婆婆珈琲屋

營業中

休息中

食物質素很好，非常美味😋食物賣相冇得頂，打咭是必須的員工態度極有禮貌，讚👍餐廳環境舒適，地點鄰近地鐵站，十分方便店內還有特色精品可供選購價格合理，值得一試再試❤️

You can take lift from pacific coffee and arrive in Grandmama cafe, last time no seat with booking, this time come late and no needa wait haha Braised Pork Cartilage is good with very tender and soft pork texture, the taste is very rich too, such a good choice haha Sakura Shrimp with rice is okay Tomato with osmanthus blossom tasting sweet, but honestly adding osmanthus honey, the taste must be sweet haha, tomato is softUms Avocado cold tofu is soso, avocado is pretty thick, relatively bad in th

📍婆婆咖啡屋總是透出一種滿滿儀式感的日系風格，採用深木色系餐桌，配搭定期更換的可愛小餐具，上枱係好靚好色彩繽紛! 份量偏細份男生未必會飽～🌀和風醬汁燒豬軟骨 點餐係小食/前菜/主食/米飯分開點 如果套餐會有優惠價加配🫣 不過慢慢加價錢都唔平😅 豬軟骨煮得非常軟淋，吸收咗日式甜燒汁嘅香味。🌀 鰹魚燒造南蠻漬 & 味噌昆布小黃瓜 鰹魚燒採用日本傳統烹調手法製作，好少地方見到🙉 將高湯同醋汁嘅味道融入魚肉，食落幾鮮味，不過半生熟的情況令到腥味好明顯。我自己食咗一塊就停咗手🫣 爽脆小黃瓜淋上金山子昆布，好開胃🌀 明太子茸飯 明太子醬撈飯係一番最高! 明太子醬微辛 鮮味十足 撈飯食一流🌀 焦糖明太子玉子燒 &昆布啫哩螺肉表層焦糖層微脆，配合軟嫩玉子燒🤤 如果明太子味更加突出就好啦～昆布啫哩以芭菲杯盛載，非常精緻✅ 啫哩滲出淡淡梅酒香氣，與爽口螺肉的配搭很新奇呢

嗌咗份$140嘅定食 啱啱擺上嚟係幾靚嘅 本身仲好期待 一咬淡豬扒 啲肉真係好硬好嚡 剩係得個皮脆 仲有個蕃茄桂花蜜 食得出淨係淋啲桂花蜜落去 完全冇蕃茄味 個蕃茄仲要硬到切唔到 其他嘢食都唔係平 好失望

叫了一份吉列豬扒蛋 蛋裡面有大片蛋殼 …啲嘢食衰到 焗茄子全部都係油 吸滿油 豆腐有冇味 原本鋪頭睇落幾有氛圍 先先來嘗試吓 結果一言難盡 冇乜客人仲要趕客 真係做到好差 以後唔會再來

在尖沙咀的Grandmama Cafe用餐，整體體驗不算理想。雖然環境適合輕鬆聚會，但食物份量偏小，完全唔夠飽。秘製油封牛舌燒味道不錯，當小食都可以。日式滑蛋吉列豬扒合格，蛋黃醬油漬飯則只有兩啖，叫了兩碗仍然不夠，吉列炸蠔也偏小。飲品方面，晚霞富士山特飲雖然外觀吸引，但香芋拿鐵無乜味, 得個香字，晴空富士山係難飲既汽水，只能放棄成杯。整體來說，這裡更適合輕食聊天。

終於知道點解呢間餐廳咁紅咁多人食。次次經過都排長龍入唔到去，終於今次試到。首先環境精美有特色，好啱想坐得舒服啲又有氛圍。首先第一樣想讚嘅係員工服務態度超好，香港地咁有心嘅服務員好難得，希望佢哋keep住呢個服務態度👍🏻主菜唔算多嘢揀，但係每一樣嘢都有佢自己嘅心思。淨係飯都有好多種選擇，除咗主菜其他嘢都係要另外加。我哋幾個朋友一齊叫試咗四個主菜，全部都唔差，但當中我哋最高評價係滑蛋豬扒，係正嘅！啲嘢飲雖然唔係特別好飲，但真係好靚，啱晒打卡📸 呢一杯富士山外觀10粒星，而味道就似波子汽水。絕對推介去呢間餐廳度試食👍🏻😋

