威龍海鮮酒家

方便就腳又可以食到新鮮海鮮鯉魚門一直係我首選朋友推薦到威龍海鮮酒家平日晚上有點遠離繁囂的感覺地膽推介必吃經典前菜：🧡皮蛋子薑蕎頭、拍青瓜點少少糖調和酸味好開胃🧡龍蝦刺身：上枱有驚喜🥳色澤靚、大大隻！食落非常鮮味！大推👍🏻🧡蟶子到：肉質彈牙！一食就知新鮮🧡清蒸石斑：一如期望，好滑🧡🧡🧡芝士龍蝦焗飯：龍蝦伊麵一直係my favourite, 今次試焗飯仲香，係咁添飯，非常滿足😋其他小菜砵酒蠔、咕嚕肉等亦唔錯bor, 夠鑊氣送啤酒一流，最後以水果拼盤作結食完仲八卦咗老闆可以打通房間做公司派對，電視音響設備齊全，喺呢度旺中帶靜chill吓感覺幾舒服…查看更多

It has been long time since last time having seafood at Lei Yue Mun. We came to 威龍海鮮酒家 this time.I think the chef does really good job on cooking all dishes.  All dishes are so fresh and tasty, esp. the port wine oysters and mantis shrimp. The texture and the taste are perfect. We also ordered the abalone there, the taste is very rich. The OZ lobster is super sweet and fresh!! And i like the way they cooked the rice vermicelli, it's so crispy and so nice to eat with the sauce.Price is relatively reasonable.  Also, the staff, Mr Yan is very nice!! Would definitely come back for next family/friends gathering again.…查看更多

有朋友回港聚舊，我們安排左一餐富豐嘅海鮮餐。 通常都會係鯉魚門大家姐果邊買海鮮，再拎去餐廳加工。 鯉魚門 大家姐嘅海鮮真係貨真價實，海鮮大大件，又鮮甜。 我地一共揀左5樣海鮮，包括西澳龍蝦，海螺，蟶子，花斑龍躉，同埋瀨尿蝦。 椒鹽瀨尿蝦啖啖肉又鮮甜，炸得好乾身，椒鹽味剛剛好豉椒炒蟶子蟶子肥美和嫩滑，好出嘅豉椒味同埋夠火喉清炒海螺第一次吃清炒大海螺，難得吃到海螺嘅鮮甜味道龍躉兩吃個人好喜歡吃呢間餐廳煮嘅龍躉兩吃，西芥炒龍躉可以保留魚嘅嫩滑同鮮味，而脆骨龍躉就可以吃到魚嘅香口味道，調味方面做得好好焗芝士龍蝦個人都很喜歡呢間餐廳做嘅芝士焗龍蝦，龍蝦煮得剛好，吃到鮮甜嫩滑，而芝士汁就是比較cream的那一種類…查看更多

好耐冇去鯉魚門食海鮮，今日約埋一班朋友去食，餐廳呢期推出呢個套餐，十分抵食，我地每位食到非常滿足。龍蝦刺身刺身爽口彈牙，味道鮮甜。原味凍食松葉蟹松葉蟹啖啖肉，凍食更加令到蟹味更濃郁鮮甜。清蒸蘇鼠斑魚肉嫩滑，蒸嘅時間剛剛好，薑蔥龍蝦頭爪炸麵將頭先龍蝦刺身頭再用薑蔥煮，完全唔會浪費，龍蝦變得好惹味，炸麵炸到脆卜卜。豉椒炒大蜆完全沒有沙，醬汁味道唔會過鹹。秘製咕嚕肉味道酸甜開胃，食落外脆內多汁。風沙豆腐豆腐外脆內軟，帶有少少麻辣味道，好惹味。麵豉醬唐生菜生菜爽甜，加上麵豉醬鹹鹹香香。一品海鮮湯超級濃郁嘅魚湯，味道鮮甜。皇牌瑤柱蛋白炒飯炒到粒粒分明，好有鑊氣。是日果盤有西瓜，哈密瓜，菠蘿，芒果，水果鮮甜多汁。…查看更多

