娜多歐陸餐廳

好耐冇食過間, 而且見佢都有幾多位, 於是又入去食. 今次又係同上一次咁樣, 叫咗你坐低後, menu又唔比你, 水又唔比你, 樣樣都要追, 追完一樣又一樣, 已經搞到我地唔多高興, 到叫嘢食, 又係等極都冇人, 好啦, 終於等到有人招呼, 我地個食有包湯, 但呢晚竟然只係得羅宋湯, 而我地唔食牛, 咁即係蝕咗個湯啦~ 諗住佢冇湯都上個包比我地, 因為上次食都有包跟, 但今次連包都冇, 不過唔係淨係我地冇, 係全場都冇, 可能已經冇包呢樣嘢................等咗都差不多十多分鐘先上餐, 仲要係一個上完隔多起碼五分鐘先再上另一個, 見廚房出來出去都係套餐果啲, 等到餓由都變唔餓......... 燒汁焗雞扒飯size超細, 好似迷你pizza咁大左右, 啲飯又只係薄薄一層, 連塊雞扒都厚過啲飯, 可能因為啲飯太薄, 所以焗得乾咗少少, 要撈返啲燒汁, 叫做好啲, 冇咁乾硬, 不過佢啲燒汁又好似偏甜咗少少, 雖則燒汁係本身係有少少甜, 而塊雞扒都唔算大塊, 個碟已經細, 佢size只係得2/3左右, 仲要係切開咗一件件散開放, 最好食都係佢啲木魚絲~ 卡邦尼意粉又係超細size, 不過只碟就勁大size, 所以感覺上仲更加細份量. 個汁好creamy, 但太水, 啲汁掛唔到條意粉, 所以要勁落芝士粉整杰佢, 最搞笑係唔係落磨菇, 而係用鮮菇, 夠哂fusion菜~見佢上菜都咁慢, 趁未食完就叫定杯飲品, 廢事等得耐. 熱檸茶有色冇味, 啲茶好深色, 但一啲茶味都冇, 就算插爛哂啲檸檬都冇乜檸檬味.經過呢次食物質素差咗, 服務冇改善, 老公已經black list咗呢間. …查看更多

上星期六係馬鞍山睇雷神3睇之前梗係搵個地方醫下肚先啦～大家聽過馬鞍山係個美食沙漠咁其實而家都新開左好多餐廳既咩國家既菜式都有 有平有貴啦作為學生哥一名 就唔想晏就都食咁貴所以行左幾間格下價睇過哂 見到呢間寫住2人套餐138包左2位飲品 pizza 主食同 小食各一都算幾抵呀！雖然未知份量你知啦 西餐呢啲野 碟就大 餸就少揀好食咩 等左一陣就開始上菜啦！幾快手！我揀左羅宋湯有料既，唔會得水，我覺得黑椒味重左啲，所以飲落辣辣地～另外杯熱咖啡就正正常常咁！野飲上左之後大概6、7分鐘就上飯啦呢個係白汁魚柳焗飯～都夠2個人食㗎 係炒飯底黎 特別香～魚柳冇雪魚味 不過都較乾身 都唔期望係新鮮魚柳既跟住到小食 呢個係焗薯皮上面鋪左邪惡既芝士同肉醬～幾好食呀我覺得 脆脆地好有口感！推介呀！最後就係pizza 呢個係三文魚pizza佢唔係大大塊三文魚 係魚肉碎個種 好似吞拿魚罐頭咁呢～唔知佢落左咩醬 不過好好食！有啲沙律菜係上面中和番 冇咁溜！惟一缺點係 會滴油出黎 唔知係啲醬有油定其他配料有油～總之食個陣小心啲啦 小朋友好易整污糟件衫！服務態度良好 有上錯過小食 都即刻幫我換番 最後 仲要冇收加一添呀！埋單都係138 係大家樂食個飯都上百啦～比多少少坐得舒服又食到唔同種類既野 唔錯！…查看更多

難得星期五，緊係出去食下野happy Friday. 適逢早排收到呢間餐廳的coupon，吾好錯過就黎食啦！六點半前仲有下午茶menu, 真有良心哦！ 不過我們今晚遲了五分鐘入座，所以與「下午茶」無緣了😅吾緊要，因為真心覺得呢度好抵食。我一路都鐘情於有蕃茄湯通粉呢一類的「常餐」，今次都吾例外，蕃茄湯通粉加殼飼薄牛扒，牛扒肉質幾滑，通粉仲要加隻蛋，我覺得比起一些出名得茶餐廳更美味。 另外我們叫了忌廉芝士海鮮露荀焗飯，d 飯一粒粒吾會俾d汁整到「淋晒」，而且有蛋香，吾只白飯咁簡單！餐飲又好多款俾你揀，普通檸茶檸水奶茶咖啡外，仲可以點好立克阿華田朱古力吾駛加錢。張coupon 任何惠顧都可以減$35，正！…查看更多

