媽咪雞蛋仔

媽咪雞蛋仔周圍都有，小編去開黃埔呢一間！即叫即整好香脆😝而且比較餡料永遠都咁豐富😭🐷開心果格仔餅 新鮮出爐熱辣辣，外脆內軟，開心果香味幾突出，個醬料好夠份量！ 甜度適中，啖啖都有開心果香味🤣🐷宇治抹茶紅豆牛乳 抹茶味夠濃又順口，紅豆綿密，加埋牛乳好滑～媽咪雞蛋仔（紅磡黃埔店） 📍香港紅磡船澳街99號黃埔新邨地下1A15舖（港鐵黃埔站B出口）#黃埔 #黃埔探店 #香港美食 #甜品 #香港必吃 #飲食推薦 #hkfoodie #foodiehk…查看更多

不嬲又食開媽咪雞蛋仔不過都係食原味或者朱古力一聽到佢出芝麻湯圓雞蛋仔作為芝麻湯圓fans已經想去試 今日終於有時間過去買 見到都有人排隊原本以為要等好耐點知話咁快就有一攞到手聞落已經好香 原來佢將芝麻撈咗落個粉度 跟住每粒雞蛋仔都有糯米糍 熱辣辣嘅時候糯米糍重有拉絲嘅感覺！！好鍾意佢個包裝夠方便又環保 最緊要拎到返屋企食既然好脆 希望佢唔係淨係中秋節限定 有好多款飲品揀諗咗好耐最尾仲嗌咗個益力多沙冰 冇揀錯超級解膩甜到適中👍今日呢個下午茶真係大滿足！！！！！…查看更多

今日去左新光黃埔睇戲，睇完去左紅磡船澳街掃街，好多小食店，見到好多人排媽咪雞蛋仔，不過出餐都幾快，就試下新口味芝麻湯圓雞蛋仔🤣中秋限定，一底$56，另外仲有開心果格仔餅，一底$53熱辣辣新鮮整好雞蛋仔，粒粒都好飽滿，好完整一底，外脆內煙韌，咬開真係有麻糬內餡拉絲😍黑芝麻味好香濃，而每粒雞蛋仔都有麻糬，用料好豐富另外再叫左杯飲品，鮮榨檸檬冰沙🍋酸酸地幾開胃，天然果酸帶出沁涼清香，一口解渴，不錯…查看更多

今次同朋友行到黃埔站附近，無意中發現咗間好有人氣嘅小店——媽咪雞蛋仔。地點非常方便，就喺地鐵站出口走幾步就到，啱晒趕時間又嘴饞嘅人。我點咗佢哋近期好多人推介嘅「黑芝麻湯圓雞蛋仔」，真係估唔到咁出色！雞蛋仔啱啱出爐，外層香脆、入面軟熟，輕咬一口就聞到淡淡蛋香。中間夾住嘅黑芝麻湯圓非常香濃，芝麻味既厚實又細滑，唔會太甜，咬落仲有「爆漿」嘅感覺，暖笠笠好療癒。飲品選擇都有冷熱兩款，我嗌咗杯凍奶茶，味道唔錯，濃淡適中，配埋熱辣辣嘅雞蛋仔真係一流。兩樣加埋一齊食，有啲似香港人最愛嘅街頭幸福滋味，簡單又滿足。仲要讚下佢哋嘅細心位——雞蛋仔個紙盒有細細嘅釘孔設計，可以透氣，唔怕焗到雞蛋仔變淋，拎走食都好方便。…查看更多

📍媽咪雞蛋仔黑芝麻湯圓雞蛋仔真係超拉絲！平時食嘅麻糬雞蛋仔多數都係一粒雞蛋仔有一粒麻糬，呢個不愧係黑芝麻湯圓雞蛋仔，滿滿都係麻糬！好似唔使錢咁😂多到喺側邊爆曬出嚟！黑芝麻濃郁，雞蛋仔外脆內軟，加上煙靭嘅口感，好味！ps. 黑芝麻雞蛋仔係中秋限定，但而家佢仲有得賣，不過就唔知做到幾時啦，想試就快啲去試吓啦！特濃朱古力沙冰店員推介呢杯沙冰，真係好朱古力🍫 就算慢慢飲拎到返屋企都未溶晒🍧 估唔到幾好飲！…查看更多

