影片
以上資料只供參考, 請與餐廳確認詳情
泰菜小店，打風搵野食無意中見到，見佢餐牌有一樣「事頭婆幫我諗食咩飯」咁得意，就試一試。叫左3樣野食：1. 「事頭婆幫我諗食咩飯」我估係次次唔同，今次嚟嘅係泰式豬頸肉飯，頸頸肉數量多，肉質新鮮，厚薄適中，味道幾好，咸甜適中，仲有d豆角一齊炒，送飯一流，盲盒期待值同味道成正比。2. 「泰式炒飯」揀左雞肉，冇雪味，又唔會完全冇味，肉質軟嫩，飯炒得乾身，調味適中，好食。3. 「船麵」揀左牛肉，有牛丸、肥牛、牛腩、炸豬皮，牛丸肉味濃，好好味，有驚喜。湯底夠晒濃，略嫌就咁飲湯咸啲咁dur dur，但配麵食係冇咩問題，唔會覺得過咸，而且味度好，我都仲係忍唔住飲多幾啖湯。三樣野食都對辦，相信其他野食都唔差。除左事頭婆飯有噱頭外，menu仲有其他得意野，呢d小店買少見少，值得繼續支持。
繼續閱讀