媽咪雞蛋仔

營業中

休息中

這次來嚐嚐銷量第一的黃金（鹹蛋黃）雞蛋仔，先來談談雞蛋仔的口感，不得了呀，它十分香脆可口，而且雞蛋仔的中間是熱騰騰且帶點軟身，對比好大，一試難忘～對上一次已經是一年前吃媽咪雞蛋仔呀，想不到開了這麼多家分店仍能保持水準呢～味道方面，好有趣的，因為是鹹蛋黃的關係，甜甜的雞蛋仔配上鹹香的蛋黃，像是吃鹹的蛋糕，雖然有點不習慣，但又挺配合的，不錯～要注意始終是鹹蛋黃，吃了一半已經好膩，建議一班朋友一起試會好一點！

| 朱古力雞蛋仔 | $22媽咪既味道選擇好多，之前食過原味同香蕉朱古力味，不得不讚香蕉嗰個真係每舊都有香蕉肉，推介👍🏼今次叫左朱古力，雞蛋仔香噴噴，朱古力味香濃，每一舊都有滿滿既朱古力，但都因為好漏所以好快覺得飽，本身仲心思思想加個雪糕，好彩無貪心🙃

今晚又為自己arrange 左餐junk food dinner 🤪係好似區區有食神咁 區區有媽咪雞蛋仔😂😂佢地每底都即叫即整真係深得菰涼心～每次食都得到外皮脆脆既一底，蛋漿用量又好好，食落脆得黎裡面更加有少少咬口 每一粒都好好食～平時菰涼最愛肉鬆紫菜，今晚就心血來潮試一試黃金雞蛋仔！雖然個樣同平時一樣樣😂但真係香氣撲鼻，超級香！！！咬落去都會見到少少沙係雞蛋仔入面！不過食落口反而就唔太驚艷，可能係菰涼太重口味了 期望太高了🤫🤫

試左鹹蛋黃雞蛋仔，成$40都幾貴。因為係即叫即整，同埋都有d客等緊，最後都等左成15分鐘。趁熱食會脆d，鹹蛋黃唔算多，但每粒都有d，鹹香味都出到黎，鹹蛋黃真係好似萬能key，夾落咩食物都唔會話太差。

平時經過都係嗌雞蛋仔多，雞蛋仔出曬名種類好多，而依兩日口痕好想食格仔餅，於是轉一轉口味試下格仔餅。好明顯。格仔餅款式少好多，得4種口味，上次食左原味好正，今次試綠茶味都係貴幾蚊，$25一底，同其他鋪頭都差唔多。全部即叫即整，餅底非常厚身，煉奶同花生醬都非常足料，一啲都冇慳料。我唔中意食砂糖，所以走左糖，因為煉奶已經好甜，配綠茶甘甘地岩岩好，外脆內軟又有口感，同其他真係冇得比，食完返唔到轉頭。好大件，$25抵食

又係教育路🤣搵食已經離不開教育路啦我～對上一次食完香蕉朱古力雞蛋仔，整得勁淋又實的的，之後起碼成個幾月無食過雞蛋仔😩·難得興致勃勃，一係唔試，一試就要試下最人氣果隻～黃金雞蛋仔🤤💛💛（而我不知道點解香蕉朱古力整得淋過毛巾都有no.3🤷🏼‍♀️)·黃金雞蛋仔💰HKD30其實一個人獨食成底都幾漏🤭今次整得好脆、一到手果下超級熱辣辣😆👍🏻咁岩今次呢底真係好滿意，又熱又脆，材料份量岩岩好，唔會實到似蛋糕，但又唔係空心無料到果啲，恰到好處😋最重要係👇🏻真係粒粒咬開都有咸蛋黃粒粒，滿滿既咸蛋黃香味💛雖然$30一底雞蛋仔真係唔平，但真係忍唔住想食🤣🤣·溫馨提示💁🏼‍♀️香蕉朱古力味，無咩事真係唔好亂試🤭中意食蛋糕實心型雞蛋仔既朋友，可以當我無講野😆

男朋友一向都中意食雞蛋仔, 呢日佢又話想食。 就去媽咪雞蛋仔買啦~ 本來佢話食原味嘅~ 但我中意食咸蛋黃味多D, 所以最後就買左一底黃金雞蛋仔來食喇~黃金雞蛋仔 ($30)經過一輪等候, 終於有得食了老實講, 咸蛋黃既份量就唔係話好多, 但每粒都有少少咁啦, 令你每粒都可以食到咸蛋黃嘅香味~但濃就唔係話好濃囉~不過本身佢嘅雞蛋仔就已好出色!即叫即整, 係好食D! (但要有心理準備要等, 因為都多人買, 整又要時間..我買過幾次, 都要等20分鐘)雞蛋仔粒粒都好飽滿, 邊邊位就脆卜卜, 好食

真係好食到叫人流淚😭～.《#粒粒朱古力雞蛋仔 $25》.仲記得當時仲係得一間鋪頭嘅媽咪雞蛋仔喺黃埔要行到老遠咁去買（就算行到身水身汗都依然覺得值得㗎，因為真係好好食！）呢幾年亦都出咗好多唔同嘅競爭對手，但我依然覺得媽咪雞蛋仔嘅朱古力雞蛋仔係最最最好食嘅！朱古力味重而且好香，朱古力會仲會流出嚟！成個朱古力味亦都唔假又唔會有死甜！同出面比嗰啲差幾皮～(˶‾᷄ ⁻̫ ‾᷅˵)！而家周圍都有媽咪雞蛋仔嘅蹤影，甚至連台灣都有啦！而且味道仲要係一模一樣！無差到，品質保証，值得一讚！♪( ´▽｀).肥妹仔評分：8/10🤙🏻🧡.