之前中秋節臭屁熊係咁話要食芝麻湯圓，今日出街見到媽咪雞蛋仔出左芝麻湯圓味，就請臭屁熊食！超多人排隊，有成十幾個人左右，我就私心叫多杯港式豆花奶茶😎😎 芝麻湯圓雞蛋仔 （中秋限定） $56新鮮出爐，熱辣辣，中秋節限定嘅特別口味，雞蛋仔外脆內煙韌，食得出個餡似利X芝麻湯圓，每啖都好香芝麻味，湯圓皮都好煙韌，出奇地同雞蛋仔好夾！而且甜度啱啱好，可以一試！奶茶豆花 $30肌肉熊表示好欣賞係用港式奶茶，奶同茶比列啱啱好！真係做到茶餐廳風味再加個入口滑溜百X豆腐花，好飲！…查看更多

如果你係雞蛋仔迷，又鐘意創新口味，一定要試下媽咪雞蛋仔嘅黑芝麻湯圓味雞蛋仔！😍陣陣黑芝麻香已經撲鼻而來，雞蛋仔外層脆卜卜，內層又煙韌中帶住湯圓嘅滑溜口感，好似係食緊一場甜蜜嘅「雙重奏」！🎶 每一粒雞蛋仔仲有小小嘅黑芝麻內餡，香濃得嚟又唔會太膩，甜度啱啱好，真係越食越停唔到手！🤤至於配搭嘅鹹檸沙冰就更加係驚喜！🍋清爽嘅沙冰中夾雜住鹹檸嘅獨特風味，酸酸鹹鹹，飲落去有種即時解膩嘅爽感，仲可以中和返雞蛋仔嘅少少甜味，完美平衡！💦 一邊咬住香脆雞蛋仔，一邊飲住鹹檸沙冰，成個感覺就係：人生無憾！✨總結：創新又好食，鹹甜配搭一流！下次去媽咪雞蛋仔，記得要試下呢個 combo！👍…查看更多

星期六放工來紅磡黃埔掃街，食咗午餐，意猶未盡，當然就係食下甜品飲品啦，我個人最中意嘅香港小食就唔係魚蛋燒賣，係雞蛋仔啊，唔講唔知，友人就話呢間係媽咪雞蛋仔第一間街店，希望佢講得啱，傳統雞蛋仔味道不需多講，今日食下新味道，其實係我個人係好中意黑芝麻嘅，咁啱又見到有中秋期間限定嘅黑芝麻湯圓雞蛋仔，一定要食佢先，拿到時首先外皮特別脆感，濃濃黑芝麻香味，眼見到都係好多黑芝麻，內裡係煙煙韌韌又軟嫩又帶有嚼勁麻薯口感，餡料好滿，一啲都唔空身，一底好厚身，我認兩三個人摵來分享都足夠，最開心再加埋一杯芒果沙冰，開心週末…查看更多

今日去咗媽咪雞蛋仔買嘢食，佢哋新出嘅開心果格仔餅真係好出色！！😍好多款唔同嘅口味真係唔知點㨂好🤔所以我就揀咗中秋限定嘅開心果格仔餅試吓😳焗到金黃香脆，咬落去外脆內軟🤤上面搽咗開心果醬，再加碎果仁，堅果味好香濃，甜而不膩🤤食完仲有回甘味～ 拎住邊行邊食都好方便！😚奶茶沙冰方面，入口冰涼滑溜，奶香同茶味比例啱啱好，唔會太甜🙂‍↕️仲保留咗少少茶澀味💚好啱香港人口味！天氣熱飲一啖，成個人即刻醒神晒😋😋開心果格仔餅配奶茶沙冰依個組合絕對可以一試🫵🏻地址：紅磡船澳街99號黃埔新邨地下1A15號舖…查看更多

細個食唔少雞蛋仔、格仔餅，而家多咗好多新口味！近年較出名嘅有媽咪雞蛋仔，仲要係米芝蓮！佢哋都真係好多創新味道，仲要好多間分店，間間都好多人排～🧇開心果味格仔餅 $53中秋限定口味，雖然價錢唔平，但入面勁多開心果醬，好濃郁，又香又脆，熱食更好食更香更正🧋媽咪奶茶奶香茶香都好濃，味道平衡，好醇好滑好好飲🚩媽咪雞蛋仔 (紅磡) @mammypancake.hk 📍紅磡船澳街99號黃埔新邨地下1A15號舖…查看更多