今天星期六一家到屋苑商場吃下午茶，帶著幾個小朋友叫了一個二人combo 餐，有pizza, 意粉和小食，諗著小朋友吃個下午茶份量剛剛好......本來一直很正常，向一位男侍應落order等食，不夠兩三分鐘我先生見加$6可𨍭普通餐飲至菠蘿紅豆冰，於是問男侍應可否轉，但他說已落單了，我先生也只好作罷。如是者...我們一直等...也沒有食物來...等到幾位小朋友開始叫肚餓...我們只好先要了幾杯水，之後忍不住叫另一位女仕應追單（當時男侍應不在），那女仕應話好，幫我們追...但一直沒有食物來...小朋友已沒有耐性不斷叫肚餓...我們再追問另外兩位女侍應......才告訴我們沒有下單！！！還告訴我們那男侍應較早前離開了餐廳去吸煙😡😡😡我們白白在餐廳等了半小時有多得個吉！！！滿肚氣忍唔住罵了那兩位女侍應，並拖著小朋友離開。剛離開餐廳，見男侍應回來，成身煙味，我又忍不住再罵他，雖然他有向我們講唔好意思，但有用嗎？成件事...我們一家跟本就給這餐廳的侍應玩😭住在這區多年，從未blacklist 個一間餐廳，這是第一間！小朋友從未見過我在街上罵人，今天見了兩次😭😭😭…查看更多

今日與同事到附近工作，由於趕時間，見這間不用排隊便入內用餐。我點了蕃茄滑蛋湯意粉配美式穀飼薄牛扒，蕃茄滑蛋湯意粉我覺得不錯，用餐後整個下午沒有太口渴，應該沒有太多味精吧。塊牛扒一般，有點痴牙及「un」，有點失望ORZ。同事S點了經典鮮茄芝士焗豬扒飯，S話豬扒飯中尚，豬扒飯用上新鮮菠蘿，飯底用雞蛋來炒，豬扒亦煎得香脆，味道不錯。同事J點了黑白胡椒汁芝士焗煙薰鴨，J話煙薰鴨其實是普通平日吃的煙鴨胸，沒有特別，但飯有濃郁芝士香，如果愛吃芝士的朋友一定喜歡。兩位同事跟餐送湯，是日餐湯是忌廉湯，兩位都說麻麻，顏色看似南瓜湯，飲下去是忌廉味，但有些粉粒。…查看更多

今日同男朋友一齊放假，上一次同屋企人講開好耐無食過娜多了，因為以前係附近返工，lunch hour 同啲同事都會去食，不過自從轉佐公司就少機會食了 。所以今日重回舊地，但價錢已經上升不少啦同男朋友約十二點去到都要係門口等一陣，入到去被安排二人坐位啦。好彩見到個二人餐，都好底食!有款pizza, 一個飯同一個小食，仲有湯或野飲或沙律(如果三樣都有就更好啦)。 我地叫佐個夏威夷pizza, 黎既時候已經唔熱，不過食落就好脆口，唔算厚皮，材料都唔算多，只靠沙律醬吊味，仲有個芝士海鮮飯我就覺得麻麻地，飯好硬，海鮮唔算多，芝士味都唔算濃，只係覺得白汁好傑同淡…最好食係雞翼，仲係脆同熱既!總括而言，呢個價錢都算值既。但下次會再試下馬鞍山其他西餐廳😂…查看更多

因為星期日要去馬鞍山考試，又有朋友住附近，所以就黎尼度食下野～最初搵餐廳時發現尼間食評好似唔錯，而且我又想食意大利菜，所以就黎尼度試下。去到又係要等位，不過好快就有位～職員比左個自閉位我地，只有一邊椅對住Ｄ餐具，幾有特色呀！我地其實係出面已經心動緊一個餐，諗住睇真Ｄ先叫～但發現個套餐沒有在餐牌上列明，只有在枱既左下方貼在枱面上，這樣令到我地好難選擇。最後影低左再選擇吧～建議老細放番入餐牌中。朋友叫左凍檸茶少冰，的哇個杯其實同杯水一樣大～其實係唔係縮水了？雞翼，尼個幾多好食呀～值得試下。意粉，需要普通，但好好食呀～尼個樣好特別，食落去好脆，而且Ｄ料十足的。整體滿意，食到好飽～X)…查看更多

