉餅很有煙燻香，因為內藏煙肉，餡料主要是蝦膠，配千島汁。口感方面與碧綠蝦皮餃有點相似，但各有風味。火焰蝦久別了的火焰蝦，其實我幾鍾意，只不過有點殘忍！新鮮蝦加玫瑰酒浸2分鐘，生蝦受刺激生猛跳躍，然後猛火燒熟，因此肉質保持鮮嫩，每一口皆有陣陣酒香，非常美味！剁椒蒸馬友肥美的馬友，因為不是活魚，以剁椒是個好主意，效果理想，是香惹的鮮味。杏汁菜膽燉豬肺湯足料久熬，奶白醇厚。馳名香妃雞雞的質素唔錯，皮滑肉嫩。黃金炸吊片外酥脆內鮮美。肉蟹新鮮，花雕雞油美味，冬粉吸盡精華最搶手，永遠覺得不夠。特色鮑魚麵造型突出，配個塔裝飾真盞鬼！滋味鮑魚配脆麵，好吃。豬油渣炒芥蘭豬油渣炒菜，始終更香。黯然銷魂飯潮流菜式，沒有不好吃的道理！處理認真，煎荷包蛋上有豉油，半肥瘦叉燒厚切大片，吃得滿足。合時甜品芋頭西米南瓜露，清甜可口。同場加插，食友帶來的脆蜜柑桔，如其名，皮脆肉甜蜜！
繼續閱讀
13918 瀏覽
近日不少報章都有刊登有關灣仔新店「嬌姐小廚」嘅報導，每篇例別講起嬌姐夫婦與「合時小廚」嘅淵源。XO仔自認人面唔夠廣，由「合時」紅到開分店，到最近會所化埋仍未有緣一試，月初都係托靚靚替腳auntie鴻福，先有機會搭人張大枱體驗吓咋。嬌姐走咗出黎開新檔，自然好多熟客爭住捧場，據悉要等到蛇年先有位，似乎去到邊都繼續一位難求喎！日光日白下，藍灰嘅門面唔係咁起眼，要天黑影先突出啲。用餐大堂光線充裕，無奈散枱擺得勁密，午市滿座仲嘈過酒樓，服務生唔知係未上手定係發老脾呢，換碟、加酒水等功夫都要自己黎囉！中餐廳午市同晚市都係同一個餐牌，為怕到時先叫乜都冇，AA制嘅九男女飯焗早已訂好菜單。花雕鴨舌凍（$198/六件）：晶瑩剔透嘅啫喱冷盤厚而彈身，睇得出每件中間都有件鴨舌同妃子，連魚子醬食落口，魚子醬嘅鮮濃似乎搶哂所有味，唔講真係食唔出有花雕妃子香。百花蝦多士（$68/件）：蝦多士一碟過跟意頭好好嘅壽星公上，睇落好有氣勢，但同時難免貴客會對比蝦多士及紅蘿蔔嘅色澤。啡啡嘅蝦多士第一啖已食得出千年油嘅油膱味，百花蝦膠除咗欠缺爽彈之外，亦奪走咗蝦隻原有嘅鮮甜。最弊就係入面勁多蝦殼，失敗透！口水雲吞伴皮蛋：此餸因內含花生，小肥唔可以食，不過聽到席上兩位SM長輩直言阿茂菜式九唔搭八，食材亂溝一通，完全唔掂當！翡翠蝦皮餃（$180/四件）：菠菜羮底本身柔潤滑溜，芳香清甜，蝦皮餃咬落都幾爽彈架，餃中嘅菜菜亦相當脆嫩，不過敗筆在於蝦膠即使冇炸過卻有陣強烈嘅膱味。。。花雕雞油蒸馬友（時價）：以雞油蒸出嘅馬友魚肉軟滑就夠軟滑，散發出嘅花雕香都好芬芳，唯一魚魚唔夠熱，蒸魚大忌也！濃湯沙白豆苗：原煲上嘅浸菜熱力十足，湯底濃甜暖胃，豆苗都好軟腍，沙白肥美冇沙，係咁多味之中煮得較好嘅一道。膏蟹蒸肉餅：肉餅以原隻膏蟹拆咗黎蒸，賣相夠哂睇頭！厚厚嘅肉餅唔算實，但亦談不上鬆嫩，精髓係膏蟹嘅鮮味滲咗入啲豬肉度，實有點精之效。焗少爺豬扒飯煎雞蛋（四位起；每位$85）：焗豬扒飯用上勁多嘅芝士焗製，並由專人負責分。可能招牌名菜俾人讚得太激啦，大家嘅期望過高，所以失望好大，長輩們啲評價堅狠！如相所示，啲蛋蛋煎到熟哂，冇一隻流心，硬咗嘅蛋黃只會增添嚡口；細佬碗中件豬扒又硬又實，毫不鬆爽，二筒uncle之後靜靜雞話佢嗰碗仲玩野，淨係得舊豬骨；飯底又濕又軟，少爺邊洗食軟飯架，叫「姑爺飯」就差唔多，結論竟然係大X樂個焗豬扒飯好食同抵食得多！灣仔人氣中菜館「嬌姐小廚」環境光鮮但坐得比較迫挾，預訂嘅招牌菜講真驚多過喜，質量偏低，冇一味推介得落手，服務及餐飲都有好大嘅進步空間囉！