講到香港地道小食，雞蛋仔同格仔餅必定係排頭三位，我平時最鍾意食媽咪雞蛋仔，覺得佢哋邊間分店嘅水準都勁高，今次紅磡呢一間個位置亦都相當方便，喺黃埔地鐵站出嚟行過美食街嘅街尾就到！未行到店舖就已經聞到佢新鮮出爐嘅味道，難怪呢度成日都咁多人排長龍！最近開心果真係大熱，周圍都有賣開心果味嘅嘢，不過當然唔係間間都好食啦，我今次就選擇咗喺媽咪雞蛋仔度買中秋節限定嘅開心果格仔餅，結果真係冇令我失望，格仔餅外脆內軟，新鮮出爐真係勁香又好味，本身格仔餅嘅蛋香味好濃郁，開心果醬亦都唔會過甜，而且口感都唔會太結實，口感順滑之餘亦都有粒粒開心果喺面，真心好正！下次一定要試埋佢個芝麻湯圓雞蛋仔！飲品我就叫咗奶茶豆花，好順滑好好味，奶茶濃郁，甜度剛剛好！而呢個水準，抵攞到米芝蓮指南推介街頭小食咁多年！…查看更多

媽咪雞蛋仔有中秋限定口味啊！！係黑芝麻湯圓雞蛋仔、開心果格仔餅啊( ๑॔˃̶◡ ˂̶๑॓)◞♡ 太開心了吧！為咗應節 所以今次揀左湯圓雞蛋仔～成件事都夾喎！本身以為係將成粒黑芝麻湯圓塞入去 所以都驚好漏好滯點知原來係黑芝麻做雞蛋仔嘅𝒃𝒂𝒔𝒆 麻糬做內餡 咁樣反而唔會太甜ʕっ•ᴥ•ʔっ黑芝麻味都夠 外殼依然好脆身 麻糬餡好大粒 軟糯又拉絲自私食左一底 勁飽肚哈哈～睇圖見開心果格仔餅啲醬同碎碎好重手 一於下次試埋佢！…查看更多

全新抹茶麻糬雞蛋仔！！媽咪雞蛋仔又出新口味啦今次呢個抹茶麻糬雞蛋仔真係幾正😍外層係綠色嘅抹茶味雞蛋仔，咬落脆卜卜😍中間包住黑糖麻糬，煙煙韌韌好有咬口，而且仲拉到絲添😆除咗有黑糖麻糬，仲有原味白麻糬選擇，下次都想試下！依家買任何口味雞蛋仔，加$25都可以加配麻糬👍🏻暫時媽咪雞蛋仔都係我心目中最好味嘅雞蛋仔，每次都做到外層香脆，內層軟熟，而且水準仲好穩定！另外，佢嘅外賣袋都好有心思，用咗好多個窿窿嘅設計，咁就唔洗驚啲雞蛋仔會變淋啦👍🏻平時通常我會叫杯鮮榨檸檬茶邊食邊飲，夏天飲非常解渴！…查看更多

明明食飽飯🐣行過都硬係要食番個雞蛋仔🤗由細到大雞蛋仔同格仔餅都係comfort food就算食到幾飽都好，一見到個肚仔都總係可以騰出到空間一向係原味雞蛋仔嘅超級粉絲好日都唔望下個餐牌，突然見到原來有黑糖麻糬最鍾意呢啲煙煙韌韌嘅嘢，點都要試吓鐘意食媽咪雞蛋仔嘅原因係佢地Keep 到個水準就算好多單或就嚟收舖時段都唔Hea 你外脆內軟就必定架啦，犀利在於每粒雞蛋仔都做到飽滿，粒粒都有麻糬！口應煙煙韌韌，甜度又啱啱好原味以外呢個都真係幾好另外仲order咗杯凍抹茶豆花牛乳🍵感覺似食緊抹茶豆腐花，原來都幾夾！當甜品食都仲得！…查看更多

即叫即整媽咪雞蛋仔, 好出名㗎，成日都排長龍。我仔最鍾意食香蕉朱古力雞蛋仔，仲有格仔餅同pancake雪糕都好好味。只做外賣, 沒有堂食㗎。媽咪雞蛋仔由創辦人於2009開設第一間紅磡黃埔街店，希望能做出小時候記憶中傳統雞蛋仔的味道，並開始著手研發做出特別脆感的外皮，內裡還能保有軟嫩帶有嚼勁口感的雞蛋仔，只為能夠讓自己的小孩吃到母親兒時回憶的傳統雞蛋仔，創辦人為了保留這份溫情，並以「媽咪」作為店名開始了香港紅磡第一間創始店，成為「媽咪雞蛋仔」的由來。媽咪雞蛋仔連續六年獲選米芝蓮2016-2021香港街頭小食推介。…查看更多