香港鯉魚門出名食海鮮，今日嚟到《威龍》，好好食餐海鮮，餐廳有房間可以方便大家包廳，有房間落地玻璃望到日落黃昏景，好寫意。龍蝦刺身~龍蝦好新鮮，肉質鮮甜；原味凍食松葉蟹~凍食更能帶出鮮味，蟹肉香甜；清蒸蘇鼠斑~好大條，肥嘟嘟，片片魚肉嫩滑；薑蔥龍蝦頭爪炸麵~炒得特別香口，炸麵十分香脆；豉椒炒大蜆~豉椒味道非常惹味；秘製咕嚕肉~廚師巧手，食到咕嚕肉外層脆卜卜，咕嚕汁酸咪咪好醒胃；風沙豆腐~小小辣，避風塘風味；麵豉醬唐生菜~生菜索滿麵醬汁；皇牌瑤柱蛋白炒飯~真係要讚下呢個炒飯，熱辣辣炒得香噴噴；一品海鮮湯~入口啖啖香濃魚味，正！是日果盤~咁樣食都只係每位收$500，8-12 位，免收加一包茶芥，酒水另計。…查看更多

同事們夾份買六合彩，中咗三獎，大家異口同聲話要食餐好嘅，有人提議去鯉魚門食海鮮，威龍海鮮酒家係同事提出，佢話之前食過，招呼和食物都有水準，一於齊齊去慶祝下！酒樓設有多間貴賓房，玻璃窗外望到海景，環境都唔錯。入座後先送上小食和茶水。經理見我哋人多，介紹話酒樓近期推出左個套餐好抵食，好多食客食過都讚好，大家都話想試吓！龍蝦刺身：餐廳選用澳洲龍蝦，即撈即劏，龍蝦鮮味十足口感有彈性，點少少豉油及wasabi食啱啱好。原味凍食松葉蟹：松葉蟹肉質鮮嫩，味道鮮甜；蟹腳更是啖啖肉，肥美軟嫩，滋味十足。清蒸蘇鼠斑：蘇鼠肉質爽實雪白，魚油豐富，食味甚佳。薑蔥龍蝦頭爪炸麵：用做刺身嘅龍蝦頭爪做成兩食，用薑蔥爆炒龍蝦頭爪，麵條炸至香脆可口，吸收咗龍蝦嘅鮮味，十分美味豉椒炒大蜆：鑊氣夠，鮮甜蜆肉加上惹味的醬汁可算是十分配合。秘製咕嚕肉：是家傳戶曉的廣東菜.味道酸甜,非常醒胃。麵豉醬唐生菜：生菜食得出有鑊氣，而且好爽口，麵豉醬有提鮮作用，能夠突出生菜最原始的鮮味。皇牌瑤柱蛋白炒飯：用蛋白和瑤柱一起炒，感覺較清新不膩，名貴又好味。風沙豆腐：豆腐炸至金黃色再爆炒有點像避風塘煮法，不過廚師就加多咗豆豉去爆炒，令味道更惹味！一品海鮮湯：奶白色的湯夠火候，鮮味十足！是日果盤：份量十足，芒果、蜜瓜、西瓜、菠蘿，每種生果都好新鮮，爽甜美味！…查看更多

每年暑假都會約埋親朋好友圍埋一齊食海鮮餐, 今年再encore鯉魚門「威龍」, 品嚐了呢圍十人份量, 每位HK$500全包嘅海鮮餐 (已包加一, 茶芥), 預先book位, 餐廳間有獨立房間, 提升私隱度。先送上前菜, 皮蛋配砂糖、花生、配青瓜, 食住等上菜。原隻龍蝦刺身: 刺身切得帶點點厚度, 口感超爽口彈牙, 鮮味十足!  原味凍食松葉蟹: 先送上原隻松葉蟹滿足相機食先, 然後侍應在旁協助剪開蟹腳, 方便食用, 夠哂貼心! 蟹肉能被一梳梳撕出, 鮮甜多汁, 蟹身仲有些少甘甜蟹膏。 風沙豆腐: 炸豆腐雖不是香脆炸皮, 但跟避風塘炸蒜炒起, 微辣有香氣, 幾惹味。清蒸蘇鼠斑: 魚肉嫩滑新鮮, 食到魚鮮味。麵豉醬唐生菜: 清甜爽脆生菜配麵豉醬炒, 鹹甜美味。秘製咕嚕肉: 咕嚕肉肉質彈牙, 表面平均被酸甜汁包住, 開胃。 薑蔥龍蝦頭爪炸麵: 炸麵卜卜脆,  薑蔥茨汁偏杰, 唔影響卜卜脆麵口感。豉椒炒大蜆: 蜆冇沙, 炒得有穫氣, 鹹香惹味。皇牌瑤柱蛋白炒飯: 炒得粒粒分明, 很有層次。一品海鮮湯: 奶白色湯底, 魚鮮味重。最後送上是日果盤。…查看更多