繼續閱讀
多年前食過西灣河合時小廚，後來越來越出名，訂位就越來越難。事過境遷，現在兩位創辦人自立門户，先試試嬌姐這間。小插曲是前幾日已作電話訂座，前一日我們亦有打電話確認。當日準時到達後店員卻説沒有訂位，擾攘一輪後才説有一檯客人失約才有一張空枱，後來見其他食評都有提及訂位方面的問題，各位食客如欲光臨這間餐廳，謹記再三向店員確認。極品茶皇雞 (半隻) $330 ★★★★★茶皇雞是合時招牌菜之一，擺盤精緻，雞皮薄薄炸得香脆，肉質鮮嫩。上菜時已聞到淡淡茶香，味道也有一陣很輕柔的茶燻香味縈繞在整塊雞件。燒汁三菇牛柳粒 ($198) ★★★★✰以一般中菜廳來説接近$200一道牛柳粒是偏貴，不過份量也算慷慨，不會菜蔬完全淹沒牛柳粒。而且雞脾菇、野菇等很有新鮮菇味，搭配爽口的彩椒口感很豐富。燒汁則是較接近瑞士汁偏甜的醬汁，不過勾芡做得很好，醬汁剛好黏住所有蔬菜及牛柳粒而不會太濕。蟹肉扒芥蘭 ($168) ★★★★✰芥蘭煮得腍身，蟹肉芡也不吝嗇，清清哋餸飯一流。另一小插曲是我們點菜時確認覆單沒問題，上菜時卻上錯瑤柱芥蘭，我們指出要求換回正確的菜式時，店員卻支吾以對，沒有拿走上錯的那道菜，試圖讓我們接受煮錯的瑤柱芥蘭。我本來不介意也不願浪費食物，但該店員沒有正面回覆我們的要求而藉詞推搪，這樣的對答令我有點不舒服，我認為不應是這種級數的私房菜應有的服務。最後出動經理才給我們換回原先我們叫的蟹肉芥蘭。焗少爺豬扒飯 ($85一位) ★★★★★焗豬扒飯絕對是嬌姐/合時必食的名菜，不過份量不少，一人能分到兩碗飯，醬汁也頗膩，所以叫的話要留意食物份量留肚食。這大圓鍋豬扒飯賣相壯觀，店員讓我們拍照後會幫我們分飯，碗上放上燶邊太陽蛋，非常吸引。炸豬扒切得厚度適中，加上肉質確實鬆軟，很容易撕咬；炒飯底與番茄醬拌勻後仍粒粒分明，番茄醬除了茄膏底味外還有很多番茄粒，切到略大於飯粒，令到一芍飯同時食到飯粒番茄粒，還有芝士拉絲，所有味道混和確實是焗豬扒飯的天花板，尤其這麼大鍋很難控制火候，絕對有難度分。美中不足是我略嫌醬汁有點氾濫，豬扒份量不少，所以我希望飯的比例可以多一點。 南瓜西米露 ★★★★✰免費中式糖水也是合時傳統，每碗到分到不少南瓜與西米，"not too sweet"適合香港人口味，是非常令人滿足的finale。整體而言，我相信嬌姐大致保持得住以前合時小廚的食物質素，烹調模式、手寫菜單以至整間餐廳的營運模式與以前西灣河合時無異。唯獨訂位方面及某些部分的服務有待改善(但所有店員大部分時間也很友善)，可能食客太多或者令店家隱隱滲出一種「唔憂做」的態度，希望以後各方面都會更對得起餐廳的名氣。
繼續閱讀
離晒大譜，早2個月前book位，一早講明6位，去到比張4人枱我，加2張圓凳就話係6人枱，跟住話今日full冇辦法，即係焗你一係食一係唔食，有冇搞錯，乜野服務態度。
繼續閱讀
今晚朋友聚會訂左嬌姐，朋友上次食完唔錯所以帶左我地黎試試某d 菜式係要預訂今次3個人蝦多士 -好新鮮既蝦👍🏻👍🏻蓮藕餅-好食既但蓮藕可以再多啲加強口感生炒糯米飯-呢個真係即刻炒出嚟出晒煙㗎好好食，好足料炒到啱啱好豉油雞-新鮮雞豉油味好香雞油馬友-雞油汁好香馬友新鮮嫩滑最後送埋個南瓜芋頭西米露👍🏻👍🏻👍🏻
繼續閱讀