媽咪雞蛋仔

新派雞蛋仔，款色多，風味獨特！黑糖麻糬雞蛋仔，獨特黑糖口感配合煙靭嘅麻糬類軟外脆嘅雞蛋仔，口感層次豐富！肉鬆味雞蛋仔，甜鹹交集，恰到好處！還有其他多款口味和飲品，益力多綿綿冰，鍾意飲益力多嘅一定不可錯過，夏天來一杯，醒神又解暑👍👍…查看更多

呢間雞蛋仔好近學校，有陣時買完接個女放學佢好開心，好好食，包裝又好。但係今日經過見到已經結業，好傷心🥲真係好突然，上個禮拜先買完。最鍾意食香蕉朱古力味。希望遲啲搵到啱嘅舖位會再開返。…查看更多

媽咪雞蛋仔暫時係我食過數一數二好出色同一直保得住水準嘅雞蛋仔 都明點解可以係呢個小食巿場開到咁多間分店 屹立不倒 都真係有少少料到🤣 我每次都係叫個幾隻味 伯爵茶朱古力 芝士味 粟子都好食 佢每粒都好實心 真材實料 又唔會過淋 個蛋漿比例調得幾好 所以成日都要等好耐 價錢係比較進取 不過都貨真價實嘅…查看更多

雞蛋仔係我平日最愛的街頭小食之一。今次點了原味加朱古力和抹茶加朱古力口味雞蛋仔。雞蛋仔口感外脆內軟，食入口好香蛋味。加入了朱古力令到雞蛋仔更上一層樓，而我覺得抹茶味配朱古力是更好吃的。見到新出更有麻糬口味，下次試試先…查看更多

今日去咗南華會嗰度打波，打完波出嚟食個tea先見到希雲街嗰度有間媽咪雞蛋仔，消耗完啲卡路里即刻想食返啲邪惡嘢本身諗住叫雞蛋仔，但係見到格仔餅又忍唔住叫返我嘅最愛，下次先再次試雞蛋仔無論係雞蛋仔定係格仔餅都有好多唔同嘅款式，要試晒咁多款嘅話都真係要啲時間原味格仔餅$23因為係第一次食，所以都想試吓原味先因為係即叫即整嘅，所以都真係要等吓格仔餅落上手非常之熱，個邊係脆嘅，然後入邊係鬆軟鬆軟煉奶花生醬落得非常之重手，食咗半個已經feel到飽飽地平時食格仔餅好容易食到成手都係醬，媽咪雞蛋仔嘅格仔餅非常之貼心除咗出邊個紙袋之外，入邊仲用咗一層牛油紙包實，所以唔會食到好狼狽…查看更多