娜姐健康糖水

營業中

休息中

娜姐健康糖水地址：元朗教育路54-56號順發大樓地下J號舖香港就係一個濕氣重嘅地方啦，好多人呢都有濕疹嘅問題，疫情中要繼續補身，媽咪帶我去元朗試下飲中式糖水同藥湯，大家都係第一次，去濕溫補。龜湯$59湯水用了非常充足，16種藥材配龜熬製而成，飲落甜，唔似中藥嘅味道，過喉嚨時係甘嘅，有去濕溫補嘅作用。你食一餐都好似上咗一堂中醫課咁，因為老闆娘屋企係開中藥舖。老闆娘會教我哋有濕氣嘅人飲完就會瀉，熱氣嘅人飲完會放氣，有濕疹嘅人呢飲完之後都慢慢好返。飲完之後熱辣辣個身，重有去暗瘡，止經痛作用，聽講今晚一定好好瞓。腐竹薏米銀杏（大 ）$30用冰糖片糖製作，冰涼清甜，銀杏唔苦重要爽滑，去濕首選💪🏻💪🏻💪🏻薏米一粒粒，有咬感，食落成碗都好有層次，飲完之後透心涼都好舒服，好適合夏天嚟食，解暑一流呀👏🏻👏🏻👏🏻自製黑白涼粉$30用蜂蜜調製，甜度同腐竹杏仁薏米係唔一樣嘅，老闆娘話用佢哋鄉下自家整嘅涼粉，唔係隨便街市買到嘅貨，白涼粉又爽口，黑涼粉就彈牙，兩者都嫩滑，有清熱排毒，瘦身嘅功效，食完之後心情好咗，相信自己會靚左😍😍😍😍😍我媽咪一路食一路讚，用心經營，古方有效，真係要傳承文化！媽咪諗住再帶爸爸同細佬

三月開始轉天氣，有時大風，有時好熱好乾，晏晝都冇乜胃口，今日經過呢間娜姐糖水，入去睇吓有啲乜嘢清熱甜品清下腸胃。阿姐推薦左黑白涼粉，已經比個名吸引到，原來係普通涼粉加蒟蒻。甜品份量適中，甜度亦恰到好處，最重要係阿姐介紹咗黑白涼粉嘅食療功效。佢話涼粉有助排毒去濕，蒟蒻就零卡路里食得多都唔會覺得好滯。冇錯，食完雖然又飽肚感但係唔會頂住，間唔中食一次，清下腸胃。

之前聽朋友介紹過，話佢有濕疹問題，之後飲咗呢度嘅龜湯一段時間後，有啲改善咁啱今日經開元朗，就嚟呢度望下明明間野叫娜姐健康糖水，以為淨係得糖水賣，原來仲有蛇羹、蛇湯、龜湯同生炒糯米飯賣。今日嚟到先下晏，所以堂食唔洗拎嚟拎去，見到舖頭嘅客人多數都係外賣買走，而且好多都自攜餐盒，應該都係熟客仔嚟同老闆娘傾開計，原來龜湯有17種藥材一齊煲，有保健功效，可以清熱解毒，行氣活血，改善失眠，長期飲用可以幫助濕疹本身諗住同朋友一齊飲同一碗share，老闆娘見到就話咁樣冇效果，一定要一碗飲曬🔹 龜湯 $59保健湯湯就聽得多，龜湯真係第一次見，飲一啖已經知係勁多種藥材煲出嚟，超濃藥材味，但唔會好抗拒飲到底仲會有啲湯碎碎，真係真材實料啊！💬 龜湯功效感受：上面講咗好多描述嘅功效，我又分享下我嘅飲後感喇～飲完之後，真係成身「興」咗，成個人暖曬，我相信冬天飲會開心啲，夏天就…開冷氣留係室內飲喇🤣然後一碗其實個量都多，飲完除咗成肚湯飽飽之外，我覺得有啲眼瞓，之後真係好快瞓著😴🥱一覺就瞓到天光喇（超誇張🙄）🔹 特色芋圓鮮草 $30芋圓鮮草五彩繽紛，望到都好開心😃有黑白涼粉，大大粒煙煙韌韌芋圓，仲有水果粒粒，本身呢啲

