媽咪雞蛋仔

營業中

休息中

媽咪雞蛋仔可以話係香港雞蛋仔界既代表之一，亦都係身為雞蛋仔魔王既我飛佛之一！蛋香撲鼻～～離遠都聞到之餘，食落去仲脆卜卜，粒粒咬開次次都爆餡，唔會好似出面d雞蛋仔咁空心，簡直足料又飽肚～朱古力更係我最愛～半融既朱古力粒再加埋好香既蛋漿，實在美味😝另一款都幾受歡迎既抹茶紅豆都唔錯，又係粒粒都有紅豆雖然而加有得加埋雪糕，但我都係覺得原始既最好，太多野加埋一齊只會搶fo，食唔到雞蛋仔原有既美味～就連原味都同一般既雞蛋仔唔同，零舍香口😎真係難怪邊間分店都咁多人排隊😂

位於元朗的媽咪雞蛋仔，是一間榮獲「米芝蓮街頭小食推介」美譽的小食店，而且曾經獲多次星級推介。作為一個雞蛋仔控，只是吃過一次，實在心有不甘，是晩吃完拉麵不飽，便走去柯打一份香港街頭美食啦。香蕉朱古力雞蛋仔$28雞蛋仔的搭配囗味真的超多，價錢由$20-28不等，是次選擇男友想吃的朱古力和我想吃的香蕉，弄一個香蕉x朱古力的版本。雞蛋仔製作需時，焗製後用風筒吹涼一點點，確保外皮不會變得腍身，才供客人食用。雞蛋仔外層微硬超脆，咬下脆卜卜，有如薄片窩夫餅的香脆囗感，用手撒開也不會輕易爛掉，大大加分。內裡保持軟糯彈牙的囗感，按下回彈，且有香甜的香蕉和朱古力點綴，一人吃兩底也沒難道，好好吃阿

今日特登出去買雞蛋仔勁失望勁嬲之前喺上環食嗰間好好味但第一次食元朗嗰間雞蛋仔又唔脆又醜樣好似食麵包咁！希望佢哋可以改善下認真啲整雞蛋仔今次係我食過整得最失敗嘅雞蛋仔

經過聞到，香味撲鼻，被香氣吸引住， 不過趕時間，mark 低，下一次一定要試，行近看，有好多款飲品。 聽人講話好好味， 但係始終未試過 ，他們比起一般普通的雞蛋仔，有好多味道同其他 款式，不過價錢都比較貴。

食過呢間店好多次分店遍布全港九元朗荃灣旺角店都食過味道水準均一都係即叫即整餡料足個人覺得食完都幾飽肚！特別係有機栗子味！最推介抹茶朱古力味岩哂鐘意抹茶同朱古力味嘅朋友兩隻味超配！ 必食推介！抹茶朱古力雞蛋仔$28即叫即整熱辣辣外面係抹茶味道嘅脆皮而入裡就係啖啖嘅朱古力醬超足料！雞蛋仔入面都係滿滿嘅朱古力醬！$28黎講真的不錯！必試推介！有機栗子雞蛋仔$30個人覺得呢款係較為飽肚嘅一款又係極之足料！外脆內軟 入裡都是滿滿的栗子好似食緊栗子咁好味！岩哂鐘意栗子嘅朋友！

看似平凡的雞蛋仔專賣店，售賣各式各樣不同味道的雞蛋仔，除了有港人最愛的原味，亦有香蕉、朱古力、紫薯蕃薯等口味任君選擇。這次我選擇了平時很少機會吃到的有機栗子雞蛋仔，賣相跟原味雞蛋仔分別不大，但內藏驚喜! 在外脆內軟的表面下，藏著粉粉的栗子粒，很是好吃。即使要花些時間等候，也是物有所值!

雞蛋仔真的是由細食到大，而今日在元朗經過見到媽咪雞蛋仔，它有好多分店，上次在上環店都沒有試過，錯過機會，今天吃飽了都要親身品嚐一下。門外擺放著大大個餐牌，款式很多，有咸有甜，大部份都是甜食，看起來很吸引。我選擇抹茶味雞蛋仔，等了大約10分鐘，熱辣辣的雞蛋仔在手了，每粒形狀比傳統雞蛋仔細少少，囗感較厚較煙韌，抹茶味不是太濃，但都還可以，整體而言，食落去比較實在，不會覺得有輕飄飄的感覺，口感豐富，不錯。

上次食既雞蛋仔唔好味，今日經過就買左原味雞蛋仔，諗住比多次機會佢原味比之前既綠茶朱古力好味好多，有蛋香唔會太甜，外面脆入面係蛋糕仔咁~最重要要即叫即整，唔係一早做好放到凍晒~拎上手熱辣辣😋

眼見依間好出名既雞蛋仔係元朗開左分店，成日心郁郁想試~今日終於買左抹茶朱古力試下因為即叫即製所以都等左陣，拎到手仲熱辣辣係加分既👍🏻好開心咁食第一粒，外脆內軟唔係空心雞蛋仔，粒粒都有半溶既朱古力~但係！🙁抹茶味係好少好少超淡味，而朱古力味係0，明明每一part都有朱古力粒點解會無朱古力味！朱古力控既我好失望🙁我覺得唔好食！