入左去坐低之後，介紹我地去對面既海鮮檔揀海鮮，揀左花竹蝦、蟶子、鮑魚、花甲、象拔蚌、墨魚、屋企人想食石頭魚，佢幫我地出去搵，再追加左桶蠔，所有海鮮加埋差唔多3千幾，因為石頭魚比較貴。最後決定象拔蚌刺身，炒花竹蝦、薑蔥鮑魚同桶蠔、油泡墨魚、蒜蓉蒸蟶子、油鹽水花甲、清蒸石頭魚同清炒生菜。蠔就細隻左啲，其他餸都烹調得好好，唔會過分重味，調味剛剛好，唔會蓋哂海鮮原本既味道。最尾埋單4千蚊左右，呢間海鮮酒家上菜好快，而且員工不斷幫手換碟，執野，而且好有禮貌。食飽仲有每位半隻木瓜同芒果，下次再黎鯉魚門都會再黎呢間酒家。…查看更多

威龍海鮮酒家 (鯉魚門)鯉魚門海傍道中17號✿✿✿✿✿✿✿✿✿✿✿✿✿✿✿✿✿✿✿✿✿✿✿✿真係好耐冇去個啲公司飯局啦⋯⋯其實都唔係好鍾意去呢啲場合架。我哋呢啲做細都係去到食。飲。微笑😊梗係啲高層識人所以先食到啲靚海鮮啦⋯⋯😋😋😋😋😋😋😋😋沙參玉竹響螺鮑魚湯白灼海鮮蝦蒜蓉粉絲蒸貴妃蚌避風塘瀨尿蝦蒜蓉炒菜心蒸大魚辣酒煮東風螺上湯伊麵龍蝦白灼鮮魷「配蝦醬」新鮮木瓜芒果甜品😋😋😋😋😋😋😋😋總結🤓食物質素好有水準，啲海鮮都真係幾新鮮，不過附近嗰幾間房就嘈啲。…查看更多

通關後再入鯉魚門食海鮮、明顯冇之前咁正～不過都仲係好好食嘅😋😋😋。每次入鯉魚門都會幫襯街口間宏利買海鮮、有雯姐安排打點特別放心👍🏻👍🏻👍🏻。上湯焗龍蝦最怕跟伊麵底、成pat 嘢痴埋一齊😥 之前試過配煎米粉底好好食、今次又試吓配脆麵底即係肉絲炒麵嘅麵底、口感鬆脆佔上龍蝦湯汁好好味🤤 非常推薦👍🏻👍🏻👍🏻。另外、今期奄仔蟹好靚隻隻爆膏、用油鹽焗甘香可口又惹味😋😋😋 都係是日推介 👍🏻👍🏻👍🏻。海鮮大餐$600/位(全包)小食：皮蛋酸薑 🥚、涼拌青瓜 🥒。南澳大龍蝦配脆麵底 🦞。爆膏油鹽焗本灣奄仔蟹 🦀。豉椒炒蟶子皇。薑蔥鮑魚煲。酥炸生蠔 🦪。蒜蓉粉絲蒸貴妃蚌。椒盬豆腐。上湯浸時菜。海鮮豆腐湯。水果盤：芒果木瓜…查看更多

。O小姐。海鮮宴。日常。好耐好耐冇去過鯉魚門，難得今次朋友call晒我哋去，仲要話有一間係服務好、又好味嘅餐廳，咁我哋梗係去會一會佢啦！地鐵去到油塘站，跟住再轉乘小巴入到去鯉魚門！ 趁仲未太多遊客嘅時候，我哋可以唔限時坐喺度傾偈、食嘢！🫶🏻第一次幫襯，老闆已經送左支酒飲、一開始先嚟前菜同埋象拔蚌刺身 - 好新鮮喎！！之後就上咗超級大隻嘅蒜蓉蒸帶子、仲有啖啖肉嘅鮑魚、我哋仲叫咗個炒米粉佢係咪粉餅嚟，煙煙韌韌，好似兩面黃咁。 值得一讚出色嘅超級多芝士嘅焗龍蝦！啖啖都係芝士，龍蝦肉仲要係好多！ 冇呃秤㗎！食咗咁多好嘢，咁最尾梗係要炒返個青菜清吓腸胃啦🙈最尾仲有芒果送添😳仲要開埋花咁靚嘅🌸老闆話，下次如果想再嚟，可以WhatsApp佢😎咁嘅服務態度，咪會令人哋有興趣再去囉😉🫶🏻🫶🏻🫶🏻…查看更多