呢間野長期多人， 成日都勁多人排隊所以都懶得排！難得今日放假，就自己一個去咗食下午茶，閒日果然好d 無咩人! Tea set 要40幾蚊，不過質素一般般，擺碟係幾靚，不過我嫌啲雞翼炸得太犀利，有d 燶，反而薯塊就幾好食！之不過啲服務態度真係麻麻地，落單位阿姐可以全程一粒聲都唔出，收銀個哥哥態度都勁麻麻，唔知係咪平時太多客搞到佢哋個個都做到木無表情！其實我記得以前嚟食過係幾抵食，食物質素又好！但唔知係咪而家太多人搞到質素真係下降左好多！希望今次係個別事件啦！…查看更多

諗住返工前食個靚tea保持心情開朗💃🏻可惜浪費時間破壞心情 4點41分落單 個T7餐5點正都未到BUT IS FINE 絕對體諒假期工作繁忙速度稍慢本人都係服務業小薯一名 都要盡時返工 咪問一問個餐出未 女員工應左我又無追到都唔緊要 絕對體諒工作繁忙再問一名有眼鏡男經理 黑面都唔緊最後5點10分我先同我個餐相遇 即係我等左半個鐘我坐係卡位入面 呢位繁忙男經理就咁放係枱面最外面 都唔緊要既 問呢位男經理要個外賣盒 都唔通知聲要2蚊 我唔係唔願比 係佢無用口話我知並且就咁出過張單丟係我枱面 其實野食不過不失 我都唔係第一次食因為環境算舒服 作為馬鞍山小居民呢間都不失為食tea既選擇可惜員工黑面到一個放棄既態度其實唔想做可以唔好打呢份工 作為客人我亦無必要受你氣 今次用餐既感想係想一巴車落去個男經理到不過作為一個斯文人 我亦會體諒服務業既辛勞 只係同一個價錢我可以食得舒服啲…查看更多

TeaTime☕️前個兩日放假同朋友去行街行到咁上下覺得肚餓就入左去食叫左兩個tea set***[夏威夷至尊薄餅 $58]呢個厚批pizza非常鬆脆🍕散發住淡淡嘅芝士香味🧀配料有火腿煙肉德國腸菠蘿洋蔥用料十足之餘輕輕咬開 仲可以拉到少少絲🙈以咁嘅價錢黎講都算係抵食🤔***[經典鮮茄茸芝士焗豬扒飯 $56]一上枱已經係熱辣辣 仲要岀煙豬扒肉質鮮嫩 但略嫌個汁過於鹹唔係幾啱我呢d食唔慣濃味嘅野菠蘿似係罐頭個d 所以唔算鮮甜…查看更多

今日入馬鞍山食lunch 揀左間環境幾好嘅西餐廳三個人叫左3個set lunch share !! 咖哩滑蛋吉列豬扒飯個滑蛋做得好出色啊咖哩汁都好香濃！松露雜菌焗螺絲粉賣相睇落好啖味咁食落都不過不失最後係鮮茄滑蛋螺絲粉配香脆雞翼4隻雞翼算係咁蕃茄湯好夠味…查看更多