婆婆咖啡屋價錢: $68/ $68/ +$15好味程度:2/5服務🍴: 3.7/5環境🗾: 3.7/5性價比🥢: 2/5回頭率😚: 0/5😂-婆婆咖啡屋開左好多年一路未試，今次lunch試試佢點知超失望！真係得個樣🥺 性價比又貴，set lunch都要$150up… 因為每樣野加錢…主菜、配菜、主食、飲品8折。擺碟餐具係靚的，昭和風日系，而店員服務都ok，可惜…-❌日式滑蛋吉列豬扒。豬扒粉漿超級厚，可以皮肉分離🫥因為係滑蛋豬扒，所以個皮淋晒就一定，但係太厚唔好食🫤 而洋葱🧅蛋就正常，個汁都唔算太鹹，不過都建議餸飯食。-🆗梅酒啫喱昆布螺肉/ 秋葵豚肉向風沙律。螺肉口感ok有咬口，加梅酒啫喱，鹹甜鹹甜😌秋葵沙律啲秋葵黃gumgum，成件事洞悉都怪怪的😂-❌蛋黃醬油漬飯。以為係流心好靚蛋黃個啲，點知係粒硬的蛋黃(好似鹹蛋黃的質地)🫠醬油少而濃，所以唔夠撈飯，但有豉油嘅話又好鹹…-另外再抽咗朋友少少鯖魚同埋鰹魚刺身，鯖魚正常，但鰹魚好腥😶‍🌫️ No next time… 俾一次機會佢都小後悔🥶

朋友訂咗呢間餐廳，話見到人地刊登D 食物相好靚 好吸引，好想試吓。同埋好想嚟打卡。當進入餐廳，人流唔算多。簡約裝飾設計，尚算舒服。我地坐底，發覺坐嘅位置唔舒服，要求服務員換檯，但被拒絕，服務員話其他檯全部已經reserved. 既然如此，別無他法，唯有接受。之後服務員就安排每人一杯水，分別可以選擇蝶豆花水或青瓜水。對比其他餐廳，可以選擇非一般清水，係特別嘅。我覺得好新鮮，亦好期待order嘅食物！餐牌上面嘅相看似份量多D, 但當食物嚟到面前果陣，每款食物份量對比Menu上嘅還要細。食物味道尚算OK. 但富士山形狀嘅三文魚飯團味道一般。總括嚟講，所有食物味道不錯，份量太細，所以價錢偏貴。最後，用餐後，離開餐廳時，睇到好多檯都係吉嘅，唔明白點解明明無人訂嘅檯都唔肯換比我地。失望！所以我諗呢間餐廳，我唔會再嚟喇。

早幾日打電話預約尋晚6點，隔咗陣就收到確認短信。前日再收到短信以確認出席。尋日準時到達，店員安排入座。成餐飯都無乜嘢。直到7點，有店員拎張單嚟叫我哋check check，無問題可以一陣出去比錢。當時我哋仲食緊個芭菲最尾1/3。咁我哋咪繼續食囉。過咗10分鐘左右，店員就拎個卡機嚟話要埋單，咁我哋咪比錢繼續食啦。點知另一位店員就問可唔可以收嘢，客人已經嚟咗。我哋表示唔知有限時。店員話一般週末都係80-90分鐘左右，閒日可以耐啲。當時我哋無諗咁多，立刻着衫拎嘢走。離開餐廳之後諗諗吓越諗越嬲！無論打電話預約、兩個短信、確認出席網頁定入座時候，都無提及用餐有限時。而且當時店員話客人嚟咗嘅時候，我哋嘅用餐時間都未夠80分鐘！仲食緊就俾人催促離開，體驗十分惡劣。之前食過覺得幾好，所以帶媽咪嚟，但得到一個咁嘅體驗，無下次啦。