呢排勁熱要食返啲甜品下一下火氣😿之前食過b仔涼粉覺得麻麻地 食完魚一見到呢間好似唔錯就入咗去食叫咗一個雪耳雪梨蓮子百合同黑白涼粉雪耳雪梨蓮子百合 $35老闆娘介紹話完全冇加過糖精 食落去唔會太甜而且的確食完唔會好口渴幾潤喉！而且都幾足料唔會幾淡就食曬啲配料👍🏻黑白涼粉 $30老闆娘都話呢個都係完全冇加過糖精 淨係加純蜂蜜 不過最suprise係涼粉嘅質感！出面食嘅涼粉通常都偏硬嘅質地 但呢隻超dong L勁qq嘅質地！食落去都好好食！！Overall係一間用心製造嘅鋪頭 經常可以一試！

行開元朗見到糖水舖同蛇舖一齊開😆一於入去試試佢😆未入門口已經見到老闆攪拌緊龜湯☺️好香藥材味👃🏻$59金錢龜湯🐢根據店內告示，龜湯有清熱解毒、化痰止咳、行氣活血、清除暗瘡之效😆會有效幫助女性朋友們養顏😍😍😍仲能夠滋肝補腎、減少夜尿😆$30黑白涼粉🔳涼粉滑嘟嘟，唔似出面啲硬膠涼粉😂涼粉內有蜂蜜成份🍯有助清熱排毒瘦身🐝涼粉亮晶晶✨令人心曠神怡☺️等天氣凍少少又黎食蛇羹先😆平時就可以食下糖水👍🏻

早2日入元朗買野 估唔到天氣突然間變熱 行左一陣已經想坐下🤣 見到呢一間糖水小店 有多款糖水同蛇羹賣 感覺幾特別 就入咗去試吓🥰叫咗一碗冰涼嘅椰汁雪燕雪耳同一碗老闆娘推介嘅龜湯👅 椰汁雪燕雪耳好大碗 每一啖都食到雪燕🤤 店內嘅糖水都係用冰糖或者片糖作為調味 食落唔會太甜 天氣熱熱地食真係一流🤩老闆娘推介嘅龜湯亦令我哋覺得10分有驚喜 本身見到黑卒卒嘅顏色以為味道會帶甘苦 點知完全唔會😆 飲落有啲似水魚湯嘅味道 好好飲 而且老闆娘話對身體好有益😜 除咗清熱解毒 化痰止咳 仲可以行氣活血 暗瘡都少d😻 而且滋補肝腎 有助減少夜尿 唔係周圍有 真係值得一試🌟

在元朗行街行到有少少累經過見到呢間主打健康嘅糖水便坐低試試疫情期間健康最重要💪🏻點了兩碗糖水一碗係桃膠雪耳紅棗杞子糖水用料非常充足滿滿嘅桃膠、雪耳、杞子同紅棗又滋潤又養顏又補血絕對係女士欣物🥰而且入口好清涼又唔會太甜桃膠晶凝通透清潔得好乾淨完全見唔到有雜質口感柔軟又有彈性另外再叫左一碗特色芋圓仙草同樣超大碗同用料十足仙草口感比坊間食到嘅更嫩滑而面頭仲有好多雜果芋圓亦都非常軟糯煙煙韌韌唔會太死實糖水仲加入左蜂蜜味道香甜而不膩😋食緊糖水期間聞到舖頭充滿住陣陣好香嘅藥材味因為依間舖頭仲有蛇羹🐍同龜湯食但因為已經食完午飯好飽如果唔係我一定會叫黎食等我下次再嚟試吓😋

呢排疫情超級嚴峻， 確診數字屢創新高，中左就頭痛自救，中西藥四圍搶，未中日日提心吊膽諗辦法點預防搶快測搶維多c.呢日我經過元朗呢間舖頭寫住獨家秘製龜湯專門店，同老板娘傾話對而家疫情好有幫助就買來試下！飲落無味精果然真材實料，飲完喉嚨好舒服真心不錯，老闆娘話好想話俾多啲人知道幫到更加多嘅人🥰呢碗湯仲可以排毒清熱止咳化痰，見到有食客買外賣，傾偈話飲完小朋友濕疹好咗好多！.見呢間有好多糖水，就點椰汁雪燕雪耳試下，真心有驚喜，好大碗味道清新淡淡蜜糖香，好足料成口西米露、雪耳和燕窩，滋潤養顏排毒正，價錢又唔貴！.如果喺附近給建議買返屋企食，真心平靚正又有功效！.龜湯 $59椰汁雪燕雪耳 $35