太好啦約齊人今日去咗鯉魚門食海鮮餐。一早寫好菜單，自選想食嘅海鮮就有專人設計好菜單，有晒預算😃今晚最正嘅係爆曬蟹膏嘅「油鹽焗奄仔蟹」🦀🦀，蟹好有份量，好大隻，結合咗肉蟹同膏蟹，有肉又爆蟹膏😍👍🏻 好肯定自己喺民間嘅街市係唔容易買到。今晚嘅酥炸生蠔都係超水準👍🏻，香口美味又保留蠔肉鮮味同十分juicy😋🌟風沙豆腐：避風塘嘅做法衆人佳愛。豆腐本身外皮炸得脆。大量嘅炸蒜味道超正超香！😋「美極鮮鮑魚」都有驚喜。鮑魚蒸到啱啱熟容易咬開。有輕微嘅醬油香帶少少鹹，可以食到鮑魚本身嘅鮮味！前菜酸薑皮蛋難得有點懷舊，皮蛋流心相當美味！仲有大大粒嘅蕎頭已經很久沒有吃過～環境非常舒服，有獨立廂房仲可以望到海景😍原來中午亦可以提供每位計嘅海鮮餐，都係自定budget 有廚師發板，菜單當然都會俾你過目。…查看更多

同事生日諗住食海鮮慶祝，今次唔去西貢入鯉魚門，我哋去咗|「威龍海鮮酒家」餐房整體光猛乾淨，仲有多間獨立包房最啱一家人或者一班朋友一齊聚餐！白灼海蝦蝦肉爽脆鮮甜鹽燒鮑魚咬落鮮甜彈牙帶有小小鹽咸味！豉汁炒蟶子好惹味，蟶子爽脆加上煎脆米餅更加好食！油鹽奄仔蟹大隻又多膏，蟹膏甘香蟹肉鮮嫩，正！酥炸生蠔炸非常香脆，脆漿薄內裏生蠔保持到嫩滑👍👍👍👍👍麵醬生菜🥬生菜爽脆帶麵醬香味！招牌炒飯有蝦、叉燒，炒得好乾身！當日重有生果盤送！…查看更多