之前好出名，超級多人排隊，套餐形式咁樣銷售嘅，係一定要叫煮食，米飯，小食，嘢飲就可以自選，味道就比較普通啦，價錢都比較偏貴！🍴和風醬汁燒豬軟骨 $68🍴鰹魚燒造南蠻漬 & 金山寺昆布小黃瓜 $68🍴蛋黃醬油漬飯 $15個魚生係比較腥，真係要用Wasabi先可以吞到落去，麵豉醬青瓜就正正常常！豬軟骨比想像中硬，係比較有咬口一啲都唔軟腍，味道係鹹鹹地，配咗啲椰菜係幾清爽嘅！蛋黃飯係用咗醬油去醃製，食落去鹹鹹地，有啲似生鹹蛋黃嘅質地，唔係好流心！推薦指數： 6/10服務幾好嘅環境都唔錯，食物就普普通通啦，全都比較偏貴，冇叫嘢飲都已經$170一個餐啊！冇佢哋嘅甜品同嘢飲，不過主食嚟講都算一般啦。

第一次去呢度係因為見到上網介紹，每樣食物都好靚，富士山系列的飲品同布甸，藍色與透明的水，很貼合主題，炸豬排同櫻花蝦飯比想像中好味，而焦糖玉子燒口感很綿密與鬆軟，甜甜的亦可一試。最surprise的是原來生日來會有小驚喜，店員會幫影即影即有相片同送上小蛋糕或其他精緻甜品。謝謝親切的店員與朋友仔，過了難忘的生日。🩷🫶

啲嘢淨係好精緻，但係其實Potion好細， $184得6塊豚肉個餐入邊有五樣嘢，四樣都凍冰冰，冬天食就真係好凍⋯⋯未加嘢飲都已經$184 ，其實性價比真係超低⋯⋯食完職員就以大快活嘅速度光速咁收我啲餐，做乜啫當坐多陣都唔得咩？餐廳細細咁嘅價錢，其實真係好貴好唔抵

整體來說食物質素高於一般打卡café。環境同食物很適合打卡。食物設計有心思。桂花糖漬番茄意外地好吃。👍🏻牛奶咖啡亦好飲。布甸其實只係一般，我覺得不夠軟滑。牛舌真的不推薦，又乾又柴不太好食。朋友點了富士山飯團🍙，她說很難食，有怪味。食物偏濃味。我同朋友選了窗邊位，環境頗舒服。上網訂位也很方便。講真每人二百幾蚊真係唔算抵。不過我去之前也沒有太大期望所以沒有失望。聖誕節埋單時有小禮物送，有意外驚喜！

真係好彩卜左位, 如果唔係唔知要等幾耐先有位, 仲要勁好彩坐張靠窗既枱😎 呢度既食物以日式為主, 個人覺得叫set 會比較抵食, 而且都幾大份🤩豆腐藜麥雲朵蛋沙律🥗($108)大大份既沙律菜上面舖左幾塊滑豆腐同大量既藜麥, 用左檸汁芥末蜂蜜油醋醬塊調味, 簡單得黎又健康😊Lunch Set 🍱定食既價錢視乎揀咩配菜同主食, 揀左煎到外皮微脆肉質嫩滑既雞肉配拔絲南瓜, 凍番茄整到酸酸甜甜好開胃, 特飲係自家製, 所以飲落好清爽同無添加, 另外仲有好好食既啤酒柚子蘿蔔漬🤤✨南瓜雞肉金酢煮($78)✨桂花冷蕃茄 & 梅子牛油果冷豆腐($58)✨梅子飯($12)✨蘋果蜂蜜綠($45)竹炭芝麻鮮奶🥛($53)有個淺淺既聖誕樹拉花, 轉左Oat Milk ($5), 芝麻味唔算濃郁🥲我個人覺得呢度既食物比想像中出色, 同埋感受到真係好用心去鑽研每一個菜式🥳