「秋冬起，三蛇肥」 上嗰幾日寒冷🥶 天氣，最好食碗蛇羹補補身😆開心，枱上有檸檬草、泊脆提供*龜湯🐢好濃，藥材味好重，特別係當歸、川芎、生地、茯苓，味道有啲似八珍茶老闆娘更聲稱經過特別調製，可間接幫濕疹人士調理返病情*蛇羹🐍唔腥係基本，蛇肉份量相當足料，雞肉呈粒狀，清楚分辨出蛇肉同雞肉羹湯食落唔會好杰，而且有陣果皮香*糯米飯🍚乾身粒粒分明，口感偏硬，唔夠軟糯黏口📍娜姐健康糖水元朗教育路54-56號順發大樓地下J號舖

寒流襲港，幾日來的氣溫都低於攝氏6-8度，加上煙雨綿綿，特別容易覺得濕凍，手腳易冰冷。個日經過元朗，見到好多人喺呢間店出面排隊，最初見到門口招牌以為係賣糖水。我特登行去睇下係賣咩，先知道原來佢地有賣埋獨家秘製蛇羹龜湯！🐢金錢龜湯我平日無試過龜湯，今次覺得幾特別。這裡的金錢龜湯用了16種藥材煲足8小時以上，老闆娘撈出湯汁時能看見煲中所用的藥材非常足料，喝下去暖暖的，藥材味偏重，非常滋潤喉嚨。據老闆娘所介紹，龜湯清熱解毒，化痰止咳，行氣活血，特別祛濕，專治療失眠、暗瘡、濕疹和骨痛等都市人常見症狀。🐍五蛇羹雖然蛇羹無分時令，但我個人覺得冬天食蛇最驅寒滋補，手腳冰凍之時來一碗零舍暖笠笠！這裡是真材實料的蛇羹，用了五種蛇的肉絲，蛇肉入口香滑又有咬口，配上蛇骨、冬菇絲、薑絲一起燉煮，味道濃郁，具食療作用，可以補氣血而不躁、通經絡及祛風濕。🍚糯米飯糯米飯同樣是暖胃之選，口感煙煙韌韌，材料非常香口，有蔥花粒、花生、 潤腸等，鹹香十足。

天氣凍咗咁多日，真係頂唔順，要食啲暖胃嘅嘢。冬天食蛇是常識吧。朋友介紹有間唔錯嘅小店係元朗，就過去試一試。唔講真係唔知以為淨係食糖水。叫咗大碗蛇羹套餐，有蛇羹、龜湯、臘味糯米飯。蛇羹好粥了好多蛇肉，而且好香好濃。龜湯走好重藥材味，去喺煲入邊倒俾我嘅時候，都要攞個格格一格啲渣，係生地熟地湯嘅味。臘味糯米飯就正常，食完成個人暖晒。我仲叫咗一碗桃膠雪耳糖水，佢呢度主打中式補身嘅糖水。夏天都有涼粉食，不過而家咁凍都係食啲熱嘢，潤一潤。

見元朗谷友力推娜姐糖水，是日就黎左試下。小店主打外賣，堂食只有四個位，堂唔堂食到就睇緣份啦。先試試碗自製黑白涼粉，講明係自製就真係由涼粉做起，自家用涼粉草煲出黎㗎，口感比坊間賣的涼粉嫩滑綿軟，白涼粉望落晶瑩透澈，黑涼粉亦較常見的色淡一點，散發出黑珍珠般的光澤感，而此碗涼粉的甜味用上了桂花蜂蜜，甜而不膩亦帶有淡淡的桂花香，可以排毒美顏啦。另一碗係熱的桃膠雪耳紅棗杞子，桃膠圓圓的差不多有桂圓般大小，半透明呈琥珀棕色，用上高級貨呢。碗內雪耳很多，咬落柔軟但仍富有彈性。糖水呈黃色，因為由片糖煮成的，有補血暖脾作用。糖水食得出真材實料，經店家解說後先知原來仲有咁多功用，真係長知識了，唔係淨係饞嘴先食㗎。