之前已經想試咸蛋味但覺得會卡路里爆高而一直忍住口而最近食咸蛋魚皮食上癮終於都係試左~✨黃金雞蛋仔$30個日落大雨無乜人買所以等左陣就有得食啦可能始終係用咸蛋整 有少少油但好香好香外皮脆脆地食落粒粒都有咸蛋味驚喜！！好好食呀😍😍😍😍但一個人食晒好飽肚又有d流😂都係適合買一份share食依間雞蛋仔雖然出名但又唔會因為出名而偷工減料只不過要揀啱口味啦之前試過其他雞蛋仔都係普通但今次既咸蛋黃雞蛋仔就大讚👍🏻好值得試！♡

讀書果陣已經好鐘意食，估唔到依家連元朗都有分店，個日經過千色見到即刻買黎食。依家比以前多左好多口味，但我始終鍾意食招牌嘅粒粒朱古力雞蛋仔，個日唔算多人，好快就有得食。雞蛋仔攞上手熱辣辣，傳黎陣陣蛋香，咬落去表面脆，入面則係軟身嘅，朱古力粒粒分明，好有層次，雞蛋仔配朱古力味道啱啱好，唔會太甜，仍然keep到以前嘅水準！如果下次有機會，我都想試下其他口味，當中肉鬆味都幾吸引，唔知帶有咸味嘅雞蛋仔又點呢⋯⋯

今日早食lunch所以5點就已經好肚餓，唯有食呢個經典嘅香港美食打個底。佢有好多款式選擇，大概$18-$30不等，買雞蛋仔飲品一律減$4。今次試咗鹽燒紫菜粟米雞蛋仔，$28，等左15分鐘左右。雞蛋仔新鮮出爐脆卜卜，入面勁多餡料，自己食晒一底勁飽肚，可以再encore!

元朗咁多間雞蛋仔係呢間未食過，今日終於有機會試試。見到menu好多味，仲有呢排好hit 既咸蛋味，最後都揀左個22蚊既粒粒朱古力雞蛋仔。因為即叫即做，整完仲要搵風扇吹吹，等左大概10mins，誠意十足！ 拎上手就知佢好足料，肉眼都睇到d朱古力！ 試試先！嘩，好鬼硬，並唔係脆，仲硬過塊餅，又完全冇蛋味。但每一粒都有at least 一粒朱古力，入面好軟熟，粒粒既7成都係蛋漿，但都係冇蛋味既... 成底雞蛋仔得d朱古力味，屬於中下既雞蛋仔。 食完成底真係牙胶都軟埋。

咸香紫菜雞蛋仔2018/07/28今日黎到元朗掃街，媽咪雞蛋仔嘅招牌非常顯眼，已經有多間分店，但雞蛋仔始終要一群人一齊食，一個人食會糖分過高。行到埋店面，好多人在等沙冰，格仔餅，我同朋友商糧過後，決定點店長推介，紫菜栗米雞蛋仔。雞蛋仔食落咸咸地，有少少似章魚燒嘅味道，諗落佢地嘅原材料都有啲相似，蛋漿，紫菜栗米，差在冇燒章魚，但食落紫菜味好濃，兩者非常相似。而且成底雞蛋仔最好食在外皮脆，內裡軟，香脆可口。價格方面$28個人覺得有啲貴，不過都好真材實料。

雞蛋仔愈玩愈多花式，有成17種，仲有雪糕格仔餅，同埋勁多花款野飲款款都好吸引，究竟朱古力好定黃金定芝士好呢最後都係嗌左芝士味，冇人排隊的話6分鐘就有啦，最後吹一吹，勁脆。不過唔即刻食擺膠袋就好快淋曬同埋會好油

元朗人流好多，美食就自然多啦，行街經過媽咪雞蛋仔，口痕痕，有見到唔係太多人排隊，咁我又點會放過佢呀買雞蛋仔可以買到咁多口味，我真係第一次見，我諗佢嘅口味已經可以合乎到好多人嘅選擇，以面對有選擇困難症嘅我，真係睇來睇去都唔知食啲咩味好最後我選擇咗粒粒朱古力雞蛋仔。佢哋嘅雞蛋仔係即叫即做架,所以大約都要等十分鐘,但係為咗好味啲等下都值得嘅。雞蛋仔外層好趣,又香口，內裏軟綿綿好QQ ,而且每一粒雞蛋仔裏面都會有朱古力，雞蛋仔充滿蛋嘅香味，甜度適中，食完一粒又一粒，真係停唔到手呀