適逢今日早收工還掂今晚無野搞就同成班同事入元朗覓食醫下肚先早前有朋友一直介紹呢間既格仔餅但一直都無時間去紅磡食不過今日發現原來元朗都有分店還掂經過就一於去試下先！我叫左原味格仔餅可能夜晚既關係買既人都唔算多所以等左陣5分鐘度就有得食格仔餅係即叫即整所以拎上手仲熱騰騰夠哂溫暖食落外脆內軟而且花生醬既份量唔會話太少雖然偏甜食落有啲漏但整體上都足料大份夾抵食既朋友都無介紹錯下次出返紅磡試下個招牌雞蛋仔先

因為得到米芝蓮小食推介而非常出名既媽咪雞蛋仔..每次經過間間分店都必定會見到一堆人係度等緊..今日經過元朗呢間分店 加上未食lunch好肚餓所以就決定買一底粒粒朱古力味黎醫下肚先~!!見到店入面得1位員工..又要收錢又要製作..都幾辛苦所以預左要等耐d 都OK結果等左大約15分鐘就有啦~ 都比預期中快呀粒粒朱古力雞蛋仔$22首先...我覺得$22一底雞蛋仔其實係偏貴左少少..其次..佢個名叫粒粒朱古力..我真係以為雞蛋仔入面會食到一粒粒既朱古力架...但原來唔係...只係佢係用一粒粒既朱古力去製作但係到完成品 朱古力係會融合落去雞蛋仔度..唔會食到一粒粒呢個令我有d失望...個名有少少misleading /^\!第三...整體上雞蛋仔無乜蛋香...而且只係半實心...另一半係空心的...比左呢個價確係估唔到會食到呢個質素..最後..就係佢整得比較脆, 另一個講法 就係比較乾加上我又太肚餓啦..食得太心急結果食完之後口腔入面損左幾個位...>< 痛左2日....總結...我點都唔會再幫襯了....😢

之前都已經食過呢間媽咪雞蛋仔，不過第一次喺元朗店食，週日下午唔算好多客人，其他分店嘅人龍誇得很。媽咪雞蛋仔嘅分店愈黎愈多，聽過唔少人話唔同分店水準有差異，咁我地唔係幫襯過好多，所以比較唔到。餐牌供應雞蛋仔，口味選擇豐富，朱古力、白芝麻、香蕉、芝士、肉鬆、抹茶、咖啡、紫菜、粟米、有機栗子、紫薯等，定價$16-30。格仔餅款式就少啲，都係原味、咖啡同抹茶，定價$18/22。另外有加配飲品優惠，不過我對飲品興趣不大。抹茶朱古力雞蛋仔 25：花多眼亂下喺香蕉同抹茶之間掙扎，交由另一半落決定。雞蛋仔即叫即整，等左大約15分鐘，呢度嘅雞蛋仔好易認，成底攤平，一睇就知係媽咪出品。雞蛋仔都算熱辣辣，邊位會比較脆口，裡面軟熟，可以完整剝出一粒粒。蛋漿加左一半，屬於比較厚身，唔會空心，但亦都唔會似雞蛋糕，鐘唔鐘意就視乎個人口味囉。有啲人鐘意空心脆口，有啲人鐘意實心，我個人都鐘意呢種半滿口感，食完會有飽腹感的。點左抹茶朱古力味，其實抹茶就唔係話好濃，單點唔知會唔會突出啲，可能添加左朱古力分薄左。但有點奇怪，我食左好幾粒都有紫薯味道，唔知係咪我思覺失調。(可能上一底嘅客人點左紫薯？)雞蛋仔比起以前貴左，勝在口

今日黎開元朗行街，行到就上下見到媽咪雞蛋仔就順便幫襯下喇。因為見佢係香港都有比較多分店，同埋自己都未食過呢一間既雞蛋仔。餐牌有好多選擇，有經典雞蛋仔、創意之選同格仔餅，所以就諗左好耐。最後就試左人氣 No.2 既有機栗子雞蛋仔喇，落左單之後都等左幾耐時間先有攞，大大話話都等左 15 分鐘。不過食完之後感覺都係一般般，無話特別出色，開頭以為有好濃烈嘅栗子味，但食落口真係食唔出，同普通雞蛋仔好似冇咩分別咁，失望。。。。。。

見佢有栗子味咁新鮮諗住試下，點知就中伏。個店員話入面有栗子茸，我就食到兩粒雞蛋仔入面有半粒栗子，其他聲稱有栗子茸既，我就覺得同原味雞蛋仔分別唔大，可能因為雞蛋仔本身既味蓋過左栗子味，所以我都唔明點解會用黎整雞蛋仔。味道就算啦，都係自己貪新鮮。佢枉為米芝蓮推介啦，啲雞蛋仔勁硬，啲邊直頭硬到咬唔到，好明顯係整耐左，差少少就燶。就算大家覺得佢啲味道好新穎想試，都去返其他地區分店，元朗呢間真係好唔掂。總而言之，我情願食返街邊小檔，都唔再食呢啲連鎖所謂米芝蓮推介。

呢間媽咪雞蛋仔，元朗分店係新開架行過見到好多款唔同口味既雞蛋仔，於是停左落黎左諗右諗，最終決定食抹茶紅豆味$25如果買雞蛋仔/格仔餅，買野飲重會平$4於是嗌左個宇治抹茶。買果問大概等幾耐，around 7mins最開心係佢即叫即整，我見雖然佢有好多味選擇，唔少客人都會嗌原味食店員服務有禮望落店鋪乾淨衛生唔上網search 都唔知原來有好多分店登登登登話噤快我既野飲同雞蛋仔都okay啦凍凍地既天氣拎住個暖粒粒既雞蛋仔真係好正，早知野飲都嗌熱架啦