唔知大家冬天❄️多唔多食蛇🐍呢長輩們成日話食蛇可以暖身手腳凍冰冰❄️食番碗就啱細個嘅時候我都麻麻地但而家人大咗反而識欣賞❤️情人節嗰日入開元朗食完午餐行下街諗住走之際行過呢間小店大爺就話不如去食蛇於是我哋就坐低咗😊老闆推介佢哋嘅獨家秘製龜湯我哋叫咗一個龜湯套餐包括有蛇羹 龜湯 糯米飯蛇羹🐍真係真材實料👍🏻老闆話蛇羹分三蛇同五蛇用幾種蛇嘅肉絲再配埋蛇骨 冬菇 薑絲等等嘅材料燉成我哋本身都鍾意食蛇羹呢度嘅蛇羹夠足料又多蛇肉絲而且肉質仲好鮮嫩添👍🏻老闆推介嘅龜湯原來都係好嘢嚟👍🏻可以清熱解毒又可以化痰止咳龜湯用咗多種藥材去煲雖然佢個樣黑孖孖🌚但係一啲都唔苦味道我又幾ok啊👍🏻蛇羹餐又點少得糯米飯糯米飯煙煙韌韌配埋花生 潤腸等等香口材料糯米飯梗係香味十足😍食嘅時候有好多街坊嚟幫襯個個都同老闆傾一大餐而每位客人走嘅時候老闆都會講句: ‘身體健康呀!!’好窩心💗有去開元朗真係要再嚟幫襯先得👍🏻✨娜姐健康糖水 (元朗)📍元朗教育路54-56號順發大樓地下J號舖

本來只是想捉住冬天的尾巴求其食碗蛇羹，無諗到在元朗國小店不但遇到質素高的蛇羹，更有真材實料有藥膳功效的龜湯。金錢龜湯我是第一次飲，不苦不澀，少許藥材味，很易入口，飲多幾啖就已經覺得喉嚨好舒服。聽老闆娘（我猜是娜姐吧）說，她的龜湯用16種藥材煲足8小時以上，特別去濕，對失眠、濕疹和骨痛有很大療效。我一路聽一路飲，飲到湯底見到啲精華，就知她所言非虛，所有烏龜藥材都差不多溶於湯中。娜姐還說男女老幼都可以飲，也不分季節，全年飲得。龜湯宜空肚飲，所以應先飲湯後食蛇羹或飯。於是我聽話飲完湯才食蛇羹。每年冬天都會食蛇，眾多「蛇王X」都食過不少，但論肉嫩和湯濃，全都不及娜姐這碗五蛇羹。這碗蛇羹的蛇肉軟滑細緻，不會嚡熠熠，木耳、冬菇、肉絲等配料充足，尤其薑絲甚多，卻又不會辛辣，同時由於火喉夠，不會一路食一路出水。最後我還外賣了一碗龜湯回家，娜姐話我晚上飲完一定會好好瞓，如果第二朝才飲就教我要蒸熱或用微波爐叮熱，不要煲滾。老闆娘雖然有點長氣，但看得出她是想用自己的配方和屋企開藥材鋪兩大優勢，煮出能幫助別人的食物。

「你濕，好濕！飲我呢碗龜湯啦！」然後阿娜姐就埋個爐度攪啊攪，就盛出一碗龜湯。「個同人唔同，用嘅係石金錢龜！」金錢龜我真係識條鐵，本身因我見凍凍地又可以食碗蛇羹飲個蛇湯，點知變咗飲龜湯，有啲疑惑，之後娜姐就滔滔不絕解話。方知道原來蛇湯燥熱，而呢碗獨家藥方熬製嘅龜湯用咗成16種藥材，可以行氣活血同清熱解毒，啱我多啲，亦可以化痰止咳，夜尿都去少啲咁話喎！「曾經有個小朋友嚴重 #濕疹，都係飲呢碗湯醫返好！」嘩大家都知濕疹一發冇斷尾，仲要香港呢種咁嘅氣候根本係不利皮膚健康，如果碗湯咁掂，我就真係買夠1L返屋企派街坊嘞！當然中醫調補係長遠之䇿，想有功效都要持之以恆，所以我都決定一入元朗就去會一會娜姐！至於個主菜蛇羹，又真係堅重料！入口冇話好濃嘅中藥材味，反而好清，而蛇肉好大條食到底都仲有，而且冇話食到中間就變水，係足料嘅見證。至於臘味糯米就正常，食得出冇味精唔頸渴！