將軍澳人多數入西貢食海鮮，今次轉一轉陣去鯉魚門近油塘仲方便滙合各方好友。好耐冇去鯉魚門這條海鮮街，環境同店舖都冇大改變，今晚搵返曾經光顧過嘅「威龍海鮮酒家」，之前一日寫好菜單去到就唔使再研究食乜～坐低就可以開餐😋 難得約齊人梗係把握時間雞啄唔斷。餐廳有兩層，同時打對面鋪。每層內有幾間獨立房間，亦可以打通。早少少訂位就留咗依間有超正海景嘅獨立房，自成一角，仲可以欣賞有漁村風貌的日落景緻😍  前菜有酸薑皮蛋，酸蕎頭。傳統食法，皮蛋可以蘸砂糖～皮蛋本身好大隻，糖心軟滑，配合大大粒嘅蕎頭或酸薑，絕對能夠打開胃口。另有青瓜條，爽脆清甜，醬汁微辣酸酸地十分醒胃。白灼海鮮蝦🦐🦐海蝦大細適中，蒸得啱啱好肉質嫩👍🏻。外殼比較硬和乾身就知道唔係養嘅蝦，蝦味特別鮮甜！好有heart每位都提供一小碟秘製香蔥醬油。風沙豆腐爆香嘅炸蒜香氣撲鼻非常吸引，避風塘嘅做法十分惹味。豆腐酥炸外皮夠脆，一啲都唔油膩，炸豆腐呈淺金黃色，充滿蒜香，配合啤酒🍻爽到不得了！豉椒蟶子伴煎米粉火候掌握得啱啱好，蟶子肉質超爽嫩，豉椒汁唔會太鹹，旁邊的煎米粉外脆內軟，沾上豉椒汁同吃味道超正！美極煎鮑魚賣相比清蒸更為普通，殊不知味道相當吸引，😍帶點美極醬油香味，但又不會蓋過本身嘅鮮甜，鮑魚仲有少少溏心，肉質柔軟，令人一吃愛上😋👍🏻酥炸生蠔🦪正宗嘅高質酥炸，一口咬落外皮勁鬆脆，乾身唔油膩，炸漿夠薄油溫控制得好先可以👍🏻😋 生蠔大隻又鮮味，就連平常不吃蠔的朋友都大讚好味😋油鹽焗奄仔蟹🦀🦀上枱嘅時候眾人都嘩然~ 超大隻嘅奄仔蟹🦀。唔係誇張好聚手好重，放喺隻碗到都翻側了幾次😆蟹膏和蟹肉塞滿成隻蟹，每人半隻感覺相當充實，分量十足！蟹膏幼滑甘香，原隻油鹽焗嘅做法最原汁原味，又可以保留香滑嘅蟹膏。當然依家係當造季節更加啱時候食😋😋今晚超有口福！麵醬唐生菜🥬麵醬味道調校得啱啱好，唔會好鹹有豆香。令平平無奇嘅唐生菜大受歡迎，比普通用蒜蓉炒更為出色！生炒排骨外皮咬落鬆化，排骨有點偏肥，肉和骨比例較少。甜酸汁味道標準，不過不失。招牌炒飯足八人份量，炒得乾身唔油膩，有叉燒粒，蝦和菜梗粒，蛋香蔥香兼備👍🏻好味道!最後送上果盤😍，有香甜嘅木瓜，西瓜🍉和哈密瓜，哈密瓜勁爽脆。😋一行八人食得好開心，海鮮美味兼有靚海景相伴。價錢每位$600 已包茶芥及加一，親友聚會，設宴請客都夠晒滿足👍🏻😋天台範圍仲可以海鮮BBQ，都係客人自訂budget 幫你設計餐單，價錢豐儉由人。…查看更多

大家講開食海鮮，齊齊諗到香港鯉魚門，海鮮出名又多又新鮮，朋友介紹《威龍》，呢度地方都幾大，有唔少獨立房間，自己人可以暢懷大吃大喝，不設最低消費，今日好好彩，安排咗嘅房間可以睇到日落海景。餐前小吃有酸薑、蕎頭及皮蛋，皮蛋記得加少少砂糖，特別美味，仲有爽脆辣味青瓜醒醒胃。白灼海鮮蝦~好新鮮，好薄殼，蝦肉鮮甜，沾少少辣椒芫荽蔥甜豉油更覺鮮味。鼓椒蟶子配煎米粉底~蟶子新鮮爽口彈牙，炒嘅時間啱啱好，好少食到煎米粉底，索曬啲豉汁好惹味。鹽燒鮑魚~鹽燒味道唔會太鹹，鮑魚大大隻，熟嘅程度剛剛好，咬落爽口好鮮味。酥炸生蠔~雖然炸漿比較厚，酥炸就係要品嚐埋炸漿外皮嘅香脆，非常可口，生蠔好大隻，每人有兩件。油鹽焗奄仔蟹~嘩嘩嘩！每隻蟹都充滿蟹肉蟹膏，十分充實，整隻奄仔蟹油爆後再用油鹽薑蔥焗，夠曬入味，不得了！蟹膏濃香味道超正！絲絲蟹肉嫩滑無比！奄仔蟹就係蟹蓋內多一層肉，要趁啱季節食，啲蟹就更加肥美。風沙豆腐~即係避風塘炒法，配合大量炸蒜，呢個加咗豆豉更加香口，特別濃味，豆腐熱辣辣好滑。生炒排骨~味道調教得唔錯，排骨肉比較肥。麵醬唐生菜~生菜爽淋，麵醬汁甜甜地，加入薑絲，唔錯。招牌炒飯~廚師要記一功，炒飯粒粒跳，一啲都唔肥膩，材料豐富，蝦仁、叉燒等等，食到尾聲，大家都爭住添飯。…查看更多