原本以為聖誕會好多人, 呢間平時星期六/日/假期都要排隊的, 今日聖誕竟然唔駛排, 唔知係d人去哂旅行, 出哂九龍定唔鍾意佢set死咗d聖誕餐呢?諗唔到食乜又見佢有卡位, 於是入去坐, 入到阿店長只係叫你坐後面, 之後係完全冇理過我地, 要追佢先比水, 問佢呢樣係乜, 又好似唔多願答你咁樣, 唔知係咪因為聖誕要開工的關係, 心情麻麻? 日本地瓜栗子忌廉湯配意式麵包完全紫到嚇親人, 唔知佢真係用紫薯定加咗色素? 因為唔係好覺有蕃薯味, 只係咬到有少少栗子碎, 成個湯都好creamy, 主要都係飲到忌廉味多~最唔明白點解要叫地瓜? 蕃薯就蕃薯啦~ 香港人係叫開蕃薯, 無啦啦叫地瓜, 我開頭真係諗唔到係乜, 後來記得大陸叫蕃薯做地瓜先知佢係乜~ 所謂意式麵包, 即係牛角包, 個包有輕微返叮過, 所以係暖暖地, 不過又油油地, 因為返叮咗佢d油出嚟~  意大利雜菜湯配意式麵包普通雜菜湯, 唔係好多料, 味道都唔係好濃, 輕微辣~ 脆炸軟殼蟹墨魚汁忌廉意粉一只軟殼蟹放响中間, 冇切開, 係炸得幾脆, 但偏油, 咬只腳都還可以, 但一咬個身, 係有油標出嚟~ 個意粉又煮得淋咗, 唔知係咪佢太多汁, 完全又收唔乾水, 搞到d意粉又濕又淋, 唔係太好食~ 法式龍蝦芝士汁配海鮮軟飯開頭叫之前都驚佢係意大利飯, 因為我同老公都唔鍾意食半生熟飯, 問個店長, 佢淨係答話濕濕地淋淋地果d飯, 我地問係咪意大利飯咁, 佢又重複答濕濕地淋淋地果d意大利飯, 比佢激死, 我都知係淋淋地, menu都講咗係軟飯啦, 但我地想知係咪半生熟果d意大利飯啫, 得唔到結果, 但又對其他選擇冇乜興趣, 於是賭一鋪, 叫嚟試下係龍係鳯~ 唔理佢法唔法式, 其實都係果d汁, 最主要係佢d飯唔係半生熟, 係全熟, 咁都好d, 唔知食到胃痛~ 另外果d海鮮, 有1只青口, 3只蜆仔, 1只魷魚圈, 1只蝦, 1條假蟹柳, 唔知咁樣叫唔叫做豐富呢? 熱朱古力睇d色都知佢濃味, 但估唔到佢真係超濃, 濃到以為係舊朱古力溶咗冇溝水, 已經好耐冇响街飲過咁濃的朱古力, 因為好多都係加咗奶, 變得媃味, 但佢係冇加奶, 完全係淨朱古力粉, 成餐飯最正就係呢杯熱朱古力~估唔到少人到我地食完, 都只係得10枱客唔夠, d侍應得閒到成日企响收銀吹水, 其實佢吹水吹得咁開心, 都唔明點解個服務態度都係麻麻地~…查看更多

約八時多，和朋友點了一份二人套餐。第一道上桌的是野菌湯配牛角包，這碗忌廉湯入口很濃郁很有質感，牛角包也是熱騰騰的。接著來的是小食拼盤 （即芝士肉醬焗薯、炸雞和迷你沙津），食物是即點即製。焗薯做得很美味，而肉醬也不會太酸，身為芝士的大粉絲，則覺得芝士可以下得再重手些。之後來到的有三文魚Pizza和小窩白汁海鮮煮長通粉。後者有一個小火爐慢慢煮熱食物，很精緻。兩樣菜色的味道也尚可。…查看更多

呢度係食tea 好選擇每次同朋友諗唔到食乜都會黎返呢度貪佢多選擇 而且某d 餐一次過滿足幾個願望 例如叫個意粉或通粉 可以配炸薯同沙律朋友叫左肉醬意配炸薯同沙律我就吉列豬扒煎蛋多士配沙律用木板代替舊底既膠盤 感覺即時升呢 而且影相呃like 一流炸薯用小籃子裝起 再加張吸油紙 細緻度滿分而且每件大大舊 熱辣辣 肉醬意 看得到超足料 超多肉醬不過朋友略嫌蕃茄太酸另外講返我呢份沙律略嫌細份左少少 不過味道不錯煎蛋煎到半熟 仲有蛋汁 豬扒超鬆化 炸得恰到好處下面仲有蕃茄同一大塊生菜中和一下美中不足既係 最底塊多士太乾啦而且無搽牛油 問一問侍應 要牛油就加一蚊 …查看更多

與朋友聚舊，想休閒輕鬆暢談一下，嚐試此店，我點了咖央焦糖西多士配雪糕，配熱檸茶。待了一些時間，甜品送來，真的令人眼前一亮，帶有驚喜。這個咖央焦糖西多士配雪糕，外觀精美，那些香脆暖和的焦糖西多士，沾有糖霜、朱古力和吉士醬，與士多啤梨一起吃來，香暖涼軟的口味摻在一起，美味而有特色，值得嚐試、推介和讚賞!在下午茶時間，以三十多元吃到這樣的水準的甜點，真的很實惠。既經濟、亦創新、又豐富，個人認為很有質素，值得讚賞，希望有機會再試其他的